ខេត្តសៀមរាប៖លោកសឿន តុលា ស្ថាបនិកក្រុមហ៊ុនផាផាយ៉ា បាននិពន្ធនូវអត្ថបទមួយក្រោមចំណងជើងថា«ភាពមាន និងក្រ គឺជាទម្លាប់»។
លោកសឿន តុលា បានសរសេរថា៖ ប្រសិនបើអ្នកជាមេទ័ព អ្នកអាចឈ្នះសត្រូវរាប់លាននាក់ ដោយសារតែឥទ្ធិពល នៃកម្លាំង យុទ្ធសាស្ត្រ ធ្វើការរួមគ្នា របស់កងទាហាន ទៅតាមបទបញ្ជានិងវិន័យ ” ប៉ុន្តែជោគជ័យនោះ មិនអាចរឹងមាំ ជាងមនុស្ស ដែលយកឈ្នះខ្លួនឯងបានឡើយ” នោះមានន័យថា គ្មានជោគជ័យណា ធំជាង ជោគជ័យដែលយើងយកឈ្នះខ្លួនឯងបាន នោះទេ។
មនុស្សនៅក្នុងលោកយើងនេះ មានពេលវេលា 24 ម៉ោងស្មើគ្នា ក្នុងមួយថ្ងៃ ប៉ុន្តែការប្រើពេលវេលាឲ្យមានប្រសិទ្ធភាពល្អ
ឲ្យបានផលល្អ គឺអាស្រ័យលើទម្លាប់ប្រចាំថ្ងៃរបស់យើងតែប៉ុណ្ណោះ ។
មនុស្សដែលមានទម្លាប់ល្អ ដើម្បីឈានទៅរកភាពមានបាន ពួកគេតែងតែឈ្នះលើខ្លួនឯងគ្រប់ពេលវេលា ពោលគឺពួកគេពង្រីកការគ្រប់គ្រងលើចិត្តខ្លួនឯង ដើម្បីគ្រប់គ្រងសមត្ថភាព និងពង្រីកសមត្ថភាព សម្រាប់លទ្ធផលថ្មីៗ ដែលនឹងកើតឡើងជាបន្តបន្ទាប់ រីឯមនុស្សដែលមានទម្លាប់អាក្រក់ ពួកគេមិនអាចយកឈ្នះខ្លួនឯងបានទេ ពួកគេមិនអាចគ្រប់គ្រងចិត្តខ្លួនឯងបានទេ ហេតុដូច្នេះហើយ ពួកគេចំណាយពេលច្រើន ទៅលើរឿងដដែលៗ ដែលមិនបានរៀន ពីកិច្ចការថ្មីៗ រីឯលទ្ធផលវិញ គឺកើតឡើងដដែលៗ ហើយកំហុស ដដែលៗ ទោះបីពួកគេមិនពេញចិត្តលទ្ធផលនោះក៏ដោយ ប៉ុន្តែពួកគាត់ត្រូវតែទទួលយក ទៅតាមដំណើររបស់ខ្លួន។
យើងតែងតែសាំជាមួយជីវិតរស់នៅក្នុងពេលបច្ចុប្បន្នដោយមិនដឹងខ្លួន ទាល់តែសោះ ឧទាហរណ៍ដូចជា យើងចូលធ្វើការម៉ោង 8:00 ព្រឹក ហើយ ចេញពីធ្វើការម៉ោង 5:00 ល្ងាចពេល មកដល់ផ្ទះ ទទួលទានអាហារពេលល្ងាច បន្ទាប់មក អង្គុយជជែកលេងជាមួយមិត្តភក្កិ ពីនេះពីនោះបែបសង្គម ឬមើល facebook ឬ ដេកមើលទូរទស្សន៍ ដែលជារឿយៗរហូតដល់ យើងដេកលក់ លុះដល់ស្អែកឡើង
យើងក៏ប្រញាប់ទៅក្រៅធ្វើការទៀតដោយធ្វើបែបនេះជារៀងរាល់ថ្ងៃ ។
ការប្រើទម្លាប់បែបនេះជារៀងរាល់ថ្ងៃ
អ្នកអាចមានសំណួរមួយដែលសួរថា:
1: តើខ្ញុំមានទម្លាប់បែបនេះអស់រយៈពេលប៉ុន្មានឆ្នាំហើយ?
ប្រសិនបើអ្នក មានទម្លាប់បែបនេះ 5 ឆ្នាំរួចទៅហើយ ប៉ុន្តែពេលឥឡូវនេះអ្នកមិនបានកត់សម្គាល់ ចំណុចអាក្រក់ ដើម្បីកែប្រែ ដើម្បីអភិវឌ្ឍខ្លួនទេ តើក្នុងរយៈពេល 5 ឆ្នាំទៅមុខទៀត អ្នកនឹងបានទទួលអ្វីខ្លះ?
” លទ្ធផលប្រសើរឡើងសម្រាប់អនាគត គឺអាស្រ័យទៅលើសមត្ថភាពរបស់អ្នក ដំណឹងល្អនោះគឺថា : សមត្ថភាពរបស់អ្នកគឺជាសិទ្ធិរបស់អ្នក ដែលអ្នកអាចពង្រីកបានចាប់ពីពេលនេះទៅ ដោយគ្មានអ្វីធ្វើជាឧបសគ្គបានឡើយ ប្រសិនបើអ្នកតាំងចិត្តមែននោះ៕
និពន្ធដោយលោក សឿន តុលា ស្ថាបនិកក្រុមហ៊ុន ផា ផា យ៉ាPAPAYA NEXT STEP CO,.LTD. * PAPAYA REAL ESTATE ( គម្រោងអភិវឌ្ឍន៍អចលនទ្រព្យ) *PAPAYA HOMESTAY (គម្រោងលើវិស័យទេសចរណ៍)*PAPAYA GARDEN ( គម្រោងលើវិស័យកសិកម្មនិងចែកចាយអាហារ)