ខេត្តសៀមរាប៖«ចលនាយុវជនកម្ពុជាក្រុម១៥៧សាខាខេត្តសៀមរាប» នៅថ្ងៃទី២៤ ខែឧសភា ឆ្នាំ២០២១ នេះបានជួបសំណេះសំណាល និងនាំយកអំណោយចែកជូនចំនួន៤ និងគោលដៅផ្សេងគ្នា។

ទី០១ ដោយមានការយកចិត្តទុកដាក់ពី លោក ហ៊ុន ប៉ូគា ប្រធានសមាគមចលនាយុវជនកម្ពុជា (ក្រុម១៥៧) សាខាខេត្តសៀមរាប បានណែនាំ លោក ឆាត ឆីហ៊ុយ ប្រធានសមាគមចលនាយុវជនកម្ពុជាក្រុម១៥៧​ ស្រុកក្រឡាញ់​ ព្រមជាមួយលោក អនុប្រធាន សមាជិក សមាជិកា ជួបសំណេះសំណាល និង នាំយកអំណោយប្រគល់ជូន លោក ដោ វឿ មេឃុំក្រឡាញ់ និង លោក លន់ រួប មេឃុំ កំពង់ថ្កូវ ដើម្បីប្រើប្រាស់ក្នុងសាលាឃុំ។

អំណោយដែលប្រគល់ជូនឃុំនិមួយៗរួមមាន÷ ទឹកសុទ្ធ ២០យួរ.ទឹកក្រូច ១កេស. មី ១កេស .ម៉ាស ៨ប្រអប់ ស្មើ ៤០០ម៉ាស .ជែលលាងដៃ ៨ដប។

ទី២លោក សន សុខហេង ប្រធានទំនាក់ទំនងសាធារណៈ​ និងសមាជិក សមាជិកា នាំយកអំណោយចែកជូនដល់ប្រជាពលរដ្ឋ ដែលមានជីវភាពខ្វះខាត​ នៅសង្កាត់ជ្រាវ​ ខេត្តសៀមរាបចំនួន៥គ្រួសារ​ ដោយមានការចូលរួមពីលោកចៅសង្កាត់ ក្អោប រ៉ន, លោក ចាប ចេង មេភូមិក្រសាំង និង ស.ស.យ.ក ផងដែរ។

អំណោយដែលត្រូវប្រគល់ជូន រួមមាន៖អង្ករ ២០គីឡូ. ទឹកសុីអុីវ​ ១យួរ. ទឹកត្រី​ ១យួរ. ត្រីខ ១យួរ. មី ១កេស. ពងទា​ ៦០គ្រាប់. ប្រេងឆា​ ១ដប. ប៊ីចេង ១គីឡូ. ស្ករស ១គីឡូ. អំបិល ១គីឡូ. ទឹកបរិសុទ្ធ ៥យួរ. ថវិកា ២មុឺនរៀល

ទី៣-៤លោក ផយ​ ម៉ក់​ ប្រធានសមាគមចលនាយុវជនកម្ពុជា(ក្រុម១៥៧)​ ស្រុកវ៉ារិន នឹងលោក​ សន​ សុខហេង​ ប្រធានទំនាក់ទំនងសាធារណៈ​ រួមទាំងលោក​ ជុន​ កុសល​ ប្រធានផ្នែកព័ត៌មាន​ ប្រចាំខេត្ត​សៀមរាប​ ព្រមជាមួយ សមាជិក សមាជិកា​ បាននាំយកអំណោយមួយចំនួន​សម្រាប់ប្រើប្រាស់ក្នុងយុទ្ធនាការប្រយុទ្ធប្រឆាំងនឹងជំងឺកូវីដ-១៩ ជូនដល់ការិយាល័យនគរបាលព្រហ្មទណ្ឌកម្រិតធ្ងន់និងកម្រិតស្រាល​ ចំនួនពីរគោលដៅ ដែលកំពុងប្រចាំការឈរជេីងការពារគោលដៅ ចត្តាឡីស័ក ក្នុងក្រុងសៀមរាប​ ដោយមានការចូលរួមពីលោកវរសេនីយ៍ទោ​ អេង​ រតនា​ ជានាយរងការិយាល័យនគរបាលព្រហ្មទណ្ឌកម្រិតស្រាល​ តំណាងអោយលោក​វរសេនីយ៍ឯក ហង្ស​ សូផាតភីរម្យ​ នាយការិយាល័យ​ នឹងលោក​វរសេនីយ៍ទោ​ ងីម​ ម៉េងលីម​ នាយរងការិយាល័យនគរបាលព្រហ្មទណ្ឌកម្រិតធ្ងន់​ តំណាងអោយលោកវរសេនីយ៍ទោ​ សុខ​ មម៉េងអៀងនាយការិយាល័យ​។ អំណោយដែលត្រូវប្រគល់ជូនការិយាល័យនគរបាលព្រហ្មទណ្ឌកម្រិតធ្ងន់រួមមាន៖អាកុល ២០​ លីត្រ. ម៉ាសចំនួន​ ៥០០​ ម៉ាស. ទឹកសុទ្ធ​ ១០​កេស. ភេសជ្ជៈ​ ២​ កេស. មី​ ៣​កេស

អំណោយដែលត្រូវប្រគល់ជូនការិយាល័យនគរបាលព្រហ្មទណ្ឌកម្រិតស្រាលរួមមាន៖អាកុល ២០​ លីត្រ. ម៉ាសចំនួន​ ៥០០​ ម៉ាស.ទឹក១០​ កេស. ភេសជ្ជៈ​ ២​ កេស.មី​ ៣​ កេស។

