ខេត្តសៀមរាប៖លំនៅដ្ឋានប្រជាពលរដ្ឋមួយក្នុងផ្លូវបានអគ្គិភ័យឆាបឆេះទាំងស្រុង រសៀលថ្ងៃទី០៣ ខែមេសា ម្សិលមិញុ។
ហេតុការណ៍បានកើតឡើងស្ថិត
នៅភូមិខាងត្បូង ឃុំមោង ស្រុកស្រីស្នំ ខេត្តសៀមរាប។
មន្ត្រីមូលដ្ឋានឲ្យដឹងថាផ្ទះដែលរងការឆេះ ប្រភេទឈើលើថ្មក្រោម មានទំហំ ៩ម៉ែត្រគុណ៦ម៉ែត្រ ម្ចាស់ឈ្មោះ សរ សួល ភេទប្រុស អាយុ៤១ឆ្នាំ។
ករណីនេះបណ្តាលអោយខូចខាត គ្រែដេក៤ ទូរដាក់ខោអាវ៤ និងទូរទស្សន៍ ១គ្រឿង។ ចំណែកមាសប្រាក់ នឹងរបស់របរសម្ភារមួយចំនួនផ្សេងៗត្រូវបានពលរដ្ឋ អ្នកជិតខាងជួយយកចេញទាន់ពេល។
សមត្ថកិច្ចបញ្ជាក់ថា បានជួយអន្តរាគមន៍ពន្លត់ ដោយកម្លាំងនគរបាលស្រុកស្រីស្នំប្រើទឹកអស់១ឡាន។ មូលហេតុដោយសារឆ្លងចរន្តអគ្គិសនី ពីផ្នែកខាងលើផ្ទះ៕SRP
