ខេត្តកំពង់ចាម៖គណៈប្រតិភូសមាជិកព្រឹទ្ធសភា ប្រចាំភូមិភាគ២ ដឹកនាំដោយលោក អ៊ុក ប៊ុនឈឿន​ នៅព្រឹកថ្ងៃទី៩ ខែមិថុនា នេះ បាន​នាំយកអំណោយ​ផ្តល់​ជូន​​គណកម្មការ​ប្រយុទ្ធ​ប្រឆាំង​នឹង​ជំងឺ​កូវីដ​-១៩​ ខេត្តកំពង់ចាម​ តាម​រយៈ​លោក ខ្លូត​ ផន​ ប្រធាន​ក្រុមប្រឹក្សា​ខេត្តកំពង់ចាម​។

ឆ្លៀត​ក្នុង​ឱកាសនោះដែរ​ លោក ខ្លូត​ ផន​
បានថ្លែងអំណរគុណយ៉ាងជ្រាលជ្រៅចំពោះ សមាជិក ព្រឹទ្ធសភាប្រចាំភូមិភាគ២​ ដែលបាននាំយក​នូវអំណោយ​រួមមាន​ មី​ ចំនួន​១០០កេស​ ទឹកបរិសុទ្ធ​ ​១០០កេស​ ត្រីខ​ ១០០យួរ​ ទឹកស៊ីអ៊ីវ​ ១០០យួរ​ និង​ទឹកត្រី​ ១០០យួរ​ ​ប្រគល់​ជូន​គណៈកម្មការ​​ប្រយុទ្ធ​ប្រឆាំង​នឹង​ជំងឺ​កូវីដ​-១៩​ ខេត្តកំពង់ចាម​ សម្រាប់​យកទៅប្រេីប្រាស់​ជាប្រយោជន៍ក្នុង​យុទ្ធនាការ​នានា​ ដើម្បី​​ប្រយុទ្ធ​ប្រឆាំង​នឹង​ជំងឺ​ឆ្លង​រាតត្បាត​ដ៏​កាច​សាហាវ​នេះ​៕SRP

ភ្នំពេញ៖រដ្ឋមន្ត្រីក្រសួងមហាផ្ទៃ សម្ដេច ស ខេង បានបង្ហាញលទ្ធផល ការដោះស្រាយមតិ ក្នុងទំព័រហ្វេសប៊ុក។

សម្ដេចស ខេង បានបង្ហាញថា ខ្ញុំសូមជម្រាបជូននូវលទ្ធផលការងារក្នុងខែឧសភា ឆ្នាំ២០២១ របស់ក្រុមការងារតាមដានអំពីការដោះស្រាយចំពោះមតិយោបល់ ឬសំណូមពររបស់បងប្អូនប្រជាពលរដ្ឋ នៅក្នុងទំព័រហ្វេសប៊ុករបស់ខ្ញុំ។

លទ្ធផលការងារដូចមានក្នុងរបាយការណ៍ខាងក្រោមនេះ បានកើតចេញពីកិច្ចខិតខំប្រឹងប្រែង និងកិច្ចសហការគ្នាល្អរវាងថ្នាក់ដឹកនាំ និងមន្ត្រីអង្គភាពចំណុះក្រសួងមហាផ្ទៃ ស្ថាប័នពាក់ព័ន្ធនៅថ្នាក់ជាតិ និងថ្នាក់ក្រោមជាតិ ជាមួយក្រុមការងារគេហំព័រហ្វេសប៊ុករបស់ខ្ញុំ ទោះជាត្រូវជួបការលំបាកក្នុងអំឡុងពេលនៃការរីករាលដាលជំងឺកូវីដ-១៩ក៏ដោយ។

ខ្ញុំក៏សូមថ្លែងអំណរគុណបងប្អូនជនរួមជាតិដែលបានលើកមតិយោបល់ និងសំណូមពរ តាមរយៈទំព័រហ្វេសប៊ុករបស់ខ្ញុំដើម្បីរួមគ្នាដោះស្រាយបញ្ហា និងអភិវឌ្ឍន៍សង្គមជាតិ ហើយក៏សូមការយល់យោគអធ្យាស្រ័យចំពោះករណីមួយចំនួនទៀតដែលមិនទាន់បានដោះស្រាយ អាស្រ័យលើករណីខ្លះទាមទារពេលវេលា និងធ្វើទៅតាមនីតិវិធី៕SRP