សូមជម្រាបថា ក្នុងពេលចុះសំណេះសំណាលនិងចែកអំណោយចំនួន៤ទីតាំង នេះដែរក្រុមការងារសមាគមចលនាយុវជនកម្ពុជា ក្រុម១៥៧ ខាងលើក៏បានពាំនាំនូវមតិផ្តាំផ្ញើពីលោកហ៊ុន ប៉ូគា សូមមេត្តាយកចិត្តទុកដាក់អោយបានខ្ពស់នូវអនាម័យ។ ជាពិសេសសូមចូលរួមអនុវត្តតាមប្រសាសន៍ណែនាំរបស់ សម្តេចតេជោ (៣កុំ ៣ការពារ) ឲ្យបានខ្ជាប់ខ្ជួនដើម្បីចៀសផុតពីមេរោគកូវីដ-១៩ ដ៏កាចសាហាវនេះ៕SRP

ខេត្តសៀមរាប៖សាលាដំបូងខេត្តសៀមរាប បានសម្រេចតម្កល់រឿងទុកឥតចាត់ការ ក្នុងសំណុំរឿង «ក្រុមមេធាវីជួយការងារច្បាប់របស់អាជ្ញាធរជាតិអប្សរា បានប្ដឹងទៅលើឈ្មោះ លី អ៊ុំអេង ពី បទៈ ប៉ះពាល់កម្មសិទ្ធិនៃទ្រព្យសម្បត្តិសាធារណៈ និងរំលោភកាន់កាប់ទ្រព្យសម្បត្តិរដ្ឋជាអចលនទ្រព្យដោយខុសច្បាប់»។

យោងតាមដីកាបានបង្ហាញថា៖ យល់ឃើញថាៈ ក្រុមមេធាវីជួយការងារច្បាប់របស់អាជ្ញាធរជាតិអប្សរា បានប្ដឹងទៅលើឈ្មោះ លី អ៊ុំអេង ពី បទៈ ប៉ះពាល់កម្មសិទ្ធិនៃទ្រព្យសម្បត្តិសាធារណៈ និងរំលោភកាន់កាប់ទ្រព្យសម្បត្តិរដ្ឋជាអចលនទ្រព្យដោយខុសច្បាប់ ប្រព្រឹត្តនៅភូមិគីរីមនន្ទ ភូមិតាប៉ាង និងភូមិបង្កោង ឃុំអំពិល ស្រុកប្រាសាទបាគង ខេត្តសៀមរាប កាលពីថ្ងៃទី១៧ ខែកុម្ភៈ ឆ្នាំ២០១៧ នៅអំឡុងខែធ្នូ ឆ្នាំ២០២០ នៅថ្ងៃទី០៣ ខែមករា ឆ្នាំ២០២១ និងថ្ងៃទី១១ ខែមករា ឆ្នាំ២០២១ តម្កល់រឿងទុកឥតចាត់ការ។

ដីកា របស់តុលាការបានបន្តថា – តម្កល់សំណុំរឿងព្រហ្មទណ្ឌ លេខ ២៤៧ ចុះថ្ងៃទី០៣ ខែមីនា ឆ្នាំ ២០២១ របស់ អយ្យការអមសាលា ដំបូងខេត្តសៀមរាប ចោទប្រកាន់លើឈ្មោះ លី អ៊ុំអេង ពីបទៈ ប៉ះពាល់កម្មសិទ្ធិនៃទ្រព្យសម្បត្តិសាធារណៈ និង រំលោភកាន់កាប់ទ្រព្យសម្បត្តិរដ្ឋជាអចលនទ្រព្យដោយខុសច្បាប់ ប្រព្រឹត្តនៅភូមិគីរីមនន្ទ ភូមិតាប៉ាង និងភូមិបង្អោង ឃុំអំពិល ស្រុកប្រាសាទបាគង ខេត្តសៀមរាប កាលពីថ្ងៃទី១៧ ខែកុម្ភៈ ឆ្នាំ២០១៧,នៅអំឡុងខែធ្នូ ឆ្នាំ២០២០ , នៅថ្ងៃទី០៣ ខែមករា ឆ្នាំ២០២១ និងថ្ងៃទី១១ ខែមករា ឆ្នាំ២០២៦ ទុកឥតចាត់ការ។ នេះបើយោងតាមដីកា ដែលឈ្មោះ លី អ៊ុំអេង បានផ្ដល់ឲ្យ«បណ្ដាញសៀមរាបប៉ុស្ដិ៍ នៅព្រឹកថ្ងៃទី២៤ ខែឧសភា ឆ្នាំ២០២១នេះ៕SRP

ខេត្តបាត់ដំបង៖កម្លាំងការិយាល័យជំនាញនៃបញ្ជាការដ្ឋានកងរាជអាវុធហត្ថខេត្តបាត់ដំបង សហការ ជាមួយមន្ត្រីខណ្ឌរដ្ឋបាលព្រៃឈើ បានចុះរឹបអូសឈើប្រណិតជិត៣០ដុំ ខណៈឈ្មួញត្រៀមបំរុងដឹកចល័តចេញពីផ្ទះ។

ការបង្ក្រាបនេះធ្វើឡើងនៅថ្ងៃទី២៣ ខែឧសភា ម្សិលមិញនៅត្រង់ចំណុចភូមិ២០ឧសភា សង្កាត់ស្វាយប៉ោ ក្រុងបាត់ដំបង ក្រោមការបញ្ជាពីលោក មាស សុវណ្ណ មេបញ្ជាការអាវុធហត្ថខេត្ត។

មន្ត្រីអាវុធហត្ថខេត្តបានថ្លែងប្រាប់បណ្ដាញសៀមរាបប៉ុស្ដិ៍ នៅព្រឹកថ្ងៃទី២៤ឧសភានេះថា ប្រតិបត្តិការនេះ មន្ត្រីជំនាញបានដកហូតឈើប្រណិតសរុបចំនួន ២៨ដុំ។ ក្នុងនោះប្រភេទឈើបេងចំនួន ២១ដុំ និងប្រភេទឈើធ្នង់ចំនួន ០៧ដុំ ស្មើនិង ០,៧០៥ម៉ែត្រគូប។  ដោយមានម្ចាស់ឈើឈ្មោះ គឹម ចំរើន ភេទប្រុសអាយុ៤១ ឆ្នាំ មុខរបរលក់ដូរ រស់នៅភូមិ២០ឧសភា សង្កាត់ស្វាយប៉ោ ក្រុងបាត់ដំបង។

