ខេត្តសៀមរាប៖ក្រុមប្រជាពលរដ្ឋជាច្រើននាក់បាននាំគ្នាតវ៉ាមិនឲ្យមានការចាក់អាចម៌ដី ដែលពួកគាត់បានអះអាងថា ជាដីរបស់ឈ្មោះ ប៉ែត ហាច។

ប្រជាពលរដ្ឋ រស់នៅភូមិបឹង ឃុំឬស្សីលក ស្រុកជីក្រែង ខេត្តសៀមរាប បានលើកឡើងថា ទីតាំងដែលមានគេកំពុងចាក់អាចម៍ដីនោះ ដីដែលកំពុងមានទំនាស់ និងជាដីរបស់ ឈ្មោះ ប៉ែត ហាច អាយុ២៥ឆ្នាំ ភេទស្រី អាស័យដ្ឋាននៅភូមិស្ពានតូច ឃុំឬស្សីលក ស្រុកជីក្រែង ខេត្តសៀមរាប ជាម្ចាស់ដីនៅទីតាំងខាងលើ ស្ថិតក្នុងភូមិបឹង ឃុំឬស្សីលក ស្រុកជីក្រែង ខេត្តសៀមរាប ជាដើមបណ្ដឹង។ ចំណែកចុងបណ្ដឹងឈ្មោះ ឈ្មោះ លៀស ហាប់ ជាម្ដាយបង្កើត របស់ឈ្មោះ ប៉ែត ហាច។

រឿងក្ដីដីធ្លី កូននិងម្ដាយបង្កើត ភាគីខាងកូនឈ្មោះ ប៉ែត ហាច ដែលជាដើមបណ្ដឹងនិងប្រជាពលរដ្ឋ រួមទាំងសាក្សីជាច្រើននាក់ផងនោះ បានសុំសំណូមពរឲ្យថ្នាក់ដឹកនាំជួយរកចិត្តធម៌ ជូនដល់គ្រួសារពួកគាត់ផង ត្បិតរឿងនេះពួកគាត់អះអាងថាដីចំណុចដែលគេកំពុងចាក់អាចម៍ដីនោះ ដីដែលកំពុងមានទំនាស់ និងជាដីរបស់ ឈ្មោះ ប៉ែត ហាច ដែលបច្ចុប្ប្ន មានអាយុ២៨ឆ្នាំហើយ។

យោងតាមលិខិតរបស់ការិយាល័យមេធាវីនាគព័ន្ធ ចុះថ្ងៃទី ៣ ខែមីនាឆ្នាំ ២០២១ ដោយលោក ភុំ ប៊ុនធេន ដែលការពារក្ដីឱ្យដើមចោទឈ្មោះ ប៉ែត ហាច បានបញ្ជាក់ថាការទាមទារថា៖ កាលពីអំឡុងឆ្នាំ១៩៩៤-ឈ្មោះ ប៉ែត ហាច បានកើតពីម្តាយឈ្មោះ លៀស ហាប់ ប្រហែល៨ខែ ក៏ឈ្មោះ លៀស ហាប់ បានចុះចោលពីផ្ទះ និងទុកកូនចោលឈ្មោះ ប៉ែត ហាច ពេលនោះ ឈ្មោះ ឆេង ប៉ែត ក៏បានទទួលឈ្មោះ ប៉ែត ហាច ចិញ្ចឹម និងបានធ្វើសំបុត្របញ្ជាក់ លេខ១៧២ ចុះថ្ងៃទី១១ ខែវិច្ឆិកា ឆ្នាំ២០០២។ ចាប់តាំងពីពេលនោះមក មានរយៈពេលជាង២០ ដែលចុងចម្លើយមិនដែលបានអើរពើ និងទទួលខុសត្រូវលើកូននោះទេ។ ក្នុងស្ថានភាពនេះឈ្មោះ យាយ វឹង ដែលជាយាយរបស់ឈ្មោះ ប៉ែត ហាច និងជាម្ដាយរបស់ឈ្មោះ លៀស ហាប់ បានសម្រេចប្រគល់ដីមរតកមានទំហំប្រហែល២៩៨៥ម៉ែត្រការ៉េ ស្ថិតនៅភូមិបឹង ឃុំឬស្សីលក ស្រុកជីក្រែង ខេត្តសៀមរាប ដែលមានព្រំប្រទល់ជាប់និង៖

ខាងលិចជាប់និងថ្នល់ជាតិ

–អាងកើតជាប់និងផ្លូវរទេះ

ខាងជើងជាប់និងផ្លូវរទេះ

-ខាងត្បូងជាប់និង ខា សុខនី

មកឲ្យដើមចោទដោយឲ្យឈោ្មះ ឆេង ប៉ែត ជាអ្នកមើលការខុសត្រូវរហូតដល់ដើមចោទធំ ដឹងក្តី ទើបប្រគល់ឲ្យ។ អំឡុងពេលដែលបានប្រគល់ដីខាងលើមានអ៊ុំៗ ឈោ្មះ លៀស ហំ, លៀស ឡង , លៀស ហាន់, លៀស ស៊ិញ ដឹងឮផងដែរ។

អង្គហេតុដែលជាមូលហេតុនៃការទាមទារចំណុចនីមួយៗ៖ ដីមរតក ខាងលើត្រូវបានឈ្មោះ ឆេង ប៉ែត គ្រប់គ្រងនិងអាស្រ័យផលជាង២០ឆ្នាំ ហើយ តែអំឡុងឆ្នាំ២០១៥ ឈ្មោះ ប៉ែត ហាច ត្រូវបានរៀបការនិងមានប្តីសី ក៏សម្រេចប្រគល់ដីខាងលើ មកឲ្យឈ្មោះ ប៉ែត ហាច គ្រប់គ្រងនិងធ្វើស្រែ បានចំនួន២ឆាំ្ន ក៏ឈ្មោះ លៀស ហាប់ បានធ្វើដែរ ហើយឥឡូវមិនបានប្រគល់ដីឲ្យមកប៉ែត ហាច ទេ ថែមទាំងចាក់ដីនិងធ្វើរបងទៀតផង។

