ខេត្តសៀមរាប៖លោកទៀ សីហា អភិបាលខេត្តសៀមរាប នឹងជាប្រធានគណ:បញ្ជាការឯកភាពខេត្ត បានសម្ដែងនូវការកោតសរសើរ លោកវរសេនីយ៍ឯក  ហង្ស  សូផាតភីរម្យ  នាយការិយាល័យនគរបាលព្រហ្មទណ្ឌ កម្រិតស្រាល នៃស្នងការខេត្តសៀមរាប ដែលបានសហការគ្នា ជាមួយកងកម្លាំងសមត្ថកិច្ច ក្នុងការទប់ស្កាត់ បទល្មើសបានយ៉ាងល្អប្រសើរ។

សារសម្លេងលោកវរសេនីយ៍ឯក  ហង្ស  សូផាតភីរម្យ នាយការិយាល័យព្រហ្មទណ្ឌកម្រិតស្រាល៖

លោកទៀ សីហា អភិបាលខេត្ត  បានឲ្យដឹងថា៖ ខ្ញុំសូមកោតសរសើរ ចំពោះសារសំលេងរបស់បង ភិរម្យ ប្រធានការិយាល័យ ព/ទ កម្រិតស្រាល។ សហការគ្នាល្អ ជាមួយកងកម្លាំងមានសមត្ថកិច្ច ដែលបានព្យាយាម រក្សាសន្តិសុខ របស់ខេត្តយើង សូមបន្តសហការ និងបង្ក្រាបបទល្មើស អោយមានប្រសិទ្ធភាព។

លោកអភិបាលខេត្ត ក៏បានបញ្ជាក់បន្ថែមថា៖ អរគុណដល់បងចិត្រ ផងដែរ ដែលតែងតែជួយ ផ្សព្វផ្សាយ ព័ត៌មានពិត របស់អជ្ញាធរខេត្តយើង។

សូមបញ្ជាក់ថានៅថ្ងៃទី២១ ខែតុលា ឆ្នាំ២០២០ ស្ថិតនៅភូមិគ្រួស សង្កាត់ស្វាយដង្គំ ក្រុងសៀមរាប ម្សិលមិញ នគរបាលព្រហ្មទណ្ឌ កម្រិតស្រាល និងការិយាល័យ នគរបាល ព្រហ្មទណ្ឌកម្រិតធ្ងន់ សហការ ជាមួយ ក្រុងសៀមរាប និងប៉ុស្ដិ៍នគរបាល ទាំង៤សង្កាត់ ក្នុងក្រុងសៀមរាប បានចាប់ខ្លួនបុរសម្នាក់ ពីបទ៖លួចមានស្ថានទម្ងន់ទោស «កាច់សោរកម៉ូតូ»។

ជនសង្ស័យ ឈ្មោះ មុត សុភា ហៅចាន់ នី អាយុ៤១ឆ្នាំ ទីលំនៅសង្កាត់ទួលពង្រ ខណ្ឌពោធិ៍សែនជ័យ រាជធានីភ្នំពេញ។

ប៉ូលិសខេត្តសៀមរាប បានដឹងថា ខណ:កម្លាំងនគរបាល កំពុងចុះល្បាត ក៏បានប្រទះឃើញ មុខសញ្ញាចាស់ «កាច់សោរ.ក» ម៉ូតូចំនួនពីរនាក់ ដែលធ្លាប់បានប្រព្រឹត្ត កន្លងមក នឹងបម្រុងធ្វើសកម្មភាពទៀត ប៉ុន្តែត្រូវបានបង្ក្រាបបានភ្លាមៗ បានម្នាក់ និងម្នាក់ទៀតជិះម៉ូតូរត់គេចខ្លួនបាត់។

បើតាមប៉ូលិសបញ្ជាក់ថាករណីនេះ ដកហូតវត្ថុតាង រួមមាន៖សោរ សម្រាប់ កាច់សោរ កម៉ូតូចំនួន៣ដើម គ្រាប់ដែកឆក់តូចៗ សម្រាប់បើកសោរ សុវត្ថិភាពចំនួន៣គ្រាប់ ,ដងទុលលើវីសចំនួន១ដើមផងដែរ។

ជនសង្ស័យ បានសារភាពថា ខ្លួនពិតជាបានបម្រុង ធ្វើសកម្មភាពលួចម៉ូតូ(កាច់សោរក)ពិតប្រាកដមែន។ បច្ចុប្បន្ននគរបាល កសាងសំណុំរឿង ចាត់ការបន្តតាមផ្លូវច្បាប់។
គួររម្លឹកថា មួយរយៈចុងក្រោយនេះពលរដ្ឋ បានលើកឡើងថា មានករណីចោរលួចម៉ូតូ នៅក្នុងក្រុងសៀមរាប បានកើតឡើង ជាបន្តបន្ទាប់ ធ្វើឲ្យពួកគាត់មានការព្រួយបារម្ភ យ៉ាងខ្លាំង។ ទោះយ៉ាងណា ពលរដ្ឋ រំពឹងថាសមត្ថកិច្ច នឹងស្រាវជ្រាវ បង្ក្រាបករណីអំពើចោរកម្ម នេះបានជោគជ័យជាក់ជាមិនខាន។

សូមបញ្ជាក់ថា ប្រតិបត្តិការ បង្ក្រាបបានជោគជ័យនេះ ក្រោមការណែនាំ របស់លោកឧត្តមសេនីយ៍ទោ ទិត្យ ណារ៉ុង ស្នងការខេត្តសៀមរាប នឹងបញ្ជាផ្ទាល់ របស់ លោកឧត្តមសេនីយ៍ត្រី ភឹង ចិន្តារ៉េត ស្នងការរង ទទួលផែនការងារព្រហ្មទណ្ឌ នៃស្នងការខេត្តសៀមរាប នឹងចុះអនុវត្តដឹកនាំកម្លាំង ដោយលោកវរសេនីយ៍ឯក ហង្ស សូផាតភីរម្យ នាយការិយាល័យនគរបាលព្រហ្មទណ្ឌកម្រិតស្រាល នៃស្នងការខេត្តសៀមរាបផងដែរ។ សូមជម្រាបថាការិយាល័យ នគរបាលព្រហ្មទណ្ឌ កម្រិតស្រាល ដឹកនាំដោយលោកវរសេនីយ៍ឯក ហង្ស សូផាតភីរម្យ បានបន្តដឹកនាំកម្លាំងចុះត្រួតពិនិត្យរដ្ឋបាលនៅក្នុងក្រុងសៀមរាប ដូចភ្លៀងរលឹម។

