ខេត្តសៀមរាប៖មនុស្សចំនួន៥ នាក់ក្នុងនោះអ្នកសារព័ត៌មានពីរនាក់ផងដែរ ត្រូវបានចាប់ខ្លួនពាក់ព័ន្ធករណីលួចរថយន្ត១គ្រឿង។
ប្រភពបានដឹងថា សង្ស័យទាំង៥នាក់ ត្រូវបានចៅក្រមនៃសាលាដំបូងខេត្តសៀមរាប បានចេញដីកាឃុំខ្លួនហើយនៅល្ងាចថ្ងៃនេះ។
ករណីអំពេីលួចរថយន្ត បានកើតឡើងនៅពីថ្ងៃទី០៣ ខែកក្កដា ឆ្នាំ២០២២ ម៉ោង១៤ និង៣០នាទី នៅចំណុចយានដ្ឋាន ភី អ វ៉ាយ គ្លូប៊ល ឯ.ក ភូមិធ្លកអណ្តូង សង្កាត់ស្លក្រាម ក្រុង/ខេត្តសៀមរាប។
ប្រភពបានបន្តថា កាលពីថ្ងៃទី០៣ ខែកក្កដា ឆ្នាំ២០២២ បានទទួលពាក្យបណ្តឹងពីឈ្មោះ ឆេម សុគង់ ភេទប្រុស ករណីបាត់ឡាន (យកឡានទៅទុកអោយធ្វេី ហេីយជាងលួចយកទៅបាត់)។ ក្រោយពីទទួលបានពាក្យបណ្តឹង កម្លាំងនគរបាលបានធ្វេីការស្រាវជ្រាវ ដោយបានសហការណ៍ជាមួយនគរបាលខេត្តកំពង់ចាម ធ្វេីការនាំខ្លួនមនុស្ស ចំនួន៥នាក់ មកធ្វេីការសាកសួរ។
ជនសង្ស័យទី០១ ឈ្មោះ ហេង សុភ័ក្រ ភេទ ប្រុសអាយុ ៣១ឆ្នាំ ទីលំនៅភូមិបឹងកុក១ សង្កាត់បឹងកុក ក្រុង/ខេត្តកំពង់ចាម បានប្រាប់សមត្ថកិច្ចថា រូបគាត់ជាជាងឡាន ផ្នែកភ្លេីង ហេីយកាលពីថ្ងៃទី០១ ខែកក្កដា ឆ្នាំ២០២២ ម្ចាស់យាដ្ឋាន ភី អ វ៉ាយ បានទាក់ទងអោយរូបគាត់ មកធ្វេីការនៅយានដ្ឋាននៅសៀមរាប លុះធ្វេីការដល់ថ្ងៃទី០៣ ខែឆ្នាំ ដដែល រូបគាត់បានធ្វេីសកម្មភាព បេីកឡាន១គ្រឿង ម៉ាក FORD ដែលជាឡានភ្ញៀវយកមកទុកអោយធ្វេី ចេញពីយានដ្ឋានយកទៅលក់។ ដោយបន្ទាប់ពីយកឡានបានភ្លាមៗរូបគាត់បានទាក់ទងទៅឈ្មោះ សាន់ ភេទ ប្រុស ប្រាប់ថា មានឡាន១គ្រឿងគ្មាន ពន្ធនាំចូល កែចង្កូតពីស្តាំទៅឆ្វេង ត្រូវការលក់បន្ទាន់តម្លៃធូថ្លៃ ជួយរកអ្នកទិញផង។
ទី២ ឈ្មោះ ប៉ូលី សានសាន់ ភេទ ប្រុស អាយុ ៣១ឆ្នាំ ទីលំនៅ ភូមិបឹងកុក១ សង្កាត់បឹងកុក ក្រុង/ខេត្តកំពង់ចាម។
ទី៣ ឈ្មោះ ណោ ឈាងបួយ ភេទ ប្រុស អាយុ ៣៤ឆ្នាំ ទីលំនៅ ភូមិឡឥដ្ឋ សង្កាត់បឹងកុក ក្រុងខេត្តកំពង់ចាម។
ទី០៤ ឈ្មោះ ផន កក្កដា ភេទ ប្រុស អាយុ ២៨ឆ្នាំមុខរបរសារព័ត៌មានBDN.TV ទីលំនៅភូមិខ្លោច ឃុំអូរអង្គុំ ស្រុកឱរ៉ាល់ ខេត្តកំពង់ស្ពឺ។
ទី០៥ ឈ្មោះ ផន វាសនា ភេទ ប្រុស អាយុ ៣៩ឆ្នាំមុខរបរ សារព័ត៌មាន (បន្ទាយស្រី) ទីលំនៅភូមិខ្លោច ឃុំអូរអង្គុំ ស្រុកឱរ៉ាល់ ខេត្តកំពង់ស្ពឺ។
បើតាមប្រភពបានបញ្ជាក់ថាករណីលួចរថយន្តនេះ គឺជនសង្ស័យមានការទំនាក់ទំនងគ្នា ពីមួយទៅមួយ លក្ខណៈដើម្បីបានផលចំណេញ។
ប្រភពបញ្ជាក់បន្ថែមថាចំពោះអ្នកទិញ ឈ្មោះ ឡាំ ហេន ភេទ ប្រុស អាយុ ៤២ឆ្នាំទីលំនៅផ្លូវ២៧១ សង្កាត់អូរបែកក្អម ខណ្ឌទួកគោល រាជធានីភ្នំពេញ បានគេចខ្លួនសមត្ថកិច្ច តាមចាប់ខ្លួន ចំណែកវត្ថុតាង រថយន្តត្រូវបានរកឃើញមកវិញផងដែរ។
សូមជម្រាបថា ការចាប់ខ្លួនដោយនគរបាលព្រហ្មទណ្ឌកម្រិតស្រាល ស្នងការនគរបាលខេត្តសៀមរាប សហការជាមួយនគរបាលខេត្តកំពង់ចាម រាជធានីភ្នំពេញនិងខេត្តព្រៃវែង ធ្វើឡើង នៅថ្ងៃបន្តបន្ទាប់ក្រោយពីមានពាក្យបណ្ដឹង។
សូមបញ្ជាក់ផងដែរថា ប្រតិបត្តិការទទួលបានជោគជ័យនេះតាមការបញ្ជារបស់លោកតេង ច័ន្ទណាត ស្នងការនគរបាលខេត្តសៀមរាប ក្រោមការចង្អុលបង្ហាញ ពីលោកភឹង ចិន្តារ៉េត ស្នងការរងទទួលផែនព្រហ្មទណ្ឌ រួមជាមួយលោក អ៊ុំចំរើន ស្នងការរងទទួលជំនួយការព្រហ្មទណ្ឌកម្រិតស្រាល៕SRP
ភ្នំពេញ៖សម្ដេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជានៅព្រឹកថ្ងៃទី៩ ខែកក្កដា ឆ្នាំ២០២២ នេះ បានថ្លែងសារពិសេស និងប្រកាសចូលរួមកាន់ទុក្ខ ទូទាំងប្រទេស នៅថ្ងៃទី១០ ខែកក្កដា ឆ្នាំ២០២២ ចំពោះមរណភាព ឯកឧត្តម អាបេ ស៊ីនហ្សូ អតីតនាយករដ្ឋមន្ត្រីជប៉ុន។
