ឃាត់ខ្លួនក្មេងទំនើង៥នាក់ នៅស្រុកសូទ្រនិគម
ខេត្តសៀមរាប៖សមត្ថកិច្ចបានឲ្យដឹងថាកាលពីថ្ងៃសៅរ៍ ថ្ងៃទី១៨ ខែមេសា ឆ្នាំ២០២៦ វេលាម៉ោង ១០និងនាទី ព្រឹក សមត្ថកិច្ចបានឃាត់ខ្លួនជនសង្ស័យជាមុខសញ្ញាក្មេងទំនើងចំនួន ០៥នាក់ ដូចខាងក្រោម៖
១-ក្រុមទី១ ឈ្មោះ DR ចំនួន ០៣នាក់ (មានសារធាតុញៀន វិជ្ជមានចំនួន ០២នាក់)
២-ក្រុមទី២ គ្មានឈ្មោះ ចំនួន ០២នាក់ (តេស្ដសារធាតុញៀន អវិជ្ជមាន)។
- ពាក់ពន្ធ័ករណី :
-ក្រុមទី១ DR “ ហិង្សាដោយចេតនាមានស្ថានទម្ងន់ (គប់ដុំឥដ្ឋ) និងប្រើប្រាស់ដោយខុសច្បាប់នូវសាធាតុញៀន ។
-ក្រុមទី២ “ ហិង្សាដោយចេតនាមានស្ថានទម្ងន់ (គប់ដុំឥដ្ឋ) និងធ្វើអោយខូចខាតដោយចេតនា។
យោង :
តាមរយៈបណ្តឹងបរិហារ វីដេអូដែលបងប្អូនប្រជាពលរដ្ឋធ្វើដំណើរតាមដងផ្លូវថតបានសកម្មភាពក្មេងទំនើងដេញវាយ និងគប់គ្នាយ៉ាងអនាធិបតេយ្យនៅលើដងផ្លូវជាតិលេខ៦ កាលពីថ្ងៃទី១៧ ខែមេសា ឆ្នាំ២០២៦ វេលាម៉ោង១៦:៣០នាទី ប្រព្រឹត្តនៅចំណុចលើផ្លូវជាតិលេខ៦ ស្ថិតនៅភូមិបុស្ស ឃុំដំដែក ស្រុកសូទ្រនិគម ខេត្តសៀមរាប។
ក្រោយទទួលបានព័ត៌មានភ្លាម និងបទបញ្ជាដ៏មុឺងម៉ាត់របស់លោកឧត្តមសេនីយ៍ទោស្នងការ ហួត សុធី បានចាត់កម្លាំងសមត្ថកិច្ចយើងចុះស្រាវជ្រាវ រហូតនាំខ្លួនបាន ០៥នាក់ យកមកសាកសួរនៅអធិការដ្ឋាននគរបាលស្រុកសូទ្រនិគម។
ចម្លើយសារភាព៖
បន្ទាប់ពីសាកសួរចប់ ក្មេងទំនើងទាំងនោះបានឆ្លើយសារភាពថា ពួកគេពិតជាបានធ្វើសកម្មភាព (ដេញវាយ និងគប់គ្នាដោយដុំឥដ្ឋ និងមួកសុវត្ថិភាពទៅវិញទៅមក) ប្រាកដមែន ដោយសារខឹងមើលមុខ រាំឌឺដងដាក់គ្នាពេលកំពុងជិះម៉ូតូក្នុងកម្មពិធីដង្ហែព្រះជុំវិញផ្សារដំដែក។
ដកហូតវត្ថុតាង
-ដុំឥដ្ឋប្រវែង ១៤សម ទទឹង ៨សម ចំនួន ០១។
-មួកសុវត្ថិភាពចំនួន ០១ ពណ៌ខ្មៅ។
សមត្ថកិច្ចបានកសាងសំណុំរឿង និងបញ្ជូនខ្លួនជនសង្ស័យ ព្រមទាំងវត្ថុតាងទៅការិយាល័យជំនាញដេីម្បីបន្តនិតីវិធី៕SRP