ខេត្តសៀមរាប៖សេចក្តីប្រកាសព័ត៌មានអំពីលទ្ធផលនៃទស្សនកិច្ចការងាររបស់ លោកឧបនាយករដ្ឋមន្រ្តី ប្រាក់ សុខុន រដ្ឋមន្រ្តីការបរទេស និងសហប្រតិបត្តិការអន្តរជាតិ នៅក្នុងទីក្រុងឆុងឈីង សាធារណរដ្ឋប្រជាមានិតចិន នៅថ្ងៃទី ០៧-០៨ ខែមិថុនា ឆ្នាំ២០២១៕SRP

ខេត្តសៀមរាប៖រដ្ឋមន្រ្តីការបរទេសកម្ពុជា លោកប្រាក់ សុខុន និងរដ្ឋមន្ត្រីការបរទេសចិន លោក វ៉ាង យី នៅថ្ងៃទី៨ ខែមិថុនា ឆ្នាំ ២០២១បានអញ្ជើញចូលរួមជាសក្ខីភាពក្នុងការចុះហត្ថលេខាលើឯកសារកិច្ចសហប្រតិបត្តិការសំខាន់ចំនួន២ រួមមាន៖

១.គម្រោងកម្មវិធីស្តីពីកិច្ចសហប្រតិបត្តិការលើវិស័យវប្បធម៌ រវាងក្រសួងវប្បធម៌ និងទេសចរណ៍ចិន និងក្រសួងវប្បធម៌និងវិចិត្រសិល្បៈកម្ពុជា សម្រាប់ឆ្នាំ២០២១-២០២៥។ ឯកសារខាងលើនេះបានរៀបចំផែនការយ៉ាងលម្អិតសម្រាប់កិច្ចសហប្រតិបត្តិការវិស័យវប្បធម៌ក្នុងរយៈពេលប៉ុន្មានឆ្នាំខាងមុខនេះ។

២.អនុស្សារណៈយោគយល់គ្នាស្តីពីកិច្ចសហប្រតិបត្តិការលើវិស័យទូរគមនាគមន៍ ព័ត៌មាន និងបច្ចេកវិទ្យាទំនាក់ទំនង រវាងក្រសួងឧស្សាហកម្មនិងព័ត៌មានវិទ្យាចិន និងក្រសួងប្រៃសណីយ៍និងទូរគមនាគមន៍កម្ពុជា។ ភាគីទាំងពីរបានឯកភាពរួមគ្នាក្នុងការដោះស្រាយហានិភ័យនិងបញ្ហាប្រឈមនៃបណ្តាញអ៉ិនធើណេតនិងសន្តិសុខទិន្នន័យ។ ភាគីកម្ពុជាបានបញ្ជាក់សាជាថ្មីនូវការគាំទ្រគំនិតផ្តួចផ្តើមសន្តិសុខទិន្នន័យសកល។
ការចុះហត្ថលេខាលើឯកសារខាងលើ បានបញ្ជាក់ឱ្យឃើញពីវឌ្ឍនភាពសំខាន់និងថ្មីៗដែលទទួលបានក្នុងកិច្ចកសាងសហគមន៍ជោគវាសនារួមរវាងប្រទេសទាំងពីរ៕SRP

ខេត្តសៀមរាប៖សមត្ថកិច្ចខេត្តសៀមរាប បានប្រទះឃើញម៉ូតូចំនួន៣គ្រឿងនៅក្នុងបន្ទប់ជួល សង្ស័យពាក់ព័ន្ធនិងអំពើលួច។

ការឃើញនេះនៅថ្ងៃទី៧ ខែមិថុនា​ ឆ្នាំ​២០២១​ នៅចំណុចផ្ទះជួល ស្ថិតនៅភូមិខ្នារ សង្កាត់ជ្រាវ ក្រុងសៀមរាប ខេត្តសៀមរាប។

សមត្ថកិច្ចបានឲ្យដឹងថាម្ចាស់ផ្ទះដែលមានបន្ទប់ជួល មានឈ្មោះ ស៊ិន សុផាត ភេទប្រុស អាយុ៣៥ឆ្នាំរស់នៅភូមិខ្នារសង្កាត់ជ្រាវ ក្រុងសៀមរាប ខេត្តសៀមរាប។

