ខេត្តសៀមរាប៖លោក ម៉េង លាង បានរងការរិះគន់ថាបានពុះដីលក់គ្មានច្បាប់អនុញាត្ត។ នេះបើតាមការចុះផ្សាយរបស់សារព័ត៌មាននិងបណ្ដាញសង្គម។
ទីតាំងដែលឈ្មោះ ម៉េង លាង ពុះដីលក់គ្មានច្បាប់បែបនេះ ស្ថិតនៅភូមិបុស្សក្រឡាញ់ សង្កាត់ជ្រាវ ក្រុងសៀមរាប។
ជុំវិញការពុះដីលក់គ្មានច្បាប់យ៉ាងដូច្នោះ អាចប្រឈមធ្វើឲ្យប្រជាពលរដ្ឋ បាញ់បោករងគ្រោះផងដែរ។
ប្រជាពលរដ្ឋបានស្នើឲ្យអាជ្ញាធរពាក់ព័ន្ធ ជួយពិនិត្យមើល ករណីឈ្មោះ ម៉េង លាង ពុះដីលក់គ្មានច្បាប់បែបនេះផង។
ករណីយ៉ាងដូច្នេះមន្ត្រីជំនាញគួរចុះពិនិត្យទីតាំងដីខាងលើ ដើម្បីកុំឲ្យពលរដ្ឋចាញ់បោក។
អង្គភាពសៀមរាប ប៉ុស្ដិ៍ នៅមិនទាន់ទទួលបានការបកស្រាយពី ឈ្មោះម៉េង លាង នៅឡើយទេជុំវិញការរិះគន់នេះដោយមិនមានលេខទំនាក់ទំនង។
បើតាមមន្ត្រីជំនាញធ្លាប់ប្រាប់អ្នកសារព័ត៌មានថា ដើម្បីអាចពុះឡូតិ៍លក់បាន ថៅកែដីឡូតិ៍គួរត្រូវមាន៖ ទី១ត្រូវមានប៉ាតង, ទី២ត្រូវមាន ច្បាប់អភិវឌ្ឈន៍ដី, ទី៣ត្រូវមានច្បាប់ បំបែកក្បាលដី, ទី៤ត្រូវបង់ពន្ធប្រថាប់ត្រាដល់ខេត្ត។ ចំពោះដីប្លង់ភូមិឃុំ ចេញជូនអតិថិជន គឺពុំស្របច្បាប់ឡើយ លើកលេងតែ ការលក់ទិញ នោះស្ថិតនៅក្នុងឆ្នាំ២០១៦ចុះក្រោម៕ដោយនាគខៀវ