លិខិតរបស់ការិយាល័យមេធាវីនាគព័ន្ធ ចុះនៅថ្ងៃទី ២២ ខែមិថុនាឆ្នាំ ២០២១ ដែលចុះហត្ថលេខាដោយមេធាវី ភុំ ប៊ុនធេន សូមជម្រាបជូន លោកស្រី ចៅក្រមមេត្តាជ្រាបថា៖ ក្នុងសំណុំរឿងដីការក្សាការពារខាងលើ ខ្ញុំបាទសូមបញ្ចូលនូវភស្តុតាងមួយ ចំនួនដែលជាប្រយោជន៍ដល់កូនក្តីខ្ញុំដូចខាងក្រោម៖ ភស្តុតាងជាសាក្សី

១៖ ឆេង – ប៉ែត ភេទប្រុស មានអាសយដ្ឋានបច្ចុប្បន្ននៅភូមិស្ពានតូច ឃុំឬស្សីលក ស្រុកជីក្រែងខេត្តសៀមរាប។ ២/ឈ្មោះ លៀស ហាន់ អាយុ៥២ឆ្នាំ ភេទស្រី មានអាសយដ្ឋានបច្ចុប្បន្ននៅភូមិស្ពានតូច ឃុំឬស្សីលក ស្រុកជីក្រែង ខេត្តសៀមរាប។ ៣/ឈ្មោះលៀស ឡេង អយុ៥១ឆ្នាំ ភេទប្រុស មានអាសយដ្ឋានបច្ចុប្បន្នភូមិស្ពានតូច ឃុំ ឬស្សីលក ស្រុកជីក្រែង ខេត្តសៀមរាប។ ៤/ឈ្មោះ ហួត យ៉ាន អាយុ៦៣ឆ្នាំ ភេទស្រី មានអាសយដ្ឋានបច្ចុប្បន្នភូមិស្ពានតូច ឃុំ ឬស្សីលក ស្រុកជីក្រែង ខេត្តសៀមរាប។ ៥) ឈ្មោះ ថន ដន អាយុ៦១ឆ្នាំ មានអាស័យដ្ឋានបច្ចុប្បន្ននៅភូមិស្ថានតូច ឃុំឬស្សីលក ស្រុកជីក្រែង ខេត្តសៀមរាប។ ៦ឈ្មោះ ឆែម មួន អាយុ៧៦ឆ្នាំ ភេទស្រី មានអាស័យដ្ឋានបច្ចុប្បន្ននៅភូមិស្ថានតូច ឃុំឬស្សីលក ស្រុកជីក្រែង ខេត្តសៀមរាប។ ៧/ឈ្មោះ ឆេង បូង អាយុ៦៥ឆ្នាំ មានអាសយដ្ឋានបច្ចុប្បន្ននៅភូមិស្ពានតូច ឃុំឬស្សីលក ស្រុកជីក្រែង ខេត្តសៀមរាប។ ៨/ឈ្មោះ លៀស ហំ អាយុ៥៣ឆ្នាំ មានអាសយដ្ឋានបច្ចុប្បន្ននៅភូមិស្ពានតូច ឃុំឬស្សីលក ស្រុកជីក្រែង ខេត្តសៀមរាប។

លិខិតដដែលបន្តថាគោលបំណងៈ សាក្សីខាងលើមានគោលបំណងបញ្ជាក់ថា ដីដែលជាកម្មវត្ថុនៃបណ្ដឹង គឺជាដី របស់យាយ វឹង មុនពេលយាយ វឹង ស្លាប់ គាត់ពិតជាបានប្រគល់ដីខាងលើ មកឲ្យចៅស្រីឈោ្មះ ប៉ែត ហាច ពិតប្រាកដមែន។

នៅក្នុងពេលប្រជាពលរដ្ឋនាំគ្នាតវ៉ាមិនឲ្យមានការចាក់អាចម៍ដី ទៅលើដីរបស់ឈ្មោះ ប៉ែត ហាច ដែលជាដើមបណ្ដឹង នោះ មានបុរសម្នាក់បាននិយាយថា គេជាម្ចាស់ដី ពួកគេមានប្លង់កាន់កាប់គ្រប់គ្រាន់ ក្នុងការគ្រប់គ្រងលើដីដែលកំពុងចាក់អាចម៌ដីបំពេញនេះ។ ដោយបុរសរូបនោះមិនបានបំភ្លឺប្រាប់អ្នកសារព័ត៌មាននោះ ប៉ុន្តែឲ្យលិខិតបញ្ជាក់ការចូលជាស្ថាពរនៃដីកាសម្រេច របស់លោកញ៉ែម ពិតណ្ណា ក្រឡាបញ្ជីសាលាដំបូងខេត្តសៀមរាប ចុះថ្ងៃទី៣១ ខែសីហា ឆ្នាំ ២០២១។

បានឃើញ ពាក្យសុំ ចុះថ្ងៃទី២៥ ខែសីហា ឆ្នាំ២០២១ របស់ឈ្មោះ ឃឹង សុជាថា មេធាវីតំណាង ដោយអណត្តិឲ្យឈ្មោះ លៀស ហាប់ ភាគីម្ខាងទៀត ដែលមានខ្លឹមសារសុំលិខិតបញ្ជាក់ការចូលជាស្ថាពរ នៃដីកាសម្រេចលេខ: ៤៣៧/២០២១ ចុះថ្ងៃទី០៦ ខែកក្កដា ឆ្នាំ២០២១ របស់សាលាដំបូងខេត្តសៀមរាប។

