ភ្នំពេញ៖សម្តេចតេជោ ហ៊ុន សែន នាយករដ្ឋមន្ត្រីកម្ពុជា នៅថ្ងៃទី២៦ ខែមិថុនា ឆ្នាំ២០២០ព្រឹកមិញនេះ បានអញ្ជើញចូលរួមកិច្ចប្រជុំកំពូលអាស៊ានលើកទី៣៦ ក្រោមមូលបទ «ភាពស្អិតរមួត និងការឆ្លើយតប» ដែលធ្វើឡើងតាមរយៈប្រព័ន្ធវីដេអូ (Video Conference) នៅវិមានសន្តិភាព។

សម្តេចតេជោ ហ៊ុន សែន បានថ្លែងអំណរគុណចំពោះថ្នាក់ដឹកនាំនៃបណ្តាប្រទេសអាស៊ានទាំងអស់ និងអរគុណចំពោះ ឯកឧត្តម ង្វៀន សួនហ៊្វុក (Nguyen Xuan Phuc) នាយករដ្ឋមន្ត្រីវៀតណាម ដែលបានសម្របសម្រួល និងរៀបចំកិច្ចប្រជុំកំពូលអាស៊ាន ៣៦ នេះឡើងប្រកបដោយជោគជ័យតាមវីដេអូខល។

សូមភ្ជាប់មកជាមួយនូវសុន្ទរកថាទាំងស្រុងរបស់ សម្តេចតេជោ ហ៊ុន សែន ដែលបានអញ្ជើញឡើងថ្លែងនៅក្នុងកិច្ចប្រជុំកំពូលអាស៊ានលើកទី ៣៦ នៅវិមានសន្តិភាពកាលពីព្រឹកមិញនេះ៕SRP

ខេត្តសៀមរាប៖មេបញ្ជាការកងរាជអាវុធហត្ថខេត្តសៀមរាបនិងជាប្រធានក្រុមការងារចុះជួយឃុំកណ្តែក លោកឧត្តមសេនីយ៍ត្រីប៉ោ វណ្ណនិត នៅថ្ងៃសុក្រទី២៦ខែមិថុនានេះ បានដឹកនាំ ប្រធានអនុប្រធាននិងសមាជិកក្រុមការងារចុះជួយភូមិទាំងអស់ក្នុងឃុំកណ្តែក ស្រុកប្រាសាទបាគង ប្រគេនទៀនព្រះវស្សា ព្រមទាំង អង្ករ ទឹកសុទ្ធ និងថវិកាមួយចំនួនទៀតដល់វត្តល្អក់និងវត្តស្វាយធំ៕SRP

ខេត្តសៀមរាប៖កម្លាំងមូលដ្ឋានកង រាជអាវុធហត្ថ ក្រុងសៀមរាបនៅវេលាម៉ោង១៣និង៣០នាទី ថ្ងៃ ព្រហស្បតិ៍ ទី២ទី២៥ខែមិថុនាម្សិលមិញ ដឹកនាំ ដោយលោកវរសេនីយ៍ទោ ប្រាក់ វណ្ណៈ មេបញ្ជាការ មូលដ្ឋានកងរាជអាវុធហត្ថ ក្រុងសៀមរាប បានចុះបង្ក្រាបកន្លែង ជល់មាន់មួយកន្លែង ស្ថិតនៅចំណុចភូមិខ្វៀន សង្កាត់គោកចក ក្រុងសៀមរាប ខេត្តសៀមរាប និងឃាត់ខ្លួនមនុស្សបានចំនួន១១នាក់។
សមត្ថកិច្ចបានឲ្យដឹងថាមនុស្សទាំង១១នាក់៖

