មន្ត្រីអាវុធហត្ថមួយរូបបានជួបហេតុការណ៍គ្រោះថ្នាក់ចរាចរណ៍ បង្កដេាយខ្លួនឯង ហើយត្រូវបានក្រុមគ្រួសារបានដឹកយកទៅព្យបាលនៅមន្ទីពេទ្យទីក្រុងភ្នំពេញ។

ហេតុការណ៍បានកើតឡើង នៅម៉ោង១៩និង១៨នាទី ថ្ងៃទី២៤ ខែកក្កដា ឆ្នាំ​ ២០២៣​ នៅត្រង់ចំណុចចន្លោះបង្គោលគីឡូម៉ែត្រលេខ ២៤/២៥ ភូមិ១០៤ ឃុំគ្រញូងសែនជ័យ ស្រុកស្នួល​ លើផ្លូវជាតិលេខ៧៦ (ស្នួល-កែវសីម៉ា)។

សមត្ថកិច្ចខេត្តក្រចេះបានឲ្យដឹងថា រថយន្តម៉ាកHYUNDAI STAREX ពណ៌ស ពាក់ផ្លាកលេខ ភ្នំពេញ 3BR-0627 បេីករបរដោយឈ្មោះ នេត សុវណ្ណា ភេទប្រុស អាយុ ៤១ឆ្នាំជនជាតិ ខ្មែរ មុខរបរ កងរាជអាវុធហត្ថ នៅរាជធានីភ្នំពេញ។ បច្ចុប្បន្ននៅសហការជាមួយគយរដ្ឋករច្រកជ័យឃ្លាំង។

សមត្ថកិច្ចបានបន្តថា ហេតុការណ៍គ្រោះថ្នាក់ចរាចរណ៍នេះ មូលហេតុ​ ប្រើប្រាស់ល្បឿនលឿន ក្នុងស្ថានភាពផ្លូវកោង លុះមកដល់ចំណុចកេីតហេតុខាងលេី​ បានរេចង្គូតក្រឡាបធ្លាក់ផ្លូវតែម្ដង៕ដោយនាគខៀវ

ខេត្តសៀមរាប​៖ស្ត្រីម្នាក់ត្រូវបានគេប្រទះឃើញដេក
ស្លាប់នៅលើដងផ្លូវមួយកន្លែង។ ហេតុការភ្ញាក់ផ្អើល
នៅវេលាម៉ោង ០៦និង៣០នាទី ត្រូវនិងថ្ងៃទី ២៥ ខែកក្កដា ឆ្នាំ២០២៣ នៅចំណុច លើដងផ្លូវ ខាងជើងសណ្ឋាគារអង្គរសេនជូរី ស្ថិតនៅភូមិសាលាកន្សែង សង្កាត់ស្វាយដង្គំ ក្រុងសៀមរាប។

ប្រភពពីសមត្ថកិច្ចខេត្តសៀមរាប បានឲ្យដឹងថា ជនរងគ្រោះ ជាជនអនាថា ដោយមិនស្គាល់អត្តសញ្ញាណ ភេទស្រី អាយុប្រហែល៣៧ ឆ្នាំ កំពស់ ១.៤៥មែត្រ ស្នាក់នៅមិនពិតប្រាកដ និងសន្លាក់ដៃជើង។

សមត្ថកិច្ចបានបន្តថា យោងតាមការពិនិត្យកន្លែងកើតហេតុ ការពិនិត្យសាកសព និងតាមការបញ្ជាក់ពីលោកគ្រូពេទ្យកោសល្យវិច័យយើងសន្និដ្ឋានថាស្លាប់ដោយសារ ខ្យល់គ ។ សាកសពបានយកទៅរក្សាទុកនៅវត្តប្រាសាទគោកចកបណ្ដោះអាសន្ន ដើម្បីស្វែងរកក្រុមគ្រួសារសាច់ញាតិ៕ដោយនាគខៀវ