បញ្ជាក់ថា : ១. ដីកាសម្រេចលេខ : ៤៣៧/២១០២១ ចុះថ្ងៃទី០៦ ខែកក្កដា ឆ្នាំ២០២១ របស់សាលាដំបូងខេត្ត សៀមរាប បានចូលជាស្ថាពរនៅថ្ងៃទី២៦ ខែសីហា ឆ្នាំ២០២១ រួចហើយ ។ ២. លិខិតបញ្ជាក់ការចូលជាស្ថាពរនៃដីកាសម្រេចនេះចេញឲ្យសាម៉ីខ្លួនដើម្បីយកទៅប្រើប្រាស់តាមផ្លូវច្បាប់។

យោងតាមប្រភពបានលើកឡើងថា រឿងក្ដី ប្ដឹងផ្ដល់គ្នាទំនាស់ដីធ្លី វាងម្ដាយនិងកូនបង្កើត នេះកើតឡើងតាំងពីឆ្នាំ២០១៩ ដោយភាគីទាំងសងខាងម្ដាយ និងកូន រួមទាំងសាក្សីដឹងឮ បានជួបគ្នាដោះស្រាយ សម្របសម្រួលគ្នា នៅសាលាឃុំឬស្សីលក ស្រុកជីក្រែង ខេត្តសៀមរាប ដោយភាគីខាងម្ដាយសុំយកដីពាក់កណ្ដាល ប៉ុន្តែភាគីកូនមិនព្រមក៏ដោះស្រាយមិនចេញ ក៏មានការប្ដឹងផ្ដល់គ្នាដល់តុលាការខេត្តសៀមរាប។  ដីចំណុចមានទំនាស់ខាងលើ ស្ត្រីចុងចម្លើយជាម្ដាយឈ្មោះ លៀស ហាប់ ដែលមានអាសយដ្ឋាននៅ ភូមិព្រះត្រពាំង ឃុំដំដែក ស្រុកសូទ្រនិគម ខេត្តសៀមរាប បានលក់ដីនោះឱ្យទៅជនទីបីរួចហើយ ទើបជនទីបី ហ៊ានចាក់អាចម៌ដីបំពេញលើដីខាងលើនោះដោយមិនមានការភ័យខ្លាចអ្វីទាំងអស់។ ទោះជាយ៉ាងណាក្រុមប្រជាពលរដ្ឋដែលឈរតវ៉ា នៅចំណុចខាងលើនោះ បានលើកដៃសំពះសំណូមពរដល់អាជ្ញាធរខេត្តសៀមរាប លោកទៀ សីហា អភិបាលខេត្ត សូមជួយដោះស្រាយរឿងដីខាងលើនេះជូនពួកគាត់ផង ខណៈពួកគាត់លើកស្រែកអះអាងថាដីខាងលើពិតជារបស់ឈ្មោះប៉ែត ហាច ពិតប្រាកដមែន៕SRP

ខេត្តកំពង់ចាម៖រដ្ឋលេខាធិការក្រសួងពាណិជ្ជកម្ម លោក​ ម៉ៅ ថូរ៉ា រំពឹងទុកថា មណ្ឌលសភាពាណិជ្ជកម្មខេត្តកំពង់ចាម-មណ្ឌលគីរី នឹងខិតខំប្រឹងប្រែងជួយដល់អភិវឌ្ឍវិស័យឯកជន ដើម្បី​លេីក​ស្ទួយ​ដល់កំណើនសេដ្ឋកិច្ចជាតិ។​

ការ​លេីក​ឡើង​បែប​នេះ​ក្នុងពិធីសម្ពោ​ដាក់​ឲ្យ​ប្រើប្រាស់ជាផ្លូវការ នូវអគារសភាពាណិជ្ជកម្មមណ្ឌលខេត្តកំពង់ចាម-ខេត្តមណ្ឌលគិរី​ នាព្រឹក​ថ្ងៃទី១៧ ខែមករា ឆ្នាំ២០២២ នៅ​សាលាខេត្តកំពង់ចាម​។

ក្នុង​ពិធី​នោះដែរ​ លោកឧកញ៉ា ហួត ឈឿន ប្រធានសភាពាណិជ្ជកម្មមណ្ឌលខេត្តកំពង់ចាម-មណ្ឌលគីរី បានអោយដឹងថា សភាពាណិជ្ជកម្មខេត្ត បានធ្វើជាមណ្ឌលសភាពាណិជ្ជកម្ម ដោយមានបញ្ជូលខេត្តមណ្ឌលគីរី តាមអនុក្រឹត្យលេខ១២៦ អនក្រ.បក ចុះថ្ងៃទី១៧ ខែមិថុនា ឆ្នាំ២០១១ ស្ដីពីការបញ្ជូលមណ្ឌលសភាពាណិជ្ជកម្មខេត្តកំពង់ចាម-មណ្ឌលគិរី ជាមណ្ឌលសភាពាណិជ្ជកម្មតែមួយ ដោយមានការសហការណ៍គ្នារវាងថ្នាក់ដឹកនាំ អនុប្រធាន សមាជិក សមាជិកា ទាំងអស់ បានធ្វើការគៀងគរ ម្ចាស់អាជីវកម្ម ម្ចាស់ក្រុមហ៊ុនធំៗ សហគ្រាសផ្សេងៗ ចូលរួមជាមួយសភាពាណិជ្ជកម្មមណ្ឌលខេត្កំពង់ចាម-មណ្ឌលគីរី ជាសមាជិកទីប្រឹក្សា រហូតមកដល់ពេលនេះ មានសមាជិកទីប្រឹក្សារបស់សភាពាណិជ្ជកម្មខេត្ត មានចំនួន៧រូបបន្ថែម លើសមាជិកជ្រើសតាំងទាំង១៥រូប ដោយសមាសភាពទាំងអស់ បានអនុវត្ដ និងធ្វើការតាមវិស័យដែលមានចែងក្នុងសភាពាណិជ្ជកម្មខេត្ត ដើម្បីធ្វើយ៉ាងណាចូលរួម និងដោះស្រាយរួមគ្នា លើវិស័យឯកជន។