១/ ឈ្មោះ ជី ប៊ុនណារ៉ា ភេទប្រុស អាយុ៣៩ មុខរបរ លក់ដូ រស់នៅភូមិគោកស្នួល ឃុំខ្នាត ស្រុកពួក ខេត្តសៀមរាប ។
២/ ឈ្មោះ គីម វណ្ណៈ ភេទប្រុស អាយុ ២០ ឆ្នាំ មុខរបរ លក់ផ្លែឈឺ រស់នៅភូមិមណ្ឌល៣ សង្កាត់ ស្លក្រាម ក្រុងសៀមរាប ខេត្តសៀមរាប ។
៣/ ឈ្មោះ ភាព ធីតា ភេទស្រី អាយុ ៣៥ឆ្នាំ មុខរបរ លក់ផ្លែឈឺ រស់នៅភូមិមណ្ឌល ៣ សង្កាត់ ស្លក្រាម ក្រុងសៀមរាប ខេត្តសៀមរាប ។
៤/ ឈ្មោះ សឹង្ហ ឆេង ភេទប្រុស អាយុ ៤០ មុខរបរ អ្នកដឹងភ្ញៀវ រស់នៅ ភូមិ មណ្ឌល៣ សង្កាត់ស្លក្រាម ក្រុងសៀមរាប ខេត្តសៀមរាប ។
៥/ ឈ្មោះ រ៉ួន បារាំង ភេទប្រុស អាយុ ៤៣ឆ្នាំ មុខរបរ ធ្វើស្រែ រស់នៅភូមិខ្វៀន សង្កាត់គោកចក ក្រុងសៀមរាប ខេត្តសៀមរាប ។
៦/ ឈ្មោះ នន់ នី ភេទប្រុស អាយុ៥៦ ឆ្នាំ មុខរបរនគរបាល រស់់នៅភូមិ ខ្វៀន សង្កាត់គោកចក ក្រុងសៀមរាប ខេត្តសៀមរាប។
៧/ ឈ្មោះ ហុង ប៊ុនហេង ភេទប្រុស អាយុ១៥ឆ្នាំ មុខរបរ សិស្ស រស់នៅភូមិខ្វៀន សង្កាត់គោកចក ក្រុងសៀមរាប ខេត្តសៀមរាប ។
៨ / ឈ្មោះ ធិន គឹម ភេទប្រុស អាយុ៥៣ឆ្នាំ មុខរបរ កសិករ រស់នៅភូមិខ្វៀន សង្កាត់គោកចក ក្រុងសៀមរាប ខេត្តសៀមរាប ។
៩/ ឈ្មោះ ផាន ផែន ភេទប្រុស អាយុ ៧១ឆ្នាំ មុខរបរ នៅផ្ទះ រស់នៅភូមិខ្វៀនសង្កាត់ គោកចក ក្រុងសៀមរាប ខេត្តសៀមរាប ។
១០/ ឈ្មោះ គិត ផាន់ ភេទប្រុស អាយុ ៦១ឆ្នាំ មុខរបរ នៅផ្ទះ រស់នៅភូមិខ្វៀន សង្កាត់គោកចក ក្រុងសៀមរាប ខេត្តសៀមរាប ។
១១/ ឈ្មោះ ឡេង ហួច ភេទប្រុស អាយុ ៥៣ឆ្នាំ មុខរបរ នៅផ្ទះ រស់នៅភូមិខ្វៀន សង្កាត់គោកចក ក្រុងសៀមរាប ខេត្តសៀមរាប។

សមត្ថកិច្ចបានបញ្ជាក់បន្ថែមថាករណីនេះដកហូតវត្ថុតាងរួមមាន៖

– ស៊ុម ក្រុងមាន់ចំនួន០៥។
-សៃវៀន មាន់ចំនួន០១។
– គម្រប់ ចានចំនួន០១។
-ចាន អាប៉ោង ចំនួ ន០១។
– តុ លេង អាប៉ោងចំនួន០១។
-ប៉ាតង់ ចំនួន០២ និងម៉ូតូជាច្រើនគ្រឿងផងដែរ។

បច្ចុប្បន្នមនុស្សទាំង១១នាក់ធ្វើការអប់រំណែនាំនឹងអនុញ្ញាតអោយវិលត្រលប់ទៅលំនៅដ្ឋានរៀងៗខ្លួនវិញ៕SRP

ខេត្តសៀមរាប៖ លោក ង៉ាន់ ភិរុណ អភិបាលរងនិងជាប្រធានលេខាធិការដ្ឋានគណៈកម្មាធិការគ្រប់គ្រងគ្រោះមហន្តរាយខេត្តបានថ្លែងប្រាប់ដល់ក្រុមការងារគណៈកម្មាធិការគ្រប់គ្រងគ្រោះមហន្តរាយក្រុង ស្រុក មន្ទីរ អង្គ-ភាពជំនាញចុះពិនិត្យប្រព័ន្ធប្រឡាយ ស្ទឹង អូរ និងប្រព័ន្ធលូ ដើម្បីពិនិត្យលទ្ធភាពស្តារ និងបង្វែរប្រព័ន្ធ ទឹកដើម្បីបញ្ចៀសការលិចលង់នៅក្នុងក្រុងសៀមរាប និងតំបន់ងាយនឹងប្រឈមគ្រោះនឹកជំនន់។

