ប្រសិនបើមិនមានការរំខានដល់ការហោះហើរទេនោះ សម្តេចតេជោ ហ៊ុន សែន នាយករដ្ឋមន្រ្តីកម្ពុជា នឹងមកដល់ព្រលានអន្តរជាតិភ្នំពេញ នៅម៉ោង ២និង ៣០នាទីរសៀលនេះ។

សូមជម្រាបថានៅពេលនេះម៉ោង 10:00ព្រឹក (ម៉ោងនៅជប៉ុន) ថ្ងៃទី២៨​ កញ្ញា​ បានអញ្ជើញដឹកនាំគណៈប្រតិភូជាន់ខ្ពស់ចាកចេញពីប្រទេសជប៉ុនវិលត្រឡប់ទៅកាន់មាតុប្រទេសវិញតាមយន្តហោះពិសេស៕SRP

ខេត្តសៀមរាប៖បុរសម្នាក់ស្រវឹងស្រាបានលង់ទឹកស្លាប់នៅស្រុកអង្គរជុំ។

ហេតុការណ៍បានកើតឡើងនៅព្រឹកថ្ងៃអង្គារនេះ ចំណុចប្រឡាយទឹក ជាប់ថ្នល់ ស្ថិតក្នុងភូមិទំលាប់ ឃុំគោកដូង ស្រុកអង្គរជុំ ខេត្តសៀមរាប។

ប្រភពពីសមត្ថកិច្ចបានឲ្យដឹងថា ជនរងគ្រោះ មានឈ្មោះ ជូ ហែន អាយុ៤៣ឆ្នាំ រស់នៅភូមិអន្ទិតសុខ ឃុំគោកដូង ស្រុកអង្គរជុំ ខេត្តសៀមរាប។ ចំពោះមូលហេតុ បណ្ដាលមកពីស្រវឹងស្រា៕SRP

ខេត្តសៀមរាប៖ភ្ញៀវតែសចរណ៍ដើរលេងកម្សាន្តតាមរមណីយដ្ឋាននានា ក្នុងខេត្តសៀមរាបក្នុងថ្ងៃបុណ្យភ្ជុំបិណ្ឌប្រពៃណីជាតិ ឆ្នាំ២០២២នេះ មានចំនួនប្រមាណ ១៤៣.៤៧០ នាក់ ក្នុងនោះ ភ្ញៀវទេសចរជាតិ និងបងប្អូនប្រជាពលរដ្ឋក្នុងខេត្ត មានចំនួនប្រមាណ ១៤០.០០០ នាក់ (ភ្ញៀវទេសចរមកពីតាមបណ្តាខេត្តមានចំនួនប្រមាណ៥៥-៦០% ប្រមាណជាង ៧០.០០០-៨០.០០០នាក់) ដែលធ្វើដំណើរកម្សាន្តជាលក្ខណៈគ្រួសារទៅកាន់ រមណីយដ្ឋានអង្គរមានចំនួនប្រមាណ ៨៥.០០០ នាក់ រមណីយដ្ឋានឧទ្យានជាតិភ្នំគូលែនមានចំនួប្រមាណ ៤.៦០០ នាក់ តំបន់ទន្លេសាបមានចំនួនប្រមាណ ១.៥០០០ នាក់ សហគមន៍ទេសចរណ៍-អេកូទេសចរណ៍និងតំបន់ផ្សេងៗមានចំនួនប្រមាណ ៣៥.៤០០ នាក់។ ភ្ញៀវទេសចរបរទេសផ្ទៃក្នុងមានចំនួន ៣.៤៧០ នាក់។

នេះយោងតាមរបាយការណ៍របស់មន្ទីរទេសចរណ៍ខេត្តសៀមរាប។

អ្នកទេសចរបានសម្ដែងការសប្បាយរីករាយ ក្នុងការដើរកំសាន្ដនៅរមណីយដ្ឋានអង្គរ នាពិធីបុណ្យភ្ជុំឆ្នាំ២០២២ បន្ទាប់ពីខកខានចំនួនពីរឆ្នាំកន្លងមក ដោយសារការរីករាលដាល់នៃជំងឺកូវីដ-១៩។ ដំណើរកំសាន្ដ បានសប្បាយនាឆ្នាំនេះ បង្ហាញថា រាជរដ្ឋាភិបាលបានយកចិត្ដទុកដាក់ខ្ពស់ចំពោះផ្លូវថ្នល់ ព្រោះពីមួយឆ្នាំទៅមួយឆ្នាំ ពួកគេងាយស្រួលធ្វើដំណើរទេសចរណ៍។