ចំពោះជនសង្ស័យដែលបានជួលបន្ទប់ខាងលើមានឈ្មោះ វ៉ាន់ វាសនា ភេទ ប្រុស អាយុ២៧ឆ្នាំទីលំនៅបច្ចុប្បន្នភូមិល្វា ឃុំកំពង់ឬស្សីស្រុកពោទិ៍រៀង ខេត្តព្រៃវែង  (រត់គេចខ្លួនបាត់)។

ម៉ូតូចំនួន០៣គ្រឿង:
១/ .ម៉ូតូម៉ាកហុងដាពណ៌ខ្មៅ C១២៥ ផ្លាក់លេខ ភ្នំពេញ:១FX:៥១៥៤ សេរីឆ្នាំ ០១៦ លេខតួលេខម៉ាស៊ីន៩១៥៤១១០
២/ .ម៉ូតូម៉ាក់ហុងដាពណ៌ខ្មៅ C១២៥ ផ្លាក់លេខ សៀមរាប:១T:៥០៥៩ សេរីឆ្នាំ០១៤ លេខតួ/លេខម៉ាស៊ីន ៩៦៣៧១៤០
៣/ .ម៉ូតូម៉ាក់ហុងដាពណ៌ខ្មៅ C១២៥ ផ្លាក់លេខ សៀមរាប :១N:៣៤១៤ សេរីឆ្នាំ0១៣។
សមត្ថកិច្ចបញ្ជាក់ថាចំពោះជនសង្ស័យម្នាក់ពេលសមត្តកិច្ចមូលដ្ឋានចុះដល់បន្ទប់ជួលខាងលើបានរត់គេចខ្លួនបាត់។

តាមការសាកសួរម្ចាស់ផ្ទះជួល បានបញ្ចាក់ប្រាប់សមត្តកិច្ចថាឈ្មោះ វ៉ាន វាសនា ភេទប្រុសអាយុ២៧ឆ្នាំ មានមុខរបរជាអ្នករត់តាក់ស៊ី បានមកជួលបន្ទប់ស្នាក់នៅចាប់ពីថ្ងៃទី២៧ខែឧសភាឆ្នាំ២០២១ មកដល់ពេលនេះ ។
ចំពោះម៉ូតូទាំង៣គ្រឿង ត្រូវបានយកទៅរក្សាទុកនៅប៉ុស្តិ៍រដ្ឋបាលសង្កាត់ជ្រាវ ក្រុងសៀមរាប ដើម្បីស្រាវជ្រាវរកម្ចាស់ម៉ូតូ៕SRP

ខេត្តកំពង់ចាម៖សប្បុរសជន រួមនឹងព្រះសង្ឃ បាននាំយកអំណោយ ផ្ដល់ជូន គណៈកម្មការ ប្រយុទ្ធ ប្រឆាំង នឹង ជំងឺ កូវីដ -១៩ ក្រោម ការ ស្វាគមន៍ របស់ លោក អ៊ុន ចាន់ដា អភិបាលខេត្តកំពង់ចាម ។

ពិធី នេះ បាន ធ្វេីឡេីង នាព្រឹក ថ្ងៃទី ៨ ខែមិថុនា ឆ្នាំ ២០២១ នៅ សាលា ខេត្ត កំពង់ចាម ។

លោក អ៊ុន ចាន់ដា អភិបាលខេត្តកំពង់ចាម និងជាប្រធានគណៈកម្មការខេត្ត ប្រយុទ្ធប្រឆាំងជំងឺកូវីដ១៩ សូមថ្លែងអំណរគុណយ៉ាងជ្រាលជ្រៅដល់ សប្បុរសជនទាំងអស់ជាពិសេស គណៈសង្ឃក្នុងខេត្តកំពង់ចាម ដែលបាន ផ្ដល់អំណោយដ៏ថ្លៃថ្លា ឲ្យមកគណៈកម្មការប្រយុទ្ធប្រឆាំងជំងឺកូវីដ១៩ ខេត្តកំពង់ចាម នាពេលនេះ ពិតជាមានសារៈសំខាន់ ស្របពេលដែលខេត្ដកំពុងប្រឈមមុខនឹងជំងឺកូវីដ-១៩។

