ខេត្តសៀមរាប៖សិស្សសាលា៥នាក់និងបក្ខពួកត្រូវបាននគរបាលចាប់ខ្លួនពាក់ព័ន្ធករណីហិង្សា។
ការឃាត់ខ្លួនបានធ្វើឡើងនៅវេលាម៉ោង២០ និង៤៥នាទី ថ្ងៃទី១៥ខែកញ្ញាឆ្នាំ ២០២០នៅត្រង់ចំណុចក្នុងហាងផឹកស៊ីដែលមានយីហោ the street ស្ថិតនៅភូមិវត្តដំណាក់ សង្កាត់សាលាកំរើក ក្រុងសៀមរាប។
លោកឧត្តមសេនីយ៍ត្រី ភឹង ចិន្តារ៉េត ស្នងការរងទទួលផែនកណ្តាលព្រហ្មទណ្ឌ ស្នងការនគរបាលខេត្តសៀមរាប បានឲ្យថ្លែងថាករណីនេះជនសង្ស័យ ពីក្រុមមានគ្នាចំនួន៨នាក់ដែលបាននាំគ្នាចូលផឹកក្នុងហាង ទាស់សំដីគ្នា ទើបវាយគ្នាទៅវិញទៅមក បណ្តាលឲ្យរងរបួសធ្ងន់ម្នាក់។
ជនសង្ស័យ១-ឈ្មោះ ប៉ូ សុងស៊ាង ភេទប្រុសអាយុ១៨ឆ្នាំ មុខរបរសិស្ស
មានទីលំនៅបច្ចុប្បន្នភូមិខ្នារ សង្កាត់ជ្រាវក្រុង-ខេត្តសៀមរាប។
២-ឈ្មោះ សារុន ម៉ារ៉ាថេន ភេទប្រុសអាយុ១៨ ឆ្នាំ មុខរបរសិស្សមានទីលំនៅបច្ចុប្បន្នភូមិបន្ទាយចាស់សង្កាត់ស្លក្រាម ក្រុង-ខេត្តសៀមរាប។
៣-ឈ្មោះ ថន ប៊ុនឡុង ភេទប្រុសអាយុ១៨ មុខរបរសិស្សមានទីលំនៅបច្ចុប្បន្នភូមិវត្តស្វាយ សង្កាត់សាលាកំរើក ក្រុង-ខេត្តសៀមរាប។

៤-ឈ្មោះ អិន លីហួរ ភេទប្រុស អាយុ១៨ ឆ្នាំ មុខរបរសិស្សមានទីលំនៅបច្ចុប្បន្ន ភូមិស្វាយដង្គុំ សង្កាត់ស្វាយដង្គុំ ក្រុង-ខេត្តសៀមរាប។
៥-ឈ្មោះ សួន ពិសែន ភេទប្រុសអាយុ១៨ ឆ្នាំ មុខរបរសិស្ស មានទីលំនៅបច្ចុប្បន្នភូមិជន្លង់ សង្កាត់សាលាកំរើក ក្រុង-ខេត្តសៀមរាប ។
៦-ឈ្មោះ ឡុញ យូណាថាន ប្រុសអាយុ១៨ ឆ្នាំមុខរបរនៅផ្ទះ មានទីលំនៅបច្ចុប្បន្នភូមិខ្នារ សង្កាត់ជ្រាវក្រុង-ខេត្តសៀមរាប។
៧-ឈ្មោះធឹម សុធន ភេទប្រុសអាយុ២១ឆ្នាំ មុរបរនៅផ្ទះ មានទីលំនៅបច្ចុប្បន្ន ភូមិព្រែកថ្មីសង្កាត់ ទឹកវិលក្រុង-ខេត្តសៀមរាប ។
៨-ឈ្មោះ ប៉ូ សុងហុង ភេទប្រុសអាយុ២១ឆ្នាំ មុខបងជាងសិប្បកម្មឈើ មានទីលំនៅបច្ចុប្បន្នភូមិជន្លង់ សង្កាត់សាលាកំរើក ក្រុង-ខេត្តសៀមរាប។