ខេត្តសៀមរាប៖បុគ្គលិកធនាគារម្នាក់បានជួបហេតុការណ៍គ្រោះថ្នាក់ចរាចរណ៍ បណ្ដាលឱ្យស្លាប់។ ហេតុការណ៍បានកើតឡើង នៅថ្ងៃទី២៤ ខែកក្តដា ឆ្នាំ២០២៣ វេលាម៉ោង២២ និង៥០នាទី នៅលើកំណាត់ផ្លូវជាតិលេខ៦ ចំណុចភូមិគោករុន ឃុំសសរស្តម្ភ ស្រុកពួក ខេត្តសៀមរាប រវាង ម៉ូតូ បុក រថយន្តឈប់ពីក្រោយ មានទិសដៅស្របគ្នាពីកើតទៅលិច។

សមត្ថកិច្ចបានអោយដឹងថា គ្រោះថ្នាក់ចរាចរណ៍នេះ ម៉ូតូម៉ាកហុងដា សេ១២៥ ពណ៌ខ្មៅ សេរីឆ្នាំ២០១៧ ពាក់ផ្លាកលេខ បាត់ដំបង 1X5585 បើកបរដោយឈ្មោះ រ៉េត វីរះ ភេទប្រុស អាយុ ២៥ឆ្នាំ មានទីលំនៅភូមិដូនតុក ឃុំព្រៃជ្រូក ស្រុកពួក ខេត្តសៀមរាប មុខរបរបុគ្គលិកធនាគារ ពេលបើកមកដល់ចំណុចកើតហេតុខាងលើ ក៏បានបុករថយន្ត១គ្រឿង មិនស្គាល់ម៉ាក ពីក្រោយបណ្តាលអោយស្លាប់តែម្ដង។ ឯ
អ្នកបើកបររថយន្ត បានបើកគេចខ្លួន ទៅទិសខាងលិចបាត់។

សមត្ថកិច្ចបានបន្តថា ករណីនេះបណ្តាល មនុស្សស្លាប់១នាក់និងខូចខាតម៉ូតូ១គ្រឿង។ មូលហេតុ : អ្នកបើកបរម៉ូតូ លឿនខ្វះការប្រុងប្រយ័ត្ន (មានពាក់មួកការពារ) រថយន្តឈប់ចត លើផ្លូវមិនត្រឹមត្រូវ គ្មានដាក់ស្លាកសញ្ញា។ កម្លាំងប៉ុស្តិ៍និងកម្លាំងជំនាញអធិការស្រុក បានចុះដល់កន្លែងកើតហេតុ និងបានប្រគល់សពឲ្យសាច់ញ្ញាតិ ធ្វើបុណ្យតាមប្រពៃណី និងប្រមូលវត្ថុតាងមករក្សាទុកនៅប៉ុស្តិ៍នគរបាលរដ្ឋបាល សសរស្តម្ភ ដើម្បីធ្វើតាមនិតិវិធី៕ដោយនាគខៀវ

ខេត្តសៀមរាប៖មានការលើកឡើងថាបុគ្គលមានឥទ្ធិពលម្នាក់ នៅក្នុងខេត្តសៀមរាប បានធ្វើរបងថ្មកាត់អូរធម្មជាតិ នៅជើងភ្នំគូលែន។ បុគ្គលរូបនោះបានលបលួចធ្វើរបងថ្មរឹងមាំកាត់ទទឹងអូរធម្មជាតិមួយកន្លែងនៅជើងភ្នំគូលែន បំណងធ្វើជាកម្មសិទ្ធិឯកជន។

យោងតាមប្រភពព័ត៌មានពីមន្ត្រីមូលដ្ឋានដែលសុំមិនបញ្ចេញឈ្មោះ បានឲ្យដឹងថា ទីតាំងដែលបុគ្គលមានអំណាចខាងលើ ធ្វើរបងរំលោភយកនោះ ជាអូរធម្មជាតិ ស្ថិតនៅក្នុងភូមិគូលែនថ្មី ឃុំត្បែង ស្រុកបន្ទាយស្រី ខេត្តសៀមរាប។ ប្រភពដដែលបានឲ្យដឹងថា បុគ្គលខាងលើ មានឈ្មោះ ឃឹម ប៉ូសាយ ជាបងប្អូនបង្កើត អតីតជាអភិបាលខេត្តសៀមរាប។ នេះបើតាមប្រព័ន្ធផ្សព្វផ្សាយក្នុងស្រុកបានផ្សាយ។

