ខេត្តសៀមរាប៖មនុស្សម្នាក់បានស្លាប់និងម្នាក់ទៀតបានរងរបួស ក្នុងករណីគ្រោះថ្នាក់ចរាចរណ៍។
ហេតុការណ៍បានកើតឡើងនៅថ្ងៃព្រហស្បតិ៍ ថ្ងៃទី ២៧ ខែមករាឆ្នាំ ២០២២ វេលាម៉ោង២៤និង៣០នាទី លើផ្លូវជាតិលេខ៦ ត្រង់ចំណុច ខាងកើត មណ្ឌលសុខភាពព្រៃជ្រូក ចម្ងាយ ២៥០ ម៉ែត្រ ស្ថិតក្នុងភូមិព្រៃជ្រូក ឃុំព្រៃជ្រូក ស្រុកពួក ខេត្តសៀមរាប។
សមត្ថកិច្ចស្រុកពួកបានឲ្យដឹងថា ករណី គ្រោះថ្នាក់ចរាចរណ៍នេះ ទិសដៅស្របគ្នាពីលិចមកកើត រវាងគោយន្តកន្ត្រៃ និងរថយន្តម៉ាក ហ៊ីយាន់ដាយពណ៌ ក្រហមស ពាក់ផ្លាកលេខ ភ្នំពេញ 3B3293 សណ្តោងស៉ីរ៉ឺម៉កម៉កពាក់ផ្លាកលេខព្រះសីហនុ 4A 1105 បើកបរ ដោយជនមិនស្គាល់អត្តសញ្ញាណក្រោយពេលកើតហេតុរត់គេចខ្លួនបាត់ បានបុកគោយន្តកន្ត្រៃ ម៉ាគូបូតា ពណ៌ក្រហមុគ្មានផ្លាកលេខ បើកបរដោយ ឈ្មោះ វ៉ុន វៀង ភេទប្រុសអាយុ២៣ឆ្នាំនៅភូមិធ្វាស ឃុំត្រីញ័រ ស្រុកពួក ខេត្តសៀមរាប មុខរបរកសិករ របួសស្រាល ដឹកមនុស្សម្នាក់ឈ្មោះ មុំ អ៊ុន ភេទប្រុសអាយុ៦១ ឆ្នាំ រស់នៅភូមិធ្វាសឃុំត្រីញ័រ ស្រុកពួក ខេត្តសៀមរា មុខបរបរកសិករ ស្លាប់នៅកន្លែងកើតហេតុ។
ចំណែករថយន្តខូចខាតស្រាលនិងគោយន្តកន្ត្រៃខូចខាតធ្ងន់។ មូលហេតុ អ្នកបើកបររថយន្ត បើកបរ ក្នុងល្បឿនលឿនខ្វះការប្រុងប្រយ័ត្ន៕SRP