សូមរំលឹកថានៅមុនកើតហេតុថ្ងៃទី១៥ខែកញ្ញាឆ្នាំ២០២០នៅត្រង់ចំណុចក្នុងហាងផឹកស៊ីខាងលើ ក្រុមជនសង្ស័យ បាននាំគ្នាចូលផឹកស៊ី
វាយតប់គ្នា និងយកកៅអីដែក ដែលជាកៅអីសម្រាប់អង្គុយផឹកស៊ីគប់ទៅលើគ្នាទៅវិញទៅមក បណ្ដាលឲ្យរងរបួសបក្ខពួកម្ខាងទៀតមានឈ្មោះ ប៉ូ សុងហេង ភេទប្រុស អាយុ២៣ឆ្នាំ មុខរបរចិញ្ចឹមសត្វកង្កែប មានទីលំនៅបច្ចុប្បន្នភូមិជន្លង់ សង្កាត់សាលាកំរើក បណ្ដាលឲ្យរងរបួសធ្ងន់ធ្ងរនៅត្រង់ចិញ្ចើមខាងស្ដាំនិងផុងលលាដ៏ក្បាល។
បើតាមលោកស្នងការបព្ជាក់ថាក្រោយពីកើតហេតុ សមត្ថកិច្ចបានចុះទៅដល់និងឃាត់ខ្លួនបានជនសង្ស័យ៨នាក់។ ជនសង្ស័យបានឆ្លើយសារភាពថាពួកគេពិតជាបានចូលផឹកស៊ី និងប្រើអំពើហិង្សាពិតប្រាកដមែន។
បច្ចុប្បន្នកម្លាំងនគរបាលខេត្តសៀមរាប កសាងសំណុំរឿងបញ្ជូនទៅតុលាការដើម្បីអនុវត្តតាមផ្លូវច្បាប់៕SRP

ខេត្តសៀមរាប៖ផែនការងារនគរបាលព្រហ្មទណ្ឌ នៃស្នងការនគរបាលខេត្តសៀមរាបសូមជម្រាបជូនព័ត៌មាននិងអំពាវនាវបងប្អូនប្រជាជន មហាជនជួយពិនិត្យ

ម៉ូតូ១គ្រឿង ម៉ាកហុងដា C125 ពណ៌ខ្មៅ ផលិតឆ្នាំ២០១៣ លេខតួនិង លេខម៉ាសុីន៨៥១១២៩៣ ដែលខាងសមត្ថកិច្ចយើងខ្ញុំបានរក្សាទុក រងចាំម្ចាស់មកទទួលយក។

ហេតុនេះសុំមេត្តាជួយពិនិត្យនិងភ្ជាប់ជាមួយឯកសារពាក់ពន្ធ័មកទទួលយកតាមការគួរ។

តាមរយះឮ:លេខទូរសព្ទ័០១២៨២៩៩២៨

ពីខ្ញុំឧ.ត្រីភឹង ចិន្តារ៉េត

ខេត្តព្រះសីហនុ៖សាកសពក្មេងប្រុសអាយុជាង១០ឆ្នាំម្នាក់ត្រូវបានប្រទះឃើញ នៅ​ក្នុង​គំនរ​សំរាម​ ក្នុង​ទីលាន​ចាក់​សំរាមក្រុមហ៊ុន (KSWN)។

