លោកផែង វណ្ណៈ ៖ ហេង ឆៃលី គេចខ្លួនពីការទទួលខុសត្រូវ ដោយឲ្យមនុស្សម្នាក់មកទទួលជំនួស ចង់ដូរមនុស្សគេចពីសំណាញ់ច្ច្បាប
តាមរយៈការបង្ហោះព័ត៌មានជាសាធារណៈរបស់លោកផែង វណ្ណៈនៅថ្ងៃទី 28 ខែកុម្ភៈ ឆ្នាំ 2026 នេះ បានសរសេរថា រថយន្តនេះជាកម្មសិទ្ធិរបស់លោក ហេង ឆៃលី ហើយលោក ហេង ឆៃលី ជាអ្នកបេីកបុកជនរងគ្រោះស្លាប់ថ្ងៃទី ១៦ ខែ កុម្ភៈ ឆ្នាំ ២០២៦។
លោក ហេង ឆៃលី គេចខ្លួនពីការទទួលខុសត្រូវ ដោយអោយមនុស្សម្នាក់មកទទួលជំនួស ។ ចង់ដូរមនុស្សគេចពីសំណាញ់ច្បាប់បែបណាជារឿងរបស់ហេង ឆៃលី តែមន្ត្រី អនុវត្តន៍ច្បាប់គួរតែឃាត់ខ្លួនអ្នកបង្ករគ្រោះថ្នាក់ដែលបណ្ដាលឲ្យមនុស្សស្លាប់បញ្ជូនទៅតុលាការ ។ ហេតុអ្វីជនបង្ករបុកមនុស្សស្លាប់មានសេរីភាពដេីរហេីរពេញក្រុងបាត់ដំបង ហាក់ដូចគ្មានរឿងអ្វីកេីតឡេីង ? មន្ត្រីចរាចរណ៍ ទៅណាអស់ហើយ ?
ជនរងគ្រោះស្រែករកយុត្តិធម៌តាម ហ្វេសប៊ុក តាមសារព័ត៌មាន ទេីបមានសង្ឃឹមខ្លះ បេីមិនដូច្នេះទេ គេបិទបាំងអស់ហើយពិបាកទទួលបានយុត្តិធម៌ណាស់។ សូមឯកឧត្តម ព្រះរាជអាជ្ញាអមសាលាដំបូងខេត្តបាត់ដំបង មេត្តាពិនិត្យមើល មន្ត្រីចរាចរណ៍ខេត្តបាត់ដំបងផង។
ទីភ្នាក់ងារសារព័ត៌មានសៀមរាប ប៉ុស្តិ៍ នៅមិនទាន់ទទួលបានការបំភ្លឺពីអាជ្ញាធរសមត្ថកិច្ចជំនាញពាក់ព័ន្ធនឹង លោកហេង ឆៃលី បាននៅឡើយទេរហូតដល់ម៉ោងផ្សាយនេះ៕SRP
