ប្រធានក្រុមប្រឹក្សាខេត្តសៀមរាប ស្នេីដល់អាជ្ញាធរពាក់ព័ន្ធក្នុងមូលដ្ឋាន ដោះស្រាយបញ្ហាដីធ្លី ឱ្យអស់លទ្ធភាព មុននឹងរុញមកឱ្យខេត្តដោះស្រាយ
ខេត្តសៀមរាប៖ឯកឧត្តម លី សំរិទ្ធ ប្រធានក្រុមប្រឹក្សាខេត្តសៀមរាប បានស្នេីដល់អភិបាលក្រុង ស្រុកត្រូវយកចិត្តទុកដាក់ និងជំរុញការដោះស្រាយបញ្ហាដីធ្លីដែលកេីតឡេីងនៅក្នុងដែនសមត្ថកិច្ចរបស់ខ្លួនឱ្យអស់លទ្ធភាព មុននឹងរុញមកឱ្យខេត្តដោះស្រាយ។
ឯកឧត្តម ប្រធានក្រុមប្រឹក្សាខេត្ត បានថ្លែងអំណរគុណចំពោះគណៈអភិបាលខេត្តដែលខិតខំប្រឹងប្រែងជួយសេដ្ឋកិច្ចដល់បងប្អូនប្រជាពលរដ្ឋនៅក្នុងតាមរយៈរៀបចំព្រឹត្តិការណ៍នានា ដេីម្បីទាក់ទាញភ្ញៀវទេសចរមកកាន់ខេត្តសៀមរាប។
ឯកឧត្តមស្នើយ៉ាងដូច្នេះក្នុងឱកាស នាថ្ងៃទី៤ ខែមិថុនា ឆ្នាំ២០២៦ ក្នុងកិច្ចប្រជុំសាមញ្ញលេីកទី២៥ របស់ក្រុមប្រឹក្សាខេត្ត។
នៅក្នុងកិច្ចប្រជុំនេះក្រុមប្រឹក្សាខេត្តក៏បានលេីកឡេីងអំពីបញ្ហាភ្ញៀវទេសចរធ្លាក់ចុះ និងការផ្សព្វផ្សាយពីការអនុវត្តគណៈកម្មការរដ្ឋបាលដែលបានចុះពិនិត្យមើលទីតាំង និងការប្រព្រឹត្តទៅរបស់ក្រុមការងារ បប្រកាសបិទផ្សាយជាសាធារណៈនៅឯកសារនៃការវិនិច្ឆ័យនៅតាមបណ្តាក្រុង.ស្រុកផងដែរ។
លោកស្រី ម៉ននី រង្សី អភិបាលរងខេត្តតំណាងឯកឧត្តម ប្រាក់ សោភ័ណ អភិបាលខេត្តសៀមរាប ក៏បានថ្លែងអំណរគុណចំពោះក្រុមប្រឹក្សាខេត្តបានជំរុញការអនុវត្តគណៈកម្មការរដ្ឋបាល ដែលការងារនេះពិតជាមានសារៈសំខាន់ដល់ប្រជាពលរដ្ឋបានយល់ដឹងអំពីនីតិវិធីនៃការចុះបញ្ជីដីធ្លីលក្ខណៈជាប្រព័ន្ធ និងការបិទផ្សាយផងដែរ។ ជាមួយនឹងការធ្លាក់ចុះភ្ញៀវទេសចរនៅខេត្តយេីង គឺមានកក្កតាពីរក្នុងនោះមានដូចជាបញ្ហាសង្គ្រាម និងមួយទៀតជារដូវបៃតង (Green Session)។ លោកស្រី បានបន្តថាកត្តាភ្ញៀវទេសចរនេះ គឺខេត្តតែងតែរៀបចំព្រឹត្តិការណ៍ ក៏ដូចជាពិធីផ្សេងៗទៀត ដេីម្បីទាក់ទាញភ្ញៀវទេសចរផងដែរ៕SRP