ការប្រទះឃើញ ស្ថិតនៅ​ភូមិ​១ សង្កាត់លេខ​១ ក្រុងព្រះសីហនុ​ នៅពីវេលាម៉ោង០៩ព្រឹកថ្ងៃទី ១៥ ខែ​កញ្ញា​ ឆ្នាំ​ ២០២០។
ករណី​នេះ​សមត្ថកិច្ច​ប្រាប់ថា​ ក្មេងប្រុស​នេះ​គឺ​តាម​ម្ដាយ​របស់គេដែល​ធ្វើការ​ជាអ្នក​អនាម័យ​នៅ​ក្នុង​ ទីលាន​ផ្ទុក​សំរាម​បណ្ដោះអាសន្ន​ របស់​ក្រុមហ៊ុន​ KSWN នេះ​។តាមការសន្និដ្ឋាន​ជំហាន​ដំបូងរបស់សមត្ថកិច្ច​ថា​ ជនរងគ្រោះ​​ អាច​កំពុង​រើស​សំបក​កំប៉ុង​ស្របពេល​ គ្រឿងចក្រ​ (សាស័រ) កំពុង​ធ្វើការចូកសំរាម​ ហើយទំនងជា​ត្រូវ​បាន​អ្នកបើក​សាស័រ​មើល​មិនទាន់​ ជោគ​សំរាម​ចាក់លុប​បណ្ដាលឲ្យ​បាត់បង់ជីវិត​ក្នុង​គំនរ​សំរាម​តែ​ម្ដង​។ទោះជាយ៉ាងណាពាក់ព័ន្ធករណីនេះបណ្ដាញសារព័ត៌មានសៀមរាបប៉ុស្ដិ៍មិនទាន់បានរបាយការណ៍ពីអត្តសញ្ញាណជនរងគ្រោះ​ច្បាស់លាស់​ពី​សមត្ថកិច្ច​នៅឡើយ​ទេ​៕SRPព័ត៌មាន​លំអិតនៅពេលក្រោយ​៖

ខេត្តសៀមរាប៖សមត្ថកិច្ចស្រុកស្វាយលើ​បានរាយការណ៍នៅព្រឹកនេះថាមានករណីក្មេងស្រីម្នាក់បានលង់ទឹកស្រះបណ្ដាលស្លាប់។
ហេតុការណ៍បានកើតឡើងនៅវេលា​ម៉ោង​ ១៥និង១០នាទី​ ថ្ងៃទី ១៤ខែកញ្ញាឆ្នាំ២០២០​ ស្ថិតនៅភូមិ​សែនជ័យ ឃុំកន្ទួត​ ស្រុកស្វាយលើ។
ជនរងគ្រោះឈ្មោះ​ ភក្រ្ត​ លីណា អាយុ ១៤​ឆ្នាំ​ មុខរបរកសិករ រស់នៅភូមិ​សែនជ័យ ឃុំកន្ទួត​ ស្រុកស្វាយលើ។
បើតាមសមត្ថកិច្ចថាមូលហេតុ ជនរងគ្រោះ ដើរក្បែរមាត់ស្រះក៏រអិលធ្លាក់ក្នុងទឹកស្រះក្រោយផ្ទះបណ្ដាលឲ្យស្លាប់តែម្ដង។ ក្រោយពីបានពិនិត្យសាកសពសមត្ថកិច្ចបានប្រគល់ឲ្យក្រុមគ្រួសារធ្វេីបុណ្យតាមប្រពៃណី៕SRP

ខេត្តសៀមរាប៖លោកវរសេនីយ៍ឯក ហង្ស សូផាតភីរម្យ នាយការិយាល័យនគរបាលព្រហ្មទណ្ឌកម្រិតស្រាល នៃស្នងការនគរបាលខេត្តសៀមរាប នៅច័ន្ទថ្ងៃទី១៤ ខែកញ្ញា ឆ្នាំ២០២០នេះបានរៀបចំកិច្ចប្រជុំស្តីកាការពារ បង្ការ បង្ក្រាប បទល្មើស និងពង្រឹងការល្បាតតាមគោលដៅសំខាន់ៗ។
កិច្ចប្រជុំនេះនៅការិយាល័យនគរបាលព្រហ្មទណ្ឌកម្រិតស្រាល ដោយមានកាចូលរួមពីលោកនាយរងការិយាល័យ លោកនាយ-នាយរងផ្នែក-មន្រ្តី ចំណុះការិយាល័យនគរបាលព្រហ្មទណ្ឌកម្រិតស្រាលផងដែរ។
សូមបញ្ជាក់ថានៅព្រឹកមិញនេះផងដែរ
លោកឧត្តសេនីយត្រី ភឹង ចិន្តារ៉េត ស្នងការរងទទួលផែនការងារនគរបាលព្រហ្មទណ្ឌ បានប្រជុំដាក់ផែនការ ការពារ តាមគោលដៅ សំខាន់ៗ ក្នុងក្រុងសៀមរាប នឹងតាមបណ្តាលស្រុក ទប់ស្កាត់ អំពើ លួច ឆក់ ប្លន់ គ្រប់ប្រភេទក្នុងខេត្តសៀមរាប៕SRP

