ខេត្តសៀមរាប

សមត្ថកិច្ចចំរុះបង្ក្រាបបទល្មើសព្រៃឈើចំនួន២ករណីនៅស្រុកស្វាយលើ រឹបអូសរថយន្តពីរគ្រឿងនិងគោយន្តកន្ត្រៃមួយគ្រឿង ខេត្តសៀមរាប៖ប្រតិបត្តិការបង្ក្រាបបទល្មើសព្រៃឈើនៅខេត្តសៀមរាបបានចំនួន ២ករណី ដោយសមត្ថកិច្ចចម្រុះមានរដ្ឋបាលព្រៃឈើស្វាយលើនិងកម្លាំងកងរាជអាវុធហត្ថស្រុកស្វាយលើ។ នាយខណ្ឌរដ្ឋបាលព្រៃឈើសៀមរាបលោកម៉ុង ប៊ុនលីម បានបង្ហាញថា ករណីទីមួយ នៅវេលាម៉ោង ២១និង៣០ នាទី ថ្ងៃទី១៧ ខែធ្នូ ឆ្នាំ២០២៥ ក្រុមមន្រ្តីសង្កាត់រដ្ឋបាលព្រៃឈើស្វាយលើ សហការជាមួយកំលាំងកងរាជអាវុធហត្ថស្រុកស្វាយលើ បានចុះបង្ក្រាបករណី ដឹកជញ្ជូនផលអនុផលព្រៃឈើដោយខុសច្បាប់ នៅចំណុចភូមិត្រពាំងស្វាយ ឃុំស្វាយលើ ស្រុកស្វាយលើ។ សម្ភារៈដកហូតរួមមាន% ១- រថយន្ត ០១ គ្រឿង ម៉ាកតូយ៉ូតាកាមរី ពណ៌ស សេរីឆ្នាំ២០០២ ពាក់ផ្លាកលេខ ភ្នំពេញ 2V-5611 – ឈើកែឆ្នៃ គ្រោងទ្វា(ផ្ចឹក)ចំនួន ៤១ ដុំ ស្នើនឹង ០,៥៨៨ ម៉ែត្រគូប។ ២- រថយន្ត ០១ គ្រឿង ម៉ាកនីសាន់ ពណ៌ខៀវ (មួយបាំង) ពាក់ផ្លាកលេខ បន្ទាយមានជ័យ 2D-0358 ។ – ឈើកែឆ្នៃ គ្រោងទ្វា(ផ្ចឹក)ចំនួន

ឡានក្រុមហ៊ុនម៉ាកឡារីតាដឹកអ្នកដំណើរ បើកលឿន បុកសត្វជ្រូកនៅស្រុកជីក្រែងបណ្ដាលឱ្យស្លាប់មនុស្សម្នាក់របួសធ្ងន់ស្រាលចំនួន៨នាក់ ខេត្តសៀមរាប៖យ៉ាងហោចណាស់មនុស្សម្នាក់បានស្លាប់នឹងចំនួន៨នាក់ទៀតបានរងរបួសធ្ងន់ស្រាលក្នុងហេតុការណ៍ចរាចរណ៍មួយកាលពីល្ងាចម្សិលមិញ។ ក្នុងរបាយការណ៍របស់សមត្ថកិច្ចដែលទីភ្នាក់ងារសារព័ត៌មានសៀមរាប ប៉ុស្តិ៍ ទទួលបានបង្ហាញថា ហេតុការណ៍នេះ បានកើតឡើង វេលាម៉ោង២១និង៣០នាទី ថ្ងៃទី១៦ ខែធ្នូ ឆ្នាំ ២០២៥ នៅលេីផ្លូវជាតិលេខ ៦ ស្ថិតក្នុងនៅភូមិដំរីឆ្លង ឃុំសង្វេីយ ស្រុកជីក្រែង។ របាយការណ៍សមត្ថកិច្ចបានបញ្ជាក់ថា គ្រោះថ្នាក់ចរាចរណ៍នេះ រវាងរថយន្តក្រុមហ៊ុនម៉ាកឡារីតា