មន្ត្រីអាវុធហត្ថបញ្ជាក់ថាក្រោយពីបានដកហូតឈើប្រណិតខាងលើត្រូវបានមន្ត្រីជំនាញដឹកជញ្ជូនទៅរក្សាទុកនៅខណ្ឌរដ្ឋបាលព្រៃឈើខេត្តបាត់ដំបងដើម្បីចាត់ការតាមនីតិវិធី៕SRP

ខេត្តសៀមរាប៖សមាគមចលនាយុវជនកម្ពុជា (ក្រុម១៥៧) សាខាក្រុងសៀមរាប បានចែកអំណោយដល់នគរបាលព្រហ្មទណ្ឌកម្រិតស្រាលខេត្ត។ ​ជាមួយគ្នានេះដែរសមាគមចលនាយុវជនកម្ពុជា (ក្រុម១៥៧) សាខាស្រុកក្រឡាញ់ក៏បានចែកអំណោយជូនពលរដ្ឋ១គ្រួសារផងដែរ។ ការចុះចែកអំណោយនេះធ្វើឡើងនៅថ្ងៃទី២៣ខែឧសភា ឆ្នាំ២០២១ ពីរទីតាំងផ្សេងគ្នា

ទី០១ដោយមានការយកចិត្តទុកដាក់ ពីលោក ហ៊ុន ប៉ូគា ប្រធានសមាគមចលនាយុវជនកម្ពុជា (ក្រុម១៥៧)សាខាខេត្តសៀមរាប បានណែនាំលោកឈាវ មុន្និន ប្រធានសមាគមចលនាយុវជនកម្ពុជា(ក្រុម១៥៧) ក្រុងសៀមរាប ព្រមជាមួយសមាជិក សមាជិកា នាំយកអំណោយប្រគល់ជូនលោក  ហង្ស សូផាតភីរម្យ នាយការិយាល័យព្រហ្មទណ្ឌកម្រិតស្រាលនៃស្នងការនគរបាលខេត្តសៀមរាប ដែលកំពុងប្រចាំការនៅគោលដៅ  ការពារប្រជាពលរដ្ឋ កំពុងធ្វើចត្តាឡីស័កនៅភូមិវត្តស្វាយដង្គំ សង្កាត់ស្វាយដង្គំ ក្រុងសៀមរាប  ខេត្តសៀមរាប។

+អំណោយដែលប្រគល់ជូនរួមមាន៖

⁃ តង់១ឈុត ប្រវែង ៣មែត្រ

⁃ អាកុលចំនួន ៣០លីត្រ

⁃ ម៉ាស ចំនួន ៥០០ ម៉ាស

⁃ ជែលលាងដៃចំណុះ៥០០ម.ល ចំនួន៥ដប

⁃ ទឹកសុទ្ធ ចំនួន ៣០យួរ

ទី០២ដោយមានការយកចិត្តទុកដាក់ពីលោកហ៊ុន ប៉ូគា ប្រធានសមាគមចលនាយុវជនកម្ពុជា(ក្រុម១៥៧)សាខាខេត្តសៀមរាប បានណែនាំ លោក ឈាន សារ៉ាត់ ប្រធានផ្នែកបដិសណ្ឋារកិច្ច សមាគមចលនាយុវជនកម្ពុជា(ក្រុម១៥៧) ស្រុកក្រឡាញ់ តំណាងលោកឆាត ឆីហ៊ុយ ប្រធានសមាគមចលនាយុវជនកម្ពុជា (ក្រុម១៥៧)សាខាស្រុកក្រឡាញ់ បានដឹកនាំសមាជិក សមាជិកា សហការណ៍ជាមួយលោក ចំរើន ចំរ៉ុង ជំទប់ទី១ឃុំក្រឡាញ់  តំណាងលោក ដោ វឿ មេឃុំក្រឡាញ់  នាំយកគ្រឿងឧបភោគបរិភោគប្រគល់ជូន គ្រូសារ អ្នកស្រី ប៉ែន ភឿត អាយុ ៤៤ឆ្នាំ ដែលស្រ្តី មេម៉ាយ និងពិការជើង រស់នៅជាមួយកូនស្រី ២នាក់ នៅភូមិអូរក្រឡាញ់ ឃុំក្រឡាញ់  ស្រុកក្រឡាញ់ ខេត្ត សៀមរាប។

អំណោយដែលប្រគល់ជូនរួមមាន៖

⁃ អង្ករ ២៥គីឡូ

⁃ ទឹកសុទ្ធ ១០យួរ

⁃ មី ១កេស

⁃ ត្រីខ ១យួរ

⁃ ទឹកស៊ីអ៊ីវ ១យួរ

⁃ ទឹកត្រី ១យួរ

⁃ ប្រេងឆា ១លីត្រ

⁃ ស្ករស ១គីឡូ

⁃ ប៊ីចេង ១គីឡូ

⁃ អំបិល ១គីឡូ

⁃ ថវិកា៥ម៉ឺនរៀល៕SRP

ខេត្តកំពង់ចាម៖សមត្ថកិច្ចបានឃាត់ខ្លួនបុរសម្នាក់ភ្លាមៗក្រោយពីបានធ្វើសកម្មភាពយកព្រនង់ឬស្សី វាយឪពុក និងម្ដាយបង្កើតខ្លួន ឲ្យរងរបួស។

