ខេត្តសៀមរាប៖យ៉ាងហោចណាស់មនុស្សចំនួន៣នាក់បានស្លាប់និងម្នាក់ទៀររងរបួស ក្នុងហេតុការណ៍គ្រោះថ្នាក់ចរាចណ៍ពីរករណីផ្សេងគ្នា។
ករណីទី១ នៅរសៀល ថ្ងៃទី១៧ ខែមេសា ឆ្នាំ ២០២៣ លើផ្លូវជាតលេខ៦៤ ភូមិស្រែធ្មង់ ឃុំដំដែក ស្រុកសូទ្រនិគម ខេត្តសៀមរាប។ ហេតុការណ៍នេះរវាងម៉ូតូ១គ្រឿងម៉ាកហុងដាឌ្រីម ពណ៌ខ្មៅ ពាក់ស្លាកលេខ សៀមរាប 1AG.4363 បើកបរដោយឈ្មោះ ស សាំ ភេទប្រុស អាយុ៤៥ឆ្នាំ ទីលំនៅភូមិពពេល ឃុំបាល័ង្គ ស្រុកប្រាសាទបាគង ខេត្តសៀមរាប (ស្លាប់) ទិសដៅពីត្បូង ទៅជើង បានបុកជាមួយរថយន្តម៉ាកCRV ពណ៌ទឹកប្រាក់ ពាក់ស្លាកលេខ ភ្នំពេញ 2D.3357 អ្នកបើកបររត់គេចខ្លួនបាត់។
ករណីទី២ នៅយប់ ថ្ងៃទី១៧ ខែមេសា ឆ្នាំ២០២៣ លេីផ្លូវជាតិលេខ ៦ ស្ថិតក្នុងភូមិកកោះ ឃុំគោកធ្លកក្រោម ស្រុកជីក្រែង ខេត្តសៀមរាប។ ករណីនេះរវាងបរថយន្តម៉ាកកាមរី ពណ៌ទឹកប្រាក់ ពាក់ស្លាកលេខភ្នំពេញ 2AA-2807 ទិសដៅ ពីកេីតទៅលិច និងអ្នកបេីកបរម៉ូតូសណ្តោងរុឺម៉ក ម៉ាកC125 ពណ៌ខ្មៅ ពាក់ស្លាកលេខសៀមរាប 1N-1283 ទិសដៅ ឆ្លងថ្នល់ពីត្បូង ទៅជេីង។
គ្រោះថ្នាក់នេះបណ្តាលអោយស្លាប់ចំនួន២នាក់៖
១ ឈ្មោះ ជ្រឿន សុជា ភេទប្រុសអាយុ ២៦ឆ្នាំអ្នកបេីកបរ រុឺម៉កម៉ូតូ របួសស្រាល។ ២ ឈ្មោះ ឈិន សារ៉ុន ភេទស្រីអាយុ៣០ឆ្នាំ អ្នករួមដំណេីរ ស្លាប់។ ៣ ឈ្មោះ គង់ វ៉ុន ភេទស្រីអាយុ ៦៧ឆ្នាំ អ្នករួមដំណេីរ ស្លាប់។ ជនរងគ្រោះ ទាំង៣នាក់ នៅក្នុងភូមិកកោះ ឃុំគោកធ្លកក្រោម ស្រុកជីក្រែង ខេត្តសៀមរាប។ ចំណែកអ្នកបេីកបររថយន្តឈ្មោះ កេន សុភ័ណ្ឌ ភេទប្រុសអាយុ ៣៩ឆ្នាំ ទីលំនៅភូមិវិហារចិន សង្កាត់ស្វាយដង្គុំ ក្រុងសៀមរាប របួសស្រាល៕SRP