លោកឧកញ៉ា បានបន្តថា ក្រោមការជ្រោមជ្រែង និងគំនិតផ្ដួចផ្ដើមរបស់ ឯកឧត្តម​ អ៊ុន ចាន់ដា អភិបាលខេត្តកំពង់ចាម ដោយពិនិត្យឃើញសក្ដានុពលខេត្ត ជាពិសេសវិស័យឯកជន មានការរីកចម្រើនខ្លាំង សភាពាណិជ្ជកម្មមណ្ឌលខេត្តកំពង់ចាម-មណ្ឌលគិរី បានធ្វើការស្នើសុំដី ក្នុងបរិវេណសាលាខេត្តកំពង់ចាម ដើម្បីធ្វើការសាងសង់អគារលេខាធិការដ្ឋាន ក្នុងគោលបំណងបំពេញកិច្ចការងារធ្វើអោយមានភាពងាយស្រួលក្នុងការផ្សព្វផ្សាយ និងផ្ដល់ព័ត៌មាន ដល់ដៃគូអាជីវកម្ម អ្នកវិនិយោគនានា ព្រមទាំងផ្សាភ្ជាប់ទំនាក់ទំនងពាណិជ្ជកម្មក្នុងតំបន់ និងក្រៅតំបន់ ធ្វើយ៉ាងណាឱ្យវិស័យឯកជនកាន់តែរីកចម្រើន។ ក្រោយទទួលបានអនុញ្ញាតរបស់ លោកអភិបាលខេត្ដ ថ្នាក់ដឹកនាំសភាពាណិជ្ជកម្មខេត្ត ដែលមានប្រធាន អនុប្រធាន សមាជិក សមាជិកា សមាជិកទីប្រឹក្សា បានធ្វើការសហកាណ៍ និងឯកភាពគ្នា ចូលរួមឧបត្ថម្ភអគារលេខាធិការដ្ឋាននេះឡើង ដោយបានចាប់ផ្ដើមសាងសង់នាថ្ងៃទី២៩ ខែមិថុនា ឆ្នាំ២០២០ ហើយសម្រេចជាស្ថាពរចុងឆ្នាំ២០២១។

លោកម៉ៅ ថូរ៉ា រដ្ឋលេខាធិការក្រសួងពាណិជ្ជកម្ម មានប្រសាសន៍ដែរថា សភាពាណិជ្ជកម្មគួរមានការយល់ដឹងអំពីនយោបាយ អភិវឌ្ឍន៍ខេត្តរបស់ខ្លួន និងនយោបាយអភិវឌ្ឍជារួមរបស់រដ្ឋាភិបាល ដើម្បីដឹងថាតើខ្លួនអាចធ្វើអ្វីបាន ទើបយកគំនិតទាំងនោះមករួមគ្នាជាមួយអាជ្ញាធរខេត្ត ដើម្បីជួយអភិវឌ្ឍវិស័យឯកជនរបស់យើង។ ទន្ទឹមនឹងនេះរដ្ឋលេខាធិការ ក៏បានថ្លែងអំណរគុណដល់ អភិបាលខេត្តកំពង់ចាម ដែលបានផ្ដួចផ្ដើម ផ្តល់នូវបរិវេណសាលាខេត្តកំពង់ចាម ដើម្បីធ្វើការសាងសង់អគារលេខាធិការដ្ឋានសភាពាណិជ្ជកម្មមណ្ឌលកំពង់ចាម-មណ្ឌលគិរីដើម្បីសម្រួលដល់ ការងាររបស់ខ្លួន នេះ ផងដែរ៕SRP

ខេត្តសៀមរាប៖សេចក្ដីរាយការណ៍ព័ត៌មានបឋមបានឲ្យដឹងថាមេភូមិជ្រៃ ឃុំខ្ចាស់ ស្រុកសូទ្រនិគម ខេត្តសៀមរាបបានស្លាប់បាត់បង់ជីវិតភ្លាមៗ ខណៈកំពុងបើកម៉ូតូត្រូវបានរថយន្តដឹកសំរាមបុកចំពេញទំហឹង។

ហេតុការណ៍នេះបានកើតឡើងតាមបណ្ដោយផ្លូវជាតិលេខ ៦ ត្រង់ចំណុមុខការាស់សាំង ចេង ប៊ុនអៀង ស្ថិតនៅភូមិស្វាយជ័យ ឃុំត្រពាំងធំស្រុកប្រាសាទបាគងខេត្តសៀមរាប វេលាម៉ោង១និង៣៥នាទីរសៀល ថ្ងៃទី១៧ ខែមករា ឆ្នាំ២០២២។

មន្ត្រីនគរបាលចរាចរណ៍នៅកន្លែងកើតហេតុបានប្រាប់ថា ភាគីរថយន្តដឹកសំរាមធ្វើដំណើរពីទិសខាងកើតទៅទិសខាងលិច បានបុកនឹងម៉ូតូដែលធ្វើដំណើរពីទិសខាងលិចមកទិសខាងកើត ក្នុងទិសដៅបញ្ច្រាស់គ្នា។