លោកនាយការិយាល័យ នៅតែបន្តណែនាំឲ្យប្រជាពលរដ្ឋ ចូលរួមចំណែកក្នុងវិធាការបង្ការ បទល្មើសតាមរយ:សកម្មភាព ថែរក្សា នូវទ្រព្យសម្បត្តិ របស់ខ្លួនដោយការចាក់សោរ ក ម៉ូតូ បិតសន្ទះសោសុវត្តិភាព ចាក់សោរជន្ទល់ម៉ូតូ ។ ចំណែកនៅតាមបន្ទប់-ផ្ទះជួល គប្បីបំពាក់កាមេរ៉ាសុវត្តិភាពផងដែរ។ ចំពោះបងប្អូនប្រជាពលរដ្ឋ បានដឹង ឬមានការសង្ស័យ ករណីបទល្មើសចោរកម្ម កើតឡើងអាចទាក់មកបានតាមរយៈលោកវរសេនីយ៍ទោ ចាប ណារិន ទូរស័ព្ទលេខ «012 264 999» និងលោកវរសេនីយ៍ត្រី ឆឺយ ផុនសុភី ទូរស័ព្ទលេខ 012 983 511 ជានាយរងការិយាល័យ នគរបាល ព្រហ្មទណ្ឌ កម្រិតស្រាល។សូមអរគុណចំពោះ ការប្រុងប្រយ័ត្ន និងការការពារ ទ្រព្យសម្បត្តិ របស់បងប្អូន ប្រជាពលរដ្ឋ សកម្មភាពទាំងនេះ គឺជាកាចូលរួមកាត់បន្ថយ បទល្មើស ដែលបង្ក ឡើងដោយជនឆ្លៀតឱកាសមួយចំនួន៕SRP

«សម្ដេច តេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា»

ភ្នំពេញ៖រដ្ឋលេខាធិការក្រសួងព័ត៌មាន លោក ជុំ កុសល តាមរយ:ទំព័រហ្វេសប៊ុកផ្ទាល់ខ្លួន របស់លោកបានសរសេរសំណេរមួយ នៅថ្ងៃនេះថា៖ «ការពិត កម្ពុជាប្រសិនបើគ្មានបុរសខ្លាំងម្នាក់នេះស្រោចស្រង់ទេ មិនដឹងថានឹងទៅជាយ៉ាងណា?»។

លោក ជុំ កុសល បានសរសេរបន្តថា៖ គាត់ខ្លាំងដើម្បីបុព្វហេតុតែមួយគត់គឺ «ជាតិ សាសនា ព្រះមហាក្សត្រ »។ ដោយសារតែភាពខ្លាំងរបស់គាត់នេះហើយ ទើបអាចនាំកម្ពុជា អោយបានស្គាល់ សន្តិភាពពិតប្រាកដ ដែលក្នុងប្រវត្តិសាស្ត្រ រាប់រយឆ្នាំកន្លងមក មាតុភូមិដ៏កំសត់មួយនេះ មានតែការបែកបាក់ប៉ុណ្ណោះ ! ។ បច្ចុប្បន្ន គាត់នៅតែខ្លាំងនិងបន្តខ្លាំង ដើម្បីទប់ស្កាត់ រាល់ការប៉ុនប៉ង បំផ្លាញកម្ពុជា ជាថ្មី ពីពួកប្រតិកិរិយាខាងក្រៅ និងក្រុមអាយ៉ងនៅខាងក្នុង។ ភាពខ្លាំងរបស់គាត់ គឺជាគោលដៅ វាយប្រហារនិងផ្តួលរំលំ ពីក្រុមដែលមិនចង់អោយ កម្ពុជាបានសុខ។

លោក ជុំ កុសល បានបន្តទៀតថា៖ ពួកគេពិតជាព្យាយាម ម្តងហើយ ម្តងទៀត គ្រប់យុទ្ធសាស្ត្រ និងផែនការរបស់គេ ដើម្បីផ្តួលរំលំ បុរសខ្លាំងកម្ពុជារូបនេះ តែការព្យាយាមនោះ ក៏ត្រូវបរាជ័យ ជាបន្តបន្ទាប់ ក្រោមស្នាដៃបុរសខ្លាំងយើង។ ត្រូវដឹងថា ពួកប្រតិរិយាខាងក្រៅ និងអាយ៉ង របស់គេនៅតែមានមហិច្ឆតា បន្តយុទ្ធសាស្ត្រ បំផ្លាញកម្ពុជា មិនបញ្ចប់ឡើយ ដើម្បីផលប្រយោជន៍គេ។ ដូច្នេះចូរយើងត្រូវនាំគ្នា នៅជាមួយ«បុរសខ្លាំង» កម្ពុជារបស់យើង ដើម្បីការពារសន្តិភាព ដែលកំពុងមានសព្វថ្ងៃនេះ អោយបានស្ថិតសេ្ថរជានិរន្តរ៍។ ជាមួយគ្នានេះ យើងប្រឆាំងដាច់ខាត ចំពោះក្រុមឧទ្ទាម ដែលកំពុងតែមានសកម្មភាព នៅខាងក្រៅ ដើម្បីរិះរកមធ្យោយបំផ្លាញកម្ពុជា៕SRP

«លោក ជុំ កុសល រដ្ឋលេធិការក្រសួងព័ត៌មាន»

