ខេត្តកំពង់ចាម៖លោកតា ពេញ ម៉ៅ អាយុ៩៣ ឆ្នាំជាទុរគតជន គ្មានទីពឹង រស់នៅក្នុងផ្ទះខ្ទមចាស់មួយខ្នង ក្នុងភូមិតាម៉ៅ ឃុំស្រក ស្រុកកំពង់សៀម ខេត្តកំពង់ចាម ប៉ុន្តែជាអកុសល ខ្ទមរបស់លោកតា ទទួលរងគ្រោះអគ្គិភ័យឆាបឆេះអស់ទាំងស្រុង ខណៈពេលលោកតាដាំបាយ ហើយខ្យល់ឆាបជញ្ជាំង។
ដោយមើលឃើញនូវការលំបាកនេះ លោក ឌី វិជ្ជា និង លោកជំទាវ ហ៊ុន ម៉ាណា នៅរសៀលថ្ងៃទី ១៥ខែមីនា ឆ្នាំ២០២១នេះ បានចាត់អោយលោក ជិន ប៊ុនធឿន និង ក្រុមការងារមនុស្សធម៌ នាំយកអំណោយទៅប្រគល់ជូនលោកតា ពេញ ម៉ៅ ដើម្បីសម្រួលក្នុងជីវភាពបានមួយរយៈ។
អំណោយដែលបានផ្តល់ជូនគ្រួសារនេះរួមមាន៖ ថវិកាចំនួន ៥០ម៉ឺនរៀល, គ្រឿងឧបភោគ-បរិភោគ សំលៀកបំពាក់ ស្បែកជើង និងសម្ភារប្រើប្រាស់ក្នុងផ្ទះបាយមួយឈុតធំជូនលោកតាដើម្បីសម្រួលក្នុងការរស់នៅប្រចាំថ្ងៃរបស់គាត់។ សព្វថ្ងៃនេះ លោកាតា ពេញ ម៉ៅ មានសុខភាពកាន់តែទ្រុឌទ្រោម ពុំអាចធ្វើការងារអ្វីបានឡើយ ដោយរស់តែម្នាក់ឯង ទើបអ្នកជិតខាងរស់នៅក្នុងមូលដ្ឋានក្បែរគ្នា មានចិត្តអាណិអាសូរជួយចិញ្ចឹមអោយបាយទឹកលោកតាហូបប្រចាំថ្ងៃ ពេលខ្លះគាត់ បានទៅជួយការងារ នៅឯវត្តក្នុងភូមិផងដែរ៕SRP
ខេត្តសៀមរាប៖សមត្ថកិច្ចស្រុកប្រាសាទបាគង ដែលបង្ក្រាបបានចោរលួចខ្សែភ្លើង ជាញឹកញាប់ ត្រូវបានលើកទឹកចិត្តនឹងទទួលបានថវិកា ពីមន្ត្រីអគ្គិសនីនិងស្នងការខេត្ត នៅថ្ងៃទី១៧ ខែមីនា ឆ្នាំ២០២១ព្រឹកមិញនេះ។
អធិការនគរបាលស្រុកប្រាសាទបាគង លោកលឹម សម្បត្តិ បានថ្លែងអំណរគុណចំពោះអាជ្ញាធរអគ្គិសនី និងថ្នាក់ដឹកនាំស្នងការដ្ឋានខេត្តសៀមរាប បានផ្ដល់ថវិកា ដល់សមត្ថកិច្ចស្រុកប្រាសាទបាគង ក្នុងការខិតខំប្រឹងប្រែងបង្ក្រាប ចោរលួចខ្សែភ្លើង។ ថវិកាទាំងនេះ នឹងប្រគល់ជូន អង្គភាពនីមួយៗរួចរាល់ហើយ។
លោកភឹង ចិន្តារ៉េត ស្នងការរងខេត្តសៀមរាប បានឲ្យដឹងថា ក្នុងនាមតំណាងលោក ទិត្យ ណារ៉ុង ស្នងការខេត្តសៀមរាប បានណែនាំពង្រឹង និងលើកទឹកចិត្ត ជាពិសេសសូមកោតសសើរដល់កម្លាំងសមត្ថកិច្ច ស្រុកប្រាសាទបាគង ដែលបានសហការគ្នា បង្ក្រាបករណីចោរលួចខ្សែភ្លើង បានដោយជោគជ័យ។
សូមជម្រាបថា បុរសម្នាក់ឈ្មោះកែក កាយ អាយុ២១ឆ្នាំ នៅភូមិត្នោត ឃុំអំពិល ស្រុកប្រាសាទបាគង ខេត្តសៀមរាប ត្រូវបានប៉ូលិសស្រុកប្រាសាទបាគងចាប់ខ្លួន ពាក់ព័ន្ធករណីលួចខ្សែភ្លើង។ ការឃាត់ខ្លួននេះធ្វើឡើងនៅវេលាម៉ោង២និង០០នាទីថ្ងៃទី១៦ខែមីនា ឆ្នាំ២០២១ ចំណុចភូមិស្នាតេជោ៣១៧ ឃុំបល្ល័ង្កស្រុកប្រាសាទបាគង ខេត្តសៀមរាប។ ករណីនេះដកហូត សម្ភារដូចជា៖ កង់១គ្រឿង , ខោចំនួន១ , ពិល១គ្រឿង , ទូរស័ព្ទអិនចុចពិល១គ្រឿង , ស្បែកជើង១គូ , ការ៉ុង១ ក្នុងការ៉ុងមានខ្សែភ្លើងចំនួន៣ដុំ កំបិតតូច១និងទុលឡាវីសកែច្នៃ១។
ជនសង្ស័យឆ្លើយសារភាពថា បានលួចខ្សែភ្លើង ពិតមែននិងកន្លងមកធ្លាប់លួចចំនួន១១លើក នៅក្នុងទឹកដីស្រុកប្រាសាទបាគង និងស្រុកបន្ទាយស្រី៕SRP