ពណ៌សរពាក់ផ្លាកលេខភ្នំពេញ2AS – 4011 ធ្វើដំណើរក្នុងទិសដៅពីកេីតទៅលិចបុកជាមួយសត្វជ្រូករត់ឆ្លងថ្នល់។ ដោយក្នុងហេតុការណ៍នេះ បណ្តាលឱ្យស្លាប់មនុស្សម្នាក់របួសធ្ងន់ចំនួន ០៤នាក់ របួសស្រាលចំនួន ០៤នាក់។ ក្នុងរបាយការណ៍បានបញ្ជាក់ថា ជនរងគ្រោះ៖ ១- ឈ្មោះ ស៊ាត ស៊ីន ភេទប្រុស អាយុ ២៥ឆ្នាំ ទីលំនៅភូមិដំរីឆ្លង ឃុំខ្នារពោធិ៍ ស្រុកសូទ្រនិគម ខេត្តសៀមរាប ( ស្លាប់ )។ ២- ឈ្មោះ លី សុខភាគ ភេទប្រុស អាយុ ៤៦ឆ្នាំ ទីលំនៅភូមិវាល ឃុំសាលាក្រៅ ស្រុកសាលាក្រៅ

កម្លាំងអាវុធហត្ថខេត្តសៀមរាប ឃាត់ខ្លួនបុរសម្នាក់ ករណីលួចមាសយកទៅលក់នៅផ្សារលើធំថ្មី ខេត្តសៀមរាប៖ជនសង្ស័យម្នាក់ត្រូវបានកម្លាំងសមត្ថកិច្ចកងរាជអាវុធហត្ថខេត្តសៀមរាបឃាត់ខ្លួនបញ្ជូនទៅតុលាការដើម្បីអនុវត្តតាមផ្លូវច្បាប់ពាក់ព័ន្ធករណី​ អំពើលួចមានស្ថានទម្ងន់ទោស (គាស់ផ្ទះ)។ ករណីលួចនេះ កាលពីវេលាម៉ោង២២:០០នាទី ថ្ងៃទី២៦ ខែវិច្ឆិកា ឆ្នាំ២០២៥​ ស្ថិតនៅចំណុចភូមិខ្នារ សង្តាត់ជ្រាវ ក្រុងសៀមរាប។ សមត្ថកិច្ចអាវុធហត្ថខេត្តសៀមរាបបានឲ្យដឹងថាការឃាត់ខ្លួនបានធ្វើឡើង នៅថ្ងៃទី១៥ ខែធ្នូ ឆ្នាំ២០២៥ ដោយកម្លាំងមូលដ្ឋាន​កងអាវុធហត្ថក្រុងសៀមរាប នៅចំណុចផ្សារលើធំថ្មី ភូមិដកពោធិ៍ សង្កាត់ស្លក្រា ក្រុងសៀមរាប។ សមត្ថកិច្ចអាវុធហត្ថបានបន្តថាជនសង្ស័យបានសារភាពខ្លួនបាន​យកគ្រឿងអលង្ការទាំងនោះទៅលក់ឱ្យជីវករចំណុចផ្សារធំថ្មី ក៏ត្រូវបាន​កម្លាំង​អាវុធហត្ថប្រចាំការឃាត់ខ្លួនតែម្ដង។ វត្ថុតាងរួមមាន៖ លោហៈធាតុពណ៌លឿងចំនួន០២ខ្សែ ខ្សែកពណ៌ប្រាក់០១ខ្សែ ខ្នាយជ្រូកព្រៃ០២ខ្នាយ រូបបដិមា ១០ព្រះអង្គ មេដាយ០៦ បន្តោង​ខ្សែក ០២បន្តោង កថា០៧កថា វ៉ាលី០១ ទូរស័ព្ទ​០១គ្រឿង និងសម្ភារៈមួយចំនួន​ទៀតទៀត គ្រឿង​អលង្ការ និងសម្ភារៈ ប្រគល់ជូន​ម្ចាស់​ដើម​វិញ។ ជាមួយគ្នានេះដែរ អាវុធហត្ថខេត្តសៀមរាប អំពាវនាវដល់មហាជនសូមប្រុងប្រយ័ត្នចំពោះជនឆ្លៀតឱកាសមួយចំនួន រហូតបាត់បង់ទ្រព្យសម្បត្តិមានតម្លៃ៕SRP