ភ្នំពេញ៖ភរិយា ប្រមុខមេដឹកនាំកម្ពុជា សម្ដេច តេជោ ហ៊ុន សែន សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា បានទទួលសញ្ញាបត្រ និងលិខិតប្រកាសគោរមងារជាឥស្សរជនឆ្នើមថ្នាក់ជាតិ នៃវេទិការភាពជាអ្នកដឹកនាំប្រចាំតំបន់ អាសុី-ប៉ាសុីហ្វិក។
សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន បានប្រសូតចេញពីត្រកូលកសិករក្នុងភូមិទី២ ឃុំរកាខ្នុរ ស្រុកក្រូចឆ្មារ ខេត្តកំពង់ចាម នៅថ្ងៃទី១៥ ខែធ្នូ ឆ្នាំ១៩៥៤ មានលោកឪពុកឈ្មោះ លីន គ្រី និងអ្នកម្តាយ ប៊ុន ស៊ាងលី។
ក្នុងយុវភាពរបស់យុវនារី ប៊ុន រ៉ានី ត្រូវបានញាំញីដោយទុក្ខលំបាកក្នុងគ្រាប្រទេសជួបកលិយុគនៃសង្គ្រាម យុវនារី ប៊ុន រ៉ានី បានចូលប្រឡូកចលនាតស៊ូនៅអាយុ១៦ឆ្នាំ ចលនាតស៊ូនេះ បានចាប់ផ្តើមនៅក្រោយពេលក្រុមលោកសេនាប្រមុខ លន់ ណល់ ធ្វើរដ្ឋប្រហារទម្លាក់តំណែងសម្តេចព្រះនរោត្តម សីហនុ នៅថ្ងៃ១៨ ខែមីនា ឆ្នាំ១៩៧០។
ចលនាតស៊ូ ដែលធ្វើឡើងតាមព្រះរាជបន្ទូលអំពាវនាវរបស់ព្រះមហាវីរក្សត្រខ្មែរ បានធ្វើឱ្យជីវិតយុវនារី ប៊ុន រ៉ានី លះបង់អស់សេចក្តីសុខ និងសេចក្តីត្រូវការក្នុងយុវភាព ហើយត្រូវបានផ្លាស់ទីនៅក្នុងព្រៃស្ទើរគ្រប់ទីកន្លែង ជាមួយកម្លាំងចលនាតស៊ូ ដោយរំពឹងអាចដណ្តើម និងរំដោះប្រទេសកម្ពុជាថ្វាយព្រះមហាវីរក្សត្រ នរោត្តម សីហនុ វិញ។ តែចលនាតស៊ូដណ្តើមប្រទេសពីក្រុមលោកសេនាប្រមុខ លន់ នល់ នៅថ្ងៃ១៧ ខែមេសា ឆ្នាំ១៩៧៥ មិនបានបំពេញសេចក្តីបំណង និងការរំពឹងទុកអ្នកតស៊ូនោះឡើយ។
ការប្រឹងប្រែងពលីកម្លាំងកាយ-ចិត្ត ក្នុងចលនាតស៊ូរំដោះប្រទេសជាតិ របស់កុលធីតាខ្មែរ ប៊ុន រ៉ានី រួមជាមួយអ្នកស្នេហាជាតិខ្មែររាប់មុឺននាក់ទៀត ត្រូវធ្លាក់ក្នុងក្តីអស់សង្ឃឹម ត្បិតសមិទ្ធផល នៃការតស៊ូ ត្រូវបានក្តោបក្តាប់ដោយបុគ្គលមួយក្រុម ដូចជា ប៉ុល ពត, នួន ជា, ខៀវ សំផន, អៀង សារី អៀង។ល។
របបកម្ពុជាប្រជាធិបតេយ្យ បានធ្វើឱ្យយុវនារី ប៊ុន រ៉ានី និងប្រជាពលរដ្ឋខ្មែររាប់លាននាក់ ត្រូវរងគ្រោះសាជាថ្មីក្នុងស្បៃអន្ធិកាដ៏ខ្មៅងងឹត និងមហាសែនលំបាក ត្បិតជីវិតរបស់យុវនារី ប៊ុន រ៉ានី ជួបការលំបាក តែក៏មានពេលវេលាមួយនាំឱ្យយុវនារីរូបនេះបានជួបជាមួយបុរសកំពូលដួងចិត្ត គឺយុវជន ហ៊ុន សែន។
សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន បានរម្លឹកនាសម័យអតីតកាល ដែលសម្តេចបានស្រក់ទឹកភ្នែករាប់លានដំណក់ តែទឹកភ្នែកនេះ ក៏នាំមកនូវការរស់រានមានជីវិតសម្រាប់ប្រជាជននៅទូទាំងប្រទេស រាប់ទាំងក្រុមគ្រួសារសម្តេចផងដែរ។
សម្តេចបានរម្លឹកបន្ថែបថា កាលពីជាង៤០ឆ្នាំមុន ជាថ្ងៃដែលសម្តេចរៀបការម្តង១៣គូ
របស់សម្តេចតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ប៊ុន រ៉ានី។
ជីវិតប្តីប្រពន្ធ បន្ទាប់ពីរៀបការគ្មានទេ ដែលហៅថាសេចក្តីសុខ ស្លាប់កូនទី១ និងបែកគ្នាក្នុងគ្រា ពេលមានកូនទី២នៅក្នុងផ្ទៃម្តាយ៥ខែ រហូតជួបគ្នាជាថ្មី ដែលកូនហៅថាពូៗ រយៈពេល២ខែ សុទ្ធតែរឿងរ៉ាវមិនគួរកើតមានសោះឡើយ។
រឿងរ៉ាវដ៏ឈឺចាប់នេះ មិនត្រឹមតែគ្រួសារសម្តេចប៉ុណ្ណោះទេ វាបានកើតឡើងសម្រាប់ប្រជាជនទូទាំងប្រទេស។
សម្តេចកិត្តិព្រឹទ្ធបណ្ឌិត ប៊ុន រ៉ានី បានចូលកាន់តំណែងជាអនុប្រធានទី១ កាកបាទក្រហមកម្ពុជា អាណត្តិទី១(១៩៩៤-១៩៩៨)ហើយបានក្លាយជាប្រធានកាកបាទក្រហមកម្ពុជា នៅអាណត្តិទី២, ៣, ៤, ៥,៦ ចាប់តាំងពីឆ្នាំ១៩៩៨ រហូតមកដល់បច្ចុប្បន្ន។
សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ត្រូវបានមេដឹកនាំពិភពលោក និងប្រជាពលរដ្ឋខ្មែរបានធ្វើការវាយតម្លៃខ្ពស់ថា ជាកុលធីតាកម្ពុជាមួយរូបដែលបានពលីកម្លាំងកាយ-ចិត្ត ក្នុងបុព្វហេតុការងារមនុស្សធម៌ ដោយ មិនប្រកាន់និន្នាការ រើសអើងពូជសាសន៍ ឬពណ៌សម្បុរនោះឡើយ តាមរយ:បេសកកម្មមនុស្សធម៌សង្គ្រោះមនុស្សជាតិ។
សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ទទួលបានគោរពងារ និងគ្រឿង ឥស្សរិយយស ពីស្ថាប័នជាតិ និងពិភពលោកជាបន្តបន្ទាប់ មានដូចជា៖
១. មេដាយកិត្តិយសពីសមាគមជាតិកាកបាទក្រហម នៃសាធារណរដ្ឋកូរ៉េ នៅថ្ងៃទី១០ ខែមេសា ឆ្នាំ២០០១
២. គ្រឿងឥស្សរិយយស លើកកម្ពស់ពិភពលោក បេះដូងមានភាពតែមួយ ពីមជ្ឈមណ្ឌលសន្តិភាពអន្តរជាតិ ស្រុីជិនម៉យ ថ្ងៃទី២២ ខែធ្នូ ឆ្នាំ២០០១
៣. គ្រឿងឥស្សរិយយស សម្តេចព្រះមហាក្សត្រីយានី ព្រះសុីសុវត្ថិ មុនីវង្ស កុសុមៈ នារីរ័ត្ន ថ្នាក់មហាសេរីវឌ្ឍន៍ ប្រគល់ជូនដោយព្រះករុ ណា ព្រះបាទសម្តេច ព្រះនរោត្តម សីហនុ ថ្ងៃទី១៩ ខែតុលា ឆ្នាំ២០០១
៤. គ្រឿងឥស្សរិយយស មុនីសារាភ័ណ្ឌ ថ្នាក់ មហាសេរីវឌ្ឍន៍ ប្រគល់ជូនដោយព្រះករុណា ព្រះបាទសម្តេច ព្រះបរមនាថ នរោត្តម សីហមុនី ថ្ងៃទី២៣ ខែមករា ឆ្នាំ២០០៥
៥. គោរមងារ ឥស្សរិយយសថ្នាក់ជាតិ នៃវេទិកាភាពជាអ្នកដឹកនាំតំបន់អាសុី-ប៉ាសុីហ្វិក ឆ្លើយតបមេរោគអេដស៍ និងជំងឺអេដស៍ នៅថ្ងៃទី១៧ ខែវិច្ឆិកា ឆ្នាំ២០០៦
៦. គ្រឿងឥស្សរិយយសព្រះរាជាណាចក្រកម្ពុជា ថ្នាក់មហាសេរីវឌ្ឍន៍ ប្រគល់ជូនដោយ ព្រះករុណា ព្រះបាទសម្តេចព្រះបរមនាថ នរោ ត្តម សីហមុនី ថ្ងៃទី១៩ ខែវិច្ឆិកា ឆ្នាំ២០០៧
៧. គ្រឿងឥស្សរិយយស ជាតូបកា ប្រគល់ជូនដោយព្រះករុណា ព្រះបាទ សម្តេចព្រះបរមនាថ នរោត្តម សីហមុនី ថ្ងៃទី២០ ខែវិច្ឆិកា ឆ្នាំ២០០៧
៨. សញ្ញាបត្របណ្ឌិតកិត្តិយស ផ្នែកមនុស្សធម៌ ពីសាកលវិទ្យាល័យកម្ពុជា នៅថ្ងៃទី១៦ ខែតុលា ឆ្នាំ២០០៨។
៩. សញ្ញាបត្របណ្ឌិតកិត្តិយស ផ្នែកសេដ្ឋកិច្ច ពីសាកលវិទ្យាល័យស្រ្តីសេអ៊ូល នៃសាធារណរដ្ឋកូរ៉េ នៅថ្ងៃទី៣ ខែមិថុនា ឆ្នាំ២០០៩
១០. សញ្ញាបត្របណ្ឌិតកិត្តិយស ផ្នែកអក្សរសាស្ត្រ ពីសាកលវិទ្យាល័យជីអ៊ុនជូ នៃសាធារណរដ្ឋកូរ៉េ ថ្ងៃទី៦ ខែកក្កដា ឆ្នាំ២០០៩
១១. ទទួលបានពានរង្វាន់ភាពជាអ្នកដឹកនាំតំបន់អាសុី-ប៉ាសុីហ្វិក ឆ្លើយតបមេរោគអេដស៍ ជំងឺអេដស៍ និងការអភិវឌ្ឍ ពីគណៈប្រតិភូ ជាន់ខ្ពស់ អង្គការសហប្រជាជាតិទទួលបន្ទុកការងារអេដស៍ និងជំងឺអេដស៍ថ្ងៃទី១៧ ខែវិច្ឆិកា ឆ្នាំ២០០៩
១២. សញ្ញាបត្របណ្ឌិតកិត្តិយសផ្នែក អប់រំសិក្សា ពីសាកលវិទ្យាល័យសុីឡា នៃសាធារណរដ្ឋកូរ៉េ ថ្ងៃទី១ ខែមេសា ឆ្នាំ២០១០
១៣. ទទួលបានគោរពងារជា កិត្តិព្រឹទ្ធបណ្ឌិត នៃរាជបណ្ឌិត្យសភាកម្ពុជា នៅថ្ងៃទី២៥ ខែកក្កដា ឆ្នាំ២០១១
១៤. ទទួលបានគោរពងារជា សម្តេចកិត្តិព្រឹទ្ធបណ្ឌិត ពីព្រះមហាក្សត្រខ្មែរ ព្រះករុណា ព្រះបាទ សម្តេចព្រះបរមនាថ នរោត្តម សីហមុនី នៅថ្ងៃទី៨ ខែឧសភា ឆ្នាំ២០១៣
១៥. ទទួលសញ្ញាបត្រថ្នាក់បណ្ឌិតកិត្តិយសពីសាកលវិទ្យាល័យ ក្វាងសុី នៃសាធារណរដ្ឋប្រជាមានិតចិន។
សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុសែន ផ្តាំផ្ញើសូមឱ្យប្រជាពលរដ្ឋកម្ពុជាទាំងអស់ថែរក្សាសុខសន្តិភាពដែលកំពុងមាននាបច្ចុប្បន្នកុំឱ្យកើតមានសង្គ្រាមឡើងវិញដូចសម័យអតីកាល ដ៏ឈឺចាប់នោះម្តងទៀតឱ្យសោះ៕SRP

