ខេត្តសៀមរាប៖អ្នកស្រុកអង្គរធំ ជាច្រើននាក់ នៅព្រឹកថ្ងៃទី១៤ ខែធ្នូ ឆ្នាំ២០២០ នេះ បាននាំគ្នាចុះបិទផ្លូវ ដោយទ្រាំលែងបាន នឹងរថយន្តធំៗ បើកធ្វើឲ្យហុយខ្លាំងពេក។

សមត្ថកិច្ចស្រុកអង្គរធំបានរាយការណ៍ថា ករណីនេះមានពលរដ្ឋ ចំនួន២៩នាក់ រស់នៅភូមិទ័ពស្វាយ ឃុំជប់តាត្រាវ ស្រុកអង្គរធំ បាននាំគ្នាបិតផ្លូវមិនឲ្យឡានធ្វើដំណើនៅលើដងផ្លូវ។ សមត្ថកិច្ចបញ្ជាក់ថាការបិទផ្លូវរបស់ពលរដ្ឋ ខាងលើដោយសារតែ មូលហេតុ ដីហុយខ្លាំងពេក  ពួកគាត់មិនអាចទ្រាំបាន។

បើតាមសមត្ថកិច្ចបញ្ជាក់ថាពលរដ្ឋ ដែលបានបិទផ្លូវ ទាមទាអោយ មានស្រោចទឹកដើម្បីកុំអោយដីហុយខ្លាំងពេក។

ពាក់ព័ន្ធការបិទផ្លូវនេះ មិនទាន់ឃើញអាជ្ញាធរស្រុក ដោះស្រាយនៅឡើយទេ។ សូមបញ្ជាក់ថាផ្លូវមួយខ្សែ ដែលពលរដ្ឋបិទនោះ គឺមានរថយន្តដឹកខ្សាច់ ដឹកដី ដឹកថ្ម បំផ្លាញផ្លូវ ទាំងខួបប្រាំងនិងវស្សា ធ្វើឲ្យផ្លូវរងការខូចខាតពិបាកធ្វើដំណើរបស់ពលរដ្ឋ យ៉ាងខ្លាំង។ ទោះយ៉ាងណាពលរដ្ឋ សង្ឃឹមថាអាជ្ញាធរនឹងចុះដោះស្រាយបញ្ហានេះ ជូនពួកគាត់ជាក់ជាមិនខាន៕SRP

ខេត្តសៀមរាប៖រដ្ឋបាលខេត្តសៀមរាប សូមផ្ញើសារលិខិត ជូនពរសូមគោរពជូនសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា នាទិវាដ៏មហាមង្គលសួស្តីប្រពៃថ្លៃថ្លា នៃឱកាសខួបចម្រើនជន្មាយុគម្រប់ ៦៦ឆ្នាំ ឈានចូល ៦៧ឆ្នាំ របស់សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ដែលនឹងប្រព្រឹត្តទៅ នាថ្ងៃអង្គារ ១កើត ខែបុស្ស ឆ្នាំជូត ទោស័ក ព.ស.២៥៦៤ ត្រូវនឹងថ្ងៃទី១៥ ខែធ្នូ ឆ្នាំ២០២០នេះ តាងនាមក្រុមប្រឹក្សា គណៈអភិបាលខេត្ត ថ្នាក់ដឹកនាំគ្រប់លំដាប់ថ្នាក់ មន្រ្តីរាជការ កងកម្លាំងប្រដាប់អាវុធ ប្រជាពលរដ្ឋទូទាំងខេត្តសៀមរាប និងក្នុងនាមខ្លួនខ្ញុំផ្ទាល់ យើងខ្ញុំទាំងអស់គ្នា មានសេចក្តីសោមនស្សរីករាយ យ៉ាងក្រៃលែង និងសូមចូលរួមជូននូវសព្វសាធុការពរជ័យ គោរពជូនចំពោះ សម្តេចកិត្តិព្រឹទ្ធបណ្ឌិត ប្រធានកាកបាទក្រហមកម្ពុជា។