បើតាមប្រភពព័ត៌មានខាងលើបានឲ្យដឹងថា ទីតាំងខាងលើមកាលពីដើមឡើយ ជាចម្ការពនាចររបស់ប្រជាពលរដ្ឋ លុះបន្ទាប់ក៏មានឈ្មួញចុះទៅប្រមូលទិញ និងលក់បន្តមកឲ្យលោក ឃឹម ប៉ូសាយ។

ប្រភពបន្តថា ចាប់តាំងពីបានទិញដីនោះមក លោកឃឹម ប៉ូសាយ បានព្យាយាមធ្វើរបងកាត់អូរនេះ តាំងពីជំនាន់ លោកឃឹម ហ្វីណង់ ដែលជាក្មួយប្រុសបង្កើតរបស់លោក នៅធ្វើជាអភិបាលស្រុកបន្ទាយស្រីមកម៉្លេះ ប៉ុន្តែមិនអាចធ្វើបានដោយរលូនបានទេ ដោយសារមានបណ្តឹងពីប្រជាពលរដ្ឋ។ ប៉ុន្តែដោយឃើញឱកាសល្អ ក្នុងពេលអាជ្ញាធរ មានសមត្ថកិច្ចជាប់រវល់ក្នុងការរៀបចំសណ្តាប់ធ្នាប់សម្រាប់ការបោះឆ្នោតជាតិ ខាងមុខនេះ លោកឃឹម ប៉ូសាយ ក៏បានលបលួចធ្វើម្តងទៀត។

លោក ឃឹម ប៉ូសាយ បានបដិសេធមិនធ្វើអត្ថាធិប្បាយ នោះទេនៅពេលអង្គភាពសៀមរាប ប៉ុស្តិ៍ បានទំនាក់ទំនងតាមទូរស័ព្ទនៅរសៀលថ្ងៃអង្គារ ទី២៥ ខែកក្កដានេះ ដោយបញ្ជាក់យ៉ាងខ្លីថា ជាដីរបស់ផ្កាយ៣ រួចក៏ចុចបិទទូរស័ព្ទ។

ទោះជាយ៉ាងណា លោកហ៊ាប ថា មេឃុំត្បែង បានប្រាប់សារព័ត៌មានសៀមរាប ប៉ុស្ដិ៍តាមទូរស័ព្ទថា សំណង់ខាងលើ ពិតជារបស់លោក ឃឹម ប៉ូសាយ ពិតប្រាកដមែន។ លោកមេឃុំបន្តថា ក្រៅពីធ្វើរបងសំណង់នោះ ក៏មានការសាងសង់អគារសំណង់នៅលើដីផងដែរ។ លោកថា សំណង់អគារ ក៏មិនមានច្បាប់ដែរ បើមានច្បាប់មែនគាត់បង្ហាញហើយ។ 

សូមជម្រាបថា អាជ្ញាធរស្រុកបន្ទាយស្រីនៅថ្ងៃទី១៧ ខែកក្កដា ឆ្នាំ២០២៣ បានចុះទៅទប់ស្កាត់សំណង់ខាងលើនេះ ហើយកោះហៅ ម្ចាស់សំណង់ឲ្យចូលខ្លួនមកដោះស្រាយ នៅសាលាស្រុកនៅថ្ងៃទី១៩ ខែកក្កដា ឆ្នាំ២០២៣ ហើយពន្យាពេលទៅថ្ងៃទី២៧ ខែកក្កដា ឆ្នាំ២០២៣ដោយនាគខៀវ

