ភ្នំពេញ៖សម្តេចកិត្តិព្រឹទ្ធបណ្ឌិត ប៊ុន រ៉ានីហ៊ុនសែន ប្រធានកាកបាទក្រហមកម្ពុជា បានសារលិខិតថ្វាយព្រះពរ ថ្វាយ ព្រះករុណាព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា ក្នុងឱកាសនៃព្រះរាជពិធីបុណ្យចម្រើនព្រះជន្មវស្សា គម្រប់៦៨ព្រះវស្សា យាងចូល៦៩ព្រះវស្សា៕SRP
ខេត្តមណ្ឌលគិរី៖លោក ស្វាយ សំអ៊ាង អភិបាលខេត្តមណ្ឌលគិរី បានប្រាប់ដល់បណ្តាក្រុមហ៊ុន ដីសម្បទានសេដ្ឋកិច្ចទាំងអស់ ត្រូវធ្វើផ្លូវព័ទ្ធជុំវិញដីឲ្យបានច្បាស់លាស់ ចៀសវាងមានការកាប់ទន្រ្ទានយកដីធ្វើជាកម្មសិទ្ធ។
លោកអះអាងយ៉ាងដូច្នេះនៅថ្ងៃទី០៩ ខែឧសភា ឆ្នាំ២០២១ ក្នុងឱកាសដឹកនាំមន្ទីរអង្គភាពពាក់ព័ន្ធ និងអាជ្ញាធរស្រុក បានអញ្ជើញចុះពិនិត្យមើលវឌ្ឍនភាពរបស់ក្រុមហ៊ុនផេសុីហ្វិកយ៉ញស្តុក ខមភេនី លីមីធីត ស្ថិតនៅក្នុងភូមិរវាក់ ឃុំរយ៉ ស្រុកកោះញែ ខេត្តមណ្ឌលគិរី។
លោកអភិបាលខេត្ត បានជួបពិភាក្សាជាមួយតំណាងក្រុមហ៊ុនផេសុីហ្វិចយ៉ញស្តុកខមភេនី លីមីធីត ស្តីពីវឌ្ឍនភាពរបស់ក្រុមហ៊ុន និងបានណែនាំឲ្យក្រុមហ៊ុន ត្រូវធ្វើរបង ឬធ្វើផ្លូវព័ទ្ធជុំវិញដីសម្បទានសេដ្ឋកិច្ចដែលបានវិនិយោគ ឲ្យបានច្បាស់លាស់ ដើម្បីចៀសវាងមានការចូលកាប់ទន្រ្ទានយកដីធ្វើជាកម្មសិទ្ធិពីបុគ្គលមួយចំនួន ហើយជាពិសេស ក៏សូមឲ្យក្រុមហ៊ុនមួយៗ ត្រូវគោរពតាមគោលការណ៍របស់រាជរដ្ឋាភិបាល។
លោកក៏បានណែនាំដល់សមត្ថកិច្ច និងអាជាធរដែនដី ត្រូវសហការគ្នា ដើម្បីទប់ស្កាត់ និងបង្ក្រាបបទល្មើសធនធានធម្មជាតិ ឲ្យមានប្រសិទ្ធភាព៕SRP
ភ្នំពេញ៖នាយករដ្ឋមន្រ្តីខ្មែរ សម្តេចតេជោ ហ៊ុន សែន បានសារលិខិតថ្វាយព្រះពរ ថ្វាយ ព្រះករុណាព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា ក្នុងឱកាសនៃព្រះរាជពិធីបុណ្យចម្រើនព្រះជន្មវស្សា គម្រប់៦៨ព្រះវស្សា យាងចូល៦៩ព្រះវស្សា។ នេះបើយោងតាមលិខិតថ្វាយព្រះពរ ដែលបណ្ដាញ សៀមរាបប៉ុស្តិ៍ ទើបទទួលបាននៅព្រឹកថ្ងៃទី ១១ ខែឧសភានេះ៕SRP
ភ្នំពេញ៖លោកប្រាក់ សំអឿន អគ្គនាយកដ្ឋានរដ្ឋបាល ក្រសួងមហាផ្ទៃ ប្រាប់អភិបាល រាជធានី ខេត្ត ស្ដីពីការអនុញ្ញាតឲ្យដំណើរការដេញថ្លៃគម្រោងមូលនិធិឃុំ សង្កាត់ឡើងវិញ។ នេះបើយោងតាមសេចក្ដីប្រកាសមួយដែលបណ្ដាញ«សៀមរាបប៉ុស្ដិ៍» ទទួលបាននៅរសៀលថ្ងៃទី១០ ខែឧសភា ឆ្នាំ២០២១នេះ៕SRP
