Siem Reap Post – Page 306 – Siem Reap News, Cambodia News

ខេត្តសៀមរាប៖បុរសម្នាក់បានស្លាប់និងម្នាក់ទៀតបានរងរបួសធ្ងន់ខណៈបើកម៉ូតូទៅបុកនឹងគោយន្តឆ្នៃ។

ហេតុការណ៍បានកើតឡើងនៅថ្ងៃទី០៦ ខែធ្នូ ឆ្នាំ២០២១ វេលាម៉ោង ១៩និង១០នាទី លើផ្លូវជាតិលេខ៦ ត្រង់ចំណុចចន្លោះបង្គោលគីឡូម៉ែត្រលេខ៣២៩និង៣៣០ ភូមិគោកថ្មី ឃុំពួក ស្រុកពួក ខេត្តសៀមរាប។

អធិការនគរបាលស្រុកពួក លោកទេព ពុំសែន បានអោយដឹងថា៖ គ្រោះថ្នាក់ចរាចរណ៍នេះរវាងម៉ូតូម៉ាកហុងដាក្លិច ផលិតឆ្នាំ២០១៩ ព៌ណស ពាក់ស្លាកលេខសៀមរាប 1AF9322 បើកបរដោយឈ្មោះប៉ក់ ជើប ភេទប្រុស អាយុ២៣ឆ្នាំ នៅភូមិចាន់តាសាយ ឃុំសសរស្តម្ភ ស្រុកពួក ខេត្តសៀមរាប (ពាក់មួកសុវត្ថិភាព)ស្លាប់ ដឹកឈ្មោះនុប ថៃសាន់ ភេទប្រុស អាយុ២២ឆ្នាំ នៅភូមិដូនទ្រ ឃុំល្វា ស្រុកពួក ខេត្តសៀមរាប (គ្មានមួកសុវត្ថិភាព)របួសធ្ងន់ បើកបរទិសដៅពីលិចទៅកើត បានបុកនឹងគោយន្តកែឆ្នៃ ព៌ណបៃតង គ្មានស្លាកលេខ បើកបរដោយ ឈ្មោះ រិន រើយ ភេទប្រុស អាយុ៤១ឆ្នាំ រស់នៅភូមិគោកថ្មី ឃុំពួក ស្រកពួក ខេត្តសៀមរាប ឈប់នៅជាយផ្លូវខាងត្បូងក្បាលទៅទិសខាងកើតបានរត់គេចខ្លួនបាត់។

មូលហេតុបណ្តាលមកពីអ្នកបើកម៉ូតូបើកបរក្នុងល្បឿនលឿនខ្វះការប្រុងប្រយ័ត្ន។ ករណីនេះបានប្រគល់សាកសពជូនក្រុមគ្រួសារយកទៅធ្វើបុណ្យតាមប្រពៃណី។ ចំណែវត្ថុតាងមករក្សាទុកនៅអធិការដ្ឋានស្រុកពួកដើម្បីបន្តនីតិវិធី៕SRP

ខេត្តសៀមរាប៖បុរសម្នាក់ត្រូវបានកម្លាំងការិយាល័យនគរបាលព្រហ្មទណ្ឌកម្រិតធ្ងន់ ដឹកនាំដោយលោកសុខ ម៉េងអ៊ាង ចាប់ខ្លួននៅថ្ងៃទី ៦ ខែធ្នូ ម្សិលមិញ ពាក់ព័ន្ទករណី អំពើលួច មានស្ថានទម្ងន់ទោស ប្រព្រឹត្តក្នុងក្រុងសៀមរាប ចំនួន៤ករណី។