ខេត្តសៀមរាប៖ជនសង្ស័យចំនួនពីរនាក់ត្រូវបានសមត្ថកិច្ចឃាត់ខ្លួន ករណីអំពើលួច (កាត់ខ្សែភ្លើង) ក្នុងកាបុីនភ្លើង នៅចំណុចព្រលានយន្តហោះអន្តរជាតិសៀមរាបថ្មី។

ការឃាត់ខ្លួនធ្វើឡើងនៅវេលាម៉ោង១០និង៣០នាទី ថ្ងៃទី២៤ ខែកក្កដា ឆ្នាំ២០២៣ ស្ថិតនៅក្នុងភូមិប្រវាល ឃុំតាយ៉ែក ស្រុកសូទ្រនិគម ខេត្តសៀមរាប
ក្រោយមកក្រុមភ្នាក់ងារក្រុមហ៊ុនសន្តិសុខស៊ីវិល និង កម្លាំងអាវុធហត្ថ រួមជាមួយកម្លាំងនគរបាលអន្តរាគមន៍របស់ស្នងការនគរបាលខេត្តសៀមរាប។

ជនសង្ស័យ១/ឈ្មោះអុីង សំណាងភេទប្រុស អាយុ២៥ឆ្នាំ មានទីលំនៅភូមិថ្នល់ចែក ឃុំពពេល ស្រុកសូទ្រនិគម ខេត្តសៀមរាប។
២/ឈ្មោះប្រន កែប ភេទប្រុស អាយុ៣៦ឆ្នាំមានទីលំនៅភូមិស្វាយជ្រុំ ឃុំសំរោង ស្រុកសូទ្រនិគម ខេត្តសៀមរាប។ ករណីនេះសមត្ថកិច្ចដកហូត ម៉ូតូចំនួន០២គ្រឿង ជារបស់ជនសង្ស័យ។

ចំពោះវត្ថុតាង ខ្សែភ្លើងពុំមានទេ ដោយជនសង្ស័យ លួចចូល កាត់ខ្សែភ្លើងក្នុងការបុីនភ្លើង ខូចនិងផ្ទុះសេរខ្ទេចអស់។បច្ចុប្បន្ន កងអន្តរាគមន៍ស្នងការនគរបាលខេត្ត បានប្រគល់ឲ្យអធិការនគរបាលស្រុកសូទ្រនិគម បន្តនីតិវិធី៕ដោយនាគខៀវ

ខេត្តសៀមរាប៖បុរសម្នាក់បានស្លាប់ ដោយករណី​គ្រោះថ្នាក់​ចរាចរណ៍​ (ធ្លាក់ទឹកស្លាប់)នៅវេលាម៉ោង ប្រម៉ាណ ៦ ថ្ងៃទី​២៤​ ខែកក្កដា​ ឆ្នាំ​២០២៣​ នៅលើផ្លូវមិត្តភាពកូរ៉េ នឹងកម្ពុជា ស្ថិត​នៅភូមិ​អង្គរក្រៅ​ សង្កាត់​គោកចក​ ក្រុងសៀមរាប។

សមត្ថកិច្ចបានអោយដឹងថា ជនរងគ្រោះឈ្មោះ​ តឿ​ ភ្លូ អាយុ​៥០ឆ្នាំ​ រស់នៅ​ភូមិអង្គរក្រៅ​ សង្កាត់​គោកចក​ ក្រុងសៀមរាប។

សមត្ថកិច្ចបានបញ្ជាក់ថា ករណីនេះ មូលហេតុ: បើកបរ ម៉ូតូងង៉ុយដេក។ បច្ចុប្បន្ន: សាកសព​ ត្រូវបានសមត្ថកិច្ចប្រគល់អោយទៅក្រុមគ្រួសារ​ ដេីម្បីយកទៅធ្វេីបូណ្យតាមប្រពៃណី៕ដោយនាគខៀវ

