ខេត្តសៀមរាប៖លោកយាយ ចាន់ ឃីម ដែលស្ម័គ្រចិត្តចាក់វ៉ាក់សាំងកូវីដ-១៩ លេខរៀងទី៧លាន ទទួលបានអំណោយពីសម្តេចហ៊ុន សែន នាយករដ្ឋមន្ត្រី។

លោកយាយ ចាន់ ឃីម រស់នៅភូមិកន្ទ្រក់ សង្កាត់ស្វាយដង្គំ ក្រុងសៀមរាប ដែលបានស្ម័គ្រចិត្តទទួលបានការចាក់វ៉ាក់សាំង លេខរៀងទី៧លាន ទទួលបានថវិកាចំនួន១០លានរៀល និងសម្ភារផ្សេងទៀត ពីសម្ដេច ហ៊ុន សែន តាមរយៈលោកស្រី ឱ វណ្ណឌីន រដ្ឋលេខាធិការក្រសួងសុខាភិបាល៕SRP

ខេត្តសៀមរាប៖បុរសម្នាក់ត្រូវបានគេប្រទះឃើញដេកស្លាប់ បង្កឲ្យមានការភ្ញាក់ផ្អើលដល់សមត្ថកិច្ច។ហេតុការណ៍ប្រទះឃើញនៅថ្ងៃទី២៨ ខែកក្កដា ព្រឹកមិញនេះ ស្ថិតត្រង់ចំណុច មុខរោងកាត់សក់ទុកចោល ផ្លូវចូលទៅស្ពាន វត្តពោធិ៍ពីរដើម ក្រុមទី៦ភូមិទ្រាំង សង្កាត់ស្លក្រាម ក្រុងសៀមរាប។

យោងតាមរបាយការណ៍របស់សមត្ថកិច្ចបានឲ្យដឹងថាក្រោយទទួលបានព័ត៌មានពីប្រជាពលរដ្ឋសមត្ថកិច្ចបានចុះទៅដល់កន្លែងកើតហេតុជនរងគ្រោះជាមនុស្សប្រុស មិនស្គាល់អត្តសញ្ញាណ(ជនអនាថា)អាយុប្រហែល៦០ឆ្នាំ។

របាយការណ៍បន្តថាតាមការពិនិត្យរបស់លោកវេជ្ជបណ្ឌិត អ៊ិត ឆបឆរត្ន័ បានសន្និដ្ឋានថា ជនរងគ្រោះបានស្លាប់ដោយសារស្ទះសសៃឈាមបេះដូង(ខ្យល់គរ)  និង បានធ្វើតេស្តរកមេរោគកូវីត១៩ ជាលទ្ធផលអវិជ្ជមាននិងមានការ ចូលរួមពិនិត្យសាកសព របស់មន្ត្រីជំនាញផ្នែកកោសលវិច្ច័យ ខេត្តនិងក្រុងដោយពុំមានស្លាកស្នាមអ្វី ពាក់ព័ន្ធនឹងបទល្មើសព្រហ្មទណ្ឌឡើយ។ ករណីនេះបានប្រគល់សាកសពឲ្យមេភូមិ និងចៅសង្កាត់ យកទៅតម្កល់ទុកនៅវត្តព្រះឥន្ទកោសីយ៍ ដើម្បីធ្វើការស្រាវជ្រាវរកសាច់ញាតិ៕SRP

ខេត្ដព្រះវិហារ៖ប្រជាពលរដ្ឋចំនួន ៤៥គ្រួសារ រស់នៅក្នុងភូមិភាកិច្ច សង្កាត់ប៉ាលហាល ក្រុងព្រះវិហារជួបការលំបាក នាពេលអាជ្ញាធកំពុងបិទខ្ទប់ដើម្បីទប់ស្កាត់ជំងឺកូវីត១៩ ទទួលបានអំណោយពីសាលាដំបូងខេត្តព្រះវិហារ។