ទោះជាយ៉ាងណាមន្ត្រីនគរបាលចរាចរណ៍មិនបានព័ត៌មានលម្អិតចំពោះហេតុការណ៍គ្រោះថ្នាក់ចរាចរណ៍នេះនៅឡើយទេ។ ប៉ុន្តែលោកលឹម សម្បត្តិ អធិការស្រុកប្រាសាទបាគង បានបញ្ជាក់នៅលើប្រព័ន្ធតេឡេក្រាមថា ជនបង្កភាគីខាងរថយន្តត្រូវបានសមត្ថកិច្ចឃាត់ខ្លួនភ្លាមៗក្រោយបង្កហេតុ។

របាយការណ៍របស់ចរាចរណ៍បានបញ្ជាក់ថា
រថយន្តមួយគ្រឿងពណ៌ខៀវគ្មានផ្លាកលេខ(ក្រុមហ៊ុនដឹកសំរាមកាយ៉ា)បើកបរដោយឈ្មោះថម ឡាក់ ភេទប្រុស អាយុ៤០ឆ្នាំ នៅភូមិប្រិយ៍ ឃុំខ្នារសណ្តាយ ស្រុកបន្ទាយស្រីខេត្តសៀមរាប មានទិសដៅពីកើតទៅលិច ដល់ចំណុចកើតហេតុខាងលើបានរ៉េចង្កូតទៅបុកនឹងម៉ូតូមួយគ្រឿងម៉ាកហុងដាទ្រីម.សេ១២៥ពណ៌ខ្មៅ ផ្លាកលេខកំពង់ចាម១E៧៧៥០ បើកបរដោយឈ្មោះចឹង ម៉ី ភេទប្រុស អាយុ៥៦ឆ្នាំ មេភូមិជ្រៃ ឃុំខ្ចាស់ ស្រុកសូទ្រនិគម ខេត្តសៀមរាបបើកបរមានទិសដៅពីលិចទៅកើត ស្លាប់នៅនឹងកន្លែង។ ករណីចរាចរណ៍នេះ អ្នកបើកបររថយន្តសមត្តកិច្ចឃាត់ខ្លួនរៀបចំសំណុំរឿងតាមនិតិវិធីច្បាប់។មូលហេតុអ្នកបើកបររថយន្តដឹកសំរាមបើកបរមិនប្រកាន់ស្តាំ។ វត្ថុតាងទាំង២យកមករក្សាទុកនៅអធិការស្រុករង់ចាំដោះស្រាយតាមច្បាប់៕SRP

ភ្នំពេញ៖នាយករដ្ឋមន្ត្រីហ៊ុន សែន បានប្រាប់ទៅអគ្គលេខាធិការអាស៊ានគួរតែរៀបចំកិច្ចប្រជុំថ្មីមួយទៀត ដើម្បីផ្ដល់ការគៀងគរជំនួយជួយដល់ប្រទេសមីយ៉ាន់ម៉ា។

ក្នុងជំនួបជាមួយ ឯកឧត្តម  លឹម ចុក ហ៊ុយ អគ្គលេខាធិការអាស៊ាន នៅព្រឹកមិញនេះថ្ងៃទី ១៧ ខែមករា ឆ្នាំ ២០២២ សម្ដេចហ៊ុន សែន នាយករដ្ឋមន្ត្រី បានប្រាប់ទៅអគ្គលេខាធិការអាស៊ានគួរតែរៀបចំកិច្ចប្រជុំថ្មីមួយទៀត ដើម្បីផ្ដល់ការគៀងគរជំនួយជួយដល់ប្រទេសមីយ៉ាន់ម៉ា ដោយសម្ដេចមានប្រសាសន៍ថា ឯកអគ្គរាជទូតជប៉ុនប្រចាំនៅកម្ពុជាគឺបានឆ្លើយតបជាមួយសម្ដេចហើយថា ប្រទេសជប៉ុនត្រៀមក្នុងការជួយដល់មីយ៉ាន់ម៉ា ដូច្នេះសម្ដេចបានស្នើឲ្យអគ្គលេខាធិការអាស៊ានជួយក្នុងការរៀបចំប្រជុំដើម្បីគៀងគួររកជំនួយមនុស្សធម៌ជួយដល់មីយ៉ាន់ម៉ា ។

សម្ដេចបានមានប្រសាសន៍ផងដែរថា សម្ដេចចង់ឃើញបទឈប់បាញ់នៅមីយ៉ាន់ម៉ា បើមិនដូច្នោះទេការផ្ដល់ នូវជំនួយមនុស្សធម៌នឹងមានការលំបាកផងដែរ៕SRP

ខេត្តឧត្ដរមានជ័យ៖លោកឧត្តមសេនីយ៍ទោ ហួត សុធី ស្នងការនគរបាលខេត្តឧត្ដរមានជ័យ នៅព្រឹកមិញនេះបានដឹកនាំគណៈស្នងការ  ចុះត្រួតពិនិត្យការសាងសង់អគារការិយាល័យចំណុះស្នងការដ្ឋាន។

លោកហួត សុធី បានឲ្យដឹងថា អគារការិយាល័យចំណុះស្នងការដ្ឋាននេះ ជាអំណោយដ៏ថ្លៃថ្លា របស់ឯកឧត្តម នាយឧត្តមសេនីយ៍ ខេង សុមេធ អគ្គស្នងការរងនគរបាលជាតិ ដែលមានប្រវែង១៣១ ម៉ ចំនួន ៣១បន្ទប់ ទំហំ ៧×៤.៥០ ម៉ សម្រេចបាន៩០% និងកំពុងបន្តសាងសង់ចប់រួចរាល់ឆាប់ៗខាងមុខនេះ៕SRP