ភ្នំពេញ៖សម្តេចពញាចក្រី ហេង សំរិន ប្រធានរដ្ឋសភា និងសម្តេចធម្មវិសុទ្ធវង្សា សៅ ទី ហេង សំរិន បានអញ្ជើញចាក់វ៉ាក់សំាងកូវីដ-១៩ ដូសទី២ “COVIDSHIELD” AstraZeneca រួចហើយ នៅវិមានរដ្ឋសភា នាព្រឹកថ្ងៃទី១០ ខែឧសភាឆ្នាំ២០២១នេះ។
សម្តេចប្រធានរដ្ឋសភា បានថ្លែងអំណរគុណយ៉ាងជ្រាលជ្រៅដល់រាជរដ្ឋាភិបាលដែលបានខិតខំកៀរគរគ្រប់មធ្យោបាយដើម្បីទទួលបានវ៉ាក់សាំងមកចាក់ជូនប្រជាពលរដ្ឋ ដែលតាមគម្រោងឱ្យបានប្រមាណ១០លាននាក់ ដើម្បីបង្កើតភាពស៊ាំសហគមន៍ ឈានទៅគ្រប់គ្រងបានលើវីរុសកូរ៉ូណា(កូវីដ-១៩) សំដៅស្តារសេដ្ឋកិច្ចនិងសង្គមជាតិឡើងវិញ ចេញពីវិបត្តិជាសកលនេះក្នុងពេលឆាប់ៗខាងមុខ។
ឆ្លៀតឱកាសនោះ សម្តេចអគ្គមហាពញាចក្រីក៏បានថ្លែអំណរគុណផងដែរដល់បណ្តាប្រទេសជាមិត្ត ពិសេសសាធារណរដ្ឋប្រមានិតចិននិងដៃគូរអភិវឌ្ឍន៍ជាច្រើនទៀតដូចជាអង្គការសុខភាពពិភពលោក និងយន្តការកូវ៉ាក់ (COVAX) ជាដើម រួមទាំងសប្បុរសជនទាំងអស់ ដែលបានជួយឧបត្ថម្ភវ៉ាក់សាំងនិងផ្តល់ជំនួយបច្ចេកទេស សម្ភារៈវិទ្យាសាស្រ្តជាច្រើនដល់កម្ពុជានៅក្នុងការប្រយុទ្ធប្រឆាំងជំងឺកូវីដ-១៩ នាពេលកន្លងមក។
សម្តេចបានអំពាវនិងលើកទឹកចិត្តដល់ប្រជាពលរដ្ឋ សូមអញ្ជើញទៅទទួលវ៉ាក់សាំងដោយឥតគិតថ្លៃនៅតាមមូលដ្ឋានរៀងៗខ្លួន ដើម្បីការពារអាយុជីវិត ក្រុមគ្រួសារនិងសហគមន៍របស់ខ្លួន។
ជាមួយគ្នានេះសម្តេចបានអំពាវនាវដល់ប្រជាពលរដ្ឋបន្តអនុវត្តវិធានសុខាភិបាល «៣ការពារ ៣កុំ»ឱ្យបានខ្ជាប់ខ្ជូនគ្រប់ៗគ្នាទោះជាបានទទួលវ៉ាក់សាំងការពាររួចហើយក្តី។
សម្តេចប្រធានរដ្ឋសភាបានគូសបញ្ជាក់ថាជំងឺកូវីដ-១៩នៅតែបន្តគំរាមកំហែងពិភពលោកក៏ដូចជាកម្ពុជា ក្នុងសភាពខ្លាំងក្លានៅឡើយ។ ដូច្នេះដើម្បីការពារទប់ស្កាត់ជំងឺនេះកុំឱ្យឆ្លងរាលដាលកាន់តែខ្លាំងឡើង កត្តាសំខាន់បំផុតគឺការចូលរួមនិងការបេ្តជ្ញាចិត្តពីបុគ្គលម្នាក់ៗ ទើបសង្គមជាតិអាចគេចផុតពីជំងឺរាតត្បាតនេះបាន៕SRP
ខេត្តសៀមរាប៖នាយកគ្រប់គ្រងគេហទំព័រ«សៀមរាបប៉ុស្ដិ៍» លោកប៊ុត វិចិត្រ បានលើកឡើងថា បើទោះបីជាសេរីភាពខាងសារព័ត៌មានត្រូវបានគាំពារដោយច្បាប់ និងមានសិទ្ធិក្នុងការសរសេរបញ្ចេញមតិយ៉ាងណាក៏ដោយ ក៏នៅតែមានបញ្ហាប្រឈមមួយចំនួន។