ការទទួលបាននៅថ្ងៃពុធ ទី២៨ ខែកក្កដា នេះដោយតាមរយៈលោក សេង ម៉េងស៊្រុន លោក ថុល គឹមហឹង, លោក គឹម សំលេង និង លោក វុធ សាវី ជាព្រះរាជអាជ្ញារង អមសាលាដំបូងខេត្តព្រះវិហារ តាមការណែនាំរបស់លោកទី សុវឹនថាល់ ព្រះរាជអាជ្ញា ខេត្តព្រះវិហារ។

ក្នុងឱកាសចុះចែកអំណោយនេះ លោក វុធ សាវី ព្រះរាជអាជ្ញារងខេត្តព្រះវិហារ បានមានមតិសំណេះសំណាលនឹងណែនាំដល់ប្រជាពលរដ្ឋ ដោយសូមឲ្យចូលរួមគោរពវិធានការ របស់រាជរដ្ឋាភិបាល ក៏ដូចជាក្រសួងសុខាភិបាលគឺ ៣កុំ និង៣ការពារ។ ជាមួយគ្នានវដែរលោកក៏បានផ្តាំផ្ញើដល់ប្រជាពលរដ្ឋ ដែលកំពុងខ្វះខាតក្នុងអំឡុងពេលបិទខ្ទប់នេះ ប្រសិនមានការខ្វះខាត ត្រង់ប្រការមួយ សូមទំនាក់ទំនងមកកាន់លេខទូរស័ព្ទ «០៩៦ ២៧៥ ៦៤០៣» ដើម្បីក្រុមការងាររៀបចំចាត់ចែងយកទៅប្រគល់ជូនប្រជាពលរដ្ឋ រហូតថ្ងៃផុត ពីការបិទផ្ទប់នេះផងដែរ។សូមជម្រាបថាអំណោយដែលត្រូវប្រគល់ជូនរួមមាន៖.អង្ក .មី .ទឹកត្រី.ទឹកស៊ីវអ៊ីវ .អំបិល .ត្រីខនិងបីចេង៕SRP

ខេត្តសៀមរាប៖លោក សឿន តុលា ស្ថាបនិកក្រុមហ៊ុន ផា ផា យ៉ា បាននិពន្ធនូវអត្ថបទមួយក្រោមចំណងជើងថា”គោលដៅ គឺជាថាមពល”។

លោក សឿន តុលា បានសរសេរថា៖ នៅក្នុងលោកយើងនេះ គ្មាននរណាម្នាក់ចង់បានការរស់នៅក្នុងភាពក្រីក្រនោះទេ ពីព្រោះមនុស្ស គឺត្រូវការប្រាក់ ដើម្បីបានចំណីអាហារ ដើម្បីបានទីជម្រក សមសម្លៀកបំពាក់ និងថ្លៃនៃការចំណាយផ្សេងៗ ក្នុងជីវិតប្រចាំថ្ងៃ ប៉ុន្តែ មនុស្សជាច្រើនមានការភាន់ច្រឡំ ជាមួយនិងប្រាក់ ហើយអាក់ខានមិនបានស្វែងយល់ អំពីគុណតម្លៃនៃប្រាក់ ព្រមទាំង ពួកគេអាខាន់ ដើម្បីស្វែងយល់ ថាតើ ប្រភេទធ្វើជំនួញអ្វីខ្លះ ដើម្បីឲ្យបានទទួលសាច់ប្រាក់ល្អ ត្រឡប់មកវិញ ប៉ុន្តែការដាក់គោលដៅ តែងតែជារឿងល្អ សម្រាប់ម្ចាស់អាជីវកម្ម ដើម្បីជំនះឧបសគ្គ ដើម្បីបង្កើនថាមពលក្នុងខ្លួន និងដើម្បី ទាក់ទាញ បានបុគ្គលិកជំនាញ ឱ្យនៅនៅជុំវិញខ្លួន និងដើម្បីទទួលបានផល ដែលយើងបានកំណត់ ។