យោតាមរបាយការណ៍បានឲ្យដឹងថា ហេតុការណ៍ជនសង្ស័យ ដែលបានយកព្រនង់ឬស្សី វាយឪពុក និងម្ដាយបង្កើត កាលពីវេលាម៉ោង ៣និង០០នាទី ទៀបភ្លឺ ថ្ងៃទី២២ ខែឧសភា ឆ្នាំ២០២១នៅភូមិបិតធ្នូ ឃុំអូរម្លូ ស្រុកស្ទឹងត្រង់ ខេត្តកំពង់ចាម។

លោក ទុន ណេត អភិបាលស្រុកស្ទឹងត្រង់ បានឲ្យដឹងថា ជនសង្ស័យ មានឈ្មោះ រី ម៉េងហុង អាយុ២៦ឆ្នាំ មុខរបរកសិករ រស់នៅភូមិបិតធ្នូ ឃុំអូរម្លូ ស្រុកស្ទឹងត្រង់។ ជនសង្ស័យរូបនេះ បានយក ព្រនង់ឬស្សី ០១កំណាត់ វាយទៅលើ ឈ្មោះ សឿន រី ជាឪពុកបង្កើត អាយុ៥១ឆ្នាំ នឹងឈ្មោះ រឿង ហេងជាម្តាយបង្កើត អាយុ៤៨ឆ្នាំ បណ្តាលឱ្យរងរបួស។

សមត្ថកិច្ចឲ្យដឹងថា មូលហេតុ ដែលឈ្មោះ រី ម៉េងហុង ត្រូវជាកូន ឈានទៅយកព្រនង់ វាយលើឪពុក ម្តាយនោះ គឺដោយសារ ពួកគាត់ស្តីបន្ទោស និងជេរខ្លួន។ បច្ចុប្បន្នសមត្ថកិច្ចបញ្ជូនទៅអធិការដ្ឋាននគរបាលស្រុកស្ទឹងត្រង់ ដើម្បីសាកសួរ និងកសាងសំណុំរឿងតាមនីតិវិធី៕SRP

ខេត្តកំពង់ចាម​៖លោក អ៊ុន​ ចាន់ដា​ អភិបាល ខេត្តកំពង់ចាម​​ បាន​អះអាង​ថា​ យេីង​នៅ​តែ​មានភាព​ជាម្ចាស់​ការ គ្រប់គ្រងបានដដែល​ បេីទោះបីជា​ស្ថានភាព​អ្នក​ជំងឺ​កូវីដ​-១៩​ កំពុង​តែ​មាន​ការ​កេីនឡេីង​ ដោយ​យេីងមាន​ការកិច្ចសហការ​គ្នា​យ៉ាង​ជិតស្និទ្ធ​ រវាង​អាជ្ញាធរ​​ថ្នាក់​មូលដ្ឋាន​ រហូត​ដល់​ថ្នាក់​ខេត្ត​។

ថ្លែង​យ៉ាង​ដូច្នេះ​ក្នុង​កិច្ចប្រជុំ​បន្ទាន់​របស់​គណៈកម្មការ​ខេត្ត​ប្រយុទ្ធ​ប្រឆាំង​នឹង​ជំងឺ​កូវីដ​-១៩​ នៅ​សាលា​ខេត្ត​កំពង់ចាម​ នាព្រឹក​មិមិញនេះ។

ក្នុង​កិច្ចប្រជុំ​ អភិបាលខេត្តកំពង់ចាម​ បាន​ថ្លែង​ថា​ បន្ទាប់​ពី​មានការ​គិតគូរ​ ចំពោះ​សុខភាព​.របស់​អ្នក​ជំងឺ​ទូទៅ​ ដែល​កំពុង​សម្រាក​ព្យាបាល​នៅ​មន្ទីរពេទ្យ​ខេត្តកំពង់ចាម​ យេីង​បាន​យក​អតីត​សណ្ឋាគារ​មេគង្គ​ ធ្វើ​ជា​មន្ទីរពេទ្យ​សម្រាប់​ព្យាបាល​អ្នក​វិជ្ជមាន​កូវីដ​-១៩​ ដេីម្បី​​ញែក​អ្នក​ជំងឺ​កូវីដ​-១៩​ ចេញ​ដាច់​ដោយឡែក​ពី​គ្នា​ ប៉ុន្តែ​សម្រាប់​ក្នុងដំណាក់កាលឆ្លង​រីករាល​ដាល​នៃ​ជំងឺ​កូវីដ​-១៩​ ដែលកំពុង​តែ​មាន​សន្ទុះ​​កេីនឡេីង​នេះ​ មន្ទីរពេទ្យ​ខេត្ត​ក៏​ត្រូវ​រៀបចំ​គ្រែ​ឲ្យ​បានចំនួន​១០០គ្រែ​ សម្រាប់​ត្រៀម​ទទួល​ព្យាបាល​អ្នក​វិជ្ជមាន​កូវីដ​-១៩​ នៅ​ពេល​មន្ទីរពេទ្យ​មេគង្គនោះ​ពេញ​ផងដែរ​។ ទន្ទឹមនឹង​នោះយេីងក៏បាន​រៀបចំ​ហើយ​ជាស្រេចចំពោះក្រុម​​គ្រូពេទ្យ​សម្រាប់​ព្យាបាល​ និង​ចាក់​វ៉ាក់សាំង​បង្ការ​ជំងឺ​កូវីដ​-១៩​ បាន​គ្រប់​ចំនួន​ ដោយមានទាំង​ក្រុម​គ្រូពេទ្យ​ស្ម័គ្រចិត្ត​របស់​ឯកឧត្តម​ ហ៊ុន​ ណេង​ អ្នក​តំណាងរាស្រ្ដមណ្ឌលកំពង់ចាម​ និងក្រុមគ្រូ​ពេទ្យ​ស្ម័គ្រចិត្ត​របស់​ឯកឧត្តម​ ខៀវ​កាញារីទ្ធ​ រដ្ឋមន្ត្រី​ក្រសួងព័ត៌មាន​ ព្រមទាំង​មាន​បំពាក់​​ សម្ភារបរិក្ខារ​ពេទ្យ​គ្រប់គ្រាន់​ផងដែរ​ សម្រាប់​ចេញ​អន្តរាគមន៍​នៅ​ពេល​ចាំបាច់​។

