សេចក្ដីរាយការណ៍ព័ត៌មានបឋមបានឲ្យដឹងថា មានរថយន្ត១គ្រឿងបើកបរឱ្យបាក់ស្ពានវត្តស្លែងឬស្ពានស្ទឹងជីក្រែង។
ហេតុការណ៍បានកើតឡើង មុខវត្តស្លែងនៅឃុំជីក្រែង ស្រុកជីក្រែង ខេត្តសៀមរាបនៅម៉ោង១១និង៣០នាទី ថ្ងៃទី២៥ ខែកុម្ភៈ ឆ្នាំ២០២២នេះ។
ប្រភពបានឱ្យដឹងថា រថយន្តដែលគ្រោះថ្នាក់ គឺបានដឹកថ្មឆ្លងកាត់ស្ពាន បណ្ដាលឲ្យបាក់ស្ពាន ជាពីរកំណាត់តែម្ដង។ ទោះជាយ៉ាងណាតៃកុងរថយន្តត្រូវបានគេជួយសង្គ្រោះ។
ទោះជាយ៉ាងណាពាក់ព័ន្ធករណីនេះអាជ្ញាធរសមត្ថកិច្ចមូលដ្ឋាននៅមិនទាន់បញ្ជាក់លម្អិតចំពោះហេតុការណ៍នេះឡើយ៕SRP