ខេត្តសៀមរាប៖ប្រធានអង្គការមូលនិធិអប់រំនៅកម្ពុជា បើករថយន្តដឹកប្រពន្ធនិងកូន ដើម្បីធ្វើភ្នាក់ងារសង្កេតការ ក្នុងការិយាយល័យបោះឆ្នោត បានជួបហេតុការណ៍ធ្លាក់រថយន្ត។

នេះបើយោងតាមរបាយការណ៍របស់អធិការនគរបាលស្រុកប្រាសាទបាគង។ ហេតុការណ៍បានកើតឡើង នៅថ្ងៃអាទិត្យ ត្រូវនឹងថ្ងៃទី23 ខែកក្កដា ឆ្នាំ2023 នៅវេលាម៉ោង៦និង០០ នាទី ត្រង់ចំណុចទំនប់៧៨ ស្ថិតនៅភាគខាងជើងកញ្ចុសឈ្មោះ ក្តី ចំងាយប្រហែល១០០ម៉ែត្រ។

របាយការណ៍បានបន្តថា ហេតុការណ៍ នេះរថយន្ត ម៉ាកហាយ ឡែនឌ័រពណ៌ ទឹកប្រាក់ក្រឡាប់ធ្លាក់ផ្លូវដោយខ្លួនឯង។ អ្នកបើកឡាន ឈ្មោះ ស្រី សំបូរ ហៅ បញ្ញា ភេទប្រុស ប្រធានអង្គការមូលនិធិអប់រំនៅកម្ពុជា និង ប្រពន្ធ ឈ្មោះ ឡេង សៃវង្ស និងកូនស្រី ៣នាក់ ប្រុស ១នាក់ រស់នៅភូមិល្វាឃុំត្រពាំងធំ ស្រុកប្រាសាទបាគង ខេត្តសៀមរាប។

របាយការណ៍បានបន្តថា អ្នកបើកបរខាងលើធ្វើដំណើរមក ឃុំកំពង់ភ្លុក ដើម្បីធ្វើភ្នាក់ងារសង្កេតការក្នុងការិយាយល័យបោះឆ្នោត ក៏បានជួបហេតុការណ៍តែម្ដង។ ទោះជាយ៉ាងណា ក៏ជាសំណាង១ក្នុង១ពាន់គ្រោះថ្នាក់ ដោយអ្នកទាំង៤ មិនមានគ្មានគ្រោះថ្នាក់អ្វីទេ។

បើតាមម្ចាស់រថយន្តបានសរសេរក្នុងប្រអប់ខមិន អង្គភាពសៀមរាប ប៉ុស្ដិ៍ ថា មិនមែនទេបង ខ្ញុំជាម្ចាស់ឡាន មិនមែនមិនប្រុងប្រយ័ត្នទេ ខ្ញុំបើកទៅសង្កេតការណ៍បោះឆ្នោត ហើយទៅបោះឆ្នោតផង តែឡានខ្ញុំវាដាច់កាឡេទើប វាក្រវី ហើយវាមិនមែនម៉ោង៩ ទេ ម៉ោង5.40 នាទីព្រឹក មានកូន៤នាក់ និងខ្ញុំហើយប្រពន្ធ ផងដែរខ្ញុំព្យាយាមទប់ហើយតែវាអ្វីដែលអាចធ្វើបានគឺ ប៉ុណ្ណឹង។

ខ្ញុំម្ចាស់ឡានបង អរគុណ ពួកយើងសំណាងល្អដែលគ្រាន់តែរបួសស្រាល កូនៗខ្ញុំនិងប្រពន្ធគាត់ភ័យខ្លាំងតែមិនធ្ងន់ធ្ងរពេកទេបង ដោយសាខ្ញុំបើកល្បឿន៤០ ទេ ហើយ ពេលវាដាច់ក្រឡេវាក្រវាត់ខ្លាំងខ្ញុំព្យាយាមទប់មិនអោយធ្លាក់ទៅខាងទឹកជ្រៅទើបបានប៉ុណ្ណឹងបង៕ដោយនាគខៀវ