ភ្ញៀវទេសចរដែលបានទៅកម្សាន្ត នៅខេត្តសៀមរាប បានលើកឡើងដូចគ្នាថា ពួកគាត់ដើរកំសាន្ដជាច្រើនកន្លែង ជាពិសេសនៅប្រាសាទអង្គរ មានការជួយសម្រួលសណ្ដាប់ធ្នាប់ល្អ។

ពួកគាត់បន្ដថា ការកំសាន្ដនៅខេត្ដសៀមរាប មានកន្លែងទស្សនាច្រើន ដែលរំពឹងថា ប្រជាពលរដ្ឋនៅមូលដ្ឋាន និងទទួលបានចំណូលច្រើនពីវិស័យទេសចរណ៍នេះ។ ពួកគាត់បានបង្ហាញពីការសប្បាយរីករាយ ដោយសារប្រទេសជាតិមានសន្ដិភាព និងមានការអភិវឌ្ឍផ្នែកជីវភាព ទើបធ្វើឱ្យមានកំណើននូវវិស័យទេសចរណ៍នេះ ជាពិសេសរាជរដ្ឋាភិបាលបានចាក់វ៉ាក់សាំង ជូនប្រជាពលរដ្ឋ បានគ្រប់គ្រាន់ធ្វើឱ្យស្ថានភាពកូវិដមានការធូស្រាល ធ្វើឱ្យប្រជាពលរដ្ឋអាចជួបជុំបងប្អូនធ្វើបុណ្យធ្វើទាន និងបានដើរកម្សាន្តតាមបណ្តារមណីយដ្ឋាននាៗយ៉ាងសប្បាយរីករាយ៕SRP

ខេត្តសៀមរាប៖បុរសម្នាក់បានដាច់ជើងម្ខាង ខណ:កំពុងកាត់ស្មៅបាក់ផ្លែម៉ាសុីនកាត់ស្មៅចំជើង។ ហេតុការណ៍បានកើតឡើងនៅថ្ងៃចន្ទ ម្សិលមិញ ស្ថិតនៅភូមិខ្លាឃ្មុំ  ឃុំខ្នងភ្នំ ស្រុកស្វាយលើ ខេត្តសៀមរាប។

សមត្ថកិច្ចខេត្តសៀមរាប បានថ្លែងប្រាប់ ទីភ្នាក់ងារសារព័ត៌មានសៀមរាប ប៉ុស្តិ៍ ធីវី អនឡាញ នៅព្រឹកថ្ងៃអង្គារនេះថា ករណីគ្រោះថ្នាក់នេះ បង្កឡើងដោយខ្លួនឯងដោយសារបាក់ផ្លែមាសុីនកាត់ស្មៅនៅចំការស្វាយចន្ទី បណ្ដាលអោយដាច់ជើងខាងស្ដាំក្រោមកំភួនជើង។

សមត្ថកិច្ចបន្តថា៖ ជនរងគ្រោះឈ្មោះ ជុំ ភាន់ អាយុ៣២ឆ្នាំ មានទីលំនៅភូមិខ្លាឃ្មុំ  ឃុំខ្នងភ្នំស្រុកស្វាយលើ ខេត្តសៀមរាប។

សមត្ថកិច្ចខេត្តសៀមរាប ករណីនេះមូលហេតុ ជនរងគ្រោះ កំពុងកាត់ស្មៅក៏បាក់ផ្លែម៉ាសុីន មកត្រូវជើងបណ្តាលបាក់ដាច់តែម្ដង។

