ស្ត្រីម្នាក់កំពុងជិះម៉ូតូត្រូវបានរថយន្តបុកចំពេញទំហឹងបណ្ដាលឲ្យស្លាប់។
ហេតុការណ៍បានកើតឡើង វេលាម៉ោហប្រមាណ១២ និង៣០នាទី ថ្ងៃទី២៩ ខែធ្នូ ឆ្នាំ២០២៣ នៅលេីកំណាត់ផ្លូវជាតិលេខ៥ ស្ថិតក្នុងភូមិអូររំចេក ឃុំចក ស្រុកបរិបូណ៍ ខេត្តកំពង់ឆ្នាំង។
សមត្ថកិច្ចបានប្រាប់ថាគ្រោះថ្នាក់ចរាចរណ៍ នេះ បង្កដោយរថយន្តម៉ាកតូយូតា ពណ៌ស ពាក់ស្លាកលេខ ភ្នំពេញ2A-9281 អ្នកបេីកបរឈ្មោះ រ៉ូវ សង់ដារ៉ា ភេទប្រុស អាយុ៦១ឆ្នាំ រស់នៅភូមិទួលសង្កែ សង្កាត់ទួលសង្កែ ខ័ណ្ឌឫស្សីកែវ រាជធានីភ្នំពេញ (បេីកបរពីទិសខាងកើតទៅទិសខាងលិច) បានបុកនឹងម៉ូតូ១គ្រឿង ម៉ាកហុងដាC125 ពណ៌ខ្មៅ ពាក់ស្លាកលេខ បាត់ដំបង1B-5824 អ្នកបើកបរឈ្មោះ សិទ្ធ សេងហៃ ភេទស្រី អាយុ៣៨ឆ្នាំ រស់នៅភូមិ ឃុំកើតហេតុខាងលើ (ក្នុងដំណើរខ្វែងទិសគ្នា) បណ្តាលអោយស្លាប់។
សមត្ថកិច្ចបន្តថាករណីនេះមូលហេតុបឋមតាមការសន្និដ្ឋានបើកបររថយន្តក្នុងល្បឿនលឿនខ្វះការប្រុងប្រយ័ត្ន៕
