ខេត្តមណ្ឌលគិរី៖អ្នកសារព័ត៌មានមួយរូបត្រូវបានគេកាប់ឲ្យរងរបួសយ៉ាងធ្ងន់ធ្ងរហើយត្រូវបានគេបញ្ជូនទៅកាន់មន្ទីរពេទ្យដើម្បីជួយសង្គ្រោះ។
ករណីនេះបានកើតឡើង នៅវេលាម៉ោង ២១ និង៣០នាទី ថ្ងៃទី ២៦ ខែសីហា ឆ្នាំ២០២៣ នៅចំណុចដីឡូតិ៍ តង់ខៀវ ស្ថិតនៅក្នុងភូមិអូអាម ឃុំស្រែខ្ទុម ស្រុកកែវសីមា ខេត្តមណ្ឌលគិរី។
សមត្ថកិច្ចបានប្រាប់ថា អំពើហិង្សាដោយចេតនា នេះ ជនបង្ក ឈ្មោះ កែន កាន ភេទប្រុស អាយុ២៤ឆ្នាំជនជាតិខ្មែរមុខរបកម្មករ ស្នាក់នៅបណ្ដោះអាសន្ន ភូមិអូរអាម ឃុំស្រែខ្ទុម ស្រុកកែវសីមា ខេត្តមណ្ឌលគិរី បានប្រើកាំបិតកាប់ទៅលើជនរងគ្រោះឈ្មោះ ដោក ស្រ៊ាង ភេទប្រុស អាយុ៤៤ឆ្នាំ ជនជាតិខ្មែរ មុខរបរសារព័ត៌មានរស់នៅភូមិអូរអាម ឃុំស្រែខ្ទុម ស្រុកកែវសីមា ខេត្តមណ្ឌលគិរី (របួសធ្ងន់)។
សមត្ថកិច្ច ករណីនេះ មូលហេតុ ជម្លោះទាស់ពាក្យសំដីនិងគ្នាឈានដល់ប្រើអំពើហិង្សាតែម្ដង។ ទោះជាយ៉ាងណា ជនបង្កត្រូវបានកម្លាំងប៉ុស្តិ៍នគបាលឃុំស្រែខ្ទុមឃាត់ខ្លួនអនុវត្តន៍និតិវិធី។ ចំណែក
ជនរង្គ្រោះត្រូវបាន បញ្ជូនទៅមន្ទីរពេទ្យបង្អែកខេត្តមណ្ឌលគិរីដើម្បីសង្រោះ៕
