ករណីអគ្គីភ័យមិនមានមនុស្សរងរបួស ប៉ុន្តែផ្ទះមឹងទ្រព្យសម្បត្តិត្រូវបានបំផ្លាញ
ខេត្តសៀមរាប៖សមត្ថកិច្ចបានអះអាងថាហេតុការណ៍អគ្គីភ័យកាលពីព្រឹកមិញនេះមិនមានមនុស្សណារងរបួសនោះទេប៉ុន្តែទ្រព្យសម្បត្តិនិងផ្ទះត្រូវបានបំផ្លាញទាំងស្រុង។
ហេតុការណ៍បានកើតឡើង នៅម៉ោងព្រឹក ថ្ងៃទី១០ខែកុម្ភ:ឆ្នាំ២០២៦ ស្ថិតនៅចំណុចភូមិគោកត្នោត ឃុំកណ្ដែក ស្រុកប្រាសាទបាគង។
កម្លាំងជំនាញ នៃកងរាជអាវុធហត្ថខេត្ត បានចូលរួមសហការជាមួយកម្លាំងនគរបាលខេត្តសៀមរាប ចេញរថយន្តពន្លត់អគ្គិភ័យ ចុះជួយអន្តរាគមន៍ពន្លត់ភ្លើងឆេះផ្ទះខាងលើ។
ក្នុងករណីនេះ មូលហេតុ តាមការសន្និដ្ឋានរបស់សមត្ថកិច្ច បណ្ដាលមកពីទុសេ្សខ្សែភ្លើង ធ្វើឱ្យខូចខាត ផ្ទះចំនួន០១ខ្នង និងសម្ភារៈប្រើប្រាស់ក្នុងផ្ទះមួយចំនួនធំ ប៉ុន្តែមិនបណ្តាលឱ្យប៉ះពាល់ដល់អាយុជីវិតមនុស្សឡើយ៕SRP