ខេត្តកំពង់ចាម​៖លោក​​ អ៊ុន​ ចាន់ដា​ អភិបាលខេត្តនិងជាប្រធានគណៈកម្មាធិការគ្រប់គ្រងគ្រោះមហន្តរាយខេត្ត នៅថ្ងៃច័ន្ទទី១៤ ខខែកញ្ញាព្រឹកមិញនេះ បានដឹកនាំមន្ត្រីជំនាញ ចុះពិនិត្យស្ថានភាពនៃការបាក់ស្រុតលូបង្ហូរទឹក ស្ថិតនៅ​ក្នុង​ភូមិទី៣​ សង្កាត់វាលវង់​ ក្រុង​កំពង់ចាម។
ការចុះពិនិត្យនេះ លោកអ៊ុន ចាន់ដា បានណែនាំឲ្យមន្ត្រីពាក់ព័ន្ធ ធ្វើការសិក្សាចំពោះបញ្ហានេះ ដេីម្បីជួសជុលបន្ទាន់ ដែលរងផលប៉ះពាល់​ ចៀសវាងបង្កគ្រោះថ្នាក់ផ្សេងៗកេីតឡើងជាយថាហេតុ​។

គួរបញ្ជាក់ថា​ កាលពី​វេលាម៉ោង១២​និង៣០នាទី រំលងអាធ្រាត្រ​ ចូលថ្ងៃទី១៣ ​ខែកញ្ញា​ ឆ្នាំ​២០២០នេះ​ មានភ្លៀងមួយមេឃធំ បណ្តាលឲ្យបាក់លូបង្ហូរទឹកចូលទន្លេទំហំ​៧ម៉ែត្រ គុណ១០ម៉ែត្រ នៅចំណុចមាត់ទន្លេ និងបណ្តាលឲ្យធ្លាក់ម៉ូតូ០១គ្រឿង ម៉ាកវ៉េវ តែមិនបង្កឲ្យមានគ្រោះថ្នាក់ដល់​អាយុជីវិត​មនុស្សឡើយ។
បេីតាមការសន្និដ្ឋានរបស់មន្ត្រីជំនាញថា ការបាក់ស្រុតដីនេះអាចបណ្តាលមកពីប្រព័ន្ធលូបង្ហូរទឹកចេញពីក្រុងកំពង់ចាម ចូលក្នុងទន្លេ​ដែលមានសភាពចាស់ទ្រុឌទ្រោម គឺជាប្រព័ន្ធលូសាងសង់តាំងពីសង្គមចាស់​ ហើយមុនពេលកើតហេតុក៏មានភ្លៀងធ្លាក់​យ៉ាង​ខ្លាំងនៅក្នុងក្រុងកំពង់ចាមនេះផងដែរ​៕SRP