គួរ​បញ្ជាក់​ថា​ សម្រាប់​ថ្ងៃទី២២ ខែឧសភា ឆ្នាំ២០២១នេះ មន្ត្រី​សុខាភិបាលនៃរដ្ឋបាលខេត្ត​កំពង់ចាម​ បានយកសំណាកលើកម្មករ កម្មការិនី ចំនួន៣២២៩នាក់ ក្នុងនោះលទ្ធផលតេស្ដរហ័ស រកឃេីញករណីវិជ្ជមានកូវីដ-១៩ ចំនួន ៥០នាក់​ ហេីយ​បាន​បញ្ជូន​អ្នក​ជំងឺ​ទាំងនោះ​ទៅ​ព្យាបាល​នៅមន្ទីរពេទ្យមេគង្គកំពង់ចាម (សរុបអ្នកកំពុងសម្រាកព្យាបាល ចំនួន ៤០៤នាក់) និងបន្តស្រាវជ្រាវរកអ្នកដែលប៉ះពាល់យកទៅ​ធ្វើ​ចត្តាឡីស័ក ព្រមទាំង​បានអំពាវនាវដល់អ្នកពាក់ព័ន្ធ និងធ្លាប់ប្រាស្រ័យ​ទាក់ទង​ជាមួយ​នឹងអ្នកជំងឺខាងលើ សូមទៅពិនិត្យសុខភាព និងយកសំណាក នៅមន្ទីរពេទ្យបង្អែកដែលស្ថិតនៅជិតផ្ទះ ឬត្រូវរាយការណ៍ជូនអាជ្ញាធរ មូលដ្ឋានជាបន្ទាន់​ផងដែរ​៕SRP

ខេត្តសៀមរាប៖លោកជំទាវ បណ្ឌិត លី អ៊ុំអេង បានធ្វើការបដិសេធ ការបង្ហោះរបស់សារព័ត៌មានមួយចំនួន ដែលបានផ្សព្វផ្សាយចោទប្រកាន់មកលើ លោកជំទាវ ។

«សំឡេង» លោកជំទាវបណ្ឌិត លី អ៊ុំអេង ខាងក្រោមនេះ៖

ការបដិសេធនេះធ្វើឡើងមានសារព័ត៌មានមួយចំនួនបានបង្ហោះថា ឈ្មោះ លី អ៊ុំអេង មានជម្លោះដីធ្លីជាមួយសហគមន៍ដីធ្លី កើតមានឡើងចាប់តាំងពីឆ្នាំ២០០២- ២០០៣- ២០០៤ រហូតមកដល់បច្ចុប្បន្ននេះ មានរយ:ពេលជិត២០ឆ្នាំមកហើយ នៅតែមិនទាន់បានដោះស្រាយចប់នៅឡើយ។ ថ្មីៗនេះ នៅកំឡុងខែមករា ឆ្នាំ២០២១ ឈ្មោះលី អ៊ុំអេង ដដែល បាននិងកំពុងតែបន្តបង្កើតជម្លោះវិវាទដីធ្លី ដោយគ្មានវត្តមានអាជ្ញាធរមានសមត្ថកិច្ចណាមួយជួយអន្តរាគមន៍ទប់ស្កាត់ឡើយ។

ករណីចោទប្រកាន់ខាងលើនេះ លោកជំទាវបណ្ឌិត លី អ៊ុំអេង សុំធ្វើច្រានចោលទាំងស្រុង«សំឡេង»

ភ្នំពេញ៖កម្ពុជានៅថ្ងៃអាទិត្យ ទី២៣ ខែឧសភា ឆ្នាំ២០២១នេះ បានទទួល វ៉ាក់សាំងស៊ីណូវ៉ាក់ (Sinovac) របស់ក្រុមហ៊ុនចិនចំនួន ១លានដូស បន្ថែមទៀត ដោយបានដឹកមកដល់ប្រទេសកម្ពុជានាព្រឹកមិញនេះ។

នេះគឺជាវ៉ាក់សាំងលើកទី៥ហើយ ដែលរាជរដ្ឋាភិបាលកម្ពុជា បានបញ្ជាទិញពីក្រុមហ៊ុនស៊ីណូវ៉ាក់ ខណៈជើងទី១ មានចំនួន ១.៥លានដូស ត្រូវបានដឹកមកដល់កម្ពុជា កាលពីថ្ងៃទី២៦ ខែមីនា, ជើងទី២ មានចំនួន ៥០ម៉ឺនដូស ដឹកមកដល់កម្ពុជានៅថ្ងៃទី១៧ ខែមេសា និងជើងទី៣ មានចំនួន ៥០ម៉ឺនដូស ដឹកមកដល់កម្ពុជាថ្ងៃទី១១ ខែឧសភា និងជើងទី៤ មានចំនួន ៥០ម៉ឺនដូស ដឹកមកដល់ថ្ងៃទី១៦ ខែឧសភា៕SRP

ខេត្តត្បូងឃ្មុំ​៖ប្រជាពលរដ្ឋដែលរងគ្រោះដោយ​កត្តា​ធម្មជាតិ​ ចំនួន៥០០គ្រួសារ​ ក្នុងមូលដ្ឋានស្រុកក្រូចឆ្មារ ទទួលបានអង្ករ ជាជំនួយសង្គ្រោះបន្ទាន់របស់រាជរដ្ឋាភិបាលជប៉ុន​។