ផ្ទះមួយខ្នងបានរងការឆាបឆេះទាំងស្រុង ខណ:មានករណីហឹង្សាក្នុងគ្រួសារ ហើយបុរសជាប្ដីបានសម្រេចដុតចោល។

ហេតុការណ៍បានកើតឡើង នៅវេលាម៉ោង១៤ “៥០នាទី ថ្ងៃទី២១ ខែកក្តដា ឆ្នាំ២០២៣ នៅចំណុចភូមិបាគូ ឃុំស្រែស្តុក ស្រុកកណ្តៀង ខេត្តពោធិ៍សាត់។

សមត្ថកិច្ចបានអោយដឹងថា ករណីនេះ ប្រព្រឹត្តដោយជនសង្ស័យ ឈ្មោះ កែវ គឹមនី ភេទប្រុស អាយុ ៣៥ឆ្នាំ បានយកប្រេងសាំងចាក់ដុតផ្ទះខ្លួនឯងបណ្តាលឲ្យឆេះទាំងស្រុង ១ខ្នង ទំហំ៥ម x ៦ម ធ្វើពីឈើ ប្រក់ស័ង្កសី សម្ភារៈខូចខាតទាំងស្រុង ហើយគេចខ្លួនបាត់។

មូលហេតុ៖ ទំនាស់ពាក្យសម្តី(ប្រចណ្ឌប្តីមានស្រី)។បច្ចុប្បន្ន៖ សមត្ថកិច្ចកំពុងស្រាវជ្រាវរកជនសង្ស័យ៕ដោយនាគខៀវ

មនុស្សពីរនាក់បានរងរបួសធ្ងន់ស្រាលខណៈកំពុងជិះម៉ូតូត្រូវបានរថយន្តបុកចំភ្លេចទំហឹង។ ហេតុការណ៍បានកើតឡើង នៅវេលាម៉ោង២០”៤៥នាទី ថ្ងៃទី២១ ខែកក្តដា ឆ្នាំ២០២៣ ចំណុចគីឡូម៉ែត្រលេខ១៣ ភូមិអូរបាក់ត្រា ឃុំព្រងិល ស្រុកភ្នំក្រវាញ ខេត្តពោធិ៍សាត់។

ប្រភពពីសមត្ថកិច្ចបានឲ្យដឹងថា គ្រោះថ្នាក់ចរាចរណ៍នេះ បង្កដោយរថយន្តម៉ាតូយ៉ូតា ពណ៌ស ពាក់ស្លាកលេខកំពង់ឆ្នាំង ២A ០២៣៩ បើកបរដោយឈ្មោះ ចែ និត ភេទស្រី អាយុ ៣៨ឆ្នាំ ខ្មែររស់នៅភូមិទួលគ្រួស សង្កាត់ចំរើនផល ក្រុងពោធិ៍សាត់ បានបុកម៉ូតូម៉ាកវេវអាល់ហ្វា ពណ៌ខ្មៅ (គ្មានសលេខ) បើកបរដោយ ឈ្មោះ ម៉ន សាមឿត ភេទប្រុស អាយុ ១៧ឆ្នាំ ខ្មែររស់នៅភូមិអូរដកា ឃុំប្រម៉ោយ ស្រុកវាលវែង ខេត្តពោធិ៍សាត់(របួសស្រាល) និងអ្នករួមដំណើរឈ្មោះ វឿន ម៉ៅ ភេទប្រុស អាយុ ១៦ឆ្នាំ ខ្មែររស់ភូមិ/ឃុំជាមួយគ្នា(របួសធ្ងន់)។

បច្ចុប្បន្ន៖ ជនរងគ្រោះបញ្ជូនទៅមន្ទីរពេទ្យខេត្តពោធិ៍សាត់។ វត្ថុតាងរក្សាទុកនៅអធិការដ្ឋាននគរបាលស្រុកភ្នំក្រវាញ៕ដោយនាគខៀវ