សូមចងចាំថា ការដាក់គោលដៅ គឺតម្រូវឱ្យយើងអនុវត្ត ប្រសិនបើយើងមិនអនុវត្តទេ យើងគ្រាន់តែជាអ្នកនិយាយពាក្យថា ” គោលដៅតែប៉ុណ្ណោះ” សូមចងចាំថា ឱកាសល្អកើតឡើង សម្រាប់តែមនុស្ស ដែលបានដាក់គោលដៅ និងមានជំនាញ រៀបចំចាត់ចែងមនុស្សធ្វើការតែប៉ុណ្ណោះ រីឯជនរងគ្រោះ ដោយមិនដឹងខ្លួន គឺអ្នកដែលរង់ចាំឱកាស ដោយមិនបានគិត អំពីពេលវេលា ដែលឈឺចាប់ ដែលត្រូវបានចំណាយទៅលើពាក្យថា ” ការរងចាំ” នោះឡើយ។
ការអនុវត្តដដែលដើម្បីឱ្យបានលទ្ធផលដដែល ប៉ុន្តែថាមពលរបស់យើង មិនអាចរក្សាភាពដដែលបានទេ នោះគឺជារឿងខ្លោចផ្សានៅចុងបញ្ចប់។

ការអនុវត្តដ៏មហាសាលគឺសំដៅទៅលើការផ្លាស់ប្ដូរវិធី ដើម្បីឆ្ពោះទៅរកគោលដៅរហូតទទួលបានផលិតផលតាមតែយើងបានកំណត់ សូមចងចាំ ” មនុស្សដែលមើលងាយខ្លួនឯង មិនហ៊ានដាក់គោលដៅ ដើម្បីឲ្យបានសម្រេចអ្វីមួយនោះទេ ហើយពួកគេគ្មានថាមពលក្នុងខ្លួនគ្រប់គ្រាន់ ដើម្បីសម្រេចបានអ្វីមួយនោះឡើយ ”
ក្នុងការធ្វើជំនួញ ដើម្បីឱ្យបានលទ្ធផលអស្ចារ្យ យើងត្រូវតែមានក្រុមការងារ ដែលត្រូវការរបាយការណ៍ ហើយក្រុមការងារ ដែលមានកម្លាំងខ្លាំង គឺត្រូវតែអនុវត្តតាមការដាក់គោលដៅ ”
គោលដៅជួយឱ្យមាន:

1. គោលដៅបង្កើតឲ្យមានថាមពល និងរៀបចំពេលវេលាត្រឹមត្រូវ
2. គោលដៅនាំឲ្យមានជំនាញ និងបង្កើនជំនាញ ជាពិសេសនោះ ពួកគេរៀនបានលឿននៅក្នុងប្រព័ន្ធការងារ
3. គោលដៅនាំឱ្យមានការ ប្ដូរភាពភ័យខ្លាចឲ្យក្លាយជាថាមពល។

និពន្ធដោយលោក សឿន តុលា ស្ថាបនិកក្រុមហ៊ុន ផា ផា យ៉ា PAPAYA NEXT STEP CO,.LTD. *PAPAYA REAL ESTATE (គម្រោងអភិវឌ្ឍន៍អចលនទ្រព្យ)*PAPAYA HOMESTAY(គម្រោងលើវិស័យទេសចរណ៍)

*PAPAYA GARDEN (គម្រោងលើវិស័យកសិកម្មនិងចែកចាយអាហារ)

ភ្នំពេញ៖រដ្ឋមន្ត្រីក្រសួងមហាផ្ទៃ បានប្រាប់អភិបាល រាជធានី ខេត្ត ស្តីពីការពន្យាពេលនៃការរៀបចំវេទិកាផ្សព្វផ្សាយ និងពិគ្រោះយោបល់ របស់ក្រុមប្រឹក្សារាជធានី ខេត្ត ក្រុង ស្រុក ខណ្ឌ។ នេះបើយោងតាមលិខិតរបស់ក្រសួងមហាផ្ទៃ ដែលចុះហត្ថលេខា ដោយសម្ដេច ស ខេង នៅថ្ងៃទី២៧ ខែកក្កដា ឆ្នាំ២០២១នេះ៕SRP