គួរ បញ្ជាក់ ថា អំណោយទាំងអស់ ដែលបានផ្ដល់ជូនគណកម្មការខេត្ត ប្រយុទ្ធប្រឆាំងនឹងជំងឺកូវីដ-១៩ ក្នុងនោះចំពោះព្រះសង្ឃ ក្នុងខេត្តកំពង់ចាម បានផ្កល់ ទឹកបរិសុទ្ធ ២.៩០០ យួរ មី ១០កេស ។ ចំណែកសប្បុរសជនផ្សេងៗទៀត បាន ផ្កល់ ជូនមានដូចជា ទឹកបរិសុទ្ធ ១០០ យួរ ទឹកក្រូច ៣កេះ ទឹកវីតាល់ ៣កេស ថវិកា ៣.៥០០.០០០ រៀល អាវយឺត ១៥០ និង ម៉ាស ២.៥០០ ម៉ាស ផងដែរ ៕SRP

ខេត្តកំពង់ចាម ៖គម្រោង មូលនិធិ ឃុំ -សង្កាត់ ឆ្នាំ ២០២១ របស់ គណៈកម្មការ ជាតិ សម្រាប់ ការអភិវឌ្ឍន៍ តាម បែប ប្រជាធិបតេយ្យ នៅ ថ្នាក់ ក្រោម ជាតិ ចំនួន៥គម្រោង របស់ ស្រុក កងមាស ត្រូវ បាន ដាក់ឲ្យ ដេញ ថ្លៃ ដេីម្បី អនុវត្ត ការ ងារ សាងសង់ នាព្រឹក ថ្ងៃ ទី ៨ ខែមិថុនា ឆ្នាំ ២០២១ នៅ សាលា ស្រុក កងមាស ក្រោម វត្តមាន លោក ឡី មិច នាយក រង រដ្ឋបាល សាលា ខេត្ត កំពង់ចាម លោក ភោគ សាវុធ អភិបាល ស្រុក កងមាស និង លោក ពោយ សុខជា នាយក រង ទីចាត់ការ ផែនការ និង វិនិយោគ ខេត្ត ដោយ មានការ ចូលរួម ពី គណៈកម្មការ លទ្ធកម្ម ក្រុមការងារ សម្របសម្រួល ខេត្ត និង ស្រុក ព្រមទាំង តំណាង ក្រុម ហ៊ុន ទទួល ការ ជា ច្រើន រូប ផង ដែរ ។

លោក ភោគ សាវុធ អភិបាល ស្រុក កងមាស បាន លេីកឡេីងថា ទោះ ស្ថិត ក្នុង បរិបទ កូវីដ-១៩ ស្រុកកងមាស នៅតែ បន្ត ធ្វើការ អភិវឌ្ឍន៍ ជាក់ស្ដែង ថ្ងៃ នេះ គម្រោង មូលនិធិ ឃុំ ចំនួន ៥គម្រោង ត្រូវ បាន ដាក់ ឲ្យ ដេញ ថ្លៃ ដើម្បី អនុវត្ត ការងារ សាងសង់ ក្នុង នោះ មាន ៖

១-ឃុំ កងតាណឹង សាងសង់ផ្លូវបេតុងអាមេ ប្រវែង ០.២០០ គ.ម ទទឹង៧ម កម្រាស់០.១៥មនៅភូមិកងតាណឹងទី៩ ។

២-ឃុំ ពាមជីកង សាងសង់ផ្លូវបេតុងអាមេ ប្រវែង ០.២៥០ គ.ម ទទឹង៥ម កម្រាស់០.១៥ ម នៅភូមិសំបួរមាស(ខ) ។

៣-ឃុំ រកា អារ សាងសង់ផ្លូវបេតុងអាមេ ប្រវែង ០.៤២៥ គ.ម ទទឹង ៤ម កម្រាស់០.១៥ម នៅភូមិព្រែកលីវទី៣,ព្រែកលីវទី១ ។

៤-ឃុំ សូគង ជួសជុលផ្លូវក្រាលកំទេចថ្ម ប្រវែង ២.៧៥គ.ម ទទឹង ៥ មែត្រ នៅភូមិបឹងត្រាវ ។

៥-ឃុំ ស្តៅ សាងសង់ផ្លូបបេតុងអាមេ ប្រវែង ០.៣០០ គ.ម ទទឹង៤ម នៅភូមិល្វាលើ ។

ជាមួយគ្នា នោះ លោក ឡី មិច នាយក រង រដ្ឋបាល ខេត្ត បាន សំណូមពរ ដល់ បងប្អូន ជា អ្នក ទទួល ការ ទាំងអស់ ឲ្យ ចូលរួម ជាមួយ អាជ្ញាធរ ដេីម្បី បង្ការ ទប់ស្កាត់ ការ ឆ្លង រីករាល ដាល នៃ ជំងឺ កូវីដ -១៩ ព្រមទាំង ថ្លែង អំណរគុណ ចំពោះអាជ្ញាធរ ស្រុកកងមាស ដែល បាន រៀបចំ ការ ដេញ ថ្លៃ នេះ ឲ្យ មាន សណ្ដាប់ ធ្នាប់ និង របៀបរៀបរយ ផងដែរ៕SRP

