ផ្ទះប្រជាពលរដ្ឋមួយកន្លែងស្ថិតនៅក្នុងភូមិដូនអែម ឃុំគោកដូង ស្រុកអង្គរជុំ ខេត្តសៀមរាប ត្រូវបានអគ្គិភ័យ លេបត្របាក់ ថ្ងៃទី១៤ ខែមិថុនា ឆ្នាំ២០២៣ វេលាម៉ោង ០២:៣០នាទី។
សមត្ថកិច្ចបានឲ្យដឹងថាម្ចាស់ផ្ទះឈ្មោះ ស៊ន់ ហយ ភេទប្រុស អាយុ ៤៨ឆ្នាំ ប្រពន្ធឈ្មោះ ង៉ាន់ ប៉ាត ភេទស្រី អាយុ ៤២ឆ្នាំ ស្ថិតនៅក្នុងភូមិដូនអែម ឃុំគោកដូង ស្រុកអង្គរជុំ ខេត្តសៀមរាប។
ផ្ទះដែលរងការឆាបឆេះសង់អំពីឈើលើ ថ្មក្រោម ដំបូលប្រក់ក្បឿង ទំហំ៧ម៉ែត្រ x ៩ម៉ែត្រ និងខាងក្រោយមានផ្ទះបាយទំហំ ៦ម៉ែត្រ x ៥ម៉ែត្រ សង់អំពីឈើ ដំបូលប្រក់សង្ក័សី ត្រូវបានអគ្គិភ័យឆាបឆេះខូចខាតទាំងស្រុង។
សមត្ថកិច្ចបន្តថាករណីនេះនគរបាលស្រុកអង្គរជុំ បានចុះពន្លត់អគ្គិភ័យ នេះដោយប្រើប្រាស់រថយន្តពន្លត់អគិ្គភ័យ១គ្រឿង ប្រើប្រាស់ទឹកអស់ចំនួន ១រថយន្ត ទើបគ្រប់គ្រងស្ថានការណ៍បាន។
មូលហេតុ មកពីទុស្សេខ្សែភ្លើង៕ដោយនាគខៀវ