យើងខ្ញុំទាំងអស់គ្នា សូមឧទ្ទិសបួងសួងដល់គុណបុណ្យព្រះរតនត្រ័យ វត្ថុសក្តិសិទ្ធិក្នុងលោក និងទេវតាថែរក្សាទឹកដីអង្គរ សូមជួយប្រសិទ្ធពរជ័យបវរសួស្តី សិរីមង្គល វិបុលសុខ មហាប្រសើរ គ្រប់ប្រការជូន សម្តេចកិត្តិព្រឹទ្ធបណ្ឌិតប្រធាន ឧត្តមភរិយាដ៏ឧត្តុង្គឧត្តមរបស់ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា និងក្រុមគ្រួសារជាទីស្រឡាញ់ សូមបានសមប្រកបនូវសុខភាពល្អបរិបូរណ៍ អាយុយឺនយូរ កម្លាំងខ្លាំងក្លា ប្រាជ្ញាឈ្លាសវៃ ដើម្បីអភិវឌ្ឍមាតុភូមិកម្ពុជា ក្នុងបេសកកម្មដ៏ឧត្តុង្គឧត្តមក្នុងការដឹកនាំស្ថាប័នកាកបាទក្រហមកម្ពុជា និងបម្រើជាតិ ព្រមទាំងប្រជាពលរដ្ឋកម្ពុជាឱ្យកាន់តែរីកចម្រើនឈានឆ្ពោះទៅរកភាពសម្បូរសប្បាយជានិច្ចនិរន្តរ៍៕SRP

ខេត្តសៀមរាប៖លោក លី សេងហួត តំណាង លោកជំទាវ ឧកញ៉ា បណ្ឌិត លី អ៊ុំអេង «អគ្គនាយិការ ក្រុមហ៊ុន លី អ៊ុំអេង» បាននាំយកអង្ករចំនួន៥តោន ឧបត្ថម្ភ ជូនរដ្ឋបាលខេត្តសៀមរាប។

ការឧបត្ថម្ភអង្ករ នាព្រឹកថ្ងៃទី១៤ ខែធ្នូ ឆ្នាំ២០២០ នេះ នៅរដ្ឋបាលខេត្តសៀមរាប ក្រោមការទទួលពីលោក ពិន ប្រាកដ អភិបាលរង ខេត្តសៀមរាប។

លោក ពិន ​ប្រាកដ បានថ្លែងអំណរគុណ ចំពោះក្រុមហ៊ុន លី អ៊ុំអេង» ដែលបានជួយឧបត្ថម្ភ អំណោយជាអង្ករ ដល់រដ្ឋបាលខេត្ត និងបានសុំជូនដល់ក្រុមហ៊ុន លី អ៊ុំអេង» ទទួលបានជោគជ័យបន្ថែមទៀត៕SRP

ខេត្តបាត់ដំបង៖មនុស្សប្រុសស្រីចំនួន១១នាក់ ត្រូវបានប៉ូលិសខេត្តបាត់ដំបង ឃាត់ខ្លួននាំយកទៅកាន់ស្នងការ ដើម្បីសាកសួរ ពាក់ព័ន្ធករណីប្រតិបត្តិការ បង្ក្រាបល្បែងស៊ីសង តាមប្រព័ន្ធអីនធឺណិត។

មន្ត្រីនគរបាលខេត្តបានឲ្យដឹងថា ការបង្ក្រាបនេះធ្វើនៅរសៀលថ្ងៃទី ១៣​ ខែ​ ធ្នូ ម្សិលមិញ ដោយធ្វើ ចំនួន​ ០២​ ទី​តាំង​ នៅក្នុងក្រុមទី ០៨​ ភូមិ​កម្មករ​ សង្កាត់​ស្វាយ​ប៉ោ​ ក្រុងបាត់ដំបង​ ខេត្តបាត់ដំបង។ ក្នុងនោះ ក៏បានដកហូតនូវសម្ភារឧបករណ៍ មួយចំនួនធំផងដែរ។