បើតាមសមត្ថកិច្ចក្រោយកើតហេតុ ជនរងគ្រោះ ត្រូវបានគេបញ្ជូនមកសង្គ្រោះបឋម នៅមណ្ឌលសុខភាពឃុំខ្នងភ្នំ រួចបានបញ្ជូនបន្តទៅមន្ទីរពេទ្យស្រុកសូត្រនិគម៕SRP

ខេត្តសៀមរាប៖ប្រជាពលរដ្ឋបានប្រទះឃើញសាកសពបុរសម្នាក់ បណ្ដែតទឹក។

ហេតុការណ៍បានកើតឡើងនៅចំណុចភូមិគ្រួសសង្កាត់ស្វាយដង្គំ ក្រុងសៀមរាប ថ្ងៃទី ២៥ខែកញ្ញាឆ្នាំ២០២២។

សមត្ថកិច្ចមូលដ្ឋានបានឲ្យដឹងថាសាកសព មានសភាព ហែមអណ្ដែតនៅមាត់លូមានសភាពស្អុយរលួយពុំស្គាល់អត្តសញ្ញាណ ភេទប្រុស។

បើតាមការពិនិត្យសាកសពរបស់នគរបាលបញ្ជាក់ថា សាកសពពុំមានស្នាមបទល្មើសព្រហ្មទណ្ឌឡើយ គឺស្លាប់ដោយសារឈ្លក់ទឹក។

បច្ចុប្បន្ន សាកសព ត្រូវបានយកទៅតម្កល់ទុកនៅវត្តគោកបាទទ្រី រង់ចាំសាច់ញាតិនិងបងប្អូនយកទៅធ្វើបុណ្យតាមប្រពៃណី៕SRP

ខេត្តសៀមរាប៖ជនជាតិវៀតណាមជាង២០នាក់ ត្រូវបានចាប់ខ្លួនពាក់ព័ន្ធករណីបង្ខាំងមនុស្សខុសច្បាប់ដោយមានធ្វើទារុណកម្ម។

នេះបើតាមរបាយការណ៍បឋមរបស់នគរបាលខេត្តសៀមរាប ដែលទីភ្នាក់ងារសារព័ត៌មាន សៀមរាបប៉ុស្ដិ៍ ធីវី អនឡាញ ទទួលបាននៅព្រឹកនេះ។

របាយការបានបង្ហាញថានៅវេលាម៉ោង១២និង០០នាទីថ្ងៃទី២៥ ខែកញ្ញា ឆ្នាំ២០២២ កំលាំងនគរបាលខេត្តសៀមរាប បានឃាត់ខ្លួនជនជាតិវៀតណាមចំនួន២៤នាក់ (ស្រី១១នាក់)និងរយន្តចំនួន០២គ្រឿង។

ការឃាត់ខ្លួននៅ៣ទីតាំងផ្សេងគ្នា៖
ទីតាំងទី០១ ស្ថិតនៅលើផ្លូវជាតិលេខ ៦ ត្រង់អក្សរTខាងកើតរង្វង់មូលស្រុកក្រឡាញ់ ស្ថិតនៅភូមិកំពង់ថ្កូវ២ ឃុំកំពង់ថ្កូវ ស្រុកក្រឡាញ់ ដោយឃាត់មនុស្សបានចំនួន០៨នាក់ (ស្រី២នាក់) និងរថយន្តម៉ាកស្តារិចពណ៌ស១គ្រឿង។

ទី២ ផ្ទះវីឡាជួល ស្ថិតនៅក្រុមទី៩ ក្នុងភូមិគ្រួសសង្កាត់ស្វាយដង្គំ ក្រុងសៀមរាប ខេត្តសៀមរាប ឃាត់ខ្លួនជនជាតិវៀតណាម ចំនួន៩នាក់ ស្រី៥នាក់ និងរថយន្ត១គ្រឿងម៉ាកតូយូតា១២កៅអីពណ៌ស១គ្រឿង។

ទី៣៖ ស្ថិតនៅភូមិក្រសាំង សង្កាត់ជ្រាវ ក្រុងសៀមរាប ឃាត់ខ្លួនជនជាតិវៀតណាម ៧នាក់ (ស្រី៤នាក់ទាំង រងគ្រោះម្នាក់)។