ភ្នំពេញ៖ឯកឧត្តម ខៀវ កាញារីទ្ធ រដ្ឋមន្ត្រីក្រសួងព័ត៌មាន បានផ្ញើសារលិខិតអបអរសាទរ និងគោរពជូនពរ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា ក្នុងឱកាសទទួលគ្រឿងឥស្សរិយយសថ្នាក់ «មិត្តភាព-Order of Friendship» ពីប្រធានាធិបតីរុស្ស៉ី វ្ល៉ាឌីមៀរ ពូទីន៕SRP

ខេត្តត្បូងឃ្មុំ៖គ្រឿងញៀនប្រមាណជាង១៣៤គីឡូក្រាម ដែលប្រមូលបានពីការបង្ក្រាបបទល្មើសជាង៨០០សំណុំរឿង ក្នុងខេត្តចំនួន០៨ ត្រូវបានធ្វើពិធីដុតកម្ទេចចោល នៅខេត្តត្បូងឃ្មុំ។

ពិធីនៅថ្ងៃទី២៧ ខែកក្កដា ព្រឹកមិញនេះ ក្រោមវត្តមានលោកមាស វិរិទ្ធ អគ្គលេខាធិការ នៃអគ្គលេខាធិការដ្ឋានអាជ្ញាធរជាតិប្រយុទ្ធប្រឆាំងគ្រឿងញៀន លោក ជាម ច័ន្ទសោភ័ណ អភិបាលខេត្តត្បូងឃ្មុំ, និងលោក ហួត វុទ្ធី អគ្គព្រះរាជអាជ្ញា នៃមហាអយ្យការអមសាលាឧទ្ធរណ៍ត្បូងឃ្មុំ។

គ្រឿងញៀន ដែលបានដុតចោលទទួលបានពីសាលាដំបូង និងអយ្យការអមសាលាដំបូងខេត្តចំនួន៨ រួមមាន ខេត្តត្បូងឃ្មុំ ខេត្តកំពង់ចាម ខេត្តកំពង់ធំ ខេត្តក្រចេះ ខេត្តស្ទឹងត្រែង ខេត្តរតនគិរី ខេត្តមណ្ឌលគិរី និងខេត្តព្រះវិហារ សរុបទម្ងន់ ១៣៤,១៣៩.៥៤ គីឡូក្រាម និងគ្រឿងញៀនប្រភេទគ្រាប់WYចំនួន៥៨គ្រាប់។

សូមជម្រាបថា បរិមាណគ្រឿងញៀនជាច្រើនសន្ធឹកសន្ធាប់ខាងលើនេះ គឺពួកឧក្រិដ្ឋជនបានយកគ្រឿងញៀន ធ្វើជាមុខរបរជំនួញ ហើយគ្រឿងញៀននេះបានពង្វក់ស្មារតីអូសទាញ ដល់ជនស្លូត ត្រង់ភាគច្រើនជាយុវវ័យ ឲ្យប្រើប្រាស់គ្រឿងញៀនដោយខុសច្បាប់បណ្តាលឲ្យខូចសុខភាព និង ឈានរហូតដល់ប្រព្រឹត្តបទល្មើស ជាអាទិ៍ អំពើឃាតកម្ម ចាប់ជំរិត រំលោភសេពសន្ថវៈ លួច ឆក់ ប្លន់ទ្រព្យសម្បត្តិ បង្កើតជាក្រុមបងតូចបងធំ ប្រព្រឹត្តអំពើហិង្សាក្នុងគ្រួសារ បង្កភាពអសន្តិសុខ និងធ្វើអោយប៉ះពាល់ដល់សណ្តាប់ធ្នាប់ និងរបៀបរៀបរយសាធារណៈក្នុងសង្គមជាតិផងដែរ។

