ខេត្តសៀមរាប៖លោក ថាញ់ រ៉ូ អនុប្រធាន និង លោក ឡោម ភីរុណ ប្រធានរដ្ឋបាល តំណាងលោកហ៊ុន ប៉ូគា ប្រធានសមាគមចលនាយុវជនកម្ពុជា (ក្រុម១៥៧) សាខាខេត្តសៀមរាប បាននាំយកអំណោយជា គ្រឿងឧបភោគ បរិភោគ និង សម្ភារឧបត្ថម្ភ ដល់ចំនួន៣គោលដៅ។ការចុះឧបត្ថម្ភធ្វើឡើងនៅថ្ងៃទី០៤ ខែមិថុនា ឆ្នាំ២០២១នាព្រឹកមិញនេះ។
លោក ថាញ់ រ៉ូ អនុប្រធានសមាគមចលនាយុវជនកម្ពុជា (ក្រុម១៥៧) ស្រុកក្រឡាញ់ បានឲ្យដឹងថា លោកបានដឹកនាំសមាជិក សមាជិកា ចុះចែកអំណោយចំនួន៣គោលដៅ។
១- ឧបត្ថម្ភដល់ប៉ុស្តិ៍ត្រួតពិនិត្យ ព្រំប្រទល់ស្រុកក្រឡាញ់ ខេត្តសៀមរាប និងស្រុកព្រះនេត្រព្រះ ខេត្តបន្ទាយមានជ័យ ទទួលនូវទឹកសុទ្ធ ចំនួន ៥០យួរ ដែលកំពុងទប់ស្កាត់នៃការឆ្លងរីករាលក្នុងសហគមន៍។ ក្នុងពិធីនេះត្រូវបានទទួលដោយលោកស្រី ចាន់ រ៉ុន អភិបាលរង ស្រុកក្រឡាញ់។
២- ជួបជុំសំណេះសំណាលជាមួយ លោក គិម សាវឿត មេឃុំសំបួរ ក្រោមអធិបតីភាព លោក សុខ ណារ៉េត អភិបាលរង ស្រុកក្រឡាញ់ និង លោក ហេង គឹមចុង ប្រធាន ស.ស.យ.ក ស្រុកក្រឡាញ់។
ឧបត្ថម្ភជូនសាលាឃុំសំបួរ មានដូចជា៖- ទឹកសុទ្ធ ២០យួរ- ទឹកក្រូច ១កេស- មី ១កេស- សាប៊ូលាងដៃ ១ធុង (២០លីត្រ)- ម៉ាស ៨ប្រអប់ (៤០០ម៉ាស)- អាកុល ៣ដប
៣- ចែកអំណោយជូនគ្រួសារក្រីក្រ ចំនួន២គ្រួសារ៖
-គ្រួសារក្រីក្រទី១
លោក ចាប ប៉ុញ អាយុ ៥៨ឆ្នាំ និង ប្រពន្ធឈ្មោះ ណម ណន អាយុ ៥៨ឆ្នាំ រស់នៅភូមិសន្ថន ឃុំសំបួរ ស្រុកក្រឡាញ់។
-គ្រួសារក្រីក្រទី២លោក សួន ថៃ អាយុ ៣៣ឆ្នាំ និង ប្រពន្ធឈ្មោះ វុន ស៊ីម អាយុ ៤០ឆ្នាំ។
អំណោយក្នុង១គ្រួសារ មានដូចជា ៖- ថវិកា ៥មុឺនរៀល- អង្ករ ២៥គីឡូ- ទឹកសុទ្ធ ១០យួរ- មី ១កេស- ត្រីខ១យួរ- ទឹកស៊ីអ៉ីវ ១យួរ- ទឹកត្រី ១យួរ- ប្រេងឆា ១លីត្រ- ស្ករស ១គីឡូ- ប៊ីចេង ១គីឡូ- អំបិល ១គីឡូ- សាប៊ូលាងចាន ១ធុង (៥លីត្រ)- ពងទា ៥០គ្រាប់
- អាកុល ១ដប។
ក្នុងឱកាសចុះជួបសំណេះសំណាលនិងចែកអំណោយដល់ពលរដ្ឋនេះ លោក ថាញ់ រ៉ូ បានពាំនាំនូវមតិផ្តាំផ្ញើពីសំណាក់លោកហ៊ុន ប៉ូគា សូមមេត្តាយកចិត្តទុកដាក់ អោយបានខ្ពស់នូវអនាម័យ។ ជាពិសេសសូមចូលរួមអនុវត្តតាមប្រសាសន៍ណែនាំរបស់ សម្តេចតេជោ (៣កុំ ៣ការពារ) ឲ្យបានខ្ជាប់ខ្ជួនដើម្បីជៀសផុតពីមេរោគកូវីដ-១៩ ដ៏កាចសាហាវនេះ៕SRP