ខេត្តសៀមរាប៖អាជ្ញាធរខេត្តបានចេញសេចក្ដីប្រកាស មួយណែនាំ ៥ចំណុច ដល់មន្ទីរ អង្គភាព ក្រុង ស្រុក ដើម្បីធ្វើការរៀបចំ ប្រារព្ធទិវាអនាម័យបរិស្ថានជាតិ ២៣វិច្ឆិកា ឆ្នាំ២០២០។

ព័ត៌មានលម្អិតសូមអានសេចក្តីណែនាំដូចខាងក្រោម៖

ខេត្តសៀមរាប៖អាជ្ញាធរស្រុកជីក្រែង បានឲ្យដឹងថា បុរសម្នាក់ បានស្លាប់នៅក្នុងថ្លុកឈាម ដោយសារជនល្មើសកាប់សម្លាប់។

ហេតុការណ៍បានកើតឡើងវេលាម៉ោង ០១និង២០នាទី រំលងអាធ្រាត ថ្ងៃទី ២២ ខែវិច្ឆិកា ឆ្នាំ២០២០ នៅភូមិគំរូ ឃុំពង្រលេី ស្រុកជីក្រែង ខេត្តសៀមរាប។

សមត្ថកិច្ចបានបន្តថាជនរងគ្រោះ មាន ឈ្មោះ ឃុន រុន ភេទប្រុសអាយុ ៤៦ឆ្នាំ មានទីលំនៅភូមិ ឃុំ កេីតហេតុ ខាងលេី។ ចំណែកជនសង្ស័យ មានឈ្មោះ ជី គា ភេទប្រុសអាយុ ៣៦ឆ្នាំ រស់នៅភូមិ ឃុំ ជាមួយគ្នា។

បើតាមសមត្ថកិច្ចថាករណីនេះជនល្មើស បានយកពូថៅ កាប់ទៅលេីជនរងគ្រោះ កំពុងដេកលក់ ចំនួន២ពូថៅចំគល់ថ្គាមខាងឆ្វេង១ពូថៅ ចំជញ្ចឹងក ផ្នែកខាងក្រោយ១ពូថៅ បណ្តាលអោយស្លាប់តែម្ដង។ ក្រោយពីធ្វេីសកម្មភាព រួចជនល្មើស បានរត់ទៅធ្វេីអត្តឃាត «ចងក» សម្លាប់
ខ្លួន នៅក្នុងបន្ទប់ទឹក ក្នុងវត្តក្បាលដំរី ភូមិក្បាលដំរី ឃុំពង្រលើ ស្រុកជីក្រែង ខេត្តសៀមរាប បណ្តាលអោយស្លាប់ផងដែរ។
សមត្ថកិច្ចបានដកស្រង់សំដី ប្រជាពលរដ្ឋ នៅក្នុងភូមិថា «ជនល្មើសជាមនុស្ស វិកលចរិក សតិមិនគ្រប់គ្រាន់»៕SRP

ខេត្តសៀមរាប៖នគរបាលព្រហ្មទណ្ឌ កម្រិតស្រាល និងការិយាល័យ នគរបាលព្រហ្មទណ្ឌកម្រិតធ្ងន់ សហការ ជាមួយ ក្រុងសៀមរាប និងប៉ុស្ដិ៍នគរបាល ទាំង៤សង្កាត់ ក្នុងក្រុងសៀមរាប បានចាប់ខ្លួនបុរសម្នាក់ ពីបទ៖លួចមានស្ថានទម្ងន់ទោស «កាច់សោរកម៉ូតូ»។

ហេតុការណ៍ បង្ក្រាប ធ្វើឡើងនៅថ្ងៃទី២១ ខែតុលា ឆ្នាំ២០២០ នេះស្ថិតនៅភូមិគ្រួស សង្កាត់ស្វាយដង្គំ ក្រុងសៀមរាប។

ជនសង្ស័យ ឈ្មោះ មុត សុភា ហៅ ចាន់ នី  អាយុ៤១ឆ្នាំ ទីលំនៅសង្កាត់ទួលពង្រ ខណ្ឌពោធិ៍សែនជ័យ រាជធានីភ្នំពេញ។

ប៉ូលិសខេត្តសៀមរាប បានដឹងថា ខណ:កម្លាំងនគរបាល កំពុងចុះល្បាត ក៏បានប្រទះឃើញ មុខសញ្ញាចាស់ «កាច់សោរ.ក» ម៉ូតូ ចំនួនពីរនាក់ ដែលធ្លាប់បានប្រព្រឹត្ត កន្លងមក នឹងបម្រុងធ្វើសកម្មភាពទៀត ប៉ុន្តែត្រូវបានបង្ក្រាបបានភ្លាមៗ បានម្នាក់ និងម្នាក់ទៀតជិះម៉ូតូរត់គេចខ្លួនបាត់។