ចំណែកសមត្ថកិច្ចទាំងអស់ ទាំងមន្ត្រីនគរបាលយុត្តិធម៌ អាជ្ញាធរមូលដ្ឋាន ព្រមទាំងសា្ថប័ន តុលាការ បានខិតខំយកចិត្តទុកដាក់អនុវត្តវិធានការច្បាប់ដោយមិនយោគយល់ ឬអត់ឱនដល់ជន ទាំងឡាយណាដែលបានប្រព្រឹត្តបទល្មើសទាំងអស់នេះជាដាច់ខាត ហើយបរិមាណគ្រឿងញៀន ដ៏ច្រើននេះ ប្រសិនបើសមត្ថកិច្ចបង្ក្រាបមិនទាន់ពេលវេលាទេនោះ វានឹងបង្កផលប៉ះពាល់ ធ្ងន់ធ្ងរដល់សុខភាពប្រជាពលរដ្ឋ ជាពិសេសអនាគតយុវវ័យដែលជាទំពាំងស្នងឫស្សីរាប់ពាន់ម៉ឺន នាក់ជាក់ជាមិនខានឡើយ <<ត្រូវនិយាយថាទេចំពោះគ្រឿងញៀន, គ្រឿងញឿនបំផ្លាញអនាគតខ្លួន គ្រួសារ និងសង្គមជាតិទាំងមូល>>៕SRP

ខេត្តសៀមរាប៖លោក​ សឹង្ហ​ សំរឹទ្ធិ​ អនុប្រធាន​ សមាគមចលនាយុវជនកម្ពុជា(ក្រុម១៥៧) ខេត្តសៀមរាប​ នៅថ្ងៃ​អង្គារ​ ទី​២៧​ ខែកក្កដា​ ឆ្នាំ២០២១ នេះ បានដឹកនាំសមាជិក សមាជិកា​ នាំយកអំណោយរបស់​ ប៊ូទិក​ សម្បត្តិ​ ពន្លឺជ័យ​ ជូនដល់សាលាសង្កាត់ជ្រាវ​ ក្រុងសៀមរាប​។

លោក​ សឹង្ហ​ សំរឹទ្ធិ​ បានឲ្យដឹងថាអំណោយដែលបានឧបត្តម្ភ ជូនសាលាសង្កាត់ជ្រាវ រួមមាន៖ទឹកសុទ្ធ​ ចំនួន ២០០យួរ ម៉ាស ចំនួន​១៥ប្រអប់ ស្មើ ៧៥០ម៉ាស អាកុល (១០០មីលីលីត្រ)​ចំនួ​ន​២០០ដបផងដែរ។

ក្នុងឱកាសនោះផងដែរ លោក​ សឹង្ហ​ សំរឹទ្ធិ​ ក្នុងនាមតំណាង លោកហ៊ុន ប៉ូគា ប្រធានសមាគម ចលនាយុវជនកម្ពុជា (ក្រុម១៥៧) ខេត្តសៀមរាប​ បានសំណេះសំណាល ជាមួយលោកគង់ ប៊ឹប ចៅសង្កាត់រងទី១ជ្រាវ ដោយលើកឡើងថាការផ្ដល់អំណោយខាងលើនេះ ដើម្បីចូលរួមទប់ស្កាត់ជំងឺកូវីដ១៩ ដែលកំពុងរីករាលដាលនៅក្នុងសហគមន៍។

លោក​ សឹង្ហ​ សំរឹទ្ធិ ក៏បានមានមតិផ្ដាំផ្ញើដល់មន្ត្រីសង្កាត់ជ្រាវ ដោយសូមចូលរួមក្នុងការអនុវត្តវិធានការណែនាំរបស់រាជរដ្ឋាភិបាល ៣កុំ ៣ ការពារ ទាំងអស់គ្នាដើម្បីចៀសផុតពីជំងឺកូវីដ១៨៕SRP