គម្រោងសាងសង់ផ្លូវវាងក្រុងសៀមរាប នឹងបើកការដ្ឋានឆាប់ៗនេះ នៅតំបន់ភាគខាងត្បូងមានប្រវែង ៤៦,៥៧ គីឡូម៉ែត្រ ពីស្រុកប្រាសាទបាគងទៅស្រុកពួក អភិបាលរងខេត្តសៀមរាបលោក លី សារី នៅថ្ងៃម្សិលមិញ បានដឹកនាំកិច្ចប្រជុំផ្សព្វផ្សាយជាសាធារណៈអំពីគម្រោងធ្វើទីតាំងជញ្ជីងថ្លឹងរថយន្តថ្មី ក្នុងស្រុកពួក ស្ថិតគម្រោងផ្លូវវាងក្រុងសៀមរាប ជូនប្រជាពលរដ្ឋ រងផលប៉ះពាល់ទាំង ៤ក្បាលដី នៅភូមិស្ទឹងព្រះស្រុក ឃុំល្វា ស្រុកពួក ខេត្តសៀមរាប។ លោក លី សារី អភិបាលរងខេត្តមានប្រសាសន៍ថា កិច្ចប្រជុំនេះ គឺដើម្បីជូនដំណឹងដល់ម្ចាស់ក្បាលដីទាំង៤ប្លង់ និងពិភាក្សាលើការអនុវត្តការងារដោះស្រាយផលប៉ះពាល់ អំពីទីតាំងជញ្ជីងថ្លឹងរថយន្តថ្មី ក្នុងស្រុកពួក ដែលស្ថិតក្នុងគម្រោងផ្លូវវាងក្រុងសៀមរាប (Green Siem Reap Urban Bypass Project) ដែលមានប្រវែង ៤៦,៥៧ គីឡូម៉ែត្រ (PK0+000-PK46+570) ចំណុចចាប់ពីស្រុកប្រាសាទបាគង (ផ្លូវចូលព្រលានថ្មី) រហូតដល់ស្រុកពួក នៃខេត្តសៀមរាប (ខាងលិចសាលាស្រុកពួក) ដែលបានសិក្សារួច មុនឈានដល់ដំណាក់កាលបើកការដ្ឋានសាងសង់ តាមរយៈមូលនិធិសហប្រតិបត្តិការអភិវឌ្ឍន៍សេដ្ឋកិច្ច (EDCF) នៃសាធារណរដ្ឋកូរ៉េ។ លោកអភិបាលរងខេត្តបន្ថែមថា គម្រោងសាងសង់ផ្លូវវាងក្រុងសៀមរាប រៀបចំឡើងដើម្បីកាត់បន្ថយការកកស្ទះចរាចរណ៍ ការបំពុលបរិយាកាស ក្នុងក្រុង

ខេត្តសៀមរាប៖សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ជាប្រធានកាកបាទក្រហមកម្ពុជា នៅថ្ងៃម្សិលមិញ បានចាត់ឯកឧត្តម គុជ លីណា អនុប្រធានអចិន្រ្តៃយ៍គណៈកម្មាធិការសាខា កាកបាទក្រហមកម្ពុជា ខេត្តសៀមរាប ចូលរួមរំលែកទុក្ខ និងយកថវិកាមួយចំនួន ជូនក្រុមគ្រួសារទាំងអស់នៃសព លោកអនុសេនីយ៍ឯក កេត សុភត្រា នាយក្រុម៣ ដែលបានពលីជីវិតនៅលើសមរភូមិកាលពីថ្ងៃពុធ ៥រោច ខែមិគសិរ ឆ្នាំម្សាញ់ សប្តស័ក ព.