មន្ត្រីនគរបាលព្រហ្មទណ្ឌកម្រិតធ្ងន់ខេត្តសៀមរាប បានថ្លែងប្រាប់សៀមរាបប៉ុស្តិ៍ នៅព្រឹកនេះថា ជនសង្ស័យ ឈ្មោះ យ៉ាន់ បូរី ភេទប្រុស អាយុ៣៨ឆ្នាំ មុខរបរគ្មាន រស់នៅភូមិកំព្រុំ ឃុំឃុនរាម ស្រុកបន្ទាយស្រី ខេត្តសៀមរាប។

មន្ត្រីនគរបាលបានបន្តថា នៅក្នុងអំឡុងខែ តុលា និង ខែ វិច្ឆិកា ឆ្នាំ២០២១ ជនសង្ស័យ ឈ្មោះ យ៉ាន់ បូរី បានធ្វើសកម្មភាពផ្លោះរបង ចូលលួច ទ្រព្យសម្បត្តិ ចំនួន ៤ដងខាងក្រោម៖

ករណីទី១ កាលពីវេលាម៉ោង ០២និង ៣០នាទី យប់ថ្ងៃទី១៨ខែតុលា ឆ្នាំ២០២១ ត្រង់ចំណុច ហាងលក់ទូរស័ព្ទរបស់ជនរងគ្រោះ ឈ្មោះ រ៉ែម រាប ស្ថិតវត្តបូព៌ ជនសង្ស័យលួចយកកូនសោទូចាក់ បើកយកទូរ ស័ព្ទម៉ាក oppo និង vivo ចំនួន៨គ្រឿង។

ករណីទី២ កាលពីវេលាម៉ោង១និង ៤០នាទី ថ្ងៃទី២០ ខែវិច្ឆិកា ឆ្នាំ២០២១ ត្រង់ចំណុចផ្ទះជនរងគ្រោះ ឈ្មោះ ចាន់ ធឿន ស្ថិតក្នុងភូមិគោកតាចាន់ បានផ្លោះរបងចូលលួចយកប្រាក់ដុល្លា ៧០០០$ និងទូរស័ព្ទ sumsung ១គ្រឿង។

ករណីទី៣ កាលពីវេលាម៉ោង២២ ថ្ងៃទី២៨ ខែវិច្ឆិកា ឆ្នាំ២០២១ លើជនរងគ្រោះ ឈ្មោះ ហេង សៀក ត្រង់ចំណុចភូមិសាលាកន្សែង ជនសង្ស័យ ចូលលួចយកទូរស័ព្ទ៤គ្រឿង ( iPhone 6plus ០១គ្រឿង, xs max ០១គ្រឿង, oppo ០១គ្រឿង និង reall me ០១គ្រឿង )។

ករណីទី៤ កាលពីវេលាម៉ោង២និង៥០នាទី យប់ឈានចូលថ្ងៃទី២៩ ខែវិច្ឆិកា ឆ្នាំ២០២១ លើជនរងគ្រោះ ឈ្មោះគុជ សុវណ្ណ ត្រង់ចំណុចភូមិខ្នារ បានយកឈើឆ្កឹះយកកាបូប របស់ជនរងគ្រោះទុកក្នុងបន្ទប់ ក្នុងកាបូបមានប្រាក់ដុល្លារ៥០០ ប្រាក់ខ្មែរ ៥ម៉ឹនរៀល។

មន្ត្រីនគរបាលបានបញ្ជាក់ថាតាមចម្លើយសារភាព របស់ជនសង្ស័យ ឈ្មោះ យ៉ាន់ បូរី បានឆ្លើយសារភាពថា ខ្លួនពិតជាបានធ្វើ សកម្មភាពករណីខាងលើនេះ ពិតប្រាកដមែន ប៉ុន្តែ ករណីទី១ ខ្លួនលួចបានទូរស័ព្ទ ០៦គ្រឿង ករណីទី២ លួចបានប្រាក់ដុល្លា ៣០០០$ និងទូរស័ព្ទ ០១គ្រឿង ករណីទី៣ មិនឆ្លើយសារភាពនោះទេ និងករណីទី៤ លួចបានប្រាក់ ៤ម៉ឺនរៀល។ ចំពោះប្រាក់ដែលលួចបាន ខ្លួនបានចាយអស់ ចំណែកទូរស័ព្ទ ខ្លួនបានលក់ឲ្យពួកម៉ូតូ ឌុបមុខផ្សារលើ យកប្រាក់ចាយអស់ហើយ។