ខេត្តកំពង់ចាម​៖លោកតាឯក ប៊ុន អាយុ ១០៤ឆ្នាំ រស់នៅភូមិពោធិ៍ ឃុំស្វាយពោធិ៍  ស្រុកស្រីសន្ធរ ដែលលោកតា មានស្មារតីខ្ពស់ ចូលរួមចាក់វ៉ាក់សាំងបង្ការជំងឺកូវីដ-១៩ ក្នុងដូសទី១ ដើម្បីការពារអាយុជីវិតខ្លួនឯង និងក្រុមគ្រួសារ បានទទួលអំណោយ សម្ភារជាគ្រឿងឧបភោគ បរិភោគ និងថវិកាមួយចំនួន ពីនាយករដ្ឋមន្ត្រីហ៊ុន សែន ដេីម្បី​លើកទឹកចិត្ត សម្រាប់ផ្គត់ផ្គង់ជីវភាព។

ការទទួលបានអំណោយនៅថ្ងៃទី២៧ ខែកក្កដា ឆ្នាំ២០២១ នេះ តាមរយ: លោកស្រីឱ វណ្ណឌីន រដ្ឋលេខាធិការក្រសួងសុខាភិបាល និងជាប្រធានគណៈកម្មការចំពោះកិច្ចចាក់វ៉ាក់សាំងកូវីដ-១៩។

សូមជម្រាបថាលោកតា ឯក ប៊ុន អាយុ ១០៤ឆ្នាំ ដែលបានស្ម័គ្រចិត្តចាក់វ៉ាក់សាំងការពារជំងឺកូវីដ ១៩ កាលពីថ្ងៃទី២០ កក្កដា កន្លងទៅ ហើយអំណោយបាន រួមមាន៖  ថវិកាចំនួន ៣លានរៀល មី០៨កេស ត្រីខ ០១កេសធំ ទឹកសុទ្ធ ០២កេស អង្ករ០៤បេ ទឹកត្រី០២យួរ និងប្រេងឆា០២ដប៕SRP

ខេត្តកំពង់ចាម​៖ធនាគារវឌ្ឍនៈ សាខាខេត្តកំពង់ចាម នៅព្រឹកមិញនេះបានឧបត្ថម្ភ​ជា​សម្ភារបរិក្ខារពេទ្យ ជូនអាជ្ញាធរខេត្តកំពង់ចាម។

ការផ្ដល់ធ្វើឡើងនៅរដ្ឋបាលខេត្តកំពង់ចាម ក្រោមកិច្ចទទួល ពីសំណាក់លោក អ៊ុន ចាន់ដា អភិបាលខេត្តកំពង់ចាម។

លោកអ៊ុន ចាន់ដា បានថ្លែងអំណរគុណយ៉ាងជ្រាលជ្រៅចំពោះ អគ្គនាយកធនាគារវឌ្ឍនៈ ដែលបានឧបត្ថឧបករណ៍ តេស្តរហ័ស កូវីដ-១៩ ចំនួន ១២៥០ឈុត និងថ្នាំពេទ្យ ចំនួន៨០០ប្រអប់ ជូនដល់គណៈកម្មការខេត្តប្រយុទ្ធ​ប្រឆាំង​នឹងជំងឺកូវីដ-១៩ ដើម្បីយកទៅប្រើប្រាស់​ ក្នុងយុទ្ធនាការ​ប្រយុទ្ធ​ប្រឆាំង​ នឹងជំងឺកូវីដ-១៩ ក៏ដូចជា​ការ​ទប់ស្កាត់​ព្រឹត្តិការណ៍សហគមន៍២០-កុម្ភៈ ក្នុងក្របខណ្ឌខេត្តកំពង់ចាម។

អភិបាលខេត្តបានថ្លែងថា​ អំណោយមនុស្សធម៌របស់ធនាគារវឌ្ឍនៈសាខាខេត្តកំពង់ចាម នាពេលនេះ គឺជាការចូលរួមចំណែកយ៉ាងសំខាន់ជាមួយ រាជរដ្ឋាភិបាល ក៏ដូចជា​រដ្ឋបាលខេត្ត ក្នុងការចូលរួមប្រយុទ្ធ​ប្រឆាំង​នឹង​ការឆ្លងរាលដាលនៃជំងឺកូវីដ-១៩៕SRP