ស.២៥៦៩ ត្រូវនឹងថ្ងៃទី១០ ខែធ្នូ ឆ្នាំ២០២៥ ក្នុងពេលបំពេញបេសកកម្មការពារបូរណភាពទឹកដីតាមបណ្ដោយព្រំដែនកម្ពុជា-ថៃ និងលោកអនុសេនីយ៍ឯក កុក មីរិនដា នាយរងក្រុម២ ដែលបានពលីជីវិតថ្ងៃព្រហស្បតិ៍ ៦រោច ខែមិគសិរ ឆ្នាំម្សាញ់ សប្តស័ក ព.ស.២៥៦៩ ត្រូវនឹងថ្ងៃទី១១ ខែធ្នូ ឆ្នាំ២០២៥ ក្នុងពេលបំពេញបេសកកម្មការពារបូរណភាពទឹកដីតាមបណ្ដោយព្រំដែនកម្ពុជា-ថៃ។ ក្នុងវេលាដ៏សែនក្តុកក្តួលនេះ ឯកឧត្តម គុជ លីណា បាននាំយកសាររំលែកទុក្ខរបស់សម្តេចកិត្តិព្រឹទ្ធបណ្ឌិត ប៉ុន រ៉ានី ហ៊ុនសែន ប្រធានកាកបាទក្រហមកម្ពុជា ដែលមានខ្លឹមសារថា “ក្នុងវេលាដ៏សែនក្តុកក្តួលនេះ ខ្ញុំ

ឯកឧត្តមខៀវ កាញ្ញារីទ្ធ៖ សៀមប្រើយុទ្ធសាស្ត្រចំនួន៣ ការដែលវាយកាន់តែជ្រៅចូលក្នុងទឹកដីកម្ពុជា សៀមវាយកាន់តែជ្រៅចូលក្នុងទឹកដីកម្ពុជា មិនមែនរឿងពង្វាតទឹកដីនោះទេ បើពង្វាតទឹកដី សៀមច្បាស់ជាប្រមូលផ្តុំកម្លាំងវាយផ្តាច់ចំណុចទាមទារមួយចំនួនហើយ ព្រោះពេលសៀមវាយគ្រប់កន្លែងគឺចង់អោយខ្សែការពារកម្ពុជាស្តើង ( ពិតមែនតែសៀមមិនច្បាស់ថាក្បាលពួកគេទ្រគ្រាប់ផ្លោងរបស់កម្ពុជាបានប៉ុន្មានពេលក៏ដោយ ) តែពេលនេះជិតបោះឆ្នោត​ មានន័យថាទឹកដល់ច្រមុះទោះស្រវាអោបគម្រង់ខ្មោចឆ្កែក៏អោបដែរ ហេតុនេះយុទ្ធសាស្ត្រចំពោះមុខរបស់គេអាចមាន ៣ ហើយបើជោគជ័យអាចក្លាយជាយុទ្ធសាស្ត្រយូរអង្វែងបាន ។ យុទ្ធសាស្ត្រទាំងនោះ គឺ : ១. លើកទំនុកចិត្តប្រជាជនសៀមឡើងវិញអោយជឿថា សៀមនៅតែជាបងធំក្នុងតំបន់ ហេតុនេះមិនត្រូវអ្នកណាមកច្បូតពុកមាត់ខ្លាបានទេ ពិសេសកម្ពុជាដែលជាប្រទេសតូចតាច ធ្លាប់រហេមរហាមពីមុន ( នៅក្រោយសម័យអ៊ុនតាក់ ពួកកាសែតបរទេសតែងហៅទីក្រុងភ្នំពេញថាជាបាងកកកាលពី ៣០ ឆ្នាំមុន ) ។ ប្រជាជនសៀមកើនទំនុកចិត្តបានន័យថាសន្លឹកឆ្នោតគាំទ្រនសឹងកើនឡើង ។ ២. សង្កត់សេដ្ឋកិច្ចកម្ពុជាអោយធ្លាក់ចុះ អាស្រ័យការបង្ខំអោយមានប្រជាជនភៀសសឹករាប់សែននាក់ ( មកដល់ពេលនេះជិតកន្លះលាននាក់ហើយ ) ដែលនឹងក្លាយជាដុំថ្មមួយដែលរាជរដ្ឋាភិបាលត្រូវទទួល​ ( បើគិតថា ក្នុងមួយថ្ងៃរដ្ឋាភិបាលចំណាយ ៥ ដុល្លាររ៉ាប់រងម្ហូបអាហារ ទឹក ជំរក ថ្នាំពេទ្យ….តើត្រូវចំណាយប៉ុន្មាន ?) ហើយនេះគឺជាសង្គ្រាមមួយដែលសៀមមិនចាំបាច់ចំណាយធំ ។ តែអ្វីដែលសៀមគិតមិនដល់

ឯកឧត្តម អ្នកឧកញ៉ា សៀង ណាំ តំណាងរាស្រ្តមណ្ឌលសៀមរាប និង លោកជំទាវ រួមជាមួយរដ្ឋបាលស្រុក ក្រុមការងារ នៅព្រឹកមិញនេះ បានអញ្ជើញចុះសួរសុខទុក្ខ និងនាំយកគ្រឿងឧបភោគបរិភោគ ដែលបានការជយយឧបត្ថម្ភពី អ្នកឧកញ៉ា ហេង ឡុង ផ្ដល់ជូនដល់បងប្អូនជាជនភៀសសឹកចំនួន ១ ៥០០គ្រួសារ ដែលបានមកស្នាក់នៅក្នុងគោលដៅសុវត្ថិភាពក្នុងស្រុកក្រឡាញ់ ខេត្តសៀមរាប។ ឯកឧត្តមអ្នកឧកញ៉ា សៀង ណាំ មានប្រសាសន៍ថា ការប្រយុទ្ធគ្នានៅតាមបណ្ដោយព្រំដែនច្រើនថ្ងៃកន្លងមកនេះ កងកម្លាំងយើងបានតស៊ូប្រកៀកស្មាគ្នាក្លាហាន ម៉ឺងម៉ាត់ ប្តូរផ្តាច់ រក្សាការពារឱ្យខានតែបាននូវបូរណភាពនិងអធិបតេយ្យភាព ទឹកដីមិនរបេះរបូតឡើយ។ ផលវិបាកនៃសង្គ្រាមគឺបានបង្កមហន្តរាយ បំផ្លិចបំផ្លាញទ្រព្យសម្បត្តិ និង ផ្តាច់ជីវិតមិនរើសមុខ ទាំងទាហាន និងជនស៊ីវិលស្លូតត្រង់ ហើយសង្គ្រាមនេះ បានបង្ខំចិត្តប្រជាពលរដ្ឋនៅតំបន់កៀកសមរភូមិឱ្យភៀសខ្លួន ចាកចោលផ្ទះសម្បែង ទ្រព្យសម្បត្តិ គោក្របីស្រែចម្ការជាដើម មករកទីសុវត្ថិភាព។ ឯកឧត្តម បញ្ជាក់ថា ទុក្ខលំបាកនេះធ្វើឱ្យយើងទាំងអស់គ្នាយល់យ៉ាងច្បាស់តម្លៃនៃសន្តិភាព។ ក្នុងគ្រានេះ យើងត្រូវចែករំលែក ក្រោមស្មារតីខ្មែរតែមួយរួមគ្នា ខ្មែរស្រឡាញ់ខ្មែរជួយគ្នាទៅវិញទៅមក ទាំងសម្ភារ និងស្មារតី។ ជាមួយគ្នានេះ ប្រមុខរាជរដ្ឋាភិបាល និងអាជ្ញាធរគ្រប់លំដាប់ថ្នាក់