មន្ត្រីនគរបាលបានបញ្ជាក់ថា ទីតាំងដែល​បានបេីក​ប្រកបមុខរបរអិនធឺណែត​Internet ​ដែលមាន​ច្បាប់អនុញ្ញាតត្រឹមត្រូវ​ តែមានលួចលាក់បង្កប់នូវសកម្មភាព​ល្បែងស៊ីសង ដោយខុសច្បាប់នោះ សមត្ថកិច្ចនឹងចាត់វិធានការបង្រ្កាប និងបញ្ជូនទៅតុលាការ ផ្តន្ទាទោសតាមផ្លូវច្បាប់។ ដូច្នេះម្ចាស់ទីតាំងដែលកំពុងប្រកបមុខរបរនេះ​ សូមកុំប្រព្រឹត្តសកម្មភាព ល្មេីសច្បាប់ឱ្យសោះ៕SRP

ខេត្តបាត់ដំបង៖បុរសម្នាក់ត្រូវបានពលរដ្ឋ ប្រទះឃើញដេកស្លាប់ នៅក្នុងទឹកប្រឡាយ។

ហេតុការណ៍នេះ បានកើតឡើងនៅរសៀលថ្ងៃទី១២ ខែធ្នូឆ្នាំ២០២០ នៅត្រង់ចំណុចក្រុមទី២៥ ស្ថិតក្នុងភូមិកណ្ដាលត្បូង ឃុំគោកឃ្មុំ ស្រុកថ្មគោល ខេត្តបាត់ដំបង។

សមត្ថកិច្ចបានឲ្យដឹងថា ជនរងគ្រោះ មានឈ្មោះ ហុន សំណាង អាយុ៤៧ឆ្នាំ មុខរបរធ្វើស្រែរស់នៅក្រុមទី២៤ ភូមិកណ្ដាលត្បូង ឃុំគោកឃ្មុំ ស្រុកថ្មគោល ខេត្តបាត់ដំបង។

លោកវរសេនីយ៍ឯក ផង់ សុភាព អធិការនគរបាលស្រុកថ្មគោល បានឲ្យដឹងថាក្រោយការត្រួតពិនិត្យ និងធ្វើកោសលវិច្ច័យ របស់មន្ត្រីនគរបាលជំនាញ ទៅលើសាកសពជនរងគ្រោះ គឺគាត់បានស្លាប់ដោយសារ លង់ទឹកនិងថប់ផ្លូវដង្ហើមពិតប្រាកដមែន។

បច្ចុប្បន្ន ត្រូវបានប្រគល់ ឲ្យក្រុមគ្រួសារ យកទៅធ្វើបុណ្យតាមប្រពៃណី៕SRPដោយប៊ុនថេត

ភ្នំពេញ៖«សិទ្ធិមនុស្សក្នុងសង្គមប្រជាធិបតេយ្យ»៖

ខេត្តសៀមរាប៖អធិការដ្ឋាននគរបាលក្រុងសៀមរាប​ បានបន្តអំពាវឲ្យប្រជាពលរដ្ឋ មានការប្រុងប្រយ័ត្ន ចំពោះ ម៉ូតូរបស់ខ្លួន ដោយត្រូវចាក់សោរ សង្គួរបន្ថែម។

សូមបញ្ជាក់ថានៅថ្ងៃទី១៣ ខែធ្នូ ឆ្នាំ២០២០ នេះ កម្លាំងប៉ុស្តិ៍នគរបាលរដ្ឋបាល ស្វាយដង្គំ នៃអធិការដ្ឋាននគរបាលក្រុងសៀមរាប  បានចុះណែនាំបងប្អូន ប្រជាពលរដ្ឋ ឲ្យថែរក្សា ម៉ូតូ ឲ្យបានត្រឹមត្រូវ ដោយត្រូវចាក់សោរសុវត្ថិភាព​បន្ថែម​ ដូចជា​ សោរចន្ទល់​ ឬសោរកង​-ច្រវាក់ ដេីម្បីជៀសវាងការបាត់បង់​ «ប្រហែសបាត់_ប្រយ័ត្នគង់»។
ប្រសិនបើបងប្អូនប្រជាពលរដ្ឋ ជួបបញ្ហារអសន្តិសុខ សូមទាក់ទងមកលេខប្រចាំការ២៤ម៉ោង/២៤ម៉ោង​
️​០៩៧​ ៧៧៨​ ០១២៣​ /​ ០១២​ ២៣៩​ ២៤០