បើតាមប៉ូលិសបញ្ជាក់ថាករណីនេះ ដកហូតវត្ថុតាង រួមមាន៖សោរ សម្រាប់ កាច់សោរ កម៉ូតូចំនួន៣ដើម គ្រាប់ដែកឆក់តូចៗ សម្រាប់បើកសោរ សុវត្ថិភាពចំនួន៣គ្រាប់ ,ដងទុលលើវីសចំនួន១ដើមផងដែរ។

ជនសង្ស័យ បានសារភាពថា ខ្លួនពិតជាបានបម្រុង ធ្វើសកម្មភាពលួចម៉ូតូ(កាច់សោរក)ពិតប្រាកដមែន។ បច្ចុប្បន្ននគរបាល កសាងសំណុំរឿង ចាត់ការបន្តតាមផ្លូវច្បាប់។
គួររម្លឹកថា មួយរយៈចុងក្រោយនេះ
ពលរដ្ឋ បានលើកឡើងថា មានករណីចោរលួចម៉ូតូ នៅក្នុងក្រុងសៀមរាប បានកើតឡើង ជាបន្តបន្ទាប់ ធ្វើឲ្យពួកគាត់មានការព្រួយបារម្ភ យ៉ាងខ្លាំង។ ទោះយ៉ាងណា ពលរដ្ឋ រំពឹងថាសមត្ថកិច្ច នឹងស្រាវជ្រាវ បង្ក្រាបករណីអំពើចោរកម្ម នេះបានជោគជ័យជាក់ជាមិនខាន។

សូមបញ្ជាក់ថា ប្រតិបត្តិការ បង្ក្រាបបានជោគជ័យនេះ ក្រោមការណែនាំ របស់លោកឧត្តមសេនីយ៍ទោ ទិត្យ ណារ៉ុង ស្នងការខេត្តសៀមរាប នឹងបញ្ជាផ្ទាល់ របស់ លោកឧត្តមសេនីយ៍ត្រី ភឹង ចិន្តារ៉េត ស្នងការរង ទទួលផែនការងារព្រហ្មទណ្ឌ នៃស្នងការខេត្តសៀមរាប នឹងចុះអនុវត្តដឹកនាំកម្លាំង ដោយលោកវរសេនីយ៍ឯក ហង្ស សូផាតភីរម្យ នាយការិយាល័យនគរបាលព្រហ្មទណ្ឌកម្រិតស្រាល នៃស្នងការខេត្តសៀមរាបផងដែរ៕SRP

«លោក ដា ចំរើន អធិការនគរបាលក្រុងសៀមរាប ទើបឡើងថ្មី»

ខេត្តសៀមរាប៖ប្រជាពលរដ្ឋរស់នៅក្នុងក្រុងសៀមរាប ហាក់សម្ដែងនូវក្ដីព្រួយបារម្ភយ៉ាងខ្លាំង ខណ:អំពើអសន្តិសុខ ចោរកម្ម លួចទ្រប្បសម្បត្តិ របស់ពួកគាត់បានកើតមានឡើងជាបន្តបន្ទាប់ ជាពិសេស ករណីលួចយកម៉ូតូតែម្ដង។

បើតាមភពពីពលរដ្ឋបានប្រាប់«បណ្ដាញសៀមរាបប៉ុស្ដិ៍»ថាករណីបាត់ម៉ូតូទី១ នៅសង្កាត់ស្វាយដង្គំ ក្រុងសៀមរាប វេលាម៉ោងទៀបភ្លឺ ថ្ងៃទី១៣ខែ វិច្ឆិកា ឆ្នាំ២០២០ ម្ដុំភោជនីយ៍ដ្ឋានកេសសកូល (ម៉ូតូម៉ាកZoomer០១៦)ពាក់ស្លាកលេខ សៀមរាប «១U៧៧៦៦»ពណ៌ផ្ទៃមេឃ។

ករណីទី២បាត់នៅថ្ងៃទី១៤ខែ០៩ឆ្នាំ២០២០ នៅភូមិធ្លោកអណ្ដូង សង្កាត់ស្លក្រាម ក្រុងសៀមរាប (ម៉ូតូម៉ាកហុងដាពណ៌ខ្មៅ ពាក់ស្លាកលេខ «សៀមរាប ១AH៤៤៩៤»។

ករណីទី៣ នៅយប់ថ្ងៃទី១៩ខែវិច្ឆិកា ឆ្នាំ២០២០ ស្ថិតនៅមុខបន្ទប់ជួល មួយគ្រឿង ក្នុងភូមិបន្ទាយចាស់ សង្កាត់ស្លក្រាម មួយគ្រឿង។

ករណីទី៤នៅយប់ថ្ងៃទី២០ខែ វិច្ឆិកា ឆ្នាំ ២០២០ នៅក្នុងសង្កាត់សាលាកំរើក ក្រុងសៀមរាប មួយគ្រឿង។

ករណីទី៥នៅយប់ថ្ងៃទី២០ ខែវិច្ឆិកា​ឆ្នាំ២០២០ នៅក្នុងភូមិសាស្ត្រ សង្កាត់ជ្រាវ មួយគ្រឿង។

ករណីទី៦ ព្រឹកថ្ងៃទី២១ខែវិច្ឆិកាឆ្នាំ២០២០ នៅក្រោយស្តាតចាស់ ក្នុងភូមិសាលាកន្សែង សង្កាត់ស្វាយដង្គំ ក្រុងសៀមរាប មួយគ្រឿង។

ករណីទី៧ បាត់នៅព្រឹកថ្ងៃទី២១ខែវិច្ចកាឆ្នាំ២០២០ស្ថិតនៅភូមិជន្លង់ សង្កាត់សាលាកំរើក ក្រុងសៀមរាបមួយគ្រឿង ម៉ាកហុងដា ពណ៌ខ្មៅ ពាក់ស្លាកលេខ «សៀមរាប ១AJ២៩៤៨»។