ភ្នំពេញ៖សម្ដេចតេជោ ហ៊ុន សែន នាយករដ្ឋមន្ត្រី បានឲ្យដឹងថា នៅព្រឹកថ្ងៃអង្គារ ទី០៨ ខែមិថុនា ឆ្នាំ២០២១ នេះ វ៉ាក់សាំងប្រយុទ្ធប្រឆាំងជំងឺកូវីដ១៩ ស៊ីណូវ៉ាក់ (Sinovac Vaccine) ចំនួន៥០ម៉ឺនដូស និងស៉ីណូហ្វាម (Sinopharm Vaccine) ចំនួន៥០ម៉ឺនដូស របស់ក្រុមហ៊ុននៃប្រទេសចិន សរុបថ្ងៃនេះចំនួន១លានដូសទៀត បានដឹកមកដល់ប្រទេសកម្ពុជាយើងទៀតហើយ សម្រាប់ទុកចាក់ជូនប្រជាពលរដ្ឋយើងជាបន្តបន្ទាប់ទៀត។

សម្ដេចហ៊ុន សែន បន្តថាវ៉ាក់សាំង១លានដូស ដែលបានដឹកមកដល់កម្ពុជានៅថ្ងៃនេះ គឺជាវ៉ាក់សាំងជើងទី៦ហើយ ដែលរាជរដ្ឋាភិបាលកម្ពុជាបានបញ្ជាទិញពីក្រុមហ៊ុនស៊ីណូវ៉ាក់ ខណៈជើងទី១ មានចំនួន ១.៥លានដូស ត្រូវបានដឹកមកដល់កម្ពុជា កាលពីថ្ងៃទី២៦ ខែមីនា, ជើងទី២ មានចំនួន ៥០ម៉ឺនដូស ដឹកមកដល់កម្ពុជានៅថ្ងៃទី១៧ ខែមេសា និងជើងទី៣ មានចំនួន ៥០ម៉ឺនដូស ដឹកមកដល់កម្ពុជាថ្ងៃទី១១ ខែឧសភា និងជើងទី៤ មានចំនួន ៥០ម៉ឺនដូស ដឹកមកដល់ថ្ងៃទី១៦ ខែឧសភា និងជើងទី៥ មានចំនួន ១លានដូស ដឹកមកដល់កម្ពុជាកាលពីថ្ងៃទី២៣ ខែឧសភា។ រាជរដ្ឋាភិបាលកម្ពុជា បានដាក់ចេញយុទ្ធសាស្ត្រចាក់វ៉ាក់សាំងនេះឱ្យបានលឿន តាមដែលអាចធ្វើទៅបានជូនដល់ប្រជាពលរដ្ឋរបស់ខ្លួន។ ទន្ទឹមនឹងនេះរាជរដ្ឋាភិបាលស្វះស្វែងរកវ៉ាក់សាំង ហើយបាននាំមកដល់នូវវ៉ាក់សាំងជាបន្តបន្ទាប់សម្រាប់ចាក់ជូនប្រជាពលរដ្ឋរបស់ខ្លួន។ គិតពីត្រឹមថ្ងៃទី០៧ ខែកុម្ភៈ ឆ្នាំ២០២១ មកដល់ថ្ងៃទី២៣ ខែឧសភា ឆ្នាំ២០២១ កម្ពុជាទទួលបានវ៉ាក់សាំងជាង ៦លានដូសរួចហើយ សម្រាប់ចាក់ជូនប្រជាពលរដ្ឋ។