ខេត្តសៀមរាប៖រថយន្តក្រុមហ៊ុនកាពីតូល
ទេសចរណ៍ បុកម៉ូតូ នៅស្រុកក្រឡាញ់ បណ្ដាលឲ្យមនុស្ស២ នាក់ រងរបួស។

ហេតុការណ៍បានកើតឡើងនៅវេលាម៉ោង១០ និង២០នាទី ថ្ងៃទី១៣ ខែធ្នូ ឆ្នាំ២០២០ នៅលើផ្លូវជាតិលេខ៦ ត្រង់ចំណុចចន្លោះគីឡូលេខ ៣៥៨.៣៥៩ ស្ថិតនៅភូមិរំដេងឈ្នាន់ ឃុំស្រណាល ស្រុកក្រឡាញ់  ខេត្តសៀមរាប។

សមត្ថកិច្ចស្រុកក្រឡាញ់បានដឹងថា ករណីនេះ រវាងរថយន្តប្រភេទដឹកអ្នកដំណើរ«កាពីតូល ទេសចរណ៍» ម៉ាកKIA GRANBIAD ពណ៌សក្រហម ពាក់ផ្លាកលេខភ្នំពេញ 3C.1353 បើកបរដោយ មិនស្គាល់អត្តសញ្ញាណ ទិសដៅពីកើតទៅលិច បានបុកម៉ូតូមួយគ្រឿង ម៉ាក ហុងដាឌ្រីម ពណ៌ខ្មៅ ពាក់ផ្លាកលេខសៀមរាប 1R.7617 បើកបរដោយឈ្មោះ បឿន នឿ ភេទប្រុស អាយុ42 ឆ្នាំដឹកប្រពន្ធពីក្រោយ មានឈ្មោះ ហួរ ហ៊ាក់ អាយុ 34 ឆ្នាំរស់នៅភូមិមានជ័យ ឃុំស្រណាល ស្រុកក្រឡាញ់ ខេត្តសៀមរាប ទាំងពីរនាក់បានបើកឆ្លងថ្នល់ពីត្បូងទៅជើងរួចបត់ឆ្វេងទៅទិសខាងលិច (អ្នកបើកបរពាក់មួកសុវត្ថិភាព អ្នករួមដំណើរមិនបានពាក់មួកសុវត្ថិភាព បណ្ដាល ឲ្យរបួសទាំងពីរនាក់។

សមត្ថកិច្ចបានដឹងថាបន្ទាប់ពីកើតហេតុ
អ្នកបើកបររថយន្ត បានបើកបន្តទៅទិសខាងលិច ហើយបានបត់ត្រឡប់ក្រោយមកវិញ ទៅទិសខាងកើត ដល់ចំណុចខាងលិចស្ពានផ្លាំងចម្ងាយ 500 ម៉ែត្រក៏បានចត រថយន្តទុកនៅលើថ្នល់ចំហៀងខាងស្ដាំ បានចុះរត់គេចខ្លួនបាត់។

គ្រោះថ្នាក់នេះរងការខូចខាតម៉ូតូមួយ គ្រឿងធ្ងន់និងរថយន្ត១គ្រឿងស្រាល។មូលហេតុ បណ្តាល អាចមកពីអ្នកបើកបរម៉ូតូហុងដាទ្រីម បើកឆ្លងថ្នល់ខ្វះការប្រុងប្រយ័ត្ន និងអ្នកបើកបររថយន្តមានល្បឿនលឿន។ វត្ថុតាង ត្រូវបានកម្លាំងជំនាញចរាចរណ៍ នាំយកទៅរក្សាទុក នៅអធិការដ្ឋាននគរបាល ស្រុកដើម្បីរង់ចាំដោះស្រាយ៕SRP