ក្មេងស្រីម្នាក់បានលង់ទឹកស្លាប់ខណៈតាមឪពុកម្ដាយទៅលេងទឹកមួយកន្លែង។ ហេតុការណ៍បានកើតឡើងនៅវេលាម៉ោង 16:00 នាទីថ្ងៃទី 21 ខែ 7 ឆ្នាំ 2023 នៅចំណុចស្ទឹងកំប្រាក់ភូមិកុំប្រាក់ ឃុំយាង ស្រុកជាំក្សាន្ត ខេត្តព្រះវិហារ។

ប្រភពបានអីដឹងថា ជនរងគ្រោះ ឈ្មោះ ណៃ ចាន់កក្កនីភេទស្រីអាយុ 8 ឆ្នាំ មុខរបរសិស្ស រស់នៅភូមិត្រាំពងឃុំព្រះប្រឡាយ ស្រុកត្រពាំងប្រាសាទ ខេត្តឧត្តរមានជ័យ។ មូលហេតុ: មកលេងទឹកជាមួយឪពុកម្ដាយ។ បច្ចុប្បន្នសពត្រូវបានក្រុមគ្រួសារយកទៅធ្វើបុណ្យតាមប្រពៃណី៕ដោយនាគខៀវ

ភ្នាក់ងារសេវាកម្មពន្ធដាររបស់ ក្រុមហ៊ុន ហ្វីដេស សឺវីស (ខេមបូឌា) លីមីតធីត (FIDES SERVICES (CAMBODIA) LIMITED.) ត្រូវបានអគ្គនាយកដ្ឋានពន្ធដារចេញសេចក្តីជូនដំណឹង ស្តីពី ការព្យួរអាជ្ញាប័ណ្ណ។ នេះបើយោងតាមសេចក្ដីប្រកាសរបស់ អគ្គនាយកដ្ឋានពន្ធដារ ដែលអង្គភាពសៀមរាប ប៉ុស្ដិ៍ ទើបទទួលបាន៕ដោយនាគខៀវ

ក្មេងប្រុសម្នាក់បានរងរបួសធ្ងន់ខណៈដើរឆ្លងផ្លូវត្រូវបានរថយន្តបុកចំពេញទំហឹង។ ហេតុការណ៍បានកើតឡើងនៅនៅវេលាម៉ោង ១១ ព្រឹកថ្ងៃទី២១ ខែកក្កដា ឆ្នាំ២០២៣ ស្ថិតក្នុងភូមិកំពង់គ១ ឃុំកៀនសង្កែ ស្រុកសូទ្រនិគម ខេត្តសៀមរាប លើកំណត់ផ្លូវជាតិលេខ៦។

ករណីគ្រោះថ្នាក់ចរាចរណ៍នេះ បង្ករដោយរថយន្តក្រុមហ៊ុនឡាវីតា ដឹកអ្នកដំណើរ ម៉ាក Ford transit ពណ៌ទឹកប្រាក់ពាក់ស្លាកលេខភ្នំពេញ1Y.0740 បើកបរដោយឈ្មោះទាំ យូសុះ ភេទប្រុស អាយុ២៨ឆ្នាំ មានទីលំនៅភូមិបាកាវ ឃុំតាជេស ស្រុកកំពង់ត្រឡាច ខេត្តកំពង់ឆ្នាំង បើកក្នុងទិសដៅពីលិច ទៅកើតបានបុក ក្មេងឆ្លងផ្លូវជាតិ បណ្ដាលឲ្យរបួសធ្ងន់។

ជនរងគ្រោះមានក្មេងរងគ្រោះឈ្មោះហ៊ន់ ជីងរ៉ូ ភេទប្រុស អាយុ៧ឆ្នាំ។

បច្ចុប្បន្នក្មេងរងគ្រោះបញ្ជូន ទៅមន្ទីរពេទ្យបង្អែកស្រុក។ ឯវត្ថុតាងរថយន្តរក្សាទុកនៅកន្លែងនគរបាលស្រុក៕ដោយនាគខៀវ