សូមបញ្ជាក់ថាចំពោះករណីទាំង០៤ ខាងលើនេះគឺមាន video camera ថតអំពីសកម្មភាព របស់ជនសង្ស័យ ឈ្មោះ យ៉ាន់ បូរី នៅកន្លែងកើតហេតុ៕SRP

ខេត្តកំពង់ចាម៖អាជ្ញាធរខេត្ត បានសម្រេច
ក្រុងពាលីបើកការដ្ឋានសាងសង់វិមានឯករាជ្យ ស្ថិតនៅក្នុងភូមិទី៦ សង្កាត់វាលវង់។

ពិធីធ្វើឡើងនៅព្រឹកមិញនេះ ដោយមានការចូលរួមពីលោក ខ្លូត ផន ប្រធានក្រុមប្រឹក្សាខេត្តកំពង់ចាម និងមន្ត្រីពាក់ព័ន្ធមួយចំនួនផងដែរ។

ថ្លែងក្នុងពិធីក្រុងពាលី លោក អ៊ុន ចាន់ដា អភិបាលខេត្តកំពង់ចាម បានថ្លែងថា ការកសាងវិមានឯករាជ្យ ពិតជាមានសារៈសំខាន់ណាស់ ដើម្បីរំលេចនូវស្នាព្រះហស្ថ ជាប្រវត្តិសាស្ត្រ នៃការអបអរសាទរ បុណ្យឯករាជ្យជាតិ ក្រោមព្រះរាជបូនីយកិច្ចដឹកនាំដ៏ខ្ពង់ខ្ពស់ របស់ព្រះបរមរតនកោដិ ព្រះបាទ នរោត្ដម សី ហនុ ដែលបានទាមទារឯករាជ្យ ពីអាណានិគមនិយមបារាំង នាថ្ងៃ៩ វិច្ឆិកា ឆ្នាំ១៩៥៣។
លោក អ៊ុន ចាន់ដា បានបន្តថា ក្រៅពីនោះ ការកសាងសង់សំណង់ប្រវត្តិសាស្ត្រនេះ ក៏ជាផ្នែកមួយ បានបន្សល់ទុកនូវស្នាដៃប្រវត្តិសាស្ត្រ ជូនដល់ប្រជាពលរដ្ឋ ក៏ដូចជាកូនចៅជំនាន់ក្រោយ។ ទន្ទឹមគ្នានោះ សំណង់វិមានឯករាជ្យនេះ ក៏បានចូលរួមចំណែក ក្នុងការលើកកម្ពស់សោភណ្ឌភាព ក្រុងកំពង់ចាម និងការទាក់ទាញភ្ញៀវទេសចរណ៍ជាតិ អន្តរជាតិ ពេលមកលេងកំសាន្ត ក្នុងទឹកដីខេត្តកំពង់ចាម ក៏ដូចជាការចូលរួមប្រលងប្រណាំងចលនាទីក្រុងស្អាត នាឆ្នាំបន្តបន្ទាប់ខាងមុខផងដែរ។

លោកអភិបាលខេត្ត បានបញ្ជាក់ដែរថា ផ្អែកតាមផែនការសាងសង់ គម្រោងនេះ គឺចាប់ផ្ដើមអនុវត្តចាប់ពីថ្ងៃទី៦ធ្នូ នេះតទៅ និងគ្រោងបញ្ចប់ ក្នុងរយៈពេល ១ឆ្នាំ ហើយនៅថ្ងៃទី៩ វិច្ឆិកា នៃការប្រារព្ធខួបអនុស្សាវរីយ៍ បុណ្យឯករាជ្យជាតិ សម្រាប់ឆ្នាំ២០២២ យើងនឹងយកថ្ងៃនោះ ដើម្បីដាក់សម្ពោធនូវសមិទ្ធផលនេះ។

គួរកត់សម្គាល់ថា ទីតាំងដែលអាជ្ញាធរ សម្រេចសាងសង់វិមានឯករាជ្យ នាពេលនេះ គឺស្ថិតនៅចំណុចផ្លូវកៅស៊ូ ខាងមុខច្រកចូលទៅសាលាគរុកោសល្យ ខេត្តកំពង់ចាម។ ជាមួយនោះ អាជ្ញាធរ ក៏បានសាងសង់ពង្រីកផ្លូវឲ្យធំទូលាយ នៅចំណុចរង្វង់មូល ជុំវិញវិមានឯករាជ្យនេះ រួមទាំង ការពង្រីកផ្លូវបន្ថែម ចាប់ពីចំណុចរង្វង់មូលនាគព័ន្ធ រហូតមកដល់ចំណុចទន្លេអុំ។ ដោយឡែកដើម្បី សម្រួលដល់កិច្ចដំណើរការ នៃការដ្ឋានអាជ្ញាធរ ក៏បានផ្អាកការចរាចរណ៍ជាបណ្ដោះអាសន្ន ត្រង់ចំណុចកំណាត់ផ្លូវលេខ ៧ចាស់ មួយរយៈសិន ដោយបង្វែទិសចរាចរណ៍ តាមផ្លូវលេខ ៧ ថ្មី ឬវាងតាមទន្លេអ៊ុំវិញ ផងដែរ៕SRP

Sponsored

ភ្នំពេញ៖សម្ដេចតេជោនាយករដ្ឋមន្ត្រី ហ៊ុន សែន បានប្រកាសយកថ្ងៃទី ១៨ ខែធ្នូឆ្នាំ ២០២១ ខាងមុខនេះដើម្បីសម្ពោធដាក់ឲ្យប្រើប្រាស់ជាព្រឹតិ្តការណ៍ពហុកីឡាដ្ឋានជាតិមរតកដែកជោខណៈខណៈដែលនឹងមានមនុស្សយ៉ាងតិចណាស់ ១៥០០០ នាក់នឹងអញ្ជើញចូលរួមនៅក្នុងពិធីសម្ពោធពហុកីឡាដ្ឋានធំមួយនេះ។ ពហុកីឡាដ្ឋានជាតិមរតកតេជោស្ថិតនៅសង្កាត់ព្រែកតាមាក់ខណ្ឌឬស្សីកែវរាជធានីភ្នំពេញហើយពហុកីឡាដ្ឋាននេះមានចម្ងាយ ១២គីឡូម៉ែត្រពីប្រវត្តិភ្នំសាងសង់នៅលើផ្ទៃដីទំហំជាងបានខ្សឹបប្រាប់ហើយតាពហុកីឡាដ្ឋានជាតិមរតកតេជោត្រូវបានធ្វើពិធីប្រគល់និងទទួលជាផ្លូវការកាលពីរសៀលថ្ងៃទី ១២ខែកញ្ញាឆ្នាំ ២០២១ កន្លងទៅក្រោមអធិបតីភាពសម្តេចតេជោហ៊ុនសែននាយករដ្ឋមន្ត្រីនៃកម្ពុជានិងឯកឧត្តមបាំងជីទីប្រឹក្សារដ្ឋនិងជារដ្ឋមន្ត្រីការបរទេសនៃសាធារណរដ្ឋប្រជាមានិតចិនការប្រកាសបែបនេះរបស់សម្ដេចតេជោហ៊ុនសែនបានធ្វើឡើងនៅក្នុងពិធីសម្ពោធដាក់ឱ្យប្រើប្រាស់ផ្លូវជាតិលេខ ១១ ទៅផ្លូវក្នុងក្រុងព្រៃវែងដែលមានប្រវែងជិត ១០០ គីឡូម៉ែត្រចំណាយថវិកាជិត ១០០លានដុល្លារអាមេរិក៕SRP

ខេត្តសៀមរាប៖រថយន្តសេរីទំនើបមួយគ្រឿងបានក្រឡាប់ផ្ញាជើងនៅផ្លូវក្រវ៉ាត់ក្រុងសៀមរាប បង្កឲ្យមានការភ្ញាក់ផ្អើលយ៉ាងខ្លាំងដល់សមត្ថកិច្ចនិងប្រជាពលរដ្ឋ។

សមត្ថកិច្ចចរាចរណ៍ខេត្តសៀមរាបបានប្រាប់អង្គភាពសៀមរាបប៉ុស្តិ៍ថា ហេតុការណ៍គ្រោះថ្នាក់ចរាចរណ៍នេះ បានកើតឡើង នៅថ្ងៃទី ០៥ ខែ ធ្នូ ឆ្នាំ ២០២១ នៅវេលាម៉ោង ២០និង៥០នាទី ត្រង់ចំណុច ផ្លូវបំបែកជាបួន ស្ថិតនៅភូមិវាល សង្កាត់ជ្រាវ ក្រុងសៀមរាប រវៀងរថយន្តនិងរថយន្ត។

សមត្ថកិច្ចចរាចណ៍បានបន្តថាថយន្តដែលក្រឡាប់ផ្ងាជើងម៉ាក ហ្វតរ៉េបធើ(Ford Raptor) ព៌ណខៀវ ផ្លាកលេខ សៀមរាប២D-០០០៥ មានម្ចាស់ឈ្មោះ ឡុង ប៊ុន ហោ រស់នៅក្នុងក្រុងសៀមរាប។ ចំណែករថយន្តមួយគ្រឿងទៀតដែលសមត្ថកិច្ចអះអាងថាបានប៉ះគ្នាជាមួយរថយន្តសេរីទំនើបខាងលើនេះម៉ាក ហ៊ីយ៉ាន់ដាយ ព៌ណបៃតង ស្លាកលេខមុខកំពង់ចាម ៣A-៦៥៦៥/ ស្លាកខាងលេខក្រោយ ព្រះសីហនុ ៤A-៣៥៩១។

ជុំវិញហេតុការណ៍គ្រោះថ្នាក់ចរាចរណ៍ សមត្ថកិច្ចចរាចរណ៍ មិនបានបញ្ជាក់ឈ្មោះម្ចាស់រថយន្តហ៊ីយ៉ាន់ដាយនោះទេ ប៉ុន្តែថាភាគីទាំងពីរបានសម្របសម្រួលគ្នាបញ្ចប់រឿងរួចហើយ៕SRP

ខេត្តព្រៃវែង៖សម្ដេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា នៅថ្ងៃចន្ទ ថ្ងៃទី៦ ខែធ្នូ ឆ្នាំ២០២១ រួមជាមួយនឹងឯកឧត្តម វ៉ាង វិនធៀន ឯកអគ្គរដ្ឋទូតចិនប្រចាំនៅកម្ពុជា នឹងអញ្ជើញជាអធិបតីភាពដ៏ខ្ពង់ខ្ពស់នៅក្នុងពិធីសម្ពោធដាក់ឲ្យប្រើប្រាស់ជាផ្លូវការនូវផ្លូវជាតិលេខ១១។ ផ្លូវជាតិលេខ១១នេះបានចំណាយថវិកាសាងសង់អស់ទឹកប្រាក់ប្រមាណ ៩៨.៣៨៨ លានដុល្លារអាមេរិក ជាហិរញ្ញប្បទានរបស់សាធារណរដ្ឋប្រជាមានិតចិន រួមជាមួយនឹងថវិកាបដិភាគរបស់រាជរដ្ឋាភិបាលកម្ពុជា។

គម្រោងសាងសង់ផ្លូវជាតិលេខ១១ និងផ្លូវក្នុងក្រុងព្រៃវែង មានប្រវែងសរុប ៩៦.៤៨គីឡូម៉ែត្រ ចាប់ពីអ្នកលឿង (ចំណុចប្រសព្វផ្លូវជាតិលេខ១) ស្ថិតនៅភូមិលេខ៤ ឃុំព្រែកខ្សាយ-ខ ស្រុកពាមរក៍ ខេត្តព្រៃវែង ដល់ថ្នល់ទទឹង (ចំណុចប្រសព្វផ្លូវជាតិលេខ៧) ស្ថិតក្នុងភូមិស្លាបក្តោង ឃុំជប់ ស្រុកត្បូងឃ្មុំ ខេត្តត្បូងឃ្មុំ។ ក្នុងប្រវែងខ្សែផ្លូវសរុប ផ្លូវជាតិមានប្រវែង ៨៦.៦៨គីឡូម៉ែត្រ ឆ្លងកាត់ទឹកដីខេត្តព្រៃវែង ប្រវែង ៦៥គីឡូម៉ែត្រ និងទឹកដីខេត្តត្បូងឃ្មុំ ប្រវែង ២១.៦៨គីឡូម៉ែត្រ និងផ្លូវក្នុងក្រុងព្រៃវែងប្រវែង ៩.៨០គីឡូម៉ែត្រ។

ហេដ្ឋារចនាសម្ព័ន្ធ ផ្លូវ ស្ពាន គឺជាវិស័យអាទិភាពមួយនៅក្នុងគោលនយោបាយដឹកនាំរបស់រាជរដ្ឋាភិបាលកម្ពុជា។ មកដល់ពេលបច្ចុប្បន្ននេះ ទោះបីស្ថិតក្នុងវិបត្តិនៃការរាតដោយជំងឺកូវីដ១៩យ៉ាងណាក្តី តែការកសាងហេដ្ឋារចនាសម្ព័ន្ធ ផ្លូវ ស្ពាន នៅតែបន្តដំណើរការ ហើយផ្លូវជាច្រើនបានបញ្ចប់ការសាងសង់ និងសម្ពោធដាក់ឱ្យប្រើប្រាស់ជាបន្តបន្ទាប់ ដើម្បីបំពេញសេចក្តីត្រូវការរបស់ប្រជាពលរដ្ឋ និងដើម្បីរុញកំណើនសេដ្ឋកិច្ចជាតិ។ ផ្លូវជាតិលេខ១១ និងផ្លូវក្នុងក្រុងព្រៃវែង គឺជាចំណងដៃដ៏ថ្លៃថ្លាមិនអាចកាត់ថ្លៃបាន របស់រាជរដ្ឋាភិបាលកម្ពុជា ជូនដល់ប្រជាពលរដ្ឋខេត្តព្រៃវែង និងខេត្តត្បូងឃ្មុំ ព្រមទាំងប្រជាពលរដ្ឋទូទាំងប្រទេស ដើម្បីប្រើប្រាស់ជាប្រយោជន៍ទូទៅ និងយូរអង្វែង៕SRP

Sponsored

ខេត្តសៀមរាប៖បុរសម្នាក់បានបើករថយន្តបុកបង្គោលភ្លើងនិងឃឿនផ្លូវ បណ្ដាលឲ្យរថយន្តរងការខូចខាតយ៉ាងដំណំ បង្កឲ្យបាក់បង្គោលភ្លើង១ដើម និងខូចខាតឃឿនទ្រូងផ្លូវមួយចំនួនផងដែរ។

ហេតុការណ៍បានកើតឡើងនៅថ្ងៃទី០៤ខែធ្នូ ឆ្នាំ២០២១ នៅវេលាម៉ោង ២១ត្រង់ចំណុចខាងកើតផ្លូវចូលសាលាក្រុងសៀមរាប ស្ថិតនៅភូមិកសិកម្ម សង្កាត់ស្រង៉ែ ក្រុងសៀមរាប។

សមត្ថកិច្ចចរាចណ៍ខេត្តសៀមរាបបានឲ្យដឹងថាគ្រោះថ្នាក់ចរាចណ៍នេះបង្កឡើងដោយខ្លួនឯងរថយន្តម៉ាកលុចស៊ិស៣០០ ពណ៌សរកាំម៉ៃ ពាក់ស្លាកលេខសៀមរាប ២B៩៧១១មានទិសដៅពីកើតទៅលិច។ ម្ចាស់រថយន្តមានឈ្មោះ ឡុង ណី អាយុ៦៧ឆ្នាំ រស់នៅភូមិប្រយុទ្ធ សង្កាត់ទឹកវិល ក្រុងសៀមរាប។

បើតាមមន្ត្រីចរាចណ៍បន្តថាករណី នេះបណ្តាលអោយខូចខាត បង្គោលភ្លើងមួយ និងខឿនផ្លូវ១២ដុំ។ រថយន្តខូចខាតផ្នែកខាងមុខស្រាល។មូលហេតុអ្នកបើកបរ រថយន្តស្ថិតក្នុងស្ថានភាពស្រវឹង៕SRP

ខេត្តបាត់ដំបង៖លោកពេជ្រ សារ៉ែន អធិការ នគរបាលក្រុងបាត់ដំបង នៅថ្ងៃទី០៣ ខែធ្នូ ឆ្នាំ២០២១ បានដឹកនាំកម្លាំងជំនាញផ្នែកប្រឆាំងគ្រឿងញៀន ចុះបង្ក្រាបករណីគ្រឿងញៀន នៅចំណុចក្រុមទី០២ ភូមិច្រាបក្រសាំង សង្កាត់វត្តគរ ក្រុងបាត់ដំបង ខេត្តបាត់ដំបង។

ការបង្រ្កាបឃាត់ខ្លួនមនុស្ស២នាក់៖

១-ឈ្មោះ យ៉ង់ នី ភេទប្រុស អាយុ៣៣ ឆ្នាំ មានទីលំនៅក្រុមទី០២ ភូមិច្រាបក្រសាំង សង្កាត់វត្តគរ ក្រុងបាត់ដំបង (ម្ចាស់ថ្នាំញៀន)។ ២-ឈ្មោះមឿន រដ្ឋា ភេទប្រុស អាយុ៣១ ឆ្នាំ មានទីលំនៅ ភូមិច្រាបក្រសាំង សង្កាត់វត្តគរ ក្រុងបាត់ដំបង ត្រូវជាកូនចៅ។

ករណីនេះដកហូតវត្ថុតាងរួមមាន៖

– ម្សៅក្រាមពណ៌សថ្លាច្រកក្នុងថង់ប្លាស្ទិកថ្លា ចំនួន ១១ថង់ សង្ស័យមានសារធាតុញៀន(ទម្ងន់ ៤.១៨ក្រាមទាំងសំបក) ទូរស័ព្ទ១គ្រឿង ដាវសាំម៉ូរៃ១ដើម កូនកាបូបសម្រាប់ដាក់ថ្នាំញៀន១និងសម្ភារប្រើប្រាស់ថ្នាំញៀនមួយចំនួន។

បច្ចុប្បន្នជនសង្ស័យនិងវត្ថុតាង ត្រូវបាននគរបាល កសាងសំណុំរឿងបញ្ជូនទៅការិយាល័យជំនាញ ខេត្តបាត់ដំបង ដើម្បីចាត់ការតាមនីតិវិធី៕SRP

Sponsored