ខេត្តព្រះវិហារ៖ទំនងដោយសារអាកាសធាតុ ធ្លាក់ខ្យល់ត្រជាក់ ធ្វើឲ្យម៉ូតូ ហក់ទៅបុករថយន្តមួយគ្រឿងទាំងកំរោល។

សេចក្ដីរាយការណ៍បានឲ្យដឹងថាថ្ងៃទី13 ធ្នូ ឆ្នាំ2020 វេលាម៉ោង11និង30នាទីថ្ងៃត្រង់ ស្ថិតនៅភូមិគោកបេង សង្កាត់កំពង់ប្រណាក ក្រុងព្រះវិហារ មានករណីគ្រោះថ្នាក់ចរាចណ៍ មួយកើតឡើង រវាងម៉ូតូម៉ាកហុងដា ពាក់ស្លាកលេខ 1 B2872 ព្រះវិហារ បុកជាមួយរថយន្តម៉ាកលុចស៊ិស470 ពណ៌ខ្មៅ ពាក់ស្លាកលេខ2L-7051 ភ្នំពេញ។

សាក្សីបានឲ្យដឹងថា មុនពេលកើតហេតុ គេឃើញម៉ូតូ បើកក្នុងល្បឿនលឿន នៅពេលមកដល់ផ្លូវបំបែក សង្ស័យខ្វះកាប្រុងប្រយ័ត្ត ក៏បុករថយន្ត ដែលកំពុងតែរៀប ឆ្លងផ្លូវ ចំពេញទំហឹង បណ្តាលអោយគាំងជាប់ម៉ូតូ ជាមួយរថយន្តនេះស្អិតតែម្តង។

សេចក្ដីរាយការណ៍បានបញ្ជាក់ថាករណីនេះ ភាគីខាងរថយន្ត មានឈ្មោះ ឈៀវ សុវ៉ាត ភេទស្រី រស់នៅភូមិកោកបេង សង្កាត់កំប្រណាក ក្រុងព្រះវិហារ។ ចំណែកខាងម៉ូតូ មានឈ្មោះ ភួង ច័ន្រ្តា ភេទប្រុស រស់នៅភូមិ ភារៈកិច្ច ឃុំប៉ាលហាល ក្រុងព្រះវិហារ រងរបួសក្រោមចង្កា ចំនួនពីកន្លែងធំៗ។

ម៉ូតូនឹងរថយន្ត ត្រូវបាននគបាលចរាណ៍ ចុះវាស់វែង នឹងដោយស្រាយតាមនិតិវិធីច្បាប់៕SRP

ភ្នំពេញ៖សម្ដេចហេង សំរិន ប្រធានរដ្ឋសភាជាតិ នៃ កម្ពុជា បានលើកឡើងថា៖ សូមជនរួមជាតិបន្តការពារខ្លួនកុំឱ្យឆ្លងជំងឺកូវីដ១៩។

ខ្ញុំសូមជម្រាបជនរួមជាតិថា ខ្ញុំនិងសមាជិកក្រុមគ្រួសារ ព្រមទាំងសមាជិក សមាជិការដ្ឋសភា ដែលបានពាក់ព័ន្ធព្រឹត្តិការណ៍សហគមន៍២៨វិច្ឆិកា បានធ្វើតេស្តលើកទី៣ កាលពីថ្ងៃទី១២ធ្នូ ជាលទ្ធផល «អវិជ្ជមានទាំងអស់»

ទោះបីស្ថានការណ៍ព្រឹត្តិការណ៍សហគមន៍២៨វិច្ឆិកា ហាក់ត្រូវបានគេយើងគ្រប់គ្រងបានទាំងស្រុងហើយក្តី ប៉ុន្តែសូមជនរួមជាតិកុំប្រហែសជាមួយនឹងជំងឺកូវីដ១៩ឱ្យសោះ។ ជំងឺនេះ នៅបន្តគំរាមកំហែងប្រទេសយើងនិងសកលោកជានិច្ច។ យើងអាចភ្លេចជំងឺកូវីដ១៩ តែកូវីដ១៩ មិនដែលភ្លេចយើងនោះឡើយ។