ខេត្តកំពង់ចាម៖លោក​ អ៊ុន​ ចាន់ដា​ អភិបាលខេត្តកំពង់ចាម​ នៅថ្ងៃច័ន្ទទី១៤ខែកញ្ញាព្រឹកមិញ បានអញ្ជើញជួបសំណេះសំណាលសាកសួរសុខទុក្ខមនមន្រ្តីរាជការចូលនិវត្តន៍​ និង​មន្ត្រី​រាជការ​កំពុង​បំពេញ​ការងារ​នៃ​សាលាខេត្តកំពង់ចាម​ ជាង២០០នាក់ នៅសាលា​ខេត្ត​កំពង់ចាម​ ក្នុងឱកាសរដូវបុណ្យភ្ជុំបិណ្ឌប្រពៃណីជាតិខ្មែរ។
ថ្ថ្លែងក្នុងពិធីសំណេះសំណាលលោក​ អ៊ុន​ ចាន់ដា​ ​ បានកោតសរសើរ​ និងវាយតម្លៃខ្ពស់រាល់ការខិតខំប្រឹងប្រែងរបស់មន្រី្ដរាជការសាលាខេត្តទាំងអស់​ ដែលបានខិតខំបំពេញការងារទទួលបានលទ្ធផលល្អ​ និងបន្តជំរុញនិងលើកកម្ពស់ប្រសិទ្ធភាពការងារបន្ថែមទៀត​ ពិសេលការផ្តល់សេវាសារធារណៈដែលមានក្នុងកម្មវិធីនយោបាយរបស់រាជរដ្ឋាភិបាលក្នុង​ នីតិកាល​ទី៦នេះ​ ក្រោមការដឹកនាំរបស់សម្តេចជោ ហ៊ុន សែន។
អភិបាលខេត្តបាន​ថ្លែង​បន្តថានេះជាការជួបជុំគ្នា​តាម​គំរូ​ថ្នាក់ដឹកនាំ​មុន​ៗ​ ជាពិសេស​គឺ ឯកឧត្តម​ ហ៊ុន​ ណេង​ អតីត​អភិបាល​ខេត្តកំពង់ចាម​ តែងតែ​ធ្វើ​ឡើង​ សម្រាប់ឱកាស បុណ្យភ្ជុំបិណ្ឌ​​ ជាធម្មតាក្នុងឱកាសបុណ្យប្រពៃណីរបស់ជាតិយើង​ មានបុណ្យធំៗ​ ដល់​ទៅ២ គឺរដូវបុណ្យភ្ជុំបិណ្ឌ និងបុណ្យចូលឆ្នាំថ្មី​ (លេីក​លែង​តែ​ពេល​មាន​ការ​ផ្ទុះ​នូវ​ជំងឺ​កូវីដ​១៩កន្លង​ទៅ​ថ្មីៗ​នេះ) ដែលជាទំនៀមទម្លាប់ប្រពៃណីជាតិម្តងៗ រដ្ឋបាលសាលាខេត្តយើងតែងតែបានធ្វើពិធីជួបសំណេះសំណាល​ ជាមួយបងប្អូនជាមន្ត្រីចូលនិវត្តន៍ ដែលជារាមច្បង និងបងប្អូនមន្ត្រីរាជការ កម្មករ រដ្ឋបាលសាលាខេត្តកំពង់ចាមទាំងអស់ ព្រមទាំងឧបត្ថម្ភនូវថវិកា​មួយចំនួន​ ដើម្បី​ឲ្យ​បងប្អូនយកទៅប្រើប្រាស់ទៅតាមតម្រូវការ​។
លោក​ អ៊ុន​ ចាន់ដា​ ក៏បានធ្វើការផ្តាំផ្ញេីថា ក្នុង​នាម​ជា​មន្ត្រី​រាជការ​ល្អ​គឺត្រូវ​ផ្លាស់ប្ដូរ​ឥរិយាបថ​ពី​ចៅហ្វាយនាយ​ទៅជា​អ្នក​បម្រើ​រាស្ត្រ​យ៉ាង​ពិតប្រាកដ​ ដេីម្បី​ធ្វើ​​ការ​ផ្ដល់​សេវា​សាធារណៈ​ជូនប្រជា​ពលរដ្ឋ​ឲ្យ​បានគាប់ប្រសើរ​ ដោយឡែក​ចំពោះ​ថ្នាក់ដឹកនាំ​ល្អ​ដែល​នាំ​មក​នូវ​ភាព​ជោគជ័យ​នោះ​ គឺ​ត្រូវ​ផ្តល់​ជូន​មន្ត្រី​ក្រោម​ឱវាទ​៣យ៉ាង​​ ទី១-ត្រូវ​ឲ្យ​មន្ត្រី​ចេះ​ធ្វើ​ការងារ​​ ២-ត្រូវ​ឲ្យ​មន្ត្រី​​មាន​សិទ្ធិ​សម្រេច​ និង​ទី​៣-គឺ​ត្រូវ​ឲ្យ​មន្ត្រី​មាន​ធនធាន​សម្រាប់​ចុះ​ធ្វើ​ការងារ​​ផងដែរ​៕​SRP