សូមជម្រាបថាកាលពីថ្ងៃទី១៩ខែវិច្ឆិកាឆ្នាំ២០២០ មេប៉ូលិសក្រុងសៀមរាប ត្រូវបានធ្វើការផ្លាស់ប្ដូរ ដោយបានតែងតាំង លោក ដា ចំរើន ជាអធិការក្រុងសៀមរាប។ ទោះយ៉ាងណារហូតមកដល់ពេលនេះ បើទោះបីជាកន្លងទៅ នឹងបច្ចុប្បន្ន នៅក្រុងសៀមរាប មានអំពើចោរកម្ម បានកើតមានយ៉ាងច្រើន យ៉ាងណាក៏ដោយ រហូតមកដល់ពេលនេះ សមត្ថកិច្ច ក្រុងសៀមរាប ហាក់បីរក្សាភាព ស្ងប់ស្ងាត់ មិនទាន់ឃើញមានការបង្ក្រាបបានចោរមួយករណីនៅឡើយ។ ប្រការនេះ ពលរដ្ឋ សង្ឃឹមថាសមត្ថកិច្ច នឹងស្រាវជ្រាវ បង្ក្រាបពួកចោរទាំងនោះ មកអនុវត្តតាមផ្លូវច្បាប់ជាក់ជាមិនខានឡើយ ដើម្បីឲ្យក្រុងទេសចណ៍មួយនេះ មានសន្តិសុខល្អប្រសើរ៕SRP

ខេត្តបាត់ដំបង៖បុរសម្នាក់ មុខសញ្ញាលួចទ្រព្យសម្បត្តិ របស់ពលរដ្ឋ កន្លងមក ត្រូវកម្លាំងនគរបាលព្រហ្មទណ្ឌកំរិតធ្ងន់​ ស្នងការខេត្តបាត់ដំបង ចាប់ខ្លួន។

ការចាប់ខ្លួនធ្វើឡើងនៅថ្ងៃទី២១ខែវិច្ឆកាឆ្នាំ២០២០ ស្ថិតនៅត្រង់ចំណុចភោជនីយដ្ឋាន កោះតៃវ៉ាន់ ភូមិទួលតាឯក សង្កាត់ទួលតាឯក ក្រុងបាត់ដំបង។ ជនសង្ស័យ មានឈ្មោះ រស់ ផស់ អាយុ៣០ឆ្នាំ រស់នៅភូមិទួលតាឯក សង្កាត់ទួលតាឯក ក្រុងបាត់ដំបង។

ដោយពាក់ព័ន្ធពីបទលួច ទ្រព្យសម្បត្តិ នៅភូមិទួលតាឯក សង្កាត់ទួលតាឯក ក្រុងបាត់ដំបង កាលពីថ្ងៃទី២០ខែវិច្ឆកាឆ្នាំ២០២០វេលាម៉ោង១០នឹង០០នាទីពីម្សិលមិញ ដែលជនរងគ្រោះឈ្មោះ អ៊ូច សាលូន ភេទស្រី អាយុ៥០ឆ្នាំ រស់នៅភូមិកើតហេតុខាងលើ។

លោកវរសេនីយ៍ឯក លឹម ពុទ្ធីឡា ស្នងការរងទទួលផែនការងារនគរបាលព្រហ្មទណ្ឌខេត្ត បានឲ្យដឹងនៅល្ងាចថ្ងៃទី២១ខែវិច្ឆកា នេះថា ដោយមានការចង្អុលបង្ហាញ ពីលោកឧត្តមសេនីយ៍ត្រី សាត គឹមសាន ស្នងការខេត្តនិងការផ្តល់ព័ត៌មានពីជនរងគ្រោះ ទើបនគរបាល បានកំណត់មុខសញ្ញាបាន នឹងឈានដល់ការឃាត់ខ្លួនជនសង្ស័យ តែម្តង។ករណីនេះដកហូតវត្ថុតាងបានរួមមាន៖១/កាបូបដៃតូច១ មានខ្សែដៃពណ៌ទឹកប្រាក់១ខ្សែ, ផ្លាកដៃ១ខ្សែ, ក្រវិលពណ៌ប្រាក់១គូរ, បន្តោងពណ៌សលាយស្វាយ១។ បច្ចុប្បន្ននគរបាល កសាងសំណុំរឿង បញ្ជូនទៅកាន់សាលាដំបូងខេត្តបាត់ដំបង ដើម្បីអនុវត្តតាមផ្លូវច្បាប់៕SRPដោយប៊ុនថេត

ខេត្តសៀមរាប៖នគរបាលរដ្ឋបាលសង្កាត់គោកចក នៃក្រុងសៀមរាប នៅថ្ងៃទីនៅថ្ងៃទី២១ ខែ វិច្ឆិកា ឆ្នាំ២០២០ នេះ បានហៅម្ចាស់ទីតាំងហាងកាហ្វេ មួយកន្លែងមកធ្វើកិច្ចសន្យា កុំឲ្យមានការបើកល្បែងស៊ីសង ដល់អ្នកមកផឹកកាហ្វេ។

ទីតាំងហាងកាហ្វេ ស្ថិតនៅនៅផ្លូវបេតុង ភូមិវាល សង្កាត់គោកក ខាងលិចប៉ុស្តិ៍រដ្ឋបាល សង្កាត់គោកចក។

ប៉ូលិសបានឲ្យដឹងថា បន្ទាប់ពីមានព័ត៌មានថា ហាងកាហ្វេ ខាងលើ មានបើកល្បែងភ្នាល់ កម្លាំងប៉ុស្តិ៍បានចុះទៅដល់មជាក់ស្ដែង និង បាននាំម្ចាស់ផ្ទះឈ្មោះ ឃិ សុខាក់ ភេទ ស្រីអាយុ ៦០ឆ្នាំ មកសសកសួរនៅប៉ុស្តិ៍។

