ខេត្តតាកែវ៖ស្នងការនគរបាលខេត្តតាកែវថ្មី ត្រូវបានប្រកាសតែងតាំង។
ពិធីប្រកាស ធ្វើឡើងសាលប្រជុំសាលាខេត្តតាកែវ នៅថ្ងៃពុធ ទី២៤ ខែវិច្ឆិកា ឆ្នាំ២០២១នេះ ក្រោមវត្តមានលោកនេត សាវឿន អគ្គស្នងការនគរបាលជាតិ តំណាងដ៏ខ្ពង់ខ្ពស់ សម្តេចស ខេង ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ និងលោក អ៊ូច ភា អភិបាលខេត្តតាកែវ។
សូមជម្រាបថា លោកឈាង ផាន់ណារ៉ា ស្នងការរង នគរបាលរាជធានីភ្នំពេញ ត្រូវបានក្រសួងមហាផ្ទៃ ផ្ទេរភាកិច្ច និងតែងតាំងមុខតំណែងជាស្នងការថ្មី ជាស្នងការដ្ឋាននគរបាលខេត្តតាកែវ ជំនួសលោកសុខ សំណាង ដែលត្រូវបានផ្ទេរភារកិច្ច និងតែងតាំងមុខតំណែងជា អគ្គនាយករង នៃអគ្គនាយកដ្ឋានអត្តសញ្ញាណកម្ម៕SRP