ការទទួលអំណោយនេះ នៅថ្ងៃទី២២ ខែឧសភា ម្សិលមិញ តាមរយ: លោកជាម ច័ន្ទសោភ័ណ អភិបាលខេត្ត​ត្បូងឃ្មុំ​

លោកជាម ច័ន្ទសោភ័ណ បានលើកឡើងថា យើងទាំងអស់គ្នាដឹងហើយថា ជំងឺកូវីដ-១៩ បានធ្វើឲ្យប៉ះពាល់យ៉ាងខ្លាំង ដល់សង្គមជាតិ និងប្រជាជនគ្រប់ស្រទាប់វណ្ណៈ ពិសេសគឺជីវភាពប្រជាពលរដ្ឋ ដែលងាយរងគ្រោះ ដូច្នេះយើងត្រូវអនុវត្តឲ្យបានដាច់ខាតតាមការណែនាំរបស់ក្រសួងសុខាភិបាល និងវិធានការ ៣ការពារ​ ៣កុំ ដើម្បីកាត់ផ្តាច់ខ្សែសង្វាក់នៃការឆ្លងរីករាលដាលក្នុងសហគមន៍ នៅខេត្តត្បូងឃ្មុំ​។

លោកជាម ច័ន្ទសោភ័ណ បានធ្វើការជម្រុញ និងលើកទឹកចិត្តដល់ប្រជាពលរដ្ឋ ឲ្យ​បន្តការដាំដំណាំរួមផ្សំ បន្លែបង្ការផ្សេងៗ សម្រាប់ជាម្អូបអារហារ និងអាចរកប្រាក់​កម្រៃ​បន្ថែមសម្រាប់ទ្រទ្រង់ជីវភាពគ្រួសារផងដែរ។

អភិបាលខេត្ត ក៏បានក្រើនរំលឹកដល់មន្រ្តីគ្រប់លំដាប់ថ្នាក់ ត្រូវបម្រើសេវាសាធារណៈ ឲ្យបានល្អ និងទាន់ពេលវេលា ជូនប្រជាពលរដ្ឋក្នុងមូលដ្ឋានរបស់ខ្លួន ហើយប្រសិនបើមានបញ្ហាអ្វី ត្រូវរាយការណ៍ជូនថ្នាក់លើ​ដើម្បីសិក្សាដោះស្រាយ​ឲ្យ​ទាន់ពេលវេលា​។

អភិបាលខេត្ត បានបន្តដំណើរទៅពិនិត្យទីតាំងបាក់ច្រាំងទន្លេ និងបន្តទៅពិនិត្យដំណើរការសាងសង់មន្ទីរពេទ្យបង្អែកស្រុកក្រូចឆ្មារ ព្រមទាំងផ្តល់ថវិកាមួយចំនួនដល់ក្រុមជាងសាងសង់ផងដែរ៕SRP

ខេត្តកំពង់ចាម​៖លោក អ៊ុន​ ចាន់ដា​ អភិបាលខេត្តកំពង់ចាម​ និង​ជា​ប្រធាន​គណកម្មការ​ខេត្ត​ប្រយុទ្ធ​ប្រឆាំង​នឹង​ជំងឺ​កូវីដ​-១៩​ នារសៀល​ថ្ងៃទី​២២​ ខែឧសភា​ ឆ្នាំ​២០២១​នេះ​ បាន​អញ្ជើញ​ចុះ​ពិនិត្យ​វិទ្យាល័យ​ព្រះ​សីហនុ​ ដែល​សម្រេច​​ជ្រើសរើស​បន្ថែម​ធ្វើ​ជា​មន្ទីរពេទ្យ​ព្យាបាល​ជំងឺ​កូវីដ​-១៩​ ខណៈ​មន្ទីរពេទ្យ​មេគង្គ​កំពង់ចាម​ បច្ចុប្បន្ន​មាន​៤០៥គ្រែ និង​យក​វិទ្យាល័យ​ ដំដុះ​ សម្រាប់​ធ្វេីជា​មណ្ឌល​ចត្តាឡីសក័​ បន្ទាប់​ពី​គរុកោស​ភូមិភាគ​កំពង់ចាម​ មាន​អ្នក​ពាក់ព័ន្ធ​ធ្វើ​ចត្តាឡីស័ក​កេីនឡេីង​។

លោក អ៊ុន ចាន់ដា​ បានណែនាំ ដល់​មន្ត្រីពាក់ព័ន្ធ​ ឲ្យ​សហការ​គ្នា​ ដើម្បី​រៀបចំ​បន្ថែម​នូវ​វិទ្យាល័យ​ព្រះ​សីហនុ​នេះ​ ឲ្យ​ក្លាយ​ទៅ​ជា​មន្ទីរពេទ្យ​សម្រាប់​ព្យាបាល​អ្នក​វិជ្ជមាន​​​កូវីដ​-១៩​ ដោយមានការ​រៀបចំ​សំអាត​បរិស្ថាន​នៅ​ទីធ្លា​ទាំង​ក្នុង​និង​ក្រៅ​ ហើយ​បំពាក់​ សម្ភារបរិក្ខារ​ពេទ្យ​ និង​រៀបចំ​ប្រព័ន្ធ​ទឹក​ ភ្លេីង នៅ​តាម​អគារ​និមួយៗ​ ឲ្យ​បាន​ឆាប់​រួចរាល់​ ស្របពេលដែល​ល្បឿន​នៃ​ការ​ឆ្លង​រីករាល​ដាល​ចេះតែ​កេីនឡេីង​ជាបន្តបន្ទាប់​។

