ខេត្តសៀមរាប៖មនុស្ស៥នាក់ត្រូវបានកម្លាំងកងរាជវុធហត្ថខេត្តសៀមរាបឃាត់ខ្លួនពាក់ព័ន្ឋករណី(ជួញដូរ និង ចាត់ចែងប្រើប្រាស់)ដោយខុសច្បាប់នូវសារធាតុញៀន។
ការបង្ក្រាបធ្វើឡើង នៅថ្ងៃទី១៥ ខែ មិថុនា ឆ្នាំ២០២៣ នៅចំណុចភូមិជន្លង់ សង្កាត់សាលាកំរេីក ក្រុងសៀមរាប ដោយកម្លាំងការិយាល័យប្រឆាំងគ្រឿងញៀន សហការជាមួយកម្លាំងអង្គភាពនគរបាលយុត្តិធម៌ កងរាជអាវុធហត្ថខេត្តសៀមរាប។
មន្ត្រីកងរាជអាវុធហត្ថខេត្តសៀមរាប បានថ្លែងប្រាប់អង្គភាពសៀមរាប ប៉ុស្ដិ៍ ថា
ជនសង្ស័យចំនួន៥នាក់
១. ឈ្មោះ ទត សុភ័ក្រ ភេទប្រុស អាយុ១៨ឆ្នាំជនជាតិខ្មែរ មុខរបរ មិនពិតប្រាកដ រស់នៅភូមិស្ទឹងថ្មី សង្កាត់ស្វាយដង្គំ ក្រុងសៀមរាប។
២.ឈ្នោះលន់ ឡាក់ ភេទប្រុស អាយុ២៣ ឆ្នាំជនជាតិខ្មែរ មុខរបរ កម្មករសំណង់ រស់នៅភូមិត្រពាំងទឹម ឃុំកណ្ដែក ស្រុកប្រាសាទបាគង ខេត្តសៀមរាប។
៣.ឈ្មោះញ៉ាន់ រិទ្ធី ភេទប្រុស អាយុ២៦ ឆ្នាំ ជនជាតិខ្មែរ មុខរបរ ចិញ្ចឹមទា រស់នៅភូមិប្រឡាយ សង្កាត់សៀមរាប ក្រុងសៀមរាប។
៤.ឈ្មោះ ទី កុម្ភៈ ភេទប្រុស អាយុ២៧ ឆ្នាំជនជាតិខ្មែរ មុខរបរកម្មករសំណង់ រស់នៅភូមិ ក្រវ៉ាន់ សង្កាត់នគរធំ ក្រុងសៀមរាប។
៥.ឈ្មោះចយ រដ្ឋា ភេទប្រុស អាយុ៣១ ឆ្នាំជនជាតិខ្មែរ មុខរបរមិនពិតប្រាកដ រស់នៅភូមិ ទ្រាំង សង្កាត់ស្លក្រាម ក្រុងសៀមរាប។
មន្ត្រីកងរាជអាវុធហត្ថបន្តថា ប្រតិបត្តិការនេះ ដកហូតវត្ថុតាងរួមមាន៖ថ្នាំញៀនម្សៅក្រាមពណ៌សថ្លា ប្រភេទម៉ាទឹកកក (មេតំហ្វេតាមីន) ចំនួន ៨កញ្ចប់តូចទម្ងន់២.៣៦ ក្រាម ,ទូរស័ព្ទចំនួន៦ គ្រឿង និងឧបករណ៍ប្រើប្រាស់គ្រឿងញៀនមួយចំនួន។
ករណីនេះមន្ត្រីបានធ្វើតេស្ត ទឹកនោមរកសារធាតុញៀន ជនសង្ស័យ ទាំង៥នាក់លទ្ធផលវិជ្ជមាន(+) ។ បច្ចុប្បន្នត្រូវបានការិយាល័យជំនាញ កសាងសំណុំរឿងដើម្បីអនុវត្តន៍តាមនីតិវិធី៕ដោយនាគខៀវ