លោកលោក ង៉ាន់ ភិរុណ ក៏បានសំណូមពរដល់ លោកទីប្រឹក្សា គ.ជ.គ.ម ធ្វើយ៉ាងណាជួយផ្តល់នូវ កំព្យូទ័រ ម៉ាស៊ីនព្រីនធ័រ និងមធ្យោបាយផ្សេងៗសម្រាប់បម្រើការងារកម្មវិធីគ្រោះមហន្តរាយនៅតាមមូលដ្ឋាន អោយទាន់ពេលវេលា និងស្នើសុំឲ្យមានវគ្គបណ្តុះបណ្តាលដល់មន្ត្រីទទួលបន្ទុកការងារគ្រោះមហន្តរាយថ្នាក់ខេត្ត ក្រុង-ស្រុក ដែលជាជនបង្គោល ឲ្យមានការយល់ដឹងបន្ថែមទៀតប្រកបដោយប្រសិទ្ធិភាពជានិរន្ត។

លោកថ្លែងយ៉ាងដូច្នេះក្នុងឱកាសដឹកនាំប្រជុំពិភាក្សាពិគ្រោះយោបល់លើផែនការ និងយន្តការនៃការគ្រប់គ្រងគ្រោះមហន្តរាយនៅខេត្តសៀមរាប នៅថ្ងៃព្រហស្បតិ៍ទី២៥ខែមិថុនាម្សិលមិញក្នុងសាលប្រជុំ របស់រដ្ឋបាលខេត្តសៀមរាប។

សុំជម្រាបផងដែរថាបន្ទាប់ពីប្រជុំពិភាក្សាណែនាំរួចរាល់មក ក្រុមការងារក៏បានចុះទៅត្រួតពិនិត្យ មើលស្ថានភាពកន្លែងទីទួលមានសុវត្ថិភាព ដែលក្រុង ស្រុកបានត្រៀមសម្រាប់ដាក់ប្រជាពលរដ្ឋ ស្នាក់នៅបណ្តោះអាសន្នពីគ្រោះមហន្តរាយជាយថាហេតុណាមួយសរុបចំនួន ២១៨ កន្លែងផងដែរ៕SRP

ភ្នំពេញ៖សម្តេចតេជោ ហ៊ុន សែន នាយករដ្ឋមន្ត្រីកម្ពុជា នៅព្រឹកថ្ងៃទី២៦ ខែមិថុនា ឆ្នាំ២០២០ នេះ នឹងអញ្ជើញចូលរួមកិច្ចប្រជុំកំពូលអាស៊ានលើកទី៣៦ ក្រោមមូលបទ «ភាពស្អិតរមួត និងការឆ្លើយតប» ដែលធ្វើឡើងតាមរយៈប្រព័ន្ធវីដេអូ ( Video Conference) នៅវិមានសន្តិភាព។

កិច្ចប្រជុំនេះធ្វើឡើងតបតាមការអញ្ជើញរបស់ លោក ង្វៀន សួនហ្វុក នាយករដ្ឋមន្ត្រីវៀតណាម។

ក្នុងកិច្ចប្រជុំកំពូលអាស៊ានលើកទី៣៦ ថ្ងៃនេះ ថ្នាក់ដឹកនាំអាស៊ាននឹងផ្តោតការយកចិត្តទុកដាក់លើកិច្ចខិតខំប្រឹងប្រែងរួមរបស់អាស៊ាន ក្នុងការដោះស្រាយជំងឺរាតត្បាតជាសកលកូវីដ-១៩ និងការលើកកម្ពស់ការស្តារសេដ្ឋកិច្ច-សង្គម ក្រោយជំងឺកូវីដ-១៩។ កិច្ចប្រជុំនេះក៏នឹងពិភាក្សាផងដែរលើវិធី និងមធ្យោបាយនានា ដើម្បីសម្រេចបាននូវចក្ខុវិស័យសហគមន៍អាស៊ានឆ្នាំ២០២៥ និងទំនាក់ទំនងរបស់អាស៊ានជាមួយដៃគូខាងក្រៅ និងសហគមន៍អន្តរជាតិ។