អភិបាលខេត្ត​ ក៏​បាន​ណែនាំ​ដល់​មន្ត្រីពាក់ព័ន្ធ​ ត្រូវ​ខិតខំ​ស្រាវជ្រាវ​ស្វែងរក​អ្នក​ដែល​ប៉ះពាល់​ដោយ​ផ្ទាល់​ជាមួយ​អ្នក​វិជ្ជមាន​កូវីដ​-១៩​ ដេីម្បី​នាំ​គាត់​ទៅ​ធ្វើ​ចត្តាឡីស័ក​ឲ្យ​ទាន់ពេលវេលា​ ស្រប​តាម​ការ​គ្រប់គ្រង​របស់​អាជ្ញាធរ​ ដេីម្បី​កាត់ផ្ដាច់​ខ្សែ​ចម្លង​នៃ​ជំងឺ​ដ៏​កាច​សាហាវ​នេះ។ ​

គួរបញ្ជាក់ថា នៅថ្ងៃទី២១ ខែឧសភា​ ឆ្នាំ២០២១ ខេត្តកំពង់ចាម បានរកឃើញករណីវិជ្ជមានកូវីដ-១៩ ចំនួន ៨៤នាក់បន្ថែមទៀត ដែលធ្វើឲ្យចំនួនអ្នកវិជ្ជមានកូវីដ-១៩ ក្នុងខេត្តកំពង់ចាម មានការកេីនឡេីងដល់៤៨៤នាក់ ខណៈ​អ្នកជំងឺកំពុងសម្រាកព្យាបាលនៅមន្ទីរពេទ្យមេគង្គកំពង់ចាម មានចំនួន ៣៥៤នាក់​ និង​អ្នកប៉ះពាល់ដោយផ្ទាល់ មានចំនួន ២.៦៤២នាក់ ដែលកំពុងបន្តធ្វើចត្តាឡីស័ក​ ៕SRP

ភ្នំពេញ៖លោកហ៊ុយ វណ្ណៈ ប្រធានសហភាពសហព័ន្ធអ្នកសារពត៌មានកម្ពុជា និងជារដ្ឋលេខាធិការក្រសួងមហាផ្ទៃ បានបង្ហោះសារ តាមfacebook សរសើរដល់កូនស្រីច្បង ដែលរៀនបាននិទ្ទេស A ច្រើនមុខវិជ្ជា។

នៅលើទំព័រខោនហ្វេសប៊ុកផ្លូវការ របស់ លោកហ៊ុយ វណ្ណៈ បានបង្ហាញថា៖ ថ្ងៃនេះ សុំសរសើរបន្តិចទៅចុះ ដែលកូនស្រីច្បងរៀនបាននិទ្ទេស A ច្រើនមុខវិជ្ជា។

លោកហ៊ុយ វណ្ណៈ បានសរសេរថា៖
• ការរស់នៅក្នុងភាពងាយស្រួល គឺជាដំណើរធម្មតា ប៉ុន្តែមនុស្សគ្រប់រូប មិនអាចគេចផុតពីការជួបឧបសគ្គខ្លះៗនោះទេ។ តម្លៃនៃការអប់រំ នឹងលេចឡើង នៅពេលជីវិតជួបការលំបាកតូចធំនេះឯង។ អ្នកនឹងយល់ថា «ប្រាជ្ញា ពីការអប់រំ គឺភ្លឺជាងព្រះអាទិត្យ» ធ្វើឲ្យជីវិតអាចបន្តដើរទៅមុខបាន ទាំងពេលយប់ និងពេលថ្ងៃ។ បើប្រាជ្ញាទន់ខ្សោយ នោះមិនថាជា ប្រុសឬស្រី គេនឹងអាចដេកដួលទាំងកណ្តាលថ្ងៃត្រង់។
• «ការអប់រំ» គឺពិតជាទ្រព្យ ដែលឪពុកម្តាយគ្រប់រូប ត្រូវបន្តពុះពារផ្តល់ទៅកូនៗ ដើម្បីគេអាចឈរដោយខ្លួនឯង និងជាម្ចាស់វាសនាអនាគតខ្លួន។ រៀនសូត្របានច្រើន អាចមើលសង្គមមនុស្សបានច្បាស់ និងអាចមើលពិភពលោកបានទូលំទូលាយ។
• លើសពីនេះ អ្វីដែល ឪពុករីករាយបំផុត គឺកូនៗ មិនចេះឆ្មើងឆ្មៃ មិនរើសអើងមនុស្ស មានការរស់នៅល្អ និងមានការទទួលខុសត្រូវ។ សូមជម្រាបថា កូនស្រីច្បងដែល លោកហ៊ុយ វណ្ណៈ បានបង្ហោះសារសរសើរ មានឈ្មោះ ហ៊ុយ វណ្ណវីនីដា អាយុ១៧ឆ្នាំ រៀនបរិញ្ញាប័ត្រឆ្នាំទី១ ផ្នែកគ្រប់គ្រងពាណិជកម្ម នៅសាកលវិទ្យាល័យ AUPP៕SRP

ខេត្តសៀមរាប៖លោក ផយ​ ម៉ក់ ប្រធាន សមាគម ចលនា យុវជនកម្ពុជា (ក១៥៧) ស្រុកវ៉ារិន នៅថ្ងៃទី២២ ខែឧសភាឆ្នាំ២០២១នេះ ដោយមានការណែនាំពីលោកហ៊ុន ប៉ូគា ប្រធានសមាគមចលនាយុវជនកម្ពុជា(ក១៥៧) ខេត្តសៀមរាប បានដឹកនាំលោកអនុប្រធាន និង សមាជិក សមាជិកា នាំយកថវិកាចំនួន​៣៥៨ដុល្លារ (បីរយហាសិបប្រាំបីដុល្លារ​) ដែលបានទទួលពីសប្បុរសធម៌ សមាជិក​ នឹងថ្នាក់ដឹកនាំខេត្ត ទៅប្រគល់ជូនម្ដាយរបស់លោក​ លី​ លឹមវាសនា​ អនុប្រធានសមាគមចលនាយុវជនកម្ពុជា (ក១៥៧) ស្រុកវ៉ារិន ដែលបានជួបគ្រោះថ្នាក់ចរាចរណ៍​ ក្រឡាប់រថយន្ដកាលពីថ្ងៃទី១៩​ ខែឧសភា​ ឆ្នាំ២០២១​ បណ្ដាលអោយរងរបួសធ្ងន់ធ្ងរ(ឈាមកកក្នុងខួរក្បាល) កំពុងសម្រាកព្យាបាល នៅមន្ទីរពេទ្យរុស្សី​ រាជធានីភ្នំពេញ។