ភ្នំពេញ៖នាយករដ្ឋមន្ត្រីខ្មែរ សម្ដេចហ៊ុន សែន បានថ្លែងអំណរ​​គុណចំពោះរដ្ឋាភិបាល និងប្រជាជនជប៉ុន ដែលបានជួយរាជរដ្ឋាភិបាលកម្ពុជា ក្នុងការ​ប្រយុទ្ធប្រឆាំងជំងឺរាតត្បាត សកលកូវីដ-១៩ ដែលបន្ថែមពីលើការបរិច្ចាកវ៉ាក់សាំង បាន​ផ្ដល់ជំនួយជាហិរញ្ញប្បទានឥតសំណង ចំនួន៥៥លានដុល្លារអាម៉េរិក និងឥណទាន​សម្បទានប្រមាណ ២៣០ ដុល្លារអាម៉េរិកទៀតនោះ។

តាមរយៈសារលិខិតមួយផ្ញើទៅកាន់ លោក ស៊ូហ្គា យ៉ូស៊ីហ៊ីដេ នាយករដ្ឋមន្ត្រី​ជប៉ុន ចុះថ្ងៃទី២៤ ខែកក្កដា ឆ្នាំ២០២១ សម្តេចតេជោ ហ៊ុន សែន បានគូសបញ្ជាក់ថា «តាងនាមរាជរដ្ឋាភិ បាលនិងប្រជាជនកម្ពុជា ខ្ញុំសូមថ្លែងអំណរគុណយ៉ាងស្មោះស្ម័គ្រជូន ចំពោះរដ្ឋាភិបាលនិងប្រជាជនជប៉ុនសម្រាប់ការផ្ដល់វ៉ាក់សាំង Astra Zeneca ផលិតនៅក្នុង ប្រទេសជប៉ុនចំនួន ១ លានដូសជូនដល់កម្ពុជា។ ការបរិច្ចាគដ៏ថ្លៃថ្លានេះបានឆ្លុះបញ្ចាំង ដ៏ជ្រាលជ្រៅពីទំនាក់ទំនងដ៏យូរអង្វែង និងកិច្ចសហប្រតិបត្តិការដ៏ប្រសើររវាង ប្រទេស យើងទាំងពីរ និងចូលរួមចំណែកយ៉ាងសំខាន់ដល់ការអនុវត្តកម្មវិធីជាតិផ្តល់វ៉ាក់សាំង ប្រឆាំងកូវីដ-១៩ របស់កម្ពុជា»។

សម្តេចហ៊ុន សែន បានថ្លែងថា បើទោះជាជំងឺរាតត្បាតសកល​កូវីដ-១៩នេះ បានធ្វើឱ្យប៉ះពាល់យ៉ាងធ្ងន់ធ្ងរដល់សេដ្ឋកិច្ច-សង្គម ការរស់នៅប្រចាំថ្ងៃ និង​ជីវភាពរបស់យើង និងបានធ្វើឱ្យរាំងស្ទះដល់កិច្ចប្រជុំនានា និងការជួបជុំគ្នាជាលក្ខណៈ​រូបវន្ត​រវាងប្រទេសយើងទាំងពីរ យ៉ាងណាក្តី ប៉ុន្តែកូវីដ-១៩មិនអាចរាំងស្ទះដល់កិច្ច​សហ​ប្រតិបត្តិ ការទ្វេភាគីរបស់យើងឡើយ ដោយសារបច្ចេកវិទ្យាឌីជីថល។

នាយករដ្ឋមន្ត្រីបានបន្ថែមទៀតថា ដោយមានការលេចឡើងនូវប្រភេទវីរុសបំប្លែងថ្មី​សកម្ម​ភាព​របស់យើងក្នុងការប្រយុទ្ធប្រឆាំងនឹងជំងឺកូវីដ-១៩ នេះមិន អាចបញ្ចប់ក្នុង​ពេលឆាប់ៗ​នោះទេ។ ដូច្នេះកម្ពុជាពិតជារីករាយណាស់ក្នុងការបន្តធ្វើការយ៉ាង​ជិតស្និទ្ធ ជាមួយរដ្ឋាភិ​បាលជប៉ុននៅក្នុងអំឡុងពេលនិងក្រោយពេលនៃ ជំងឺរាតត្បាតសកលនេះ ដើម្បីជំរុញផែន​ការស្តារសេដ្ឋកិច្ចឡើងវិញរបស់យើង។