យោងតាមរបាយការណ៍បន្តថាសន្និដ្ឋានបឋមរបស់សមត្ថកិច្ច៖ ជាកណីចាប់ជំរិត ដោយសាមានស្ត្រីម្នាក់ មានរបួសស្នាមដោយការធ្វើទារុណកម្ម។ បច្ចុប្បន្នមនុស្ស២៤នាក់ ត្រូវបាននាំខ្លួននៅស្នងការខេត្តសៀមរាប៕SRP

ខេត្តសៀមរាប៖បុរសម្នាក់បានធ្លាក់ពីលើកាំជណ្ដើរ បណ្ដាលឲ្យស្លា..ប់ភ្លាមៗ។ ហេតុការណ៍បានកើតឡើងនៅ ថ្ងៃ​ សៅរ៍ ទី​ ​២៤ ខែកញ្ញា ឆ្នាំ២០២២ នៅចំណុចភូមិអង្កាញ់ ឃុំស្វាយលើ ស្រុកស្វាយលើ ខេត្តសៀមរាប។

សមត្ថកិច្ចបានរាយការណ៍ថាជនរងគ្រោះ មានឈ្មោះ ហ៊ួត វីន ភេទប្រុស អាយុ ៣៣ឆ្នាំ រស់នៅភូមិឃុំខាងលើ ជាមនុស្សញៀនស្រាជាប្រចាំ។ ករណីនេះស្រវឹងស្រាធ្លាក់ពីលើកាំជណ្ដើរចំជើងសរសរថ្មបណ្ដាលឲ្យស្លាប់តែម្ដង។

យោងតាមការបំភ្លឺសាក្សី និងការពិនិត្យកន្លែងកើតហេតុរបស់កម្លាំងជំនាញ សាកសពពិតជាស្លាប់ដោយសារស្រវឹងស្រាធ្លាក់ពីលើកាំជណ្ដើរចំជើងសរសរថ្មស្លាប់ពិតប្រាកដមែន៕SRP

ខេត្តសៀមរាប៖យុវជនម្នាក់ចុះលេងទឹកបណ្ដាលឲ្យលង់ស្លាប់។ ហេតុការណ៍បានកើតឡើងវេលាម៉ោង ១១និង៤០នាទី ថ្ងៃទី ២៤ ខែកញ្ញា ឆ្នាំ២០២២ នៅចំណុចស្ពានអូររមាស ស្ថិតក្នុងភូមិត្រពាំងភ្លោះ ឃុំពង្រលេី ស្រុកជីក្រែង ខេត្តសៀមរាប។

របាយការណ៍របស់សមត្ថកិច្ចបានឲ្យដឹងថាជនរងគ្រោះ ឈ្មោះ វី ថា  ភេទប្រុសអាយុ ១៩ឆ្នាំ ទីលំនៅភូមិក្បាលដំរី ឃុំពង្រលេី ស្រុកជីក្រែង ខេត្តសៀមរាប។

របាយការណ៍បន្តថាតាមការបំភ្លឺរបស់សាច់ញ្ញាតិ ជនរងគ្រោះ មានជំងឺសតិមិនប្រក្រតី បានចុះលេងទឹកជ្រៅបណ្តាលអោយលង់ទឹកស្លាប់តែម្ដង៕SRP

ខេត្តសៀមរាប៖ស្ត្រីម្នាក់បានលង់ទឹកស្លាប់នៅថ្ងៃសុក្រម្សិលមិញ។ ហេតុការណ៍បានកើតឡើង នៅយប់ថ្ងៃទី២៣ ខែកញ្ញា ឆ្នាំ២០២២ ចំណុចទឹកស្រះខាងត្បូងផ្ទះចម្ងាយប្រហែល៧០ម៉ែត្រ ស្ថិតក្នុងភូមិ គោកថ្មី ឃុំល្វា ស្រុកពួក ខេត្តសៀមរាប។

