ខេត្តសៀមរាប៖កសិករចំនួន ៤នាក់ ត្រូវបានសមត្ថកិច្ចខេត្តសៀមរាបចាប់ខ្លួន ពាក់ព័ន្ធកាប់បំផ្លាញព្រៃឈើ នៅតំបន់សហគមន៍ ចង្ក្រានរយ។
ការចាប់ខ្លួនធ្វើឡើងនៅថ្ងៃទី១៩ ខែកុម្ភ: ម្សិលមិញ ស្ថិតក្នុងភូមិសាស្ត្រ ឃុំល្វាក្រាំង និងឃុំស្វាយស ស្រុកវ៉ារិន ដោយនគរបាលស្រុកវ៉ារិន សហការជាមួយ ប្រជាសហគមន៍ចង្រ្កានរយ។
សមត្ថកិច្ចខេត្តសៀមរាបបានឲ្យដឹងថា ខណ:
កម្លាំងសមត្ថកិច្ច ចម្រុះចុះល្បាតក្នុងព្រៃសហគមន៍លើខ្នងភ្នំ ក៏បានប្រទះឃើញពួកគេធ្វើសកម្មភាព កាត់ផ្តួលនិងអារជ្រៀកឈើដោយម៉ាស៊ីនរណាយន្ត២គ្រឿង ក៏ឃាត់ខ្លួនតែម្ដង។
សមត្ថកិច្ចដដែលបានបន្តថាមនុស្សទាំង ៤នាក់ដែលត្រូវបានឃាត់ខ្លួន៖ ទី១ឈ្មោះ អ៊ា អន ភេទប្រុសអាយុ១៦ឆ្នាំ មមុខរបរកសិករ ភូមិត្រពាំងទូក ឃុំជប់តាត្រាវ ស្រុកអង្គរធំ ខេត្តសៀមរាប, ទី២ឈ្មោះ ធួន រដ្ឋា ភេទប្រុសអាយុ១៨ឆ្នាំ មុខរបរកសិករ ភូមិខ្ទីង ឃុំពាក់ស្នែង ស្រុកអង្គរធំ ខេត្តសៀមរាប, ទី៣.ឈ្មោះ ធិម គិង ភេទប្រុសអាយុ៣៨ឆ្នាំ មមុខរបរកសិករ ភូមិជប់តាត្រាវ ឃុំជប់តាត្រាវ ស្រុកអង្គរធំ ខេត្តសៀមរាប ទី៤ឈ្មោះ ខៀវ ខន ភេទប្រុសអាយុ៣០ឆ្នាំមុខរបរកសិករ ភូមិ គោកកក់ ឃុំស្វាយចេក ស្រុកអង្គរធំ ខេត្តសៀមរាប។ ករណីនេះបានដកហូតវត្ថុតាងម៉ាស៊ីនរណាយន្ត២គ្រឿង ឧបករណ៍ និងឈើដែលអាជ្រៀកមួយចំនួនផងដែរ។
បច្ចុប្បន្ន មនុស្សទាំង៤នាក់រួមនិងវត្ថុតាង បានប្រគល់ឲ្យរដ្ឋបាលព្រៃឈើ អនុវត្តន៍តាមផ្លូវ
ច្បាប់៕SRP