សម្ដេចបានបញ្ជាក់ថារាជរដ្ឋាភិបាលកម្ពុជា បានដាក់ចេញផែនការចាក់វ៉ាក់សាំងជូនប្រជាពលរដ្ឋអាយុចាប់ពី ១៨ឆ្នាំឡើង ប្រមាណ១៣លាននាក់ ត្រូវនឹងវ៉ាក់សាំងប្រមាណ ២៦លានដូស។ នៅក្នុងខែមិថុនានេះ វ៉ាក់សាំងប្រមាណ ៤.៥លានដូស នឹងដឹកមកដល់ប្រទេសកម្ពុជា ដែលជាការជួយឱ្យកម្ពុជាមានវ៉ាក់សាំងគ្រប់គ្រាន់សម្រាប់ចាក់ជូនប្រជាពលរដ្ឋ។ កម្ពុជានឹងសម្រេចការចាក់វ៉ាក់សាំង ជូនប្រជាពលរដ្ឋចំនួន ១០លាននាក់ នៅក្នុងឆ្នាំ២០២១នេះ ឬយ៉ាងយូរបំផុតនៅដើមឆ្នាំ២០២២៕SRP

ខេត្តកែប៖អភិបាលខេត្តកែប ប្រាប់ម្ចាស់ក្រុមហ៊ុន ឬអាជីវកម្មផ្សព្វផ្សាយពាណិជ្ជកម្មគ្រប់ប្រភេទ ត្រូវរុះរើបដា ផ្ទាំងប៉ាណូដែលផ្សព្វផ្សាយផលិតផលគ្រប់ប្រភេទ ដោយដាក់ជំនួសមកវិញនូវខ្លឹមសារអប់រំនានាពាក់ព័ន្ធនឹងវិធានការទប់ស្កាត់ការរីករាលដាលនៃជំងឺកូវីដ-១៩។
នេះបើតាមលិខិតជូនដំណឹង របស់រដ្ឋបាលខេត្តកែប ដែលចុះហត្ថលេខាដោយ លោកសោម ពិសិដ្ឋ៕SRP

ខេត្តសៀមរាប៖អាជ្ញាធរស្រុកបន្ទាយស្រី នៅថ្ងៃច័ន្ទ ទី០៧ ខែមិថុនា ម្សិលមិញ បបានបើកកិច្ចប្រជុស្ដីពីការចុះពិនិត្យ និងវាយតម្លៃលើសំណើសុំកាត់ឆ្វៀលដីគម្របព្រៃឈើឆ្នាំ២០០២ ដើម្បីធ្វើអនុប្បយោគជាដីឯកជនរបស់រដ្ឋ និងធ្វើប្រទានកម្មជាកម្មសិទ្ធិ នៅក្នុងភូមិសាស្ដ្រស្រុកបន្ទាយស្រី ខេត្តសៀមរាប ។

កិច្ចប្រជុំនេះធ្វើឡើង រវាងគណៈប្រតិភូ ក្រសួងកសិកម្ម រុក្ខាប្រមាញ់ និងនេសាទ និងរដ្ឋបាលខេត្តសៀមរាប ក្រោមការដឹកនាំដោយ លោក ឃន សារ៉េត អគ្គលេខាធិការរង ក្រសួងកសិកម្ម និងលោក ង៉ាន់ ភិរុណ អភិបាលរងខេត្ត ដោយមានការចូលរួមពីមន្ត្រី ជំនាញ ពាក់ព័ន្ធ ផងដែរ។

សូមជម្រាបថាកិច្ចប្រជុំ នេះមានការសហការរវាងរដ្ឋបាលព្រៃឈេី នៃ ក្រសួងកសិកម្ម រុក្ខាប្រមាញ់ និងនេសាទ រដ្ឋបាលខេត្តសៀមរាប មន្ទីរ កសិកម្ម រុក្ខាប្រមាញ់ និងនេសាទ រដ្ឋបាល ព្រៃឈេីសៀមរាប មន្ទីរបរិស្ថានខេត្ត មន្ទីរធនធានទឹក និងឧតុនិយមខេត្ត និងរដ្ឋបាលស្រុកបន្ទាយស្រី ក្នុងគោលបំណង ពិនិត្យលទ្ធភាពក្នុងការកាត់ឆ្វៀលដីគម្របព្រៃឈើឆ្នាំ២០០២ ដើម្បីធ្វើអនុប្បយោគជាដីឯកជនរបស់រដ្ឋ និងធ្វើប្រទានកម្មជាកម្មសិទ្ធិ៕SRP

ខេត្តសៀមរាប៖គម្រោងកាត់បន្ថយសំណល់ប្លាស្ទិក ត្រូវបានចុះកិច្ចព្រមព្រៀងអនុវត្តរវាងក្រសួងបរិស្ថាន និងរដ្ឋបាលខេត្តសៀមរាប។