ខេត្តឧត្តរមានជ័យ៖ចាងហ្វាងគេហទំព័រស្រទាប់យុវវ័យ បានសម្រេចចិត្តឈប់ប្ដឹង មេប៉ូលិសខេត្តឧត្ដរមានជ័យ។

នេះបើយោងតាមលិខិតដកពាក្យបណ្ដឹងរបស់ ប៉ែន នួន ចាងហ្វាងការផ្សាយ គេហទំព័រស្រទាប់យុវវ័យ ដែលសៀមរាបប៉ុស្ដិ៍ ទទួលបាន។

ខាងក្រោមនេះជាការរៀបរាប់របស់លោកប៉ែន នួន៖ ខ្ញុំបាទ ប៉ែន នួន ចាងហ្វាងការផ្សាយ គេហទំព័រស្រទាប់យុវវ័យ បានដកពាក្យបណ្ដឹងនៅក្រសួងមហាផ្ទៃ ឈប់ប្ដឹង លោកឧត្ដមសេនីយ៍ទោ ហួត សុធី ស្នងការដ្ឋាននគរបាលខេត្តឧត្ដរមានជ័យ វិញហើយនៅថ្ងៃទី១៧ ខែមករា ឆ្នាំ២០២២។ 

យោងតាមពាក្យបណ្ដឹងកម្មវត្ថុ៖ ខ្ញុំបាទសុំដកពាក្យបណ្ដឹងឈប់ប្ដឹង លោកហួត សុធី ឋនន្ដរសក្ដិ ឧត្ដមសេនីយ៍ទោ មានតួរនាទីស្នងការដ្ឋាន នគរបាលខេត្ដឧត្ដរមានជ័យ។ ដែលខ្ញុំបាទបានប្ដឹងចូលក្រសួងមហាផ្ទៃ គោរពជូនសម្ដេចកាលពីថ្ងៃទី២១ខែសីហាឆ្នាំ២០២១ កន្លងទៅ។

ពាក់ព័ន្ធនិងករណីបង្វែរសំណុំរឿងពាក្យបណ្ដឹងរបស់ខ្ញុំបាទពីដើមបណ្ដឹង ទៅជាចុងចោទ ពីជនរងគ្រោះទៅជាជនជាប់ចោទ ដាក់បង្វែរសំណុំរឿងចូលទៅតុលាការ អោយចាត់វិធានការមកលើរូបខ្ញុំបាទ។

ពាក់ព័ន្ធនឹងករណី ក្រុមទុច្ចរិតមួយក្រុមសរសេរអត្ថបទ ជេរប្រមាថប្រមុខថ្នាក់ដឹកនាំសម្ដេចអគ្គមហាសេនាបតីតេជោហ៊ុន សែន កាលពីថ្ងៃទី២៥ខែកុម្ភ:ឆ្នាំ២០២១ ដោយដាក់ឈ្មោះខ្ញុំបាទប៉ែន នួន ពីខាងក្រោមអត្ថបទ។ 

ដោយខ្ញុំបាទបានទៅជួប លោកស្នងការ និង លោកស្នងការរងទទួលបន្ទុក បានស្ដាប់ការពន្យល់អំពី តួនាទី ភារកិច្ចរបស់មន្ដ្រីនគរបាលយុត្ដិធម៌ ខ្ញំបាទបានយល់ និង បញ្ចប់ការភណ្ឌ័ច្រឡំរួចរាល់អស់ហើយ រវាងខ្ញុំបាទប៉ែន នួន និងលោកឧត្ដមសេនីយ៍ទោហួត សុធី ស្នងការដ្ឋាននគរបាលខេត្តឧត្ដរមានជ័យ កាលពីថ្ងៃទី១២ ខែមករាឆ្នាំ២០២២ នៅស្នងការដ្ឋាននគរបាល ខេត្តឧត្ដរមានជ័យ៕SRP

ខេត្តកំពង់ចាម​​៖លោកហ៊ុន ម៉ាណែត សមាជិកគណៈអចិន្ត្រៃយ៍គណៈកម្មាធិការកណ្តាល និងជាប្រធានយុវជនថ្នាក់កណ្តាល​ បានថ្លែងលេីកទឹកចិត្ត ដល់យុវជន​បន្តវេន​ ត្រូវមានជំហរ រឹងមាំក្នុងការ តំកល់ ផលប្រយោជន៍ ជាតិជាធំ ពង្រឹងការឯកភាពផ្ទៃក្នុង ព្រមទាំងបង្កើន ការយល់ដឹងឲ្យបាន ច្បាស់លាស់ នូវរបត់នៃភូមិសាស្ត្រនយោបាយ ក្នុងតំបន់និង សកលលោក​ ដើម្បី ធានាបាននូវ ការថែរក្សាការពារ សុខសន្តិភាព នៅលើទឹកដីកម្ពុជា នាពេលបច្ចុប្បន្ន។

លោកហ៊ុន ម៉ាណែត ក៏បានជម្រុញលេីកទឹកចិត្តដល់សមាជិក​ សមាជិកា​គណបក្សទាំងអស់​ ត្រូវ​ចេះផ្សព្វផ្សាយរាល់សកម្មភាព​ និង​ការ​អភិវឌ្ឍ​សមិទ្ធផល​ផ្សេងៗ​ ដែលជាស្នាដៃរបស់​គណបក្សប្រជាជន​កម្ពុជា​ ព្រមទាំង​ចូលរួមថែរក្សាសុខសន្តិភាព​ ដែល​ជា​មូលដ្ឋានគ្រឹះ ដេីម្បី​ធ្វើការអភិវឌ្ឍបន្តទៀត​។