សម្តេចតេជោ ហ៊ុន សែន នាយករដ្ឋមន្រ្តី ក៏នឹងអញ្ជើញចូលរួមកិច្ចប្រជុំពាក់ព័ន្ធមួយចំនួនទៀត រួមមាន៖ សម័យប្រជុំពិសេសរបស់ថ្នាក់ដឹកនាំអាស៊ាន នាឱកាសកិច្ចប្រជុំកំពូលអាស៊ានលើកទី៣៦ ស្តីពីការលើកកម្ពស់តួនាទីស្រ្តីក្នុងយុគសម័យឌីជីថល (Digital), កិច្ចប្រជុំថ្នាក់ដឹកនាំអាស៊ានជាមួយតំណាងអន្តរសភាអាស៊ាន, កិច្ចប្រជុំថ្នាក់ដឹកនាំអាស៊ានជាមួយតំណាងយុវជនអាស៊ាន និងកិច្ចប្រជុំថ្នាក់ដឹកនាំអាស៊ានជាមួយតំណាងក្រុមប្រឹក្សាផ្តល់យោបល់ធុរកិច្ចអាស៊ាន។

Facebook សម្ដេចតេជោនាយករដ្ឋមន្ត្រីនឹងផ្សាយផ្ទាល់(Live)អំពីកិច្ចប្រជុំនេះនៅម៉ោង ៨:០០នាទីព្រឹក ពីវិមានសន្តិភាព៕SRP

ភ្នំពេញ៖សារលិខិត សម្តេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា ក្នុងឱកាសប្រារព្ធទិវាអន្តរជាតិប្រយុទ្ធប្រឆាំងគ្រឿងញៀន ថ្ងៃទី២៦ ខែមិថុនា ឆ្នាំ២០០២៕SRP

ខេត្តសៀមរាប៖បុរសម្នាក់ត្រូវបាននៅផ្ទះបាញ់សម្លាប់នៅវេលាម៉ោង១៦និង៥០នាទី ថ្ងៃទី២៥ ខែមិថុនា ឆ្នាំ២០២០ នៅចំណុចត្រពាំងក្រសាំង ក្នុងភូមិសាស្ត្រភូមិប្រវាល ឃុំតាយ៉ែក ស្រុកសូទ្រនិគម។
សមត្ថកិច្ចបានដឹងថាជនរងគ្រោះឈ្មោះថ្ម មី ភេទប្រុស អាយុ២៧ឆ្នាំ នៅភូមិឬស្សីលក ឃុំឬស្សីលក ស្រុកជីក្រែង ខេត្តសៀមរាប។
មូលហេតុ ជនរងគ្រោះមកឃ្វាលក្របី នៅកន្លែងកើតហេតុ ហើយមេឃភ្លៀង រត់ចូលរោងមិនទាន់៕SRP

ខេត្តសៀមរាប៖អាជ្ញាធរបានឱ្យដឹងថានៅវេលាម៉ោង១៦នុហ៣០នាទី ថ្ងៃទី២៥ ខែមិថុនា ឆ្នាំ២០២០ មានករណីខ្យល់កន្ត្រាក់ នៅឃុំតាយ៉ែក ស្រុកសូទ្រនិគម បណ្ដាលអោយរលំផ្ទះប្រជាពលរដ្ឋទាំងស្រុងចំនួន០១ខ្នង របើកដំបូល០៣ខ្នង រន្ទះបាញ់សរសរផ្ទះ០១ខ្នង និងដើមឈើរលំសង្កត់០១ខ្នង ដោយប៉ះពាល់ចំនួន០២ភូមិ។
សមត្ថកិច្ចបានបន្តថាភូមិត្រាវបាក់ រលំទាំងស្រុង០១ខ្នង ម្ចាស់ផ្ទះឈ្មោះផន ផាវ ភេទប្រុស អាយុ៦០ឆ្នាំ នៅភូមិត្រាវបាក់ ឃុំតាយ៉ែក។
ចំណែករបើកដំបូលចំនួន០៣ខ្នង ម្ចាស់ផ្ទះ៖
១/ឈ្មោះកង ឈន់ ភេទប្រុស អាយុ៧១ឆ្នាំ នៅភូមិត្រាវបាក់។
២/ឈ្មោះពេជ្រ ហង្ស ភេទស្រី អាយុ៧១ឆ្នាំ នៅភូមិត្រាវបាក់។
៣/ឈ្មោះប៊ូ ម៉ាន ភេទប្រុស អាយុ៣៨ឆ្នាំ នៅភូត្រាវបាក់ និងដើមឈើរលំ សង្កត់ចំនួន០១ខ្នង ម្ចាស់ផ្ទះឈ្មោះពេជ្រ យន់ ភេទស្រី អាយុ៨៦ឆ្នាំ នៅភូមិត្រាវបាក់។
នៅភូមិដាក់ផ្កាយ រន្ទះបាញ់សរសរផ្ទះ ចំនួន០១ខ្នង ម្ចាស់ផ្ទះឈ្មោះវ័ន វង់ ភេទប្រុស អាយុ២៥ឆ្នាំ នៅភមិដាក់ផ្ការ៕SRP