សមត្ថកិច្ចបានឲ្យដឹងថា ជនរងគ្រោះឈ្មោះ មែន ណឹ ភេទស្រី អាយុ(៥៤ឆ្នាំ) រស់នៅ ភូមិ-ឃុំកើតហេតុ មុខរបរកសិករ(ជាក្រមុំចាស់-ញៀនស្រា) ស្រះទឹកមានទំហំ៥ម៉ × ៩ម៉ ទឹកជម្រៅ ៣,៥០ម៉។

សមត្ថកិច្ចបានបញ្ជាក់ថា មូលហេតុជនរងគ្រោះ ញៀនស្រា ជាប្រចាំ ហើយវង្វេងស្មារតី។ បើតាមការត្រួតពិនិត្យជាក់ស្តែងព៉ំមានស្លាកស្នាមអ្វីគួឲ្យសង្ស័យពាក់ព័ន្ធបទល្មើសព្រហ្មទណ្ឌនោះទេ៕SRP

ខេត្តសៀមរាប៖ម្នាក់បានស្លាប់ភ្លាមៗក្នុងហេតុការណ៍គ្រោះថ្នាក់ចរាចរណ៍ដោយខ្លួនឯង។

អាជ្ញាធរស្រុកសូទ្រនិគមបានរាយការណ៍បានប្រាប់ទីភ្នាក់ងារ សារព័ត៌មានសៀមរាបប៉ុស្តិ៍ ធីវី អនឡាញ ថា ហេតុការណ៍បានកើតឡើងវេលាម៉ោង១៧និង៣០នាទី ថ្ងៃទី២៣ ខែកញ្ញា ឆ្នាំ២០២២ នៅតាមផ្លូវកៅស៊ូ ក្នុងភូមិស្រម៉ធំ ឃុំដានរុន ស្រុកសូទ្រនិគម ខេត្តសៀមរាប។

អាជ្ញាធរស្រុកសូទ្រនិគមបានបន្តថា ករណីគ្រោះថ្នាក់ចរាចរណ៍នេះ បង្កដោយខ្លួនឯង (បើកម៉ូតូបុកបង្គោលរបង ) ម៉ូតូម៉ាកហុងដាឌ្រីម ពណ៌ខ្មៅ ពាក់ស្លាកលេខ សៀមរាប 1AA.5065។ ជនរងគ្រោះមានឈ្មោះម៉ា រ៉ាន់វ៉ាន់នុត អាយុ២៥ឆ្នាំ ទីស្រែធ្នង់ ឃុំដំដែក ស្រុកសូទ្រនិគម ខេត្តសៀមរាប (ជាអ្នកបើកបរម៉ូតូ)។

បើតាមអាជ្ញាធរបញ្ជាក់ថាបច្ចុប្បន្ន អ្នកស្លាប់ត្រូវបានសមត្ថកិច្ចប្រគល់អោយក្រុមគ្រួសារធ្វើបុណ្យតាមប្រពៃណី។ ចំណែកវត្ថុតាងម៉ូតូ រក្សារទុកនៅប៉ុស្តិ៍នគរបាលរដ្ឋបាលដានរុន៕SRP

ខេត្តសៀមរាប៖បុរសម្នាក់បានស្លាប់ដោយសារគ្រោះថ្នាក់ ថ្នាក់ចរាចរណ៍ ផ្លូវទឹក បង្កដោយកាណូតសំបកស្មាច់បុកគ្នា។

ហេតុការណ៍បានកើតឡើងនៅយប់ ថ្ងៃទី២៣ ខែកញ្ញា ឆ្នាំ២០២២ នៅចំណុចកែងកគោ (ទឹកទន្លេ) ក្នុងភូមិតាច្រនៀង ឃុំកំពង់ឃ្លាំង ស្រុកសូទ្រនិគម ខេត្តសៀមរាប។