លោក ហ៊ុន​ ម៉ាណែត​ ក៏បានអំពាវនាវ​ដល់បងប្អូនប្រជាពលរដ្ឋ​ សូម​មកទទួលវ៉ាក់សាំងបង្ការជម្ងឺកូវីដ-១៩​ ឲ្យបានគ្រប់ៗគ្នៗ​ ដេីម្បីប្រយុទ្ធប្រឆាំង ជាមួយការឆ្លងរីករាលដាលនៃជម្ងឺកូវីដ​បម្លែង​ថ្មី​ផង​ដែរ​។

លោកហ៊ុន ម៉ាណែត ថ្លែងបែបនេះក្នុងឱកាសអញ្ជើញប្រកាសទទួលស្គាល់សមាសភាពក្រុមការងារជនបង្គោលយុវជនថ្នាក់កណ្ដាលចុះជួយស្រុកបាធាយ នៅថ្ងៃទី​១៦​ ខែមករា​
ម្សិលមិញ ដោយមានកាចូលរួម​ពីលោក អ៊ុន​ ចាន់ដា​ សមាជិកគណៈកម្មធិការកណ្ដាល និងជាប្រធានគណៈបក្សប្រជាជនកម្ពុជា​ខេត្តកំពង់ចាម​​ និង​ថ្នាក់ដឹកនាំ​ សមាជិក​ សមាជិកា​ គណបក្សប្រជាជន​កម្ពុជា​ ជាច្រើន​រូប​ទៀត​៕SRP

ខេត្តសៀមរាប៖គេហទំព័រសៀមរាបប៉ុស្ដិ៍ ធីវី អនឡាញ បានបើកកិច្ចប្រជុំលើកទី២របស់ខ្លួន ដើម្បីលើកទិសដៅការងាររបន្តឆ្នាំ២០២២។

កិច្ចប្រជុំធ្វើឡើងនៅរសៀលថ្ងៃអាទិត្យទី១៦ ខែមករា ឆ្នាំ២០២២នេះ ដឹកនាំដោយលោកប៊ុត វិចិត្រ ចាងហ្វាងគេហទំព័រសៀមរាបប៉ុស្តិ៍ ធីវី អនឡាញ។

នៅក្នុងកិច្ចប្រជុំនេះក៏មានប្រកាស សមាសភាព របស់ក្រុមការងារគេហទំព័រសៀមរាបប៉ុស្តិ៍ ប្រចាំការតាមបណ្ដារខេត្តក្រុងនិងមានមតិលើកឡើងរបស់អ្នកចូលរួមនីមួយៗផងដែរ។

ក្នុងនាមអង្គភាពគេហទំព័រសៀមរាបប៉ុស្ដិ៍ ធីវី អនឡាញ លោក ប៊ុត វិចិត្រ បានថ្លែងអំណរគុណយ៉ាងជ្រាលជ្រៅ បំផុតចំពោះសមាជិក របស់សារព័ត៌មានសៀមរាបប៉ុស្ដិ៍ទាំងអស់ ដែលបានចូលរួមក្នុងការចុះយកព័ត៌មានទាន់ហេតុការណ៍នានា សម្រាប់ការផ្សាយអំពីហេតុការណ៍ផ្សេងៗនិងសមិទ្ធផល របស់ថ្នាក់ដឹកនាំ។

លោក ប៊ុត វិចិត្រ ក៏បានលើកឡើងពីផលវិជ្ជមាននិងអវិជ្ជមានមួយចំនួនសម្រាប់អ្នកយកព័ត៌មានដើម្បីជាទិសដៅការងារបន្តដោយអនុវត្តនូវវិជ្ជាជីវៈនិងក្រមសីលធម៌អ្នកសារព័ត៌មាន ឲ្យបានជាប់ជាប្រចាំ។

លោកក៏បានលើកឡើងពីអនុសាសន៍ណែនាំដ៏ខ្ពង់ខ្ពស់ពីសំណាក់រដ្ឋមន្ត្រីរដ្ឋមន្ត្រីក្រសួងព័ត៌មាន លោក ខៀវ កាញារីទ្ធ ដល់សមាជិករបស់ខ្លួនក្នុងការយកព័ត៌មាន តាមវិជ្ជាជីវៈនិងក្រមសីលធម៌។ ជាមួយគ្នានេះដែរលោកបានថ្លែងអំណរគុណចំពោះអាជ្ញាធរសមត្ថកិច្ចគ្រប់លំដាប់ថ្នាក់ដែលបានផ្ដល់កិច្ចសហការល្អជាមួយ សមាជិកអ្នកយកសារព័ត៌មានសៀមរាបប៉ុស្តិ៍ ទាំងអស់ កន្លងមកនិងស្នើសុំឲ្យអាជ្ញាធរសមត្ថកិច្ចជួយបន្តកិច្ចសហការដើម្បីបង្កលក្ខណៈងាយស្រួលដល់សមាជិកសៀមរាបប៉ុស្ដិ៍ បន្ថែមទៀត៕SRP

ភ្នំពេញ៖សមត្ថកិច្ចបានចាប់ខ្លួនជនជាតិចិនម្នាក់ និងរឹបអូសគ្រឿងញៀន ជាង ៦គីឡូក្រាម នៅរាជធានីភ្នំពេញ។

ប្រភពបានឲ្យដឹងថាការចាប់ខ្លួនធ្វើឡើងនៅថ្ងៃទី១១ ខែមករា ឆ្នាំ២០២២ នៅចំណុច ផ្ទះជួលលេខ១ ផ្លូវលេខ៦ បូរីសែនសុខ សង្កាត់ទួលសង្កែ២ ខណ្ឌប្ញស្សីកែវ រាជធានីភ្នំពេញដោយកម្លាំងជំនាញនៃមន្ទីរប្រឆាំងគ្រឿងញៀន(ក៣) ដឹកនាំដោយលោក ប្រុញ សាន និងលោកភឹម ចន្ទ័តារ៉ា នាយករងមន្ទីរ ព្រមទាំងមានការសម្របសម្រួលពីលោក ទី មុនិន្ទ ព្រះរាជអាជ្ញារងនៃអយ្យការអមសាលាដំបូងរាជធានីភ្នំពេញ។