ខេត្តពោធិ៍សាត់៖លោកឧត្តមសេនីយ៍ទោ ស ថេង ត្រូវបានប្រកាសឲ្យ ចូលកាន់តំណែងជាស្នងការនគរបាលខេត្តពោធិ៍សាត់ នៅព្រឹកនេះ ជំនួសលោកឧត្តមសេនីយ៍ទោ សារុន ចាន់ធី ដែលចូលនិវត្តន៍។

ពិធីប្រកាសនេះក្រោមវត្តមានលោកនាយឧត្តមសេនីយ៍សន្តិបណ្ឌិត នេត សាវឿន អគ្គស្នងការនគរបាលជាតិ លោក ម៉ៅ ធនិន អភិបាលខេត្តពោធិ៍សាត់។

សូមជម្រាបថាលោកឧត្តមសេនីយ៍ទោ សារុន ចាន់ធី អតីតស្នងការនគរបាលខេត្តពោធិ៍សាត់ ចូលនិវត្តន៍ ត្រូវបានព្រះមហាក្សត្រចេញព្រះរាជក្រឹត្យ ត្រាស់បង្គាប់តែងតាំងជាទីប្រឹក្សាក្រសួងមហាផ្ទៃ មានឋានៈស្មើអនុរដ្ឋលេខាធិការ៕SRP

ខេត្តសៀមរាប៖នគរបាលរដ្ឋបាលប៉ុស្តិ៍ សង្កាត់គោកចកបានឲ្យដឹងថាកម្លាំងនគរបាលប៉ុស្តិ៍សង្កាត់គោកចក សហការជាមួយមន្ត្រីCMAC នៅថ្ងៃច័ន្ទទី១៤ ខែកញ្ញា ឆ្នាំ២០២០ វេលាម៉ោង០៨និង៣០នាទីព្រឹកនេះ បានចុះទៅយកគ្រាប់មិនទាន់ផ្ទុះប្រភេទ ៣៨១(សាវ៉េនធីណៃ) មួយគ្រាប់។

ទីតាំងមានគ្រាប់មិនទាន់ផ្ទុះប្រភេទ ៣៨១(សាវ៉េនធីណៃ)នៅចំណុចទួលខាងលិច ប្រាសាទគោកចក ស្ថិតក្នុងភូមិវាល សង្កាត់គោកចក ក្រុងសៀមរាប។

មន្ត្រីនគរបាលប៉ុស្តិ៍គោកចកបានបន្តថា ការចុះទៅត្រួតពិនិត្យនិងយកគ្រាប់ចេញពីទីតាំងខាងលើបន្ទាប់ពីបានទទួលសេចក្ដីរាយការណ៍ ពីប្រជាពលរដ្ឋនៅល្ងាចថ្ងៃទី១៣ ខែកញ្ញា ម្សិលមិញ។

មន្ត្រីនគរបាលបញ្ជាក់ថាក្រោយកម្លាំងប៉ុស្តិ៍បានចុះទៅដល់កន្លែងកើតហេតុ ឃើញពិតជាមានកាកសំណល់សង្គ្រាមគ្រាប់មិនទាន់ផ្ទុះ រួចក៏បានដាក់សញ្ញាសំគាល់ និងហាមប្រាមប្រជាពលរដ្ឋ កុំអោយមក
ក្បែរផងដែរ៕SRP