ខេត្តសៀមរាប៖សមត្ថកិច្ចបានឲ្យដឹងថាបុរសម្នាក់បានធ្លាក់ចូលអណ្ដូងបណ្ដាលឲ្យស្លាប់។
ហេតុការណ៍បានកើតឡើង
វេលាម៉ោង១៦រសៀលថ្ងៃទី២៥ ខែមិថុនា ឆ្នាំ២០២០ នៅចំណុចភូមិគោកឬស្សីជើង ឃុំដានរុន ស្រុកសូទ្រនិគម។
សមត្ថកិច្ចបន្តថាជនរងគ្រោះឈ្មោះវ័ន វ៉ា ភេទប្រុស អាយុ៤៨ឆ្នាំ ទីលំនៅភូមិ ឃុំកើតហេតុខាងលើ។
មូលហេតុ ជនរងគ្រោះទៅដងទឹក កើតជម្ងឺស្កន្ទជាន់ ហើយធ្លាក់អណ្ដូងតែម្ដង។ តាមការពិនិត្យ របស់មន្ត្រីជំនាញ ពុំមានពាក់ព័ន្ធនិងបទល្មើសឡើយ៕SRP

ខេត្តសៀមរាប៖សមត្ថកិច្ចស្រុកជីក្រែងបានចាប់ត្រាក់ទ័រចំនួន០២គ្រឿងខណៈកំពុងភ្ជួរដីក្នុងតំបន់០៣។
ការចាប់ឃាត់នេះវេលាល្ងាច
ថ្ងៃទី២៥ខែមិថុនាឆ្នាំ២០២០
ស្ថិតនៅចំណុចតាពៀម ភូមិស្ដៅ ឃុំអន្លង់សំណរ ស្រុកជីក្រែង។ដោយកម្លាំងគណ:បញ្ជាការឯកភាពស្រុក ដឹកនាំដោយលោក មូវ ជា អភិបាលរងស្រុក។
សមត្ថកិច្ចបានដឹងថាត្រាក់ទ័រទាំងពីរគ្រឿង ម៉ាក់ KUBOTA M7040
បច្ចុប្បន្នយកទៅ រក្សាទុកនៅប៉ុស្តិ៍នគរបាល ឃុំអន្លង់សំណរ ស្រុកជីក្រែង
ដើម្បីអនុវត្តតាមផ្លូវច្បាប់៕SRP

ខេត្តសៀមរាប៖ក្មេងស្រីពីរនាក់ បានលង់ទឹកស្រះស្លាប់ ខណ:ឪពុកម្ដាយជាប់រវល់។
ហេតុការណ៍ាបានកើតឡើងវេលាម៉ោង ១៨និង១០នាទីថ្ងៃទី២៥ខែមិថុនាឆ្នាំ២០២០ស្ថិតនៅក្នុងភូមិក្បាលដំរី ឃុំពង្រលេីស្រុកជីក្រែង។
សមត្ថកិច្ចស្រុកជីក្រែងបានរាយការណ៍ថាជនរងគ្រោះទី០១ឈ្មោះ ឈឿន សំណាង ភេទស្រីអាយុ០៧ឆ្នាំ។ទី០២ឈ្មោះឈឿន សុដា ភេទស្រី
អាយុ០៣ឆ្នាំ ។
ឪពុកឈ្មោះ ឆិត ឈឿន អាយុ២៧ឆ្នាំ
ម្តាយឈ្មោះអ៊ុយ គួន អាយុ២៥ឆ្នាំ។
បើតាមសមត្ថកិច្ចថាករណីមូលហេតុឪពុកមិននៅផ្ទះ ចំណែកម្តាយរវល់លក់ដូរ។ ដោយជនរងគ្រោះ ចុះលេងទឹកស្រះ នៅខាងក្រោយផ្ទះ បណ្តាល អោយលង់ទឹកស្លាប់តែម្ដង៕SRP

ខេត្តសៀមរាប៖ អគារការិយាល័យច្រកចេញចូលតែមួយ និងការិយាល័យប្រជាពលរដ្ឋ របស់រដ្ឋបាលស្រុកបន្ទាយស្រី ត្រូវបានសម្ពោធដាក់ឲ្យប្រើប្រាស់ជាផ្លូវការ នៅព្រឹកមិញនេះបរិវេណរដ្ឋបាលស្រុកបន្ទាយស្រី ក្រោមវត្តមាន លោក ទៀ សីហា អភិបាលខេត្តសៀមរាប៕SRP