ប្រភពបន្តថាជនសង្ស័យឈ្មោះ លី ស៊ូចៃ (LY XU JAY) ភេទប្រុស កើតឆ្នាំ១៩៥៩ ជនជាតិ ចិន។ ក្រោយឃាត់ខ្លួនដកហូតវត្ថុតាងរួមមាន៖-អ៊ិចស្តាស៊ី(MDMA)ទម្ងន់សុទ្ធ ៦ គ.ក្រ ៤០ក្រាម។ -កេតាមីន(KETAMINE)ទម្ងន់សុទ្ធ ១០.២៥ក្រាម។សរុបសារធាតុញៀនទម្ងន់ ០៦ គ.ក្រ ៥០.២៥ ក្រាម -សារធាតុផ្សំ ៩ គ.ក្រ ៦៦៥ក្រាម និងឧបករណ៍កែច្នៃមួយចំនួន។ បច្ចុប្បន្ន ជនសង្ស័យ និងវត្ថុតាង ត្រូវបានសមត្ថកិច្ចកសាងសំណុំរឿង បញ្ជូនទៅសាលាដំបូងរាជធានីភ្នំពេញ តាមនីតិវិធី៕SRP

ខេត្តកំពង់ចាម​៖លោក សាយ​ សំអាល់​ រដ្ឋមន្ត្រី​ក្រសួងបរិស្ថាន​ និង​ជា​ប្រធាន​ស្តីទី​សហភាព​សហព័ន្ធ​យុវជន​កម្ពុជា​ បាន​លេីកឡេីងថា​ បេី​យើង​ថែរក្សា​សន្តិភាព​បាន​ កម្ពុជា​ នឹងមានការ​អភិវឌ្ឍន៍​រីកចម្រើន​ខ្លាំង​នៅពេល​៥០ឆ្នាំ​​ទៅ​មុខ​ទៀត ដូច្នេះ​កុំ​ស្កប់ស្កល់​នឹង​សន្តិភាព​ និង​កុំ​ស្កប់ស្កល់​អ្វី​ដែល​យើង​មាន​ គឺ​ត្រូវ​ខិតខំ​ការពារ​បន្ត​ទៀត​។

លោកថ្លែង​បែប​នេះ​ក្នុង​ពិធី​សំណេះសំណាល​ជាមួយ​សមាជិក​ សមាជិកា​ សហភាព​សហព័ន្ធ​យុវជន​កម្ពុជា​ខេត្តកំពង់ចាម​ នាព្រឹក​ថ្ងៃទី​១៥ ខែមករា​ ឆ្នាំ​២០២២​ នៅសាលាខេត្តកំពង់ចាម​។

ក្នុង​ពិធី​នោះដែរ​ លោកសាយ សំអាល់​ ក៏បាន​លេីកឡេីងថា​ ការ​អប់រំ​ពិតជា​មាន​សារៈសំខាន់​​​ណាស់​ ដែល​ត្រូវ​ទាមទារ​ឲ្យ​យុវជន​ ស​ ស​ យ​ ក​ ចូលរួម​លើក​កម្ពស់​វិស័យ​អប់រំ​ គឺ​ត្រូវ​លេីក​ទឹកចិត្ត​​ជុំរុញ​ដល់​កុមារ​ឲ្យ​បាន​ចូល​សាលា​ ហើយ​ខិតខំ​សិក្សា​រៀនសូត្រ​ ចាប់ផ្ដើម​ពី​ថ្នាក់​បឋមឡេីង​ទៅ​ដែល​ជា​គ្រឹះ​សម្រាប់​ឈាន​ទៅ…មុខ៕SRP

ភ្នំពេញ៖សម្តេចតេជោហ៊ុន សែន.នាយករដ្ឋមន្ត្រីនៅល្ងាចថ្ងៃទី ១៥ ខែមករាឆ្នាំ ២០២២ នេះបានប្រកាសថានឹងជួបសំណេះសំណាលជាមួយសិស្សដែលបានប្រឡងជាប់និទ្ទេសA។

សម្ដេចតេជោហ៊ុន សែន បានសរសេរថា៖សូមអបអរសាទរចំពោះចៅៗ ដែលបានប្រឡងជាប់មធ្យមសិក្សាទុតិយភូមិទាំង
អស់នៅទូទាំងប្រទេស។

ខ្ញុំសូមកោតសរសើរចំពោះចៅៗដែលបានជាប់ចំណាត់ថ្នាក់និទ្ទេសAទាំងអស់ដែលឆ្នាំនេះ មានរហូកដល់១៧៥៣នាក់។

សម្ដេចហ៊ុន សែន បន្តថា ដូចឆ្នាំមុនៗដែរលើកលែងតែឆ្នាំ២០២០ ដែលឱយជាប់ទាំងអស់គ្នា ដោយគ្មាននិទេ្ទសដោយសារកូវីដ១៩។ឆ្នាំនេះខ្ញុំនិងជួបជាមួយចៅៗដើម្បីលើកទឹកចិត្តសម្រាប់ចៅៗដែលបានខិតខំរៀនសូត្ររហូតប្រឡងជាប់និងទទួលបាននិទ្ទេសA។ បើតាមសម្ដេចហ៊ុន សែន ពេលវេលានិងទីកន្លែងជួបនិងជំរាបតាមក្រោយតាមរយ:រដ្ឋមន្ត្រីហង្ស ជួនណារ៉ុន៕SRP