ផ្ទះរបស់ប៉ូលិសជួលឱ្យគេបើកលក់ពូកនិងលក់បាយ
ត្រូវបានអគ្គីភ័យឆាបចេះទាំងស្រុងគិតជាទឹកប្រាក់រាប់ម៉ឺនដុល្លារ
ខេត្តសៀមរាប៖ផ្ទះមួយកន្លែងរបស់ប៉ូលិសត្រូវបានអគ្គីភ័យឆាបឆេះទាំងស្រុងកាលពីព្រឹកមិញនេះ។
ហេតុការណ៍កើតឡើងនៅថ្ងៃទី១៣ ខែមីនា ឆ្នាំ២០២៦ វេលាម៉ោង០៩និង១៥នាទី ស្ថិតនៅតាមបណ្តោយផ្លូវខ្នារ ក្នុងភូមិខ្នារចាស់ សង្កាត់ជ្រាវ ក្រុងសៀមរាប។
សមត្ថកិច្ចជំនាញបានប្រាប់ថា ម្ចាស់ផ្ទះ ឈ្មោះ ឈិន ឈាង ភេទប្រុស អាយុ៥៦ឆ្នាំ មុខរបរប៉ូលិសព្រំដែន បានជួលផ្ទះ ទៅឱ្យឈ្មោះ នាក់ គារ៉ា ភេទប្រុសអាយុ៤០ ឆ្នំា បើកកន្លែងលក់ពូកនិងលក់បាយស្ថិតនៅភូមិខ្នារ សង្កាត់ជ្រាវក្រុងសៀមរាប។
សមត្ថកិច្ចបានបន្តថា ក្នុងហេតុការណ៍នេះ ប្រើប្រាស់
រថយន្តពន្លត់អគ្គីភ៏យចំនួន០២ គ្រឿង របស់កងរាជអាវុធហត្ថខេត្តសៀមរាប រថយន្តពន្លត់អគ្គីភ័យស្នងការដ្ឋាននគរបាលខេត្តសៀមរាបចំនួន ៣ គ្រឿង និងរថយន្តពន្លត់អគ្គីភ័យផ្សារចាស់០១គ្រឿង រលត់នៅម៉ោង ១០និង ២០នាទី។
សមត្ថកិច្ចបានបន្តថា គ្រោះអគ្គីភ័យនេះខូចខាតមាន ដូចជាះ -ទំហំផ្ទះទទឹង១៣ម៉ែត្រ បណ្ដោយ២៥ម៉ែត្រដំបូលប្រក់ស័ង្កសី។ -ម៉ូតូមួយគ្រឿងម៉ាកហុងដាស៊េរីឆ្នាំ២០១៨ -ពូកចំនួន ៩០០ ពូកនិង កម្រាលពូកចំនូន៧០កម្រាល -ម៉ាស៊ីនត្រជាក់ចំនួន ២គ្រឿង -ប្រាក់រៀលចំនួន ៥០(ហាសិបលានរៀល) -ចង្រ្កានហ្កាស ចំនួន១០ឈុត -អង្កចំនួន ១០បេ និងសម្ភារៈប្រើប្រាស់មួយចំនួនទៀត បើគិតជាសាច់ប្រាក់អស់ ទឹកប្រាក់ប្រមាណ ជាង១០ម៉ឺនដុល្លារ។
បើតាមសមត្ថកិច្ច មូលហយបណ្ដាលផ្ទុះសេរខ្សែភ្លើងធ្លាក់មកលើពូកបណ្ដាលឱ្យឆាប់ឆេះតែម្ដង៕SRP
