ខេត្តសៀមរាប៖បុរសអ្នកជិះម៉ូតូម្នាក់បានស្លាប់ភ្លាមៗនៅនឹងកន្លែងកើតហេតុខណៈបើករ៉ឺម៉កទៅបុករថយន្តពីក្រោយ។
ហេតុការណ៍បានកើតឡើង នៅរសៀល ១៧ ខែឧសភា ឆ្នាំ ២០២៣ នៅត្រង់ចំណុចភូមិអូរទទឹង ឃុំព្រះដាក់ ស្រុកបន្ទាយស្រីខេត្តសៀមរាប។
សមត្ថកិច្ចបានឲ្យដឹងថារថយន្តម៉ាក់កូរ៉េ ពណ៌ខៀវ ពាក់ស្លាកលេខ ភ្នំពេញ2A5664 អ្នកបើកបរប ឈ្មោះ កេង គាត ភេទប្រុសអាយុ៣២ឆ្នាំនៅភូមិព្រះដាក់ ឃុំព្រះដាក់ ស្រុកបន្ទាយស្រី ខេត្តសៀមរាប។ (បានឈប់នៅលើចញ្ចើមផ្លូវស្ងៀម។ ចំណែកជនរងឈ្មោះ វ៉ា ប្រុញ ភេទប្រុសអាយុ៣៦ឆ្នាំ នៅភូមិខ្វៀនសង្កាត់គោកចក ក្រុងសៀមរាប ខេត្តសៀមរាប ជិះម៉ូតូម៉ាកវេវអេះពណ៌ខ្មៅ ពាក់ស្លាកលេខកណ្តាល1E1399 សណ្តោងរុឺមកបានជិះទៅបុករថយន្តពីក្រោយបណ្តាលឲ្យស្លាប់ពេលបញ្ជូនទៅដល់មន្ទីរពេទ្រ។
សមត្ថកិច្ចបន្តថាមូលហេតុ ម៉ូតូបើកល្បឿនលឿនខ្វះការប្រុងប្រយ័ត្នបណ្តាលឲ្យបុករថយន្តពីក្រោយតែម្ដង។ វត្ថុតាង.ទាំងពីត្រូវបានយកមករក្សាទុកនៅប៉ុស្តិ៍នគរបាលរដ្ឋឃុំព្រះដាក់៕ដោយនាគខៀវ