អាជ្ញាធរស្រុកសូទ្រនិគមបានប្រាប់ពីភ្នាក់ងារសារព័ត៌មានសៀមរាប៉ុស្ដិ៍ tv online ថាករណីគ្រោះថ្នាក់ចរាចរណ៍ផ្លូវទឹកនេះគឺ បង្កដោយកាណូតសំបកស្មាច់ ម៉ាស៊ីនកាវ៉ា បើកបរដោយឈ្មោះសាយ ចំរ៉ុង ភេទប្រុស អាយុ២៥ឆ្នាំ នៅភូមិតាច្រនៀង ឃុំកំង់ឃ្លាំង ស្រុកសូទ្រនិគម ខេត្តសៀមរាប បច្ចុប្បន្នរត់គេចខ្លួន បើកទិសដៅ ពីកើតទៅលិច បានបុក កាណូតសំបកស្មាច់ម៉ាស៊ីនកាវ៉ាដូចគ្នា បើកបរដោយឈ្មោះជិត ភក្ត្រ ភេទប្រុស អាយុ២៤ឆ្នាំ នៅភូមិអូតាពុត ឃុំកំពង់ឃ្លាំង ស្រុកសូទ្រនិគម ខេត្តសៀមរាប បើកក្នុងទិសដៅពិលិច ទៅកើត បញ្ច្រាសទិសគ្នា បណ្ដាលអោយធ្លាក់ទឹក អ្នករួមដំណើរម្នាក់។

អាជ្ញាធរស្រុកសូទ្រនិគម បន្តថាក្រោយកើតហេតុ
រកជនរងគ្រោះពុំឃើញនោះទេ រហូតដល់ម៉ោង០៨និង៣០នាទី ថ្ងៃទី២៤ ខែកញ្ញា ឆ្នាំ២០២២នេះ ទើបរកឃើញ ដោយអូសសាច់មងជាប់ នៅចំណុចជិតកន្លែងកើតហេតុ។

អាជ្ញាធរបញ្ជាក់ថាជនរងគ្រោះ ឈ្មោះរ៉ា លីដា ភេទប្រុស អាយុ៣៧ឆ្នាំ នៅភូមិរទាំង ឃុំកំពង់ឃ្លាំង ស្រុកសូទ្រនិគម ខេត្តសៀមរាប។ ករណីនេះកាណូតទាំងពីរគ្រឿង ត្រូវបានសមត្ថកិច្ចយកទៅរក្សាទុកនៅប៉ុស្តិ៍នគរបាលរដ្ឋបាលកំពង់ឃ្លាំងដើម្បីរងចាំការដោះស្រាយតាមផ្លូវច្បាប់៕SRP

ខេត្តសៀមរាប៖អាជ្ញាធរស្រុកជីក្រែង បានប្រាប់ពីភ្នាក់ងារសារព័ត៌មានសៀមរាប៉ុស tv online ថា បុរសម្នាក់ត្រូវបានគេផ្ទះឃើញដេកស្លាប់រហូតដល់ហាមស្អុយ។

ហេតុការណ៍ប្រទះឃើញបានកើតឡើង នៅព្រឹកថ្ងៃទី ២៤ ខែកញ្ញា ឆ្នាំ២០២២ ស្ថិតនៅខាងជេីងភូមិ ក្នុងភូមិយាង ឃុំឫស្សីលក ស្រុកជីក្រែង ខេត្តសៀមរាប។

អាជ្ញាធរបានបន្តថាជនរងគ្រោះឈ្មោះ យ័ន យ៉ុង អាយុ ៣៥ឆ្នាំ ទីលំនៅភូមិ ឃុំកេីតហេតុខាងលេី។

បើតាមការធ្វេីកោសល្យវិច័យរបស់គ្រូពេទ្យ និងមានការបំភ្លឺរបស់ពលរដ្ឋ ជនរងគ្រោះអាចដេកស្លាប់ប្រហែល ៣ថ្ងៃមកហេីយ ដោយមានជំងឺសរសៃប្រាសាទ និងគ្មានសាច់ញ្ញាតិនៅជាមួយនោះទេ។

អាជ្ញាធរបានបញ្ជាក់ថាហេតុការណ៍នេះ ពុំមានពាក់ព័ន្ធនិងបទល្មេីសព្រហ្មទណ្ឌឬករណីឃាតកម្មនោះទេ។ ករណីនេះសាកសពត្រូវបានគ្រូពេទ្យអោយប្រជាពលរដ្ឋ បូជានៅកន្លែងកេីតហេតុតែម្ដង៕SRP