ពិធីនេះធ្វើឡើងនៅរសៀលថ្ងៃច័ន្ទ ថ្ងៃទី ០៧ ខែមិថុនា ម្សិលមិញ រដ្ឋបាលខេត្តសៀមរាប ក្រោមវត្តមានលោកគិត ច័ន្ទគ្រីស្នា ទីប្រឹក្សារដ្ឋមន្រ្តីក្រសួងបរិស្ថាន និងលោកង៉ាន់ ភិរុណ អភិបាលរងខេត្ត។

ថ្លែងក្នុងឱកាសដល់ថ្លៃថ្លានេះដែល លោក ង៉ាន់ ភិរុណ មានប្រសាសន៍ថា បច្ចុប្បន្ននេះ រដ្ឋបាលខេត្តសៀមរាប បាននឹងកំពុងកៀងគរធនធានពីដៃគូអភិវឌ្ឍន៍ និងជម្រុញ ដល់រដ្ឋបាល ក្រុង-ស្រុកក្នុងការអនុវត្តមុខងារគ្រប់គ្រងសំរាម សំណល់រឹងទីប្រជុំជនតាមបណ្តាក្រុង-ស្រុក ដោយអនុលោមតាមអនុក្រឹត្យលេខ១១៣ អនក្រ.បក ស្តីពីការគ្រប់គ្រងសំរាម សំណល់រឹងទីប្រជុំជន ដើម្បីធានាបាននូវ សោ-ភណ្ឌភាព សុខមាលភាព និងគុណភាពបរិស្ថាន។ តាមរយៈកិច្ចខិតខំប្រឹងប្រែងកន្លងមកនេះ ខេត្តសៀមរាប ទទួលបានឡដុតសំរាមចំនួន ៣គ្រឿង រ៉ឺម៉កម៉ូតូកង់បីចំនួន ០៦គ្រឿង និងរថយន្តដឹកជញ្ជូនសំរាម ២គ្រឿង ផ្តល់ដោយក្រសួងបរិស្ថាន និងទទួលរថយន្តបោសសម្អាតផ្លូវចំនួន ០៣គ្រឿង ក្រោមជំនួយឧបត្ថម្ភពីខេត្តយូណាននៃសាធារណៈរដ្ឋប្រជាមានិតចិន សម្រាប់សម្អាតតាមដងផ្លូវ នានាក្នុងក្រុងសៀមរាប។

លោកបានបន្ថែមទៀតថា តាមរយៈកិច្ចសហការអនុវត្តគម្រោងនេះ សង្ឃឹមថា សំណល់ប្លាស្ទិកនឹងត្រូវបានកាត់បន្ថយតាមរយៈការបញ្ជៀបការយល់ដឹង និងផ្សព្វផ្សាយដល់ប្រជាពលរដ្ឋ ការប្រើបា្រស់ផលិតផលជំនួសផលិត ផលប្លាស្ទិក និងការគាំទ្រនូវមធ្យោបាយសម្ភារផ្សេងៗសម្រាប់អនុវត្តសកម្មភាពរួមមាន៖១).ការសិក្សាពីលទ្ធភាព និងមធ្យោបាយបង្កើនសេវាគ្របដណ្តប់ក្នុងការប្រមូល សម្អាត និងដឹកជញ្ជូនសំរាម និងដោះស្រាយការកកស្ទះសំរាម ២).ការផ្តល់នូវសម្ភារធុងសំរាម និងការរៀបចំដំឡើងប៉ាណូផ្សព្វផ្សាយទាក់ទងនិ ងការកាត់បន្ថយប្លាស្ទិក និង៣).ការបង្កើនចំណេះដឹង និងយុទ្ធនាការផ្សព្វផ្សាយគ្រប់មធ្យោបាយ។

សូមជម្រាបថាពិធីចុះហត្ថលេខាលើកិច្ចព្រមព្រៀងនេះ គឺធ្វើឡើងក្នុងគោលបំណងចូលរួមចំណែកក្នុងការទប់ស្កាត់ និងការកាត់បន្ថយសំណល់ប្លាស្ទិកទំាងនៅលើដី និងក្នុងទឹក តាមរយៈការអនុវត្តនូវគោលការណ៍៤Rs (ការកាត់បន្ថយ ការប្រើប្រាស់ឡើងវិញ ការកែច្នៃ និងបដិសេធ)៕SRP

