ខេត្តព្រះវិហារ៖ប្រជាពលរដ្ឋចំនួន១៧គ្រួសារ ដែលរងគ្រោះដោយសារជំនន់ទឹកភ្លៀង នៅថ្ងៃទី២១ ខែតុលានេះ បានទទួលអំណោយពីអាជ្ញាធរស្រុកជ័យសែន ដឹកនាំដោយលោក រស់ ហេង អភិបាលស្រុក និងអង្គការវុលវេសិន។

អំណោយដែលចែកជូនពលរដ្ឋទាំង១៧គ្រួសារ ដែលរស់នៅក្នុងភូមិបរ ឃុំពុទ្រា ស្រុកជ័យសែន ខេត្តព្រះវិហារ ក្នុង១គ្រួសារទទួលបានអង្ករ ១បេ ទម្ងន់២៥គីឡូក្រាម មី១កេះ ត្រីខ១យួរ ទឹកស៊ីអ៊ីវ១យួរ ខ្លាញ់់២ដប ទឹកសុទ្ធចំណុះ ២០លីត្រ១ប៊ីដុង ផងដែរ។

លោកអភិបាលស្រុកបានបញ្ជាក់ថា នាពេលនេះទឹកបានស្រកជាបណ្ដើរៗហើយ។​លោកថាពលរដ្ឋក្នុងស្រុកជ័យសែនដែលជួបទឹកជំនន់កន្លងមក មិនមានការបាត់បង់អាយុជីវិតនោះទេ។ គ្រាន់តែរងផលប៉ះពាល់ដំណាំ ស្រែ ចំការ និងសត្វពាហន:ប៉ុណ្ណោះ៕SRP

សម្តេចតេជោ ហ៊ុន សែន បានអំពាវនាវចំពោះម្ចាស់ធនាគារ ម្ចាស់មីក្រូហិរញ្ញវត្ថុទាំងអស់ត្រូវយោគយល់ ចំពោះអ្នកដែលមានការលិចលង់ ដែលត្រូវជំពាក់លុយ ធនាគារ ឬមីក្រូហិរញ្ញវត្ថុ ត្រូវមានការ អធ្យាស្រ័យ ដូចជាការពន្យា ឬបន្ថយការប្រាក់ជាដើម ជាពិសេសកុំអោយមានការរឹបអូសទ្រព្យសម្បត្តិ ក្នុងអំឡុងពេលកូវីដ និងអំឡុងពេលទឹកជំនន់នេះ។

សម្តេចតេជោ ហ៊ុន សែន បានជំរុញអោយអាជ្ញាធរក៏ ដូចជាប្រជាពលរដ្ឋត្រូវចូលរួមអនុវត្តចំពោះវិធានការសំខាន់ ០៣ក្នុងអំឡុងពេលនេះ ទី១)ចូលរួមទប់ស្កាត់ការចម្លងជម្ងឺកូវីដ១៩ ទី២)ជម្នះការលំការជាមួយគ្នាក្នុងការគ្រប់គ្រងទឹកជំនន់ និងទី៣)យើងត្រូវខិតស្តារអភិវឌ្ឍន៍ឡើងវិញក្រោយពេលទឹកជំនន់។

ថ្លែងយ៉ាងដូច្នេះនៅព្រឹកមិញក្នុងឱកាសអញ្ជើញសួរសុខទុក្ខ និងចែកអំណោយជូនប្រជាពលរដ្ឋរងគ្រោះដោយទឹកជំនន់ នៅខេត្តបន្ទាយមានជ័យ៕SRP

ក្នុងឱកាសអញ្ជើញសួរសុខទុក្ខ និងចែកអំណោយជូនប្រជាពលរដ្ឋរងគ្រោះដោយទឹកជំនន់ នៅខេត្តបន្ទាយមានជ័យ (គោលដៅទីមួយ ចំនួន៥០០០គ្រួសារ) នាព្រឹកមិញ សម្ដេចតេជោ ហ៊ុន សែន នាយករដ្ឋមន្ត្រី បានបញ្ជាក់ថាពេលនេះ រថយន្ត ចំនួន២៩០គ្រឿង ដែលពេលទិញត្រូវបានគេវាយប្រហារនោះ តែពេលនេះកំពុងតែបម្រើសកម្មភាពដ៏សំខាន់ក្នុងការអន្តរាគន៍ជួយដល់បងប្អូនប្រជាពលរដ្ឋដែលរងគ្រោះទឹកជំនