Skip to content
Siem Reap Post
  • ព័ត៌មានជាតិ
  • ព័ត៌មានអន្តរជាតិ
  • ទូរស័ព្ទ: 069382925/ 0886737999
លោកវេជ្ជបណ្ឌិត ក្រុស សារ៉ាត់ កោតសរសើរចំពោះសមិទ្ធិផលដ៏ត្រចេះត្រចង់ ដែលមន្ទីរពេទ្យបង្អែកខេត្តសៀមរាប សម្រេចបាននាឆ្នាំកន្លងមក
ចាងហ្វាងសារព័ត៌មានកម្ពុជាឈ្នះ ត្រូវបានតុលាការខេត្តតាកែវ ចេញដីកាកោះហៅឲ្យចូលបំភ្លឺ
ករណីអគ្គីភ័យមិនមានមនុស្សរងរបួស ប៉ុន្តែផ្ទះនឹងទ្រព្យសម្បត្តិត្រូវបានបំផ្លាញ
កាមេរ៉ាសុវត្ថិភាព ត្រូវបានបំពាក់បន្ថែមតាមដងផ្លូវនាៗ ក្នុងខេត្តសៀមរាប
សារព័ត៌មានជាអំណាចទី៤ ដ៏មានឥទ្ធិពល ក្នុងការជំរុញការអភិវឌ្ឍ និងការពារសន្តិភាព
Avatar photo
សៀមរាប ប៉ុស្តិ៍
១ មករា ២០២២

ខេត្តសៀមរាប៖កំពូលតារាចម្រៀង Cam.pop Galaxy Navatra កញ្ញា តន់ ចន្ទសីម៉ា បានបញ្ចេញសំនៀងញ៉ាក់ ដ៏កក្រើកជាង១០០បទ ក្នុងពិធី «បុណ្យភូមិសៀមរាប» នៅស្រុកបន្ទាយស្រី។

បុណ្យភូមិសៀមរាប ក្រៅពីការរាំលេងសប្បាយជាមួយ កំពូលតារាចម្រៀង Cam.pop Galaxy Navatra កញ្ញា តន់ ចន្ទសីម៉ា ជាង១០០បទ ពុកម៉ែបងប្អូនក៏បានទស្សនាទម្រង់សិល្បៈបុរាណជាច្រើនមុខ ព្រមទាំងភ្លក្សមុខម្ហូបអ្នកខេត្តសៀមរាប ទាំង១២ស្រុក ដោយឥតគិតថ្លៃ នៅថ្ងៃទី៣១ ខែធ្នូ ឆ្នាំ២០២១។

តាមការបញ្ជាក់ពីលោក អាចារ្យធំ អ្នកទទួលបន្ទុកផ្នែករៀបចំ ទម្រង់សិល្បៈបូរាណខ្មែរនៃពិធីបុណ្យនោះ បានឲ្យដឹងថា លោកបានរៀបចំជា៨ទម្រង់ ក្នុងនោះមាន ទី១,ស្លៀកពាក់បុរាណ សម័យលង្វែក សម័យអង្គរ។ ទី២, ការបង្ហាញ សត្រាវុធបុរាណខ្មែរ។ ទី៣, ការបង្ហាញ ចម្លាក់ស្បែកធំ។ ទី៤, សាក់យ័ន្តបុរាណខ្មែរ។ ទី៥,ការបង្ហាញធ្នូរខ្មែរ ទី៦,ឆៃយ៉ាំ ទី៧ស្គរដៃ និង៨ របាំបុរាណ។

តាមការវាយតម្លៃក្រៅផ្លូវការ បុណ្យភូមិសៀមរាប និងមានមនុស្សមកទស្សនាច្រើនម៉ឺននាក់ ព្រោះម្នាក់ៗចង់ឃើញ ការឡើងច្រៀងជាលើកដំបូង របស់កំពូលតារាចម្រៀង Cam.pop Galaxy Navatra កញ្ញា តន់ ចន្ទសីម៉ា ត្បិតអីតារាចម្រៀងស្រីរូបនេះ មិនធ្លាប់ឡើងឆាកតន្ត្រីឡើយ។ ជាងនេះទៅទៀត ពុកម៉ែបងប្អូនក៏ចង់ដឹង ចង់ទិញ ពីការប្រម៉ូសិន ដីឡូត៍ និងផ្ទះអាជីវកម្ម ផ្ទះលំហែ ក្នុងគម្រោងឡូតិ៍រីសតរបស់អ្នកឧកញ៉ា ឡេង ណាវ៉ាត្រា ដែលក្រុមហ៊ុនប្រកាសបើកលក់នៅថ្ងៃនោះផងដែរ។

ងាកមកមើលគម្រោងឡូតិ៍រីសត គម្រោងឡូតិ៍រីសត របស់អ្នកឧកញ៉ា ឡេង ណាវ៉ាត្រា ខេត្តសៀមរាបវិញ អ្នកឧកញ៉ាបានវិនិយោគលើតំបន់មានសក្ដានុពលខ្លាំងជាច្រើនរយហិតា ក្នុងនោះមានទេសភាពភ្នំហ៊ុព័ទ្ធជុំវិញ រីសត ដីជាប់មាត់ស្ទឹងសងខាងហ៊ុព័ទ្ធ តំបន់ជាច្រើនជុំវិញ។

ដីឡូតិ៍មានតម្លៃចាប់ពី៩៥០ ដុល្លារឡើងទៅ ដោយបង់រំលោះត្រឹមតែ៣០ ដុល្លារក្នុង១ខែ។ ដីមានទំហ៊ុ 5m x 20m, 20m x 30mនៅជាប់មាត់ស្ទឹង។ លើសពីនោះទៅទៀត គម្រោងរបស់អ្នកឧកញ៉ា ក៏មានលក់ផ្ទះលំហែ ជាប្រភេទវីឡា វិស្សមកាលដែលមានទំហ៊ុដី 20 x30 តម្លៃត្រឹមតែ ៦៨០០០ដុល្លារ ប៉ុណ្ណោះ៕SRP

Like 195
Comment 0
Share ចែកចាយ
Views 200
Avatar photo
សៀមរាប ប៉ុស្តិ៍
១ មករា ២០២២

ខេត្តសៀមរាប៖អភិបាលខេត្តសៀមរាប បានថ្លែងថា «យើងបានមកជុំគ្នាឆ្លងឆ្នាំសប្បាយនៅថ្ងៃនេះ ដោយសារសម្ដេចតេជោបានផ្ដល់វ៉ាក់សាំងឲ្យយើង» សម្ដេចជួយទាំងអស់នេះហើយ អញ្ចឹងសូមឱ្យបងប្អូនគិតគូរដល់សម្ដេច»។

លោក ទៀ សីហា អភិបាលខេត្តសៀមរាប មានប្រសាសន៍យ៉ាងដូច្នេះ នៅបរិវេណមុខព្រះរាជដំណាក់ខេត្តសៀមរាប ក្នុងឱកាសអញ្ជើញជាកិត្តិយសដ៏ខ្ពង់ខ្ពស់ មកជួបជុំបងប្អូនប្រជាពលរដ្ឋ ខេត្តសៀមរាប ក៏ដូចជាភ្ញៀវជាតិនិងអន្តរជាតិជាច្រើនកុះករដើម្បីដឹកនាំធ្វើពិធីរាប់ថយក្រោយឆ្លងឆ្នាំសកល នារាត្រីថ្ងៃទី ៣១ ខែធ្នូ ឆ្នាំ ២០២១នឹងត្រៀមចូលឆ្នាំ ២០២២។

លោកអភិបាលខេត្ត បានធ្វើពិធីសំណេះសំណាលជាមួយបងប្អូនប្រជាពលរដ្ឋ ព្រមទាំង ភ្ញៀវជាតិនិងអន្តរជាតិដែលបានចូលរួមក្នុងពិធី ដោយមានការបញ្ជាក់ចំៗថា «តែយ៉ាងណាក៏ដោយយើងមានសុខសន្តិភាព យើងបានមកជួបជុំគ្នាថ្ងៃនេះ ដោយសារសម្ដេចតេជោលោកបានចាក់វ៉ាក់សាំងឲ្យយើងទាំងអស់គ្នា ហើយបន្តិចទៀតយើងនៅមានវ៉ាក់សាំងជាបន្តបន្ទាប់ ហើយចាក់ជូនប្អូនៗក្មួយៗទាំងអស់»។

អភិបាលខេត្តក៏បានរំលឹកដល់បងប្អូនប្រជាពលរដ្ឋភ្ញៀវជាតិនិងអន្តរជាតិទាំងអស់ ឲ្យមានការប្រុងប្រយ័ត្នទាំងអស់គ្នា ហើយសូមរក្សានៅគម្លាតសុវត្ថិភាព ជាពិសេសត្រូវអនុវត្តទៅតាមវិធានការ ៣ កុំនឹង ៣ការពារឲ្យបានជាអតិបរិមា។

ជាទីបញ្ចប់នៃពិធីសំណេះសំណាលលោកក៏បានជូនពរឆ្នាំថ្មី ដល់បងប្អូន ភ្ញៀវជាតិ និងអន្តរជាតិទាំងអស់និងបានចាប់ផ្ដើមរាប់ថយក្រោយទាំងអស់គ្នាដើម្បីឆ្លងឆ្នាំសកល ព្រមទាំងមានការបាញ់នូវកាំជ្រួចចម្រុះពណ៌ បញ្ជាក់ជាសញ្ញាពន្លឺដែលនឹងនាំមកនូវ ឯករាជ្យ សន្តិភាព និង សេរីភាព សម្រាប់ឆ្នាំថ្មីផងដែរ៕SRP

Like 195
Comment 0
Share ចែកចាយ
Views 0
Avatar photo
សៀមរាប ប៉ុស្តិ៍
៣១ ធ្នូ ២០២១

ខេត្តសៀមរាប៖យ៉ាងហោចណាស់មនុស្សចំនួន២នាក់បានស្លាប់នៅនឹងកន្លែងកើតហេតុនិងម្នាក់ទៀតបានរងរបួសធ្ងន់ក្នុងហេតុការណ៍គ្រោះថ្នាក់ចរាចរណ៍ ២ ករណីផ្សេងគ្នា។

យោងតាមរបាយការណ៍របស់សមត្ថកិច្ចបានប្រាប់សៀមរាបប៉ុស្តិ៍ថា ករណីទី១នៅវេលាម៉ោង ១៦និង៣០នាទី ថ្ងៃទី៣១ ខែធ្នូ ឆ្នាំ២០២១ តាមបណ្ដោយផ្លូវជាតិលេខ៦ ត្រង់ចំណុចភូមិស្ទឹង ឃុំបាគង ស្រុកប្រាសាទបាគង ខេត្តសៀមរាប
-រវាងម៉ូតូនិងរថយន្តបើកច្រាសទិសគ្នា។

សមត្ថកិច្ចបានបញ្ជាក់ថា ជនរងគ្រោះ
១/ឈ្មោះ ម៉ាន មន ភេទប្រុសអាយុ៤៨ឆ្នាំមុខរបរជាងសំណង់ រស់នៅភូមិសំរោង ឃុំខ្នាពោធិ៍ស្រុកសូទ្រនិគមន៍ ខេត្តសៀមរាប អ្នកបើកម៉ូតូ ពីលិចទៅកើត ម៉ូតូសេរីម៉ាកហុងដាទ្រីម.សេ១២៥ពណ៌ខ្មៅ ឆ្នាំ២០២០ ផ្លាកលេខសៀមរាប1X៩១៩០(ស្លាប់នៅនិងកន្លែងកើតហេតុ) ២/អ្នកជិះម៉ូតូរួមដំណើរ១នាក់ ជិះខាងក្រោយមិនស្គាល់អត្តសញ្ញាណ ភេទប្រុស(ស្លាប់នៅនិងកន្លែងកើតហេតុ) បុកជាមួយរថយន្តមួយគ្រឿងម៉ាក( NiSAN )FRONTIER ពណ៌ស ផ្លាកលេខភ្នុំពេញ២Z៩៧៥២ បើកពីទិសខាងកើតទៅលិច បន្ទាប់មកក៏មានរថយន្តម៉ាកPRIUS.ពណ៌ស្លែរ ពាក់ផ្លាកលេខកំពង់ធំ 2A5171 បើកបរដោយមិនស្គាល់អត្តសញ្ញាណបុកពីក្រោយរថយន្តFROUNTIER បន្ត។ ក្រោយពេលកើតហេតុរួចម្ចាស់រថយន្តទាំង២គ្រឿងរត់គិចខ្លួនបាត់។មូលហេតុអ្នកបើកបរមូ៉តូមិនប្រកាន់ស្តាំ។ ករណីនេះរថយន្តនិងម៉ូតូយករក្សាទុកនៅអធិការដ្ឋាននគរបាលស្រុករងចាំដោះស្រាយតាមនិតិវិធីច្បាប់។

ករណីទី២នៅវេលាម៉ោង១៥និង៣០នាទី ថ្ងៃទ៣១ ខែធ្នូ ឆ្នាំ២០២១ នៅចំណុចភូមិដំដែកថ្មី ឃុំដំដែក ស្រុកសទ្រនិគម ខេត្តសៀមរាប លើកំណាត់ផ្លូវជាតិលេខ៦ រវាងរថយន្តម៉ាកTUNDRAពណ៌ស្ករ ពាក់ស្លាកលេខភ្នំពេញ2AB5291បើកបរដោយឈ្មោះណារសេរ អ៊ុតឌីន ភេទប្រុស អាយុឆ្នាំ នៅភូមិព្រែករាំង សង្កាត់កំពង់សំណាញ់ ក្រុងតាខ្មៅ ខេត្តកណ្ដាល បើកបរពីកើតទៅលិចបុកម៉តូម៉ាកហុងដាឌ្រីមពណ៌ខ្មៅ សេរី២០១២ ពាក់ស្លាកលេខសៀមរាប1K.8589 បើកបរពីលិចទៅកើត បណ្ដាលអោយរបួសធ្ងន់ម្នាក់ឈ្មោះបឹង បឿន ភេទប្រុសអាយុ៣៩ឆ្នាំ ទីលំនៅភូមិកំពង់ថ្កូវ ឃុំមានជ័យ ស្រុកប្រាសាទបាគង ខេត្តសៀមរាប(អ្នកបើកបរម៉ូតូ)។ ត្រូវបានគេបញ្ជូនទៅមន្ទីរពេទ្យ។ ឯរថយន្តនិងម៉ូតូរក្សាទុកនៅអធិការនគរបាលស្រុក៕SRP

Like 195
Comment 0
Share ចែកចាយ
Views 0
Sponsored
Sponsored
Avatar photo
សៀមរាប ប៉ុស្តិ៍
៣១ ធ្នូ ២០២១

ខេត្តសៀមរាប៖អភិបាលស្រុកដ៏ល្បីឈ្មោះមួយរូបនៅខេត្តសៀមរាប លោក ឃឹម ហ្វីណង់ បានបញ្ចេញសារហាក់មានភាពកំសត់ផងនឹងសប្បាយចិត្តផងនៅលើផេកហ្វេសប៊ុក ផ្លូវការរបស់លោក។

ក្នុងសាររបស់លោកបានបញ្ជាក់អត្ថន័យបែបកំសត់យ៉ាងដូច្នេះថា «ទីបំផុត ឆ្នាំដ៏លំបាកលំបិនមួយទៀតក៏បានឈានមកដល់ទីបញ្ចប់ ទោះបីជាប្រកបដោយភាពរលូនខ្លះ មិនរលូនខ្លះក៏ដោយ»។ យ៉ាងណាក៏ដោយលោកក៏បានថ្លែងសារលើកទឹកចិត្តប្រកបដោយមោទនភាពថា« យើងទាំងអស់គ្នាគួរតែទះស្មាសរសើរខ្លួនឯងដែលអាចធ្វើវាបាន ដែលបានជំនះនូវរាល់គ្រប់ឧបសគ្គទាំងអស់ និងបានឆ្លងកាត់ការលំបាកឆ្នាំចាស់ប្រកបដោយមោទនភាព»។

នៅថ្ងៃចុងក្រោយនៃឆ្នាំ ២០២១នេះ ផងដែរលោកក៏បានផ្ញើសារជូនពរប្រជាពលរដ្ឋដែលរស់នៅក្នុងស្រុកបន្ទាយស្រីដែលស្ថិតនៅក្រោមដែនរដ្ឋបាលរបស់ខ្លួនថា «នៅក្នុងឱកាសនៃថ្ងៃចុងក្រោយនៃឆ្នាំ២០២១ ខ្ញុំនិងក្រុមគ្រួសារ សូមយកពេលវេលាដ៏សមស្របមួយនេះ ជូនពរឆ្នាំថ្មី«ឆ្នាំសកល ២០២២» ជូនដល់ពុកម៉ែបងប្អូនទាំងអស់ ជាពិសេសអ្នកស្រុកបន្ទាយស្រី ឲ្យទទួលបាននូវភាពស្រស់បំព្រងក្នុងជីវិត ប្រាថ្នាអ្វីបានសមដូចបំណង និងពោរពេញទៅដោយស្នាមញញឹមនៃសុភមង្គល!

នៅក្នុងឱកាសដ៏សែនមនោរម្យនិងរំភើប និងមានសេរីមង្គល បន្ទាប់ពីឆ្លងកាត់នូវរឿងរ៉ាវដ៏អាក្រក់មួយរយៈពេលមកអង្គភាព ‹សារព័ត៌មានសៀមរាបប៉ុស្តិ៍ ធីវី អនឡាញ› យើងខ្ញុំសូមរួមចំណែកផ្ញើរនូវការគោរពជូនពរលោកនិងក្រុមគ្រួសារព្រមទាំងប្រជាពលរដ្ឋដែលរស់នៅក្នុងដែនសមត្ថកិច្ចរដ្ឋបាលរបស់លោក សូមឱ្យឆ្នាំថ្មី ឆ្នាំ២០២២ ផ្តល់នូវថាមពលថ្មី ភាពជឿជាក់ថ្មី និងក្តីសង្ឃឹមថ្មី ដើម្បីភាពជោគជ័យថ្មីៗបន្ថែមទៀតផងដែរ៕SRP

Like 195
Comment 0
Share ចែកចាយ
Views 300
Avatar photo
សៀមរាប ប៉ុស្តិ៍
៣១ ធ្នូ ២០២១

ខេត្តសៀមរាប៖អ្នកបើកម៉ូតូបានស្លាប់ភ្លាមៗ ដោយសាររថយន្តបុកចំពេញទំហឹង។

ហេតុការណ៍បានកើតឡើងនៅថ្ងៃទី៣១ ខែធ្នូ ឆ្នាំ២០២១ វេលាម៉ោង១២ថ្ងៃត្រង់ នៅចំណុចចុងភូមិខ្ចាស់ ផ្លូវចុះទៅភូមិជ្រៃ ឃុំខ្ចាស់ ស្រុកសូទ្រនិគម ខេត្តសៀមរាប រវាងម៉ូតូនិងឡានទិសខាងលិចមកកើតស្របទិសគ្នា។

របាយការណ៍បានឲ្យដឹងថាករណីគ្រោះថ្នាក់ចរាចណ៍នេះ រម៉ូតូនិងឡាន មកដល់ផ្លូវបំបែកចុះទៅភូមិជ្រៃ ម្ចាស់ម៉ូតូបានវ៉ាឡើងមកមុខឡានរួចបត់ចូលទៅភូមិជ្រៃ បណ្ដាលអោយឡានបុកអ្នកបើកបរម៉ូតូស្លាប់នៅនិងកន្លែងកើតហេតុតែម្ដង។

ជនរងគ្រោះ ជិះម៉ូតូម៉ាកវ៉េវពណ)ក្រហមសេរីឆ្នាំ២០០១ ពាក់ស្លាកលេខសៀមរាប ១l៥១៥៤ អ្នកបើកមានឈ្មោះចោម យន់ភេទប្រុសអាយុ៦៤ឆ្នាំ នៅភូមិគោល ឃុំពពេល ស្រុកសូទ្រនិគមខេត្តសៀមរាប។ ចំណែករថយន្តម៉ាកហៃឡិនឌ័រពណ៌ទឹកប្រាក់ ពាក់ស្លាកលេខបន្ទាយមានជ័យ ២A៦១៣១
អ្នកបើកបរឈ្មោះឡត ប៊ុន ភេទប្រុសអាយុ៤៩ឆ្នាំ នៅភូមិម៉ាក់ឃ្លឿ ឃុំព្រៃខ្ពស់ ស្រុកបាវិលខេត្តបាត់ដំបង បានរត់គេចខ្លួនបាត់ បន្សល់នៅវត្ថុតាងឡានមួយគ្រឿង៕SRP

Like 195
Comment 0
Share ចែកចាយ
Views 300
Avatar photo
សៀមរាប ប៉ុស្តិ៍
៣០ ធ្នូ ២០២១

ខេត្តកំពង់ចាម​៖ក្នុង​ពិធី​សំណេះសំណាល​ជាមួយ​មន្ត្រី​រាជការ​សាលា​ខេត្តកំពង់ចាម​ សម្រាប់ឱកាស​ចូល​ឆ្នាំ​សកល​២០២២​ នៅថ្ងៃទី​៣០​ ខែធ្នូ​ ឆ្នាំ​២០២១​នេះ​ អភិបាលខេត្តកំពង់ចាម​ លោក​ អ៊ុន​ ចាន់ដា​ បានថ្លែងថា​ ក្នុង​នាមជា​​មន្ត្រី​រាជការគឺ​យេីង​ត្រូវ​បម្រើ​សេវា​សាធារណៈ​​ជូន​ប្រជាពលរដ្ឋ​ ដោយភាព​ស្មោះត្រង់​ និង​​មិន​ប្រកាន់​ពី​និន្នាការ​នយោបាយ​ ប៉ុន្តែ​ត្រូវ​​មាន​ភក្ដីភាព​ចំពោះ​រាជរដ្ឋាភិបាល​។

ថ្លែងក្នុង​ពិធី លោក អ៊ុន​ ចាន់ដា​ ក៏បានកោតសរសើរ​ និងវាយតម្លៃខ្ពស់រាល់ការខិតខំប្រឹងប្រែងរបស់មន្រី្ដរាជការសាលាខេត្តទាំងអស់​ ដែលបានខិតខំបំពេញការងារទទួលបានលទ្ធផលល្អ​ និងបន្តជំរុញលើកកម្ពស់ប្រសិទ្ធភាពការងារបន្ថែមទៀត​។

លោក​ អ៊ុន​ ចាន់ដា​ ក៏បាន​ណែនាំ​ថា​ ក្នុង​នាម​ជា​ថ្នាក់ដឹកនាំ​ ត្រូវ​បង្រៀន​មន្ត្រី​​ឲ្យ​ចេះ​ធ្វើ​ការ​ ហើយ​ត្រូវ​ទុក​ឱកាស​ឲ្យ​មន្ត្រី​ក្រោម​ឱវាទ​​បញ្ចេញ​សមត្ថភាព​ទេពកោសល្យ​ផង​ ដោយកុំ​ប្រកាន់​ច្រេីន ហេីយក៏កុំ​ចោល​ឥរិយាបថ​ទន់ភ្លន់​ ពោលគឺ​ត្រូវ​មាន​សាមគ្គីភាព​ផ្ទៃក្នុង​ ​​ខិតខំ​ធ្វេី​ការងារ​ បេី​មាន​បញ្ហា​អ្វី​កេីនឡេីង​​ត្រូវ​រួមគ្នា​ ដេីម្បី​ធ្វេីការ​ដោះស្រាយ​ផងដែរ​៕SRP

Like 195
Comment 0
Share ចែកចាយ
Views 300
Sponsored
Sponsored
Avatar photo
សៀមរាប ប៉ុស្តិ៍
២៩ ធ្នូ ២០២១

ខេត្តត្បូងឃ្មុំ​៖ក្នុងពិធីសំណេះសំណាលជាមួយ មេឃុំ ចៅសង្កាត់ ស្មៀន និងនាយប៉ុស្តិ៍នគរបាល ក្នុងខេត្តត្បូងឃ្មុំ​ នៅព្រឹក​មិញនេះ​  លោក ជាម ច័ន្ទសោភ័ណ​ អភិបាលខេត្ត​ត្បូងឃ្មុំ​ បានថ្លែងថា​ សមត្ថភាព ទេពកោសល្យខ្ពស់ គុណធម៌ និងសីលធម៌ល្អរបស់ លោក ហ៊ុន ម៉ាណែត គឺពិតជាសក្តិសមបំផុតសំរាប់បេក្ខភាពអនាគតនាយករដ្ឋមន្ត្រី​កម្ពុជា​។

ក្នុង​កិច្ចប្រជុំ​អភិបាលខេត្ត បានធ្វើការកោតសរសើរ ពីកិច្ចខិតខំប្រឹងប្រែងរបស់អាជ្ញាធរកងកម្លាំងទាំងបីនៃខេត្តត្បូងឃ្មុំ អាជ្ញាធរក្រុង-ស្រុក ក៏ដូចជាឃុំ-សង្កាត់ លើការអភិវឌ្ឍន៍ខេត្ត ឱ្យកាន់តែមានសោភណ្ឌភាព ដើម្បីទទួលស្វាគមន៍ដល់ភ្ញៀវទេសចរណ៍ជាតិ អន្តរជាតិ ចូលមកទស្សនាកម្សាន្ត និងទាក់ទាញអ្នកវិនិយោគផងដែរ។ 

អភិបាលខេត្ត​ ក៏បានលើកនូវបទពិសោធន៍ និងអនុសាសន៍ល្អៗមួយចំនួន ដើម្បីជាមូលដ្ឋានសម្រាប់រដ្ឋបាលថ្នាក់ក្រោមជាតិ យកទៅអនុវត្តឱ្យកាន់តែមានប្រសិទ្ធភាពខ្ពស់ ក្នុងការឆ្លើយតបនូវរាល់បញ្ហាទាំងឡាយដែលកើតមានកន្លងមក ដើម្បីធ្វើការកែប្រែ ប្រកបទៅដោយសន្តិវិធី ក្នុងការបម្រើដល់ប្រជាពលរដ្ឋ ដើមី្បជាទំនុកចិត្តរបស់ជាពិសេសគោលនយោបាយ ភូមិ ឃុំ មានសុវត្ថិភាព។

លោកជាម ច័ន្ទសោភ័ណ ក៏បានគូសបញ្ជាក់បន្ថែមទៀតថាជាការពិតណាស់ លោក ហ៊ុន ម៉ាណែត គឺជាយុវជនបន្តវេនពោរពេញដោយសក្ដានុពល និងជា ឥស្សរជនខ្មែរវ័យក្មេងដ៏ឆ្នើមមួយរូប ប្រកបដោយសមត្ថភាព ទេពកោសល្យ បទពិសោធន៍ គុណធម៌ សីលធម៌ ចរិយា សម្បត្តិ និងភាពជាអ្នកដឹកនាំជាន់ខ្ពស់ ដែលតែងតែចូលរួមយ៉ាងសកម្មក្នុងបេសកកម្មដើម្បីបុព្វហេតុជាតិ មាតុភូមិ និង ប្រជាជនកម្ពុជា ជាពិសេសក្នុងដំណាក់កាលប្រយុទ្ធ និងទប់ស្កាត់ការឆ្លងរាលដាលជាសកលជំងឺកូវីដ-១៩ ពោលគឺពិតជា សក្តិសមបំផុតសម្រាប់ធ្វើជាបេក្ខភាពនាយករដ្ឋមន្ត្រីពេលអនាគត៕SRP

Like 195
Comment 0
Share ចែកចាយ
Views 900
Avatar photo
សៀមរាប ប៉ុស្តិ៍
២៩ ធ្នូ ២០២១

ខេត្តកំពង់ចាម​៖អភិបាលខេត្តកំពង់ចាម​ លោក​ អ៊ុន​ ចាន់ដា​ បាន​ធ្វេីការ​ណែនាំ​ដល់​មន្ត្រីពាក់ព័ន្ធ​ ឲ្យ​មានការ​ប្រយ័ត្នប្រយែង​ចំពោះការចុះ​វាស់វែង​ដីធ្លី​ ត្រូវចៀសវាង​ជាដាច់ខាត​នូវការ​រំលោភ​បំពាន​យក​ដី​រដ្ឋ​ ជាពិសេស​ការ​ទន្ទ្រាន​កាន់កាប់​ដី​បឹងបួ​នានា​ ​​ជា​កម្មសិទ្ធិ​របស់​រដ្ឋ​​។

លោកថ្លែង​យ៉ាង​ដូច្នេះ​ក្នុង​កិច្ចប្រជុំ​​ស្តីពីការពិនិត្យ ពិភាក្សាលើសេចក្តីព្រាងតម្លៃអចលនទ្រព្យឧបសម្ពន្ធទី៦ ស្ដីពីការបែងចែកភូមិសាស្រ្ត និងតម្លៃអចលនទ្រព្យសម្រាប់ជាមូលដ្ឋានគិតពន្ធប្រថាប់ត្រា នៅក្នុងខេត្តកំពង់ចាម​ ដែលបានធ្វើឡើង​នៅថ្ងៃទី​២៩​ ខែធ្នូ​ ឆ្នាំ​២០២១​ នៅសាខាពន្ធដារខេត្ត​។

លោក​ អ៊ុន​ ចាន់ដា​ បានលេីកឡេីងថា​ ទោះបីជា​មាន​បុគ្គល​ណាមួយ​អះអាង​ថា​នឹងបង់ពន្ធ​អចលនទ្រព្យ​​ចូល​រដ្ឋ​យ៉ាងណាក្ដី​ ក៏យេីងមិន​ត្រូវ​វាស់វែង​អារកាត់​ដី​កម្មសិទ្ធិ​របស់​រដ្ឋ​ ឲ្យ​ទៅ​ឯកជន​គ្រប់គ្រង​បាន​ឡេីយ​ ជាពិសេស​ដី​នៅ​តំបន់​បឹងបួ​នានា​ ឬ​ដី​ព្រៃ​លិចទឹក​ ដែលត្រូវ​ទាមទារ​ថែរក្សា​ឲ្យ​បាន​គង់វង្ស​។

សូមជម្រាបថាកន្លងមកអភិបាលខេត្ត​ ក៏បានចេញ​សេចក្តីណែនាំ និង​ផ្សព្វផ្សាយ ព្រមទាំង​បាន​ចុះ​ត្រួតពិនិត្យ​ជាប់​ជាប្រចាំ និង​ទប់ស្កាត់​រាល់​ការរំលោភ ការ​ឈូសឆាយ ការដុត​រាន និង​ការលក់ដូរ​ដោយ​ខុសច្បាប់ ​ដីព្រៃ​លិច​ទឹក ដែលជា​ទ្រព្យសម្បត្តិ​សាធារណ​:​របស់​រដ្ឋ ព្រោះមាន​សារ​:​សំខាន់​ក្នុង​ការបម្រើ​ផលប្រយោជន៍​ដល់​បងប្អូន​ប្រជា​សហគមន៍ និង​សម្រាប់​អភិវឌ្ឍន៍​ប្រទេសជាតិ​ផងដែរ​។

ក្នុងកិច្ចប្រជុំនោះ​ដែរ លោក ហេង កុសលបុត ប្រធានសាខាពន្ធដារខេត្តកំពង់ចាម​ បាន​ធ្វើ​បទបង្ហាញស្តីពី ការពិនិត្យ ពិភាក្សាលើសេចក្តីព្រាង អចលន ទ្រព្យ ឧបសម្ព័ន្ធទី៦ ស្តីពី ការបែងចែកភូមិសាស្ត្រ និងតម្លៃ អចលនទ្រព្យ សម្រាប់ជាមូលដ្ឋានគិតពន្ធប្រថាប់ត្រា នៅខេត្តកំពង់ចាម​ ដែល​ក្នុងនោះ​ សម្រាប់​ដី​ស្ថិត​នៅ​ជុំវិញ​ផ្សារ​ និង​ផ្លូវ​មេ​ ក្នុង​ក្រុងកំពង់ចាម​ ក្នុង១ម៉ែត្រក្រឡា​ តម្លៃ​៥០០ទៅ៦០០ដុល្លារ​ និងដី​ស្ថិត​នៅ​ផ្លូវ​រណប​ពាក់ព័ន្ធផ្លូវ​មេ​ខាងលើ​ ក្នុង​១ម៉ែត្រ​ក្រឡា​ ៤០០ទៅ៥០០ដុល្លារ​ ចំណែក​ដី​ស្ថិត​នៅ​ច្រក​ផ្លូវ​ពាក់ព័ន្ធ​ផ្លូវ​មេ​ និងផ្លូវ​រណប​ខាងលើ​ ក្នុង​១ម៉ែត្រ​ក្រឡា​ ៣០០ទៅ៤០០ដុល្លារ​​៕SRP

Like 195
Comment 0
Share ចែកចាយ
Views 100
Avatar photo
សៀមរាប ប៉ុស្តិ៍
២៩ ធ្នូ ២០២១

ខេត្តសៀមរាប៖អ្នកភូមិព្រះដាក់គ្រោងពិព័រណ៍ម្ហូបអាហារជនបទ» រយៈពេល៣យប់៣ថ្ងៃ នាពេលបុណ្យឆ្លងឆ្នាំខាងមុខនេះ។

លោកឃឹម ហ្វីណង់ អភិបាលស្រុកបន្ទាយស្រីបានឲ្យដឹងថាលោកបានដឹកនាំគណៈបញ្ជាការឯកភាពស្រុក ដើម្បីត្រួតពិនិត្យការត្រៀមលក្ខណៈសម្បត្តិទទួលភ្ញៀវទេសចរដែលនឹងមកលេងក្នុងស្រុកបន្ទាយស្រីក្នុងពេលចុងឆ្នាំនេះ។
លោកឃឹម ហ្វីណង់ បន្តថាក្នុងនាមជាស្រុកទេសចរណ៍ រៀងរាល់ពេលមានកម្មវិធីបុណ្យទានឬព្រឹត្តការណ៍នានាគឺជាឱកាសផង និងជាការប្រុងប្រយ័ត្នផង ដែលទាមទារឱ្យមានការត្រៀមខ្លួនទុកជាមុន ដើម្បីបញ្ចៀសហានិភ័យនានាជាយថាហេតុ ជាពិសេសនៅលើការងារកកស្ទះចរាចរណ៍ សន្តិសុខសណ្តាប់ធ្នាប់ និងការគ្រប់គ្រងលើបញ្ហាអនាម័យសំរាមតែម្តង។
លោកបន្តថា ខ្ញុំក៏បានដឹកនាំក្រុមការងារចុះទៅពិនិត្យដោយផ្ទាល់នៃការរៀបចំនៅក្នុងភូមិព្រះដាក់ ដែលបងប្អូនសហគមន៍នៅទីនោះគ្រោងរៀបចំកម្មវិធី«ពិព័រណ៍ម្ហូបអាហារជនបទ» រយៈពេល៣យប់៣ថ្ងៃ នាពេលបុណ្យឆ្លងឆ្នាំខាងមុខនេះ។
គណៈបញ្ជាការឯកភាពស្រុកនឹងដាក់ឱ្យមានទីបញ្ជាការស្រាលមួយនៅជាប់នឹងកន្លែងប្រារព្ធពិធី ដើម្បីធ្វើការគ្រប់គ្រងស្ថានការណ៍ សម្របសម្រួលគ្រប់រូបភាព និងធានាឱ្យបាននូវការគោរពតាមវិធានសុវត្ថិភាពសុខាភិបាល ព្រមទាំងមានការត្រៀមឡានទឹក និងឡានពេទ្យដើម្បីសង្គ្រោះបឋមផងដែរ។
សូមបញ្ជាក់ថា កម្មវិធី«ពិព័រណ៍ម្ហូបអាហារជនបទ»នេះនឹងធ្វើឡើងនៅលើកំណាត់ផ្លូវឆ្លងកាត់ភូមិព្រះដាក់ផ្ទាល់តែម្តង ដោយក្រុមការងារនឹងមានរៀបចំផ្លូវវាងដូចមានភ្ជាប់នៅក្នុងផែនទីគំនូសបង្ហាញផងដែរ៕SRP

Like 195
Comment 0
Share ចែកចាយ
Views 900
Sponsored
Sponsored
Avatar photo
សៀមរាប ប៉ុស្តិ៍
២៩ ធ្នូ ២០២១

ភ្នំពេញ៖សម្តេចតេជោ ហ៊ុន សែន បានថ្លែងថា រឿងសន្តិភាព មិនមែនសម្រាប់តែគណបក្សប្រជាជនកម្ពុជាទេ គឺសម្រាប់ប្រជាជាតិទាំងមូល និងប្រជាជនទាំងអស់គ្នា។ សម្តេចតេជោបានរំលឹកថា ថ្ងៃនេះ ម៉ោងនេះ កាលពី២៣ឆ្នាំមុន សម្តេចកំពុងបញ្ជាឧទ្ធម្ភាគចក្រ២គ្រឿងដើម្បីដឹក ខៀវ សំផន មកចរចានៅផ្ទះរបស់សម្តេចនៅក្រុងតាខ្មៅ ដើម្បីចរចាបញ្ចប់សង្គ្រាម តាមរយៈការដាក់ចេញនូវនយោបាយឈ្នះឈ្នះនោះ។
នាយករដ្ឋមន្ត្រី បានប្រសាសន៍ថាឋានន្តរស័ក្តិ នាយឧត្តមសេនីយ៍ផុតលេខ ផ្កាយមាស៥ មិនមែនទទួលបានដោយចៃដន្យនោះទេ គឺជាការប្រទានដោយព្រះមហាក្សត្រ ដោយសម្តេចបានបង្កើតកងទ័ពដើម្បីរំដោះប្រជាពលរដ្ឋខ្មែរពីរបបខ្មែរក្រហម។ សម្តេចតេជោបានថ្លែងថា កម្លាំងប្រដាប់អាវុធ និងរដ្ឋបាលស៊ីវិល មិនអាចអព្យាក្រឹត្យរវាង រដ្ឋាភិបាល និង បក្សនយោបាយបានទេ។ នរណាក៏ដោយដែលធ្វើឱ្យប៉ះពាល់រដ្ឋធម្មនុញ្ញ កងកម្លាំងប្រដាប់អាវុធ ត្រូវតែចាត់វិធានការភ្លាម។ សម្តេចតេជោ បានប្រាប់ទៅដល់អនុព័ន្ធយោធាទាំងអស់ថា កម្ពុជាមិនបណ្តែតបណ្តោយឱ្យនរណាធ្វើបដិវត្តន៍ពណ៌ នៅលើដែនដីដ៏កំសត់របស់កម្ពុជានោះទេ។
នៅថ្ងៃខួបលើកទី២៣ នៃការដាក់ចេញនយោបាយឈ្នះឈ្នះនេះ សម្តេចតេជោ ហ៊ុន សែន បានស្នើឱ្យពិនិត្យដាក់ «ទិវានយោបាយឈ្នះឈ្នះ» ថ្ងៃទី២៩ ខែធ្នូ ទៅក្នុងប្រតិទិនប្រចាំឆ្នាំរបស់ប្រទេសកម្ពុជា ប៉ុន្តែមិនមែនជាថ្ងៃឈប់សម្រាកទេ។
តាមការស្នើសុំរបស់សម្ដេចពិជ័យសេនាទៀ បាញ់ នៅថ្ងៃនេះ សម្តេចតេជោនាយករដ្ឋមន្ត្រី បានណែនាំឱ្យក្រសួងរ៉ែ និងថាមពល និងអគ្គិសនីកម្ពុជា ពិនិត្យលទ្ធភាពលុបបំណុលអគ្គិសនី ដែលមានជាង២លានដុល្លាររបស់ក្រសួងការពារជាតិ ដែលបានប្រើប្រាស់នាពេលកន្លងមក។
សម្តេចតេជោបានថ្លែងថា កន្លងមកនៅរាជធានីភ្នំពេញ មានតម្រូវការអគ្គិសនី៣០មេហ្គាវ៉ាត់ ប៉ុន្តែពេលនេះមិនមែនត្រឹមប៉ុណ្ណឹងទៀតទេ។ សម្តេចតេជោនាយករដ្ឋមន្ត្រី ក៏បានអំពាវនាវឱ្យបណ្តាអង្គភាពនៃកងយោធពលខេមរភូមិន្ទ ត្រូវចេះសន្សំសំចៃ ចំពោះការប្រើប្រាស់អគ្គិសនីផងដែរ។
សម្តេចតេជោ ហ៊ុន សែន បានកោតសរសើរចំពោះការខិតខំប្រឹងប្រែងរបស់ក្រសួងការពារជាតិ ក្នុងការកសាងអគារនេះ និងបានជូនពរឲ្យកងកម្លាំង ប្រដាប់អាវុធ និងមន្ត្រីនៃក្រសួងការពារជាតិទាំងអស់ ជួបតែសេចក្តីសុខ សេចក្តីចម្រើន និងបានប្រកាសសម្ពោធដាក់ឱ្យប្រើប្រាស់អគារថ្មីនេះ ចាប់ពីពេលនេះតទៅ។
សម្ដេចថ្លែងយ៉ាងដូច្នោះ នៅព្រឹកមិញនេះ ក្នុងឱកាសអញ្ជើញជាអធិបតីភាពក្នុងពិធីសម្ពោធដាក់ឲ្យប្រើប្រាស់ជាផ្លូវការនូវ អគាររដ្ឋបាល និងសាលប្រជុំទីស្តីការក្រសួងការពាជាតិថ្មី ដែលចំខួបលើកទី២៣ឆ្នាំ នៃថ្ងៃជោគជ័យក្នុងការនាំមកនូវសន្តិភាពពេញលេញ តាមរយៈនយោបាយឈ្នះឈ្នះ របស់សម្តេចតេជោ ២៩ធ្នូ ឆ្នាំ១៩៩៨ – ២៩ធ្នូ ខែ២០២១៕SRP

Like 195
Comment 0
Share ចែកចាយ
Views 1.2K
Avatar photo
សៀមរាប ប៉ុស្តិ៍
២៩ ធ្នូ ២០២១

ខេត្តសៀមរាប៖សមាគមចលនាយុវជនកម្ពុជា (ក្រុម​១៥៧) សាខាខេត្ត​សៀមរាប បានចុះអនុស្សរណ: យោគយល់គ្នា ជាមួយវិទ្យាស្ថានពហុបច្ចេកវិទ្យាទេសភូមិភាគតេជោសែនសៀមរាប។

ពិធីនេះធ្វើឡើងថ្ងៃពុធ ទី២៩ខែ​ធ្នូ​ ឆ្នាំ២០២១​នេះ នៅវិទ្យាស្ថានពហុបច្ចេកវិទ្យាទេស ភូមិភាគតេជោសែនសៀមរាប ដែលស្ថិតនៅភូមិបន្ទាយចាស់សង្កាត់ស្លក្រាម ក្រុងសៀមរាប។

តំណាងប្រធានសមាគមចលនាយុវជនកម្ពុជា (ក្រុម​១៥៧) សាខាខេត្ត​សៀមរាប​ ដឹកនាំដោយលោក ហ៊ុន ប៉ូគា ប្រធានសមាគមចលនាយុវជនកម្ពុជា (ក្រុម​១៥៧) សាខាខេត្ត​សៀមរាប​ ​រួមទាំងអនុប្រធានទាំង៣រូប និងចូលរួមពីសមាជិក សមាជិកា។ ចំណែកតំណាងវិទ្យាស្ថានពហុបច្ចេកវិទ្យាទេសភូមិភាគតេជោ សែនសៀមរាប ដឹកនាំដោយ លោកស្រី ផង់ ពុទ្ធី ដោយមានការផ្ដួចផ្ដើមនិងសម្របសម្រួលពី សមាគមចលនាយុវជនកម្ពុជា (ក្រុម​១៥៧) ស្រុកអង្គរធំ។

ក្នុងកិច្ចចុះអនុស្សរណ:យោគយល់គ្នា រវាង វិទ្យាស្ថានពហុបច្ចេកវិទ្យាទេសភូមិភាគតេជោសែនសៀមរាប និងសមាគមចលនាយុវជនកម្ពុជាក្រុម ១៥៧ សាខាខេត្តសៀមរាប នេះ ដើម្បីធ្វើកិច្ចសហប្រតិបត្តិការដើម្បីជំរុញការអភិវឌ្ឍន៍វិស័យអប់រំបណ្តុះបណ្តាលបច្ចេកទេសនិងវិជ្ជាជីវៈមានប្រសិទ្ធភាពខ្ពស់ ក្នុងការពង្រឹងសមត្ថភាពជំនាញធនធានមនុស្ស។

លោក ហ៊ុន ប៉ូគា ប្រធានសមាគមចលនាយុវជនកម្ពុជា (ក្រុម​១៥៧) សាខាខេត្ត​សៀមរាប​ បានថ្លែងអំណរគុណចំពោះវិទ្យាស្ថានពហុបច្ចេកវិទ្យាទេសភូមិភាគតេជោសែនសៀមរាប ដែលបានចុះកិច្ចព្រមព្រៀងជាមួយគ្នាក្នុងការផ្ដល់អាហារូបករណ៍ដល់សិស្សនិស្សិត។

សូមជម្រាបថាកិច្ចព្រមព្រៀងចុះអនុស្សរណ:យោគយល់គ្នា ជាវិទ្យាស្ថានពហុបច្ចេកវិទ្យាទេសភូមិភាគ តេជោសែន សៀមរាប និងសមាគមចលនាយុវជន កម្ពុជាក្រុម ១៥៧សាខាខេត្តសៀមរាប មាន ៥ ប្រការនឹងមាន៧ចំណុច៕SRP

Like 195
Comment 0
Share ចែកចាយ
Views 0
Avatar photo
សៀមរាប ប៉ុស្តិ៍
២៩ ធ្នូ ២០២១

ខេត្តឧត្តរមានជ័យ៖សមត្ថកិច្ចស្រុកអន្លង់វែងបានចាប់ខ្លួនបុរសម្នាក់ករណីជួញដូរនិងប្រើប្រាស់ដោយខុសច្បាប់នូវសាធាតុញៀនមេតាំហ្វេតាមីម៉ាទឹកកកជាច្រើនកញ្ចប់។

ការបង្ក្រាបធ្វើឡើងនៅថ្ងៃទី២៧ខែធ្នូឆ្នាំ២០២១ ស្ថិតក្នុងលំនៅឋានតែម្តងស្ថិតត្រង់ចំណុចភូមិអភិវឌ្ឍន៍ ឃុំអន្លង់វែង ស្រុកអន្លង់វែង ខេត្តឧត្តរមានជ័យ។

សមត្ថកិច្ចស្រុកអន្លង់វែងបានបញ្ជាក់ថាក្រោយឃាត់ខ្លួនដកហូតវត្ថុតាងថ្នាំញៀនមេតាំហ្វេតាមីនប្រភេទម៉ាទឹកកក« ICE » ចំនួន៤៨កញ្ចប់ ១/កញ្ចប់ធំ ៤០កញ្ចប់ ២/កញ្ចប់តូច ៨កញ្ចប់  ដែលមានទម្ងន់សរុបស្មើនឹង៧៧៤ ក្រាម។ បច្ចុប្បន្នជនសង្ស័យរួមនិងវត្ថុតាង ត្រូវបានសមត្ថកិច្ចកសាងបញ្ជូនបន្តចាត់ការទៅតាមនីតិវិធីច្បាប់៕SRP

Like 195
Comment 0
Share ចែកចាយ
Views 500
Sponsored
Sponsored
Older posts
Newer posts
← Previous Page1 … Page296 Page297 Page298 … Page644 Next →
តាមដានព័ត៌មាន
  • Telegram
  • Facebook
ព័ត៌មានថ្មីៗ
លោកវេជ្ជបណ្ឌិត ក្រុស សារ៉ាត់ កោតសរសើរចំពោះសមិទ្ធិផលដ៏ត្រចេះត្រចង់ ដែលមន្ទីរពេទ្យបង្អែកខេត្តសៀមរាប សម្រេចបាននាឆ្នាំកន្លងមក លោកវេជ្ជបណ្ឌិត ក្រុស សារ៉ាត់ កោតសរសើរចំពោះសមិទ្ធិផលដ៏ត្រចេះត្រចង់ ដែលមន្ទីរពេទ្យបង្អែកខេត្តសៀមរាប សម្រេចបាននាឆ្នាំកន្លងមក ចុះផ្សាយថ្ងៃទី ១៩ កុម្ភៈ ២០២៦
ចាងហ្វាងសារព័ត៌មានកម្ពុជាឈ្នះ ត្រូវបានតុលាការខេត្តតាកែវ ចេញដីកាកោះហៅឲ្យចូលបំភ្លឺ ចាងហ្វាងសារព័ត៌មានកម្ពុជាឈ្នះ ត្រូវបានតុលាការខេត្តតាកែវ ចេញដីកាកោះហៅឲ្យចូលបំភ្លឺ ចុះផ្សាយថ្ងៃទី ១៩ កុម្ភៈ ២០២៦
ករណីអគ្គីភ័យមិនមានមនុស្សរងរបួស ប៉ុន្តែផ្ទះនឹងទ្រព្យសម្បត្តិត្រូវបានបំផ្លាញ ករណីអគ្គីភ័យមិនមានមនុស្សរងរបួស ប៉ុន្តែផ្ទះនឹងទ្រព្យសម្បត្តិត្រូវបានបំផ្លាញ ចុះផ្សាយថ្ងៃទី ១៨ កុម្ភៈ ២០២៦
ព័ត៌មានអ្នកទស្សនាច្រើន
ចូលប្លន់ទូមាសក្នុងផ្សារលើធំថ្មី ត្រូវបានចាប់ខ្លួនភ្លាមៗ ចូលប្លន់ទូមាសក្នុងផ្សារលើធំថ្មី ត្រូវបានចាប់ខ្លួនភ្លាមៗ ចុះផ្សាយថ្ងៃទី ១៦ កុម្ភៈ ២០២៦
ពិតជាប្រសើរណាស់! ដីធ្លីភូមិទាំង១១៤ ក្នុងតំបន់អង្គរ ត្រូវបានមន្ត្រីជំរុញឱ្យក្រុមការងារចុះផ្ទៀងផ្ទាត់ទិន្នន័យប្រើប្រាស់ ពិតជាប្រសើរណាស់! ដីធ្លីភូមិទាំង១១៤ ក្នុងតំបន់អង្គរ ត្រូវបានមន្ត្រីជំរុញឱ្យក្រុមការងារចុះផ្ទៀងផ្ទាត់ទិន្នន័យប្រើប្រាស់ ចុះផ្សាយថ្ងៃទី ៤ កុម្ភៈ ២០២៦
ក្រសួងរ៉ែចេញអាជ្ញាប័ណ្ណឲ្យមានការកាយភ្នំនៅឃុំខ្វាវ ស្រុកជីក្រែង ខេត្តសៀមរាប ក្រសួងរ៉ែចេញអាជ្ញាប័ណ្ណឲ្យមានការកាយភ្នំនៅឃុំខ្វាវ ស្រុកជីក្រែង ខេត្តសៀមរាប ចុះផ្សាយថ្ងៃទី ២២ មករា ២០២៦
ទីស្នាក់ការនិពន្ធ 069382925 Telegram
×