ស្ត្រីម្ចាស់ហាងកាហ្វេ បានប្រាប់សមត្ថកិច្ចថា ផ្ទះរបស់គាត់ ពិតជាបានលក់កាហ្វេ លេងអុកចត្រង្គ និងបើកមើល កីឡាប្រដាល់ ជាយូរឆ្នាំមកហើយ គាត់ទទួលភ្ញៀវដែលមកញ៉ាំ កាហ្វេ ជារាងរាល់ថ្ងៃ។ ប៉ុន្តែត្រង់ថាមានអ្នកណាឬជនខិលខូចណា ម្នាក់លួច ភ្នាល់គ្នាលួចលាក់ គាត់មិនបានដឹងនោះទេ។ នៅក្នុងនោះគាត់ក៏មានបិតបម្រាមហាមលេងល្បែងស៊ីសង នៅលើជញ្ជាំង ផ្ទះរបស់គាត់ផងដែរ។ ទោះយ៉ាងណាក៏ដោយ សមត្ថកិច្ចបានធ្វើកិច្ចសន្យា អប់រំ និង បញ្ឈប់អោយមានលេង ល្បែងស៊ីសងទៀត នៅលើទីតាំងហាងកាហ្វេរបស់គាត់។ ក្នុងករណី ដែលនៅតែបន្តសមត្ថកិច្ចនិង សុំគោលការណ៍ថ្នាក់ដឹកនាំចុះបង្ក្រាបយ៉ាងម៉ឺងម៉ាត់តែម្ដង៕SRP

ខេត្តសៀមរាប៖ក្រោយទទួលបានការអនុញ្ញាត ពីសម្តេច តេជោ ហ៊ុន សែន សម្រាប់គម្រោងស្ថាបនាហេដ្ឋារចនាសម្ព័ន្ធ ផ្លូវចំនួន ៣៨ខ្សែ ក្នុងក្រុងសៀមរាប ពេលនេះការអនុវត្តគម្រោងកំពុង ដំណើរការជាបណ្តើរៗ។

អាជ្ញាធរខេត្តសូមថ្លែងអំណរគុណដល់ ប្រជាពលរដ្ឋ និងសាធារណជន ដែលបានរុះរើដោយខ្លួនឯងនូវសំណង់ លំនៅឋានតូបលក់ដូរ របង និង សំណង់ការ្យផ្សេងៗទៀត ក្នុងគម្រោងស្ថាបនាហេដ្ឋារចនាសម្ព័ន្ធផ្លូវ៣៨ខ្សែ ក៏មានការៀបចំស្ថាបនាហេដ្ឋា រចនាសម្ព័ន្ធបណ្ដាញលូទឹកភ្លៀង និងទឹកកខ្វក់ចំនួន២៥ ខ្សែ ដូចមានក្នុងផែនទីភ្ជាប់មកជាមួយ។

ព័ត៌មានលម្អិតសូមអានសេចក្តីជូនដំណឹងដូចខាងក្រោម៖

ខេត្តកំពង់ចាម៖លោក​​ អ៊ុន​ ចាន់ដា​ អភិបាលខេត្ត​កំពង់ចាម​ នៅថ្ងៃទី២១ ខែវិច្ឆិកា​ នេះ បាន​អញ្ជើញ​ចុះ​ពិនិត្យ​ការ​បង្កបង្កើនផល​ ស្រូវស្តារឡើងវិញ ស្ថិត​នៅ​ក្នុង​ឃុំ​ល្វា​ ស្រុក​ព្រៃឈរ​ និង​ឃុំជើងព្រៃ ឃុំតាំងក្រសាំង​ ស្រុក​បាធាយ​ បន្ទាប់រងគ្រោះ ដោយជំនន់ទឹកភ្លៀង។
បេី​តាម​អាជ្ញាធរ​ស្រុក​ព្រៃឈរ​ បាន​ឲ្យដឹងថា​ ប្រជាពលរដ្ឋ ចំនួន​១៣២គ្រួសារ​ បាន​ធ្វេី​ការ​សាបព្រោះ​​ ដេីម្បី​​ស្តារឡើងវិញ​ លេីដំណាំស្រូវ ​ប្រមាណជា​ ​៧០%​ លេី​ផ្ទៃដី​ជាង​៨០​ហិកតា​ ដែល​រងការខូចខាត​ដោយ​ជំនន់​ទឹក​ភ្លៀង​កាលពី​ពេល​កន្លង​មក​ នៅតំបន់​ទំនប់តាឡូ ស្ថិត​ក្នុង​ភូមិ​មេម៊ាំង​ ឃុំ​ល្វា​ ស្រុក​ព្រៃឈរ​​។

គួរគួរបញ្ជាក់ថាក្រោយពីទទួលបានពូជស្រូវ ដែល​ជាអំណោយ ដ៏ថ្លៃថ្លាសម្តេច ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា និងសម្ដេចកិត្តិព្រឹទ្ធបណ្ឌិត ប្រជាកសិករ បានចាប់ផ្ដើមអនុវត្តការងារ បង្កបង្កើនផលស្ដារឡើងវិញ ជាលទ្ធផលគិតត្រឹមថ្ងៃទី២១ ខែវិច្ឆិកា ឆ្នាំ២០២០នេះ ផ្ទៃដីដែលរងការខូចខាត ចំនួន១.៩៦៧ហិកតា
បានស្តារឡើងវិញចំនួន១.៧០២ហិកតា ស្មើនឹង ៨៦ភាគរយ ក្នុងនោះ​៖​-ស្រុកកំពង់សៀម ខូចខាតចំនួន១១០ហិកតា បានស្ដារឡើងវិញចំនួន១១០ហិកតា ស្មើ១០០ភាគរយ
-ស្រុកស្ទឹងត្រង់ ខូចខាតចំនួន ៨០៧ ហិកតា បានស្តារឡើងវិញចំនួន ៥៨៣ហិកតា ស្មើ៧២ភាគរយ
-ស្រុកបាធាយ ខូចខាតចំនួន ៥៧៨ហិកតា បានឡើងវិញចំនួន ៥៧៨ហិកតា ស្នើនឹង ១០០ភាគរយ
-ស្រុកព្រៃឈរ ខូចខាតចំនួន ១៥៤ហិកតា បានស្ដារឡើងវិញចំនួន ១០៨ហិកតា ស្មើ៧០ភាគរយ។
-ស្រុកជើងព្រៃ ខូចខាតចំនួន ៣១៨ហិកតា បានស្ដារឡើងវិញចំនួន ១៤៣ហិកតា ស្មើ៤៤ភាគរយ​៕SRP