ខេត្តកំពង់ចាម៖លោក អ៊ុន ចាន់ដា អភិបាលខេត្តកំពង់ចាម បានណែនាំមន្ទីរអង្គភាពពាក់ព័ន្ធ និងអាជ្ញាធរក្រុង-ស្រុកទាំងអស់ ត្រូវរៀបចំតុបតែងលម្អដាក់ចងបដាក្នុងអត្ថន័យ ទទួលស្វាគមន៍ឆ្នាំថ្មី ទេពធីតាសង្ក្រាន្តព្រះនាម « កិរិណីទេវី » នៅតាមកន្លែងធ្វើការនីមួយៗ ធ្វើយ៉ាងណាឲ្យមមានសោភ័ណភាពស្រស់ស្អាត ជាពិសេសត្រូវជំរុញដល់យុវជន ឲ្យមានការលេងល្បែងប្រជាប្រិយខ្មែរ នៅតាមទីវត្តអារាម ឬកន្លែងកម្សាន្តនានា។
លោក អ៊ុន ចាន់ដា ក៏បានថ្លែងប្រាប់មន្ត្រីនៅតាមបណ្ដាក្រុង-ស្រុកនីមួយៗ ត្រូវមានកកម្លាំងប្រចាំបញ្ជា ដេីម្បីតៀមអន្តរាគមន៍នៅពេលដែលមានហេតុការណ៍ផ្សេងៗ កេីតឡេីងជាយថាហេតុ។ លោកថា ក្រៅពីនោះចំពោះមន្ទីរអង្គភាពនីមួយៗ ត្រូវរៀបចំពិធីជួបសំណេះសំណាល ជាមួយមន្ត្រីក្រោមឱវាទ តាមរយៈសិល្បៈចែករំលែក ដេីម្បីពង្រឹងសាមគ្គីភាពផ្ទៃក្នុង ឲ្យកាន់តែមានភាពស្និទ្ធស្នាលផងផងដែ។
លោកថ្លែងបែបនេះ ក្នុងកិច្ចប្រជុំគណៈបញ្ជាការឯកភាពរដ្ឋបាលខេត្តកំពង់ចាម នៅថ្ងៃចន្ទនេះ។
អភិបាលខេត្តកំពង់ចាម ក៏បានណែនាំដល់មន្ត្រីពាក់ព័ន្ធ ត្រូវប្រកាន់ខ្ជាប់នូវ ភាពអព្យាក្រឹត ក្នុងការអនុវត្តតួនាទីការពារសន្តិសុខ សម្រាប់ការបោះឆ្នោតនាពេលខាងមុខនេះ ជាពិសេសត្រូវផ្តល់ភាពសហការ ឬបង្កលក្ខណៈងាយស្រួល ដល់គណបក្សនយោបាយនានា ក្នុងការឃោសនា រកសំឡេងឆ្នោត ដោយគ្មានការរេីសអេីង៕SRP