នេះបើយោងតាមរបាយការណ៍ ស្ដីពីការផ្សាយអត្ថបទ របស់គេហទំព័រ សៀមរាបប៉ុស្ដិ៍ ប្រចាំឆ្នាំ ២០២០ ដែលបានចេញរបាយការណ៍របស់ខ្លួនក្នុងខែមេសា ឆ្នាំ២០២១។
ក្នុងរបាយការណ៍របស់គេហទំព័រសៀមរាបប៉ុស្ដិ៍បានបង្ហាញជូនមន្ទីរព័ត៌មានខេត្តសៀមរាបថា
រយៈពេលមួយឆ្នាំកន្លងមកនេះ អង្គភាពខ្ញុំបាទ សម្រេចបានសមិទ្ធផលជាច្រើន ស្របតាមការអភិវឌ្ឍន៍ឥតឈប់ឈរក្នុងប្រទេសកម្ពុជា និងទំនើបកម្មផ្នែកប្រព័ន្ធផ្សព្វផ្សាយជាពិសេសវិស័យព័ត៌មានផងដែរ។
I. សកម្មភាពទូរទៅ
-រយ:ពេលកន្លងមកនេះ អង្គភាពសារព័ត៌មាន«សៀមរាបប៉ុស្ដិ៍» បានចុះផ្ដិតរូបភាព យកព័ត៌មាន នៅតាមហេតុការណ៍នានា ដោយគោរពតាមវិជ្ជាជីវ:និងក្រមសីលធម៌ ស្ដីពីររបបសារព័ត៌មាន។ ក្នុងនោះបានផ្សព្វផ្សាយនូវព័ត៌មានទាន់ហេតុការណ៍ជាច្រើនដូចជា៖
– ព័ត៌មានក្នុងប្រទេស រយ:ពេល១ឆ្នាំ២០២០ មានចំនួន២,៦៤៤ អត្ថបទ
– ព័ត៌មានក្នុងខេត្តសៀមរាប សរុបមាន ចំនួន ១,០៩៦ អត្ថបទ……
ព័ត៌មានអន្តរជាតិ ចំនួន00
I.បញ្ហាប្រឈម
-បើទោះបីជាសេរីភាពខាងសារព័ត៌មានត្រូវបានគាំពារដោយច្បាប់ និងមានសិទ្ធិក្នុងការសរសេរបញ្ចេញមតិ យ៉ាងណាក៏ដោយ ក៏នៅតែមានបញ្ហាប្រឈមមួយចំនួន។ ក្នុងនោះគឺការចុះយកព័ត៌មានតាមមូលដ្ឋានខ្លះ អាជ្ញាធរសមត្ថកិច្ច មួយចំនួនមិនបានផ្ដល់ការបំភ្លឺមកខាងសារព័ត៌មាន។ ជាមួយគ្នានេះដែរការបញ្ហាប្រឈមគឺនៅពេលចុះផ្សាយនូវអត្ថបទព័ត៌មានរិះគន់ តែងតែទទួលរងការគំរាមកំហែងផងដែរ។ ទោះជាយ៉ាងណា អង្គភាព«សៀមរាបប៉ុស្ដិ៍» ក៏សុំអរគុណ ដល់អាជ្ញាធរមន្ទីរសមត្ថកិច្ចជំនាញពាក់ព័ន្ធទាំងងអស់ ដែលបានគាំទ្រ«គេហទំព័រសៀមរាបប៉ុស្ដិ៍» និងបានផ្ដល់នូវព័ត៌មានជាច្រើនដល់«គេហទំព័រសៀមរាបប៉ុស្ដិ៍» សម្រាប់ផ្សព្វផ្សាយពីសមិទ្ធិផលផងដែរ។
I.សុំណូមពរ
-ក្នុងនាមអង្គភាពគេហទំព័រ«សៀមរាបប៉ុស្ដិ៍» ដែលបានប្រកាន់ភ្ជាប់គោរពនូវវិជ្ជាជីវ:និងក្រមសីលធម៌ សុំសំណូមពរដល់អាជ្ញាធរមន្ទីរសមត្ថកិច្ចជំនាញពាក់ព័ន្ធទាំងងអស់ មេត្តាជួយផ្ដល់ព័ត៌មានជាក់លាក់ សហការជាមួយអ្នកសារព័ត៌មាន នៅពេលមានហេតុការណ៍អ្វីមួយកើតឡើងនៅតាមមូលដ្ឋានក៏ដូចនៅតាមមន្ទីរអង្គភាពសាមីផងដែរ។
-ន័យដូចបានជម្រាបជូនក៏ដូចការសុំសំណូមពរខាងលើនេះ អង្គភាព«សៀមរាបប៉ុស្ដិ៍» រំពឹងថាអាជ្ញាធរមន្ទីរសមត្ថកិច្ចជំនាញពាក់ព័ន្ធទាំងងអស់ នឹងសហការផ្ដល់ព័ត៌មានទៅតាមអ្វីដែលអាចធ្វើទៅបាន៕SRP