ខេត្តសៀមរាប៖លោក ឌិម ហេង អនុប្រធានផ្នែកបុគ្គលិក សាខាខេត្តសៀមរាប តំណាងអោយលោក ហ៊ុន ប៉ូគា ប្រធានសមាគមចលនាយុវជនកម្ពុជា(ក្រុម១៥៧) ខេត្តសៀមរាប នៅថ្ងៃចន្ទទី ០៧ ខែ មិថុនា ឆ្នាំ២០២១ នេះបាននាំយកអំណោយជូនលោក ស៊ូ វណ្ណដេត នាយប៉ុស្តិ៍នគរបាលរដ្ឋបាល សង្កាត់ស្វាយដង្គំ ក្រុងសៀមរាប ខេត្តសៀមរាប សម្រាប់ចែកជូនដល់កងកម្លាំងដែលប្រចាំការនៅតាមគោលដៅ ក្នុងការប្រយុទ្ធនឹងជំងឺកូវីដ១៩។

លោក ឌិម ហេង អនុប្រធានផ្នែកបុគ្គលិក សមាគមចលនាយុវជនកម្ពុជា(ក្រុម១៥៧) សាខាខេត្តសៀមរាប បានឲ្យដឹងថា
អំណោយដែលប្រគល់ជូន រួមមាន៖

-អង្ករ ៥០ គីឡូ -ទឹកសុទ្ធvital ៥ កេស -មីម៉ាម៉ា ២ កេស -ត្រីខ ២យួរ -ទឹកស៉ីអ៉ីវ ១យួរ -ទឹកត្រី ១យួរ -ប្រេងឆា ១ដប -ស្ករស ១គីឡូ -ប៊ីចេង កញ្ចប់ -អំបិល ១គីឡូ -ម៉ាស ៥០០ ម៉ាស -អាកុល ១កាន និងដបបាញ់អាល់កុល ៤ដប។

ក្នុងឱកាសនេះដែរ លោក ឌិម ហេង បានមានមតិផ្តាំផ្ញេីដល់កងកម្លាំង ដោយសូមយកចិត្តទុកដាក់ អោយបានខ្ពស់នូវអនាម័យ ។ ជាពិសេស សូមចូលរួមអនុវត្តតាមប្រសាសន៍ណែនាំរបស់ សម្តេចតេជោ (៣កុំ ៣ការពារ) ឲ្យបានខ្ជាប់ខ្ជួនដើម្បីចៀសផុតពីមេរោគកូវីដ-១៩ ដ៏កាចសាហាវនេះ។

នៅព្រឹកមិញនេះដែរ លោក វឿន វណ្ណារិទ្ធិ អនុប្រធានសមាគមចលនាយុវជនកម្ពុជា (ក្រុម១៥៧) ស្រុកសូទ្រនិគម សាខាខេត្តសៀមរាប បានដឹកនាំសមាជិក សមាជិកា និងមានការចូលរួមពី អាជ្ញាធរមូលដ្ឋាន ធ្វើការចែកអំណោយ មួយគ្រួសារ ជូនគ្រួសារ លោក ហ៊ត់ ហៃ ដែល មានទី លំនៅ ភូមិបន្ទាយឈេី សង្កាត់ ទឹក វិល ក្រុង សៀមរា ប ខេត្ត សៀមរាប ដែលមានជីវភាពខ្វះខាត ហើយ មាន ជំងឺប្រចាំកាយ ព្រមទាំងមានកូនក្នុងបន្ទុក៦នាក់។

អំណោយចែកជូន រួម មាន ៖ ១ អង្ករ ៥០គីឡូ ២/ ទឹកត្រី ១យួរ ៣/ ទឹក សុីអុីវ ១យួរ ៤/ ប៊ីចេង ១គីឡូ ៥/ អំបិល ១គីឡូ ៦/ ស្ករស ១គីឡូ ៧/ ខ្ទឹម ស ១គីឡូ ៨/ ត្រីខ ១យួរ ៩/ សាប៊ូលាង ចាន១ដប ១០/ សាប៊ូ ម្សៅ ១កញ្ចប់ ១១/ ប្រេងឆា ១ដប និងថវិកា ១០០,០០០រៀល ដប់ម៉ឺនរៀលផងដែរ៕SRP