សម្ដេចតេជោហ៊ុន សែន នៅព្រលប់ថ្ងៃអាទិត្យនេះបានប្រកាសជាថ្មីទៀតថា៖ ម្សិលមិញខ្ញុំបានបង្ហោះសារមួយជូនយោបល់ចំពោះរាជរដ្ឋាភិបាលចំពោះករណីប្រជាជនកម្ពុជានិងប្រជាជនថៃធ្វើដំណើរឆ្លងកាត់តាមព្រំដែនគោកគួរត្រូវបានផ្អាកដើម្បីធានាសុវត្ថិភាពទាំងប្រជាជនកម្ពុជានិងទាំងប្រជាជនថៃ។ អាចមានការភាន់ច្រឡំឬចង់បង្ករឿង ពីភាគីម្ខាងទៀតដែលគិតថាយើងមិន អនុញ្ញាតឱ្យប្រជាជនថៃវិលត្រឡប់ទៅ ប្រទេសវិញ។ ខ្ញុំសូមបញ្ជាក់ឱ្យបានច្បាស់ថាការផ្អាកការធ្វើដំណើរគឺគួរធ្វើតែតាមផ្លូវគោកប៉ុណ្ណោះព្រោះការប្រយុទ្ធនិងការឈ្លានពានមានទូទាំងព្រំដែនគោកទៅហើយបន្ថែមដោយផ្នែកមួយនៃតំបន់សមុទ្រ។ សម្រាប់ការធ្វើដំណើរតាមផ្លូវអាកាស នៅតែអាចធ្វើដំណើរបានធម្មតាព្រោះ គ្មានការប្រយុទ្ធនៅព្រលានយន្តហោះ ទេ។ អាស្រ័យហេតុនេះសូមបងប្អូនប្រជាជនថៃដែលកំពុងរស់នៅកម្ពុជាអាចចាកចេញពីកម្ពុជាតាមផ្លូវអាកាសនៅភ្នំពេញឬនៅសៀមរាប។សម្រាប់ប្រជាជនថៃដែលកំពុងធ្វើការនៅជិតព្រំដែនវៀតណាមអាចចេញទៅតាមវៀតណាមហើយរកវិធីធ្វើដំណើរទៅកាន់ប្រទេសថៃវិញ។ ឯប្រជាជនកម្ពុជាប្រសិនចង់មកកម្ពុជាក៏ត្រូវធ្វើដំណើរត្រឡប់មកកម្ពុជាវិញ តាមផ្លូវអាកាសនៅទីកន្លែងដែលមាន ជើងហោះហើរមកកម្ពុជា។ ខ្ញុំសូមបញ្ជាក់សារជាថ្មីថាយើងមិនបានហាមឃាត់ការធ្វើដំណើររបស់ប្រជាជនកម្ពុជាឬប្រជាជនថៃនោះឡើយ។អ្វីដែលយើងសូមឱ្យផ្អាកគឺការធ្វើដំណើរតាមផ្លូវគោកដែលជាចំណុចគ្រោះថ្នាក់ដល់ជីវិតប្រជាជន។ សូមពិនិត្យឡើងនូវសាររបស់ខ្ញុំម្សិលមិញ!និងសូមកុំយកបំណងល្អរបស់ខ្ញុំដើម្បីការពារជីវិតមនុស្សទាំងជនជាតិខ្មែរទាំងជនជាតិថៃមកវាយប្រហារលើខ្ញុំបែបនេះ៕SRP

