ខេត្តសៀមរាប៖លោកសង្ឃចំនួន ៦អង្គតាជីយាយជីចំនួន ៦ នាក់ បានពុលផ្សិត។
អធិការស្រុកបន្ទាយស្រី លោកឡុង សំណាង បានប្រាប់អង្គភាពសៀមរាប ប៉ុស្តិ៍ ថា ហេតុការណ៍កើតឡើង នៅថ្ងៃទី ១៧ ខែមិថុនាឆ្នាំ ២០២៣ វេលាម៉ោង ៩ព្រឹក នៅវត្តភ្នំហប់ ភូមិឃុនរាម ឃុំឃុនរាម ស្រុកបន្ទាយស្រីខេត្តសៀមរាប។
អធិការបន្តថាករណីពុលផ្សិតនេះ គឺលោកសង្ឃចំនួន ៦ អង្គ និងតាជីយាយជីចំនួន ៦ នាក់ ត្រូវបានយកទៅសង្គ្រោះ នៅមណ្ឌលសុខភាពឃុនរាម និងមន្ទីរពេទ្យបង្អែកខេត្តសៀមរាប។
បើតាមអធិការករណីនេះកំពុងតាមដានជំងឺបន្តប៉ុន្តែឥឡូវធូស្បើយហើយ៕ដោយនាគខៀវ