ឃាត់ខ្លួនអ្នកសារព័ត៌មានម្នាក់ និងបក្សពួក ផឹកស៊ីចាក់ធុងបាសរំខាន ប្រើអំពើហិង្សាលើមន្ត្រីពេលចុះណែនាំ
ភ្នំពេញ៖នគរបាលជំនាញនៃអធិការដ្ឋាននគរបាលខណ្ឌចំការមន ឃាត់ខ្លួនបុរស៣នាក់ដែលប្រើហិង្សាលើសមត្ថកិច្វនិងអាជ្ញាធរមូលដ្ឋានខណៈសមត្ថកិច្ចចុះណែនាំកុំឲ្យផឹកស៊ីចាក់ធុងបាសរំខានដល់អ្នកជិតខាងនៅពេលយប់ជ្រៅ។
សមត្ថកិច្ចបានឲ្យដឹងថានៅវេលាម៉ោង ១២និង៣០នាទី យប់អធ្រាត្រ ឈានចូលថ្ងៃទីថ្ងៃទី១៣ខែមេសាឆ្នាំ២០២៦ កម្លាំងសមត្ថកិច្ចបានឃាត់ជនសង្ស័យចំនួន៣ នាក់ ក្នុងករណី ហិង្សាដោយចេតនាមានស្ថានទម្ងន់ទោស (ព្រួតគ្នាវាយទៅលើសមត្ថកិច្ចនិងអាជ្ញាធរមូលដ្ឋានបណ្ដាលឲ្យរងរបួស ២នាក់) នៅចំណុចមុខផ្ទះលេខ៥៨ ផ្លូវ៤២០ក្រុម១៣ភូមិ៤សង្កាត់បឹងត្របែក ខណ្ឌចំការមន រាជធានីភ្នំពេញ ។
ជនសង្ស័យចំនួន៣នាក់រួមមាន៖
1/ឈ្មោះ អុំ បូរ៉ា ភេទប្រុស អាយុ ៣៩ឆ្នាំ មុខរបរ អ្នកសារពត៌មាន(គ្មានសារធាតុញៀន) 2/ ឈ្មោះពុត សារុន ប្រុស អាយុ៣៦ឆ្នាំមុខរបរអ្នកដឹកជញ្ជូន(គ្មានសារធាតុញៀន) និង
3/ ឈ្មោះ ពុត សារ៉េត ភេទប្រុស អាយុ៣៦ឆ្នាំ មុខរបរអ្នករត់តាក់ស៊ី (គ្មានសារធាតុញៀន) ។ជនសង្ស័យទាំង៣នាក់បច្ចុប្បន្នស្នាក់នៅចំណុចមុខផ្ទះលេខ៥៨ ផ្លូវ៤២០ក្រុម១៣ភូមិ៤សង្កាត់បឹងត្របែក ខណ្ឌចំការមន រាជធានីភ្នំពេញ កើតហេតុខាងលើ។
-បច្ចុប្បន្ន ជនសង្ស័យទាំង៣នាក់បានឃាត់ខ្លួនបញ្ជូនមកអធិការដ្ឋាននគរបាលខណ្ឌចំការមន ដើម្បីសាកសួរនិងចាត់ការតាមនីតិវិធី៕SRP