ការប្រគល់ថវិកានេះ ស្ថិតនៅផ្ទះម្ដាយរបស់លោក​ លី​ លឹមវាសនា​ ក្នុងភូមិតាភុល សង្កាត់ស្វាយដង្គំ​ ក្រុងសៀមរាប​។

ក្នុងឱកាសប្រគល់ថវិកាជូន ម្ដាយរបស់លោក​ លី​ លឹមវាសនា​ នេះ លោក​ ផយ​ ម៉ក់​ បានមានមតិសំណេះសំណាល និងសាកសួរសុខទុក្ខដោយចូលរួមសំដែងនូវការសោកស្ដាយចំពោះ លោកលី​ លឹមវាសនា​ ដែលបានជួបគ្រោះថ្នាក់បែបនេះ​ ដោយសារបញ្ហា រីករាលដាល នៃជំងឺកូវីដ-១៩​ ក្រុមការងារមិនអាចទៅសួរសុខទុក្ខ ដោយផ្ទាល់ឡេីយ។

ជាមួយគ្នានេះដែរលោក​ ផយ​ ម៉ក់​ ក្នុងនាមសមាគមចលនាយុវជនកម្ពុជា (ក្រុម១៥៧) សាខាស្រុកវ៉ារិន សូមជូនពរដល់ លោក លី​ លឹមវាសនា​ អោយឆាប់ជាសះស្បេីយ ដើម្បីបានវិលត្រឡប់ មកជួបជុំក្រុមគ្រួសារ​ នឹងបានបន្ដការងារមនុស្សធម៌ចលនាយុវជនកម្ពុជា​(ក១៥៧)ស្រុកវ៉ារិនបន្តទៀត។

លោកផយ​ ម៉ក់​ ក៏បានមានមតិផ្ដាំផ្ញើដល់គ្រួសារ
លោក លី​ លឹមវាសនា សូមមេត្តាចូលរួមអនុវត្តន៍តាមប្រសាសន៍ណែនាំរបស់ សម្តេចតេជោ (៣កុំ ៣ការពារ) ឲ្យបានខ្ជាប់ខ្ជួន​ ដេីម្បីចៀសផុតពីជំងឺកូវីដ-១៩ ទាំងអស់គ្នា។

ក្នុងនាម លោក​ លី​ លឹមវាសនា​ ម្ដាយរបស់គាត់បានថ្លៃងអំណរគុណយ៉ាងជ្រាលជ្រៅដល់​ លោក​ ហ៊ុន​ ប៉ូគា​ នឹងលោក​ ផយ​ ម៉ក់​ ព្រមទាំងសមាជិក សមាជិកា​ របស់ចលនាយុវជន (ក១៥៧) ទាំងអស់ដែលបានយកចិត្តទុកដាក់សួរសុខទុក្ខ និងនាំយកនូវថវិកាមួយចំនួនមកប្រគល់អោយ​រូបគាត់ ដើម្បីសម្រាប់ដោះស្រាយនូវការលំបាកមួយចំណែក ព្រមទាំងបានជូនពរ ដល់ក្រុមការងារមនុស្សធម៌១៥៧ ជួបតែសេចក្ដីសុខ គ្រប់ក្រុមគ្រួសារ​ ប្រាថ្នាអ្វីបានសម្រេចដូចបំណង​ មានសុខភាពល្អ​ ប្រាជ្ញាឈ្លាសវៃ​ អាយុយឺនយូ​ផងដែរ។

នៅថ្ងៃនេះដែរ លោក ថាញ់ រ៉ូ អនុប្រធាន សមាគមចលនាយុវជនកម្ពុជា (ក១៥៧)ស្រុកក្រឡាញ់ តំណាងលោក ឆាត ឆីហ៊ុយ ប្រធានសមាគមចលនាយុវជនកម្ពុជា​ (ក្រុម១៥៧)​ ស្រុកក្រឡាញ់​ ព្រមជាមួយសមាជិក សមាជិកា រួមជាមួយលោក ចំរើន ចំរ៉ុង ជំទប់ទី១ ឃុំក្រឡាញ់ និងលោក លីវ សុម៉េង មេភូមិ សំពៅលូន បាននាំយកអំណោយប្រគល់ជូន លោកយាយ ពៅ សារ៉ាន់ អាយុ ៧៧ឆ្នាំ
រស់នៅភូមិ សំពៅលូន ឃុំក្រឡាញ់ ស្រុកក្រឡាញ់ ខេត្តសៀមរាប ដែលសព្វថ្ងៃលោកយាយ រស់នៅក្នុងវត្តសំពៅលូន នៅជាមួយចៅស្រី មានសតិមិនល្អ អាស្រ័យដោយបាយវត្ត។

+អំណោយដែលប្រគល់ជូនរួមមាន៖
⁃ អង្ករ ២៥ គីឡូ
⁃ ទឹកសុទ្ធ ១០យួរ
⁃ មី១ កេស
⁃ ត្រីខ ១យួរ
⁃ ទឹកស៉ីអ៉ីវ ១យួរ
⁃ ទឹកត្រី ១យួរ
⁃ ប្រេងឆា ១លីត្រ
⁃ ស្ករស ១គីឡូ
⁃ ប៊ីចេង ១គីឡូ
⁃ អំបិល ១គីឡូ
⁃ ថវិកា ៥មុឺនរៀល៕SRP