ឆ្លៀតក្នុងឱកាសនេះដែរ សម្តេច ហ៊ុន សែន
សូមកោតសរសើរយ៉ាងខ្លាំងចំពោះកិច្ច​ខិត​ខំប្រឹងប្រែង របស់ជប៉ុន ក្នុងការរៀបចំកីឡាអូឡាំពិក និងប៉ារ៉ាឡាំពិកនៅក្នុងបរិបទនៃ​ជំងឺ​រាតត្បាតសកលនេះ ហើយសម្តេច ក៏បានជូនពរឱ្យប្រទេសជប៉ុន​រៀបចំកម្មវិធីកីឡា​នេះទទួលបានជោគជ័យប្រកបដោយផ្លែផ្កា។

ប្រមុខរាជរដ្ឋាភិបាល​កម្ពុជា សម្ដេចហ៊ុន សែនក៏បាន​គូសបញ្ជាក់ផងដែរថា «សម្តេចបានទន្ទឹងរង់ចាំបំពេញការងារយ៉ាងជិតស្និទ្ធជាមួយ​លោក នាយករដ្ឋមន្ត្រីជប៉ុនទាំងនៅក្នុងក្របខ័ណ្ឌទ្វេភាគី និងទាំងក្របខ័ណ្ឌពហុភាគី ជាពិសេសនៅក្នុងឱកាសកិច្ចប្រជុំកំពូលអាស៊ី-អឺរ៉ុប ដែលនឹងត្រូវរៀបចំតាមរយៈ ប្រព័ន្ធ វីដេអូ នៅខែវិច្ឆិកាឆ្នាំនេះ និងនៅក្នុងឱកាសកម្ពុជាធ្វើជាប្រធានប្តូរវេនអាស៊ាន នៅឆ្នាំ​ក្រោយ ដើម្បីជាប្រយោជន៍ទៅវិញទៅមកនៃប្រជាជាតិ និងប្រជាជនយើង»។

គួរំឭកថា ក្នុងសារលិខិតរបស់ នាយករដ្ឋមន្ត្រីជប៉ុន​ ដែលត្រូវបាន​ប្រគល់ជូនសម្តេចតេជោ ហ៊ុន សែន ដោយលោកឯកអគ្គរដ្ឋទូតជប៉ុនប្រចាំកម្ពុជា កាល​ពី​យប់​ថ្ងៃទី២៣ ខែកក្កដា ២០២១ ក្នុងឱកាសទទួលវ៉ាក់សាំង Astra Zeneca ផលិត​នៅ​ក្នុងប្រទេសជប៉ុនជូនដល់កម្ពុជានោះបានលើកឡើងថា ការឆ្លងរីករាលដាលនៃមេរោគ​កូវីដ-១៩នេះ ក៏បានជះឥទ្ធិពល ដល់ការផ្លាស់ប្ដូររវាងប្រទេសយើងទាំងពីរផងដែរ ប៉ុន្តែ​គម្រោងកិច្ចសហប្រតិបត្តិការរបស់ជប៉ុននៅកម្ពុជា បាននិងកំពុងបន្តដំណើរការយ៉ាង​រឹង​មាំ។
លោកនាយករដ្ឋមន្ត្រីក៏បានមានប្រសាសន៍ថា «ខ្ញុំក៏កំពុងផ្តោត ការយកចិត្ត​ទុក​ដាក់ទៅលើការបន្តរដំណើរការទៅមុខនូវគម្រោងដ៏សំខាន់ៗមិនអាចខ្វះបាន សម្រាប់ការ​អភិវឌ្ឍសេដ្ឋកិច្ច​របស់ប្រទេសកម្ពុជា ដូចជាគម្រោងកំពង់ផែ ក្រុងព្រះសីហនុ និងផ្លូវជាតិ​លេខ៥ជាដើម»៕SRP