សារបន្ទាន់​ពី​ ឯកឧត្ដម​ នាយករដ្ឋមន្ត្រី​ម៉ាឡេស៊ី​ ! បន្ទាប់ពីការពិភាក្សារបស់ខ្ញុំជាមួយប្រធានាធិបតីសហរដ្ឋអាមេរិក លោក ដូណាល់ ត្រាំ និងដោយសារតែភាពតានតឹងនៅតែបន្តនៅតាមព្រំដែនកម្ពុជា-ថៃ ខ្ញុំបានធ្វើការហៅទូរស័ព្ទដាច់ដោយឡែកជាមួយនាយករដ្ឋមន្ត្រី អនុទីន ឆាន់វីរៈគុល នៃប្រទេសថៃ និងនាយករដ្ឋមន្ត្រី ហ៊ុន ម៉ាណែត នៃប្រទេសកម្ពុជា។ ក្នុងអំឡុងពេលនៃការផ្លាស់ប្តូរទាំងនេះ ខ្ញុំបានបង្ហាញពីការព្រួយបារម្ភយ៉ាងខ្លាំងរបស់ប្រទេសម៉ាឡេស៊ីចំពោះស្ថានភាពនេះ និងបានជំរុញឱ្យភាគីទាំងពីរអនុវត្តការអត់ធ្មត់អតិបរមា បញ្ឈប់គ្រប់ទម្រង់នៃអរិភាព និងជៀសវាងសកម្មភាពយោធាបន្ថែមទៀត រួមទាំងការប្រើប្រាស់កម្លាំង ឬចលនាទៅមុខនៃអង្គភាពប្រដាប់អាវុធ ដោយមានប្រសិទ្ធភាពចាប់ពីថ្ងៃទី 13 ខែធ្នូ ឆ្នាំ 2025 វេលាម៉ោង 22:00 (UTC + 7)។ ដើម្បីគាំទ្រដល់ការបន្ធូរបន្ថយភាពតានតឹង និងលើកកម្ពស់តម្លាភាព ខ្ញុំបានស្នើសុំការដាក់ពង្រាយក្រុមអ្នកសង្កេតការណ៍អាស៊ាន (AOT) ដែលដឹកនាំដោយអគ្គមេបញ្ជាការកងកម្លាំងការពារជាតិម៉ាឡេស៊ី ដើម្បីតាមដានការវិវត្តន៍នៅលើដី។ បេសកកម្មនេះនឹងត្រូវបានបំពេញបន្ថែមដោយសមត្ថភាពត្រួតពិនិត្យផ្កាយរណបដែលផ្តល់ដោយរដ្ឋាភិបាលសហរដ្ឋអាមេរិក ដែលចាប់ផ្តើមក្នុងពេលតែមួយ។ ការរកឃើញពីការត្រួតពិនិត្យផ្កាយរណប និងការសង្កេតនៅនឹងកន្លែងនឹងត្រូវបានចងក្រងដោយ AOT ហើយបង្ហាញនៅក្នុងកិច្ចប្រជុំរដ្ឋមន្ត្រីការបរទេសអាស៊ាននៅថ្ងៃអង្គារ ទី 16 ខែធ្នូ។ របាយការណ៍នេះនឹងផ្តល់នូវការពន្យល់ដ៏ច្បាស់លាស់អំពីស្ថានភាព រួមទាំងជំហររបស់ភាគីទាំងពីរ ក្នុងផលប្រយោជន៍នៃការទទួលខុសត្រូវ ការកសាងទំនុកចិត្ត និងការរក្សាសន្តិភាព និងស្ថិរភាពនៅក្នុងតំបន់។

ក្រសួងមហាផ្ទៃ ផ្អាកការងារជាបណ្តោះអាសន្នចំពោះឧត្តមសេនីយ៍ទោ គង់ វុទ្ធី អគ្គនាយករង នៃអគ្គនាយកដ្ឋានអត្តសញ្ញាណកម្ម ដើម្បីបន្តដំណើរការស្រាវជ្រាវបន្ថែម!