សូមអំពាវានាវដល់ជនរួមបន្តអនុវត្តឱ្យបានខ្ជាប់ខ្ជួនរាល់វិធានការការពារ ទាំងឡាយដែលបានដាក់ចេញ ដោយក្រសួងសុខាភិបាល ដូចជាត្រូវពាក់ម៉ាសជានិច្ច ជៀសវាងការជួបជុំគ្នាដែលមានមនុស្សច្រើន ត្រូវរក្សាគម្លាតសុវត្ថិភាព ហើយឧស្សាហ៍លាងសម្អាតដៃជាប្រចាំ។ បើមិនមានការចាំបាច់ ពុំគួរចេញក្រៅផ្ទះនោះឡើយ។

ភារកិច្ចសំខាន់របស់យើងក្នុងការជួយសង្គមជាតិ ក្រុមគ្រួសារនាពេលនេះ គឺការចូលរួមប្រយុទ្ធប្រឆាំងជំងឺកូវីដ១៩ ធ្វើយ៉ាងកុំឆ្លងជំងឺមកលើខ្លួន ហើយចម្លងទៅគ្រួសារយើង សហគមន៍យើង។

ខ្ញុំសូមជូនពរជនរួមជាតិ រីករាយនាឱកាសឈប់សម្រាកចុងសប្តាហ៍នេះ និងទទួលបានសេចក្តីសុខ និងសុភមង្គលគ្រប់ក្រុមគ្រួសារ និងសូមឲ្យជំងឺកូវីដ-១៩ សាហាវនេះ ជៀសចេញចាកឆ្ងាយពីសលកលោកយើងនេះ ក្នុងពេលឆាប់ៗនេះទៅ៕SRP

ខេត្តសៀមរាប៖ក្រុមអាជីវករចំនួន ៥រូប បានឧបត្ថម្ភ ម៉ាស អាកុល និងទឹកសុទ្ធ ជូនកងកម្លាំងអាវុធហត្ថខេត្តសៀមរាប ដើម្បីរួមចំណែក ក្នុងការប្រយុទ្ធប្រឆាំងនឹងទប់ស្កាត់ជំងឺកូវីដ១៩ ដែលកំពុងរីករាលដាល។

ការប្រគល់នេះធ្វើឡើង នៅព្រឹកថ្ងៃទី ១៣ ខែធ្នូឆ្នាំ ២០២០ នេះ នៅទីបញ្ជាការកងរាជអាវុធហត្ថខេត្តសៀមរាប។

អាជីវករទាំង ៥ រូប
ទី១៖ លោក សើ វណ្ណដា
២.លោក ប៊ឹប ប៊ី
៣.លោក ស៊ុន វុទ្ធី
៤.លោក សុខ ប៊ុណ្ណារ៉ា
៥.លោក ម៉ៅ ដារារិទ្ធ 

សូមបញ្ជាក់ថាអំណោយទាំងអស់ មាន ទឹកសុទ្ធ៦០កេស. អាកុល៣កានស្នើ ៩០លីត្រ. ម៉ាស៣កេសធំស្មើ
៦០០០ពាន់ម៉ាស។

ក្នុងនាមអាវុធហត្ថខេត្តសៀមរាប សូមថ្លែងអំណរគុណ ចំពោះអាជីវករ ទាំងប្រាំរូប ដែលបានឧបត្ថម្ភ ម៉ាស អាកុល និងទឹកសុទ្ធ សម្រាប់ កងកម្លាំងអាវុធហត្ថ ដើម្បីជាការជួយទប់ស្កាត់ ជំងឺកូវីដ១៩ ដោយកម្លាំងអាវុធហត្ថ បានកំពុងបំពេញការងារ ភារកិច្ច ការពារ សន្តិសុខ ជូនប្រជាពលរដ្ឋ៕SRP