ខេត្តសៀមរាប៖ភាពសប្បាយចិត្ត និងធ្វើអោយមានចិត្តរីករាយនៅក្នុង ខ្លួនរបស់យើងមិនធ្លាក់ពីលើមេឃឡើង ទាំងអស់នោះ គឺជាជម្រើសដែលយើងត្រូវប្រើវាជាប្រចាំ ហាក់បីដូចជាយើងដុសសម្អាតធ្មេញ ងូតទឹកជារៀងរាល់ថ្ងៃ ដើម្បីការពារមេរោគនិងរក្សាអនាម័យខ្លួន។
សូមបញ្ចប់ ការកុហកដាក់ខ្លួន ឯង ថា : “ ខ្ញុំនឹងសប្បាយចិត្តប្រសិនបើ……..? “
” ប្រសិនបើអ្នក មានភាពរីករាយអ្នកនឹងមានកម្លាំង វិជ្ជមានអ្នកនឹងពុះពារជាមួយការលំបាក នឹងមានកម្លាំងចិត្តដើម្បីអោយអ្នករឹងមាំជាមួយនឹងដំណោះស្រាយផ្សេងៗដែលអ្នកជួប។
ភាពជាមេដឹកនាំ ខ្លួនឯង មេដឹកនាំគ្រួសារនិងអាជីវកម្ម អ្នកត្រូវសម្លឹងមើលចំណុចដែលធ្វើអោយមានភាពរីករាយ ដូចជាការលើកទឹកចិត្តខ្លួនឯង ការលើកទឹកចិត្តនឹង ការស្តាប់ មនុស្សជុំវិញខ្លួន ។
នៅក្នុងជីវិត មានរឿងបរាជ័យជាច្រើន ដែលយើងបានជួប ប៉ុន្តែកុំអោយបរាជ័យលើខ្លួនឯង ដោយបាត់បង់នូវភាពរីករាយ អ្វីៗទាំងអស់ ផ្តើមឡើងដោយកាគិត ប៉ុន្តែការគិតទៅលើចំណុចវិជ្ជមាន អ្នកនឹងកសាងភាពវិជ្ជមាន និងចិញ្ចឹមភាពវិជ្ជមាននៅក្នុងខ្លួន កម្លាំងវិជ្ជមាននឹងនាំអ្នក អោយមានភាពរីករាយ “ ហើយជួយអោយអ្នកទៅដល់កន្លែងដែលអ្នកចង់ទៅ” ។
សូមចងចាំថាអ្វីៗទាំងអស់និងមនុស្សនៅជុំខ្លួុនយើងមិនអាចធ្វើអោយ យើង
មាន ភាពរីករាយ និងមានភាពជាវិជ្ជមាន គ្រប់ពេលបានឡើយ “ ប្រហែលជាពួកគាត់ត្រូវការពន្លឺកម្លាំងចិត្ត ប្រហែលជាពួកគាត់ចង់អោយយើងស្តាប់សម្តីរបស់គាត់ ដើម្បីអោយយើងយល់ពីពួកគាត់ ប្រហែលជាពួកគាត់ចង់អោយយើងផ្តល់អ្វីមួយ។“ ប៉ុន្តែអ្នកមិនអាចផ្តល់ចំណុចវិជ្ជមាន ឬ បង្កើតផលជាវិជ្ជមានអោយអ្នកដទៃបានទេ ប្រសិនបើអ្នកមិនមានភាពសប្បាយចិត្ត និង ការគិតជាវិជ្ជមានដល់ខ្លួនឯងនោះ។ ពីព្រោះយើងអោយអ្វីដែលយើងមានតែប៉ុណ្ណោះ។
ការគិតចំណុចវិជ្ជមាន និងភាពសប្បាយចិត្ត យើង នឹងមានភាពអត់ធ្មត់ យើង នឹង មើលឃើញផ្លូវបត់បែន និងមើលឃើញដំណោះស្រាយ “ អ្នកគិតពីវិជ្ជមានតែងតែមើលឃើញលទ្ធផល ដែលអាចរំកិលទៅមុខបាន ជាប្រចាំ “ នៅពេលដែលអ្នករក្សាពង្រឹងផ្នត់គំនិតជាវិជ្ជមានជារៀងរាល់ថ្ងៃអ្វីៗទាំងអស់ នៅជុំវិញខ្លួនអ្នកក្លាយជាប្រសើរឡើងជារៀងរាល់ថ្ងៃផងដែរ”។
អ្នកអាច កុហកខ្លួនឯង ប្រសិនបើអ្នកសន្យាថា “ ខ្ញុំនឹងសប្បាយចិត្តប្រសិនបើ មានលុយច្រើន មានផ្ទះធំ ឬរបស់ទំនើប…ប្រសិនបើអ្នកធ្វើអោយពេលបច្ចុប្បន្នសប្បាយចិត្ត ពេលបច្ចុប្បន្ន មានអារម្មណ៍ល្អ ផលល្អជា ច្រើន នឹងកើតឡើង ក្នុងពេលអនាគត៕
និពន្ធដោយលោក សឿន តុលា ស្ថាបនិកក្រុមហ៊ុន ផា ផាយ៉ា PAPAYA NEXT STEP CO,.LTD.
* PAPAYA REAL ESTATE
( គម្រោងអភិវឌ្ឍន៍អចលនទ្រព្យ)
*PAPAYA HOMESTAY
(គម្រោងលើវិស័យទេសចរណ៍)
*PAPAYA GARDEN
( គម្រោងលើវិស័យកសិកម្ម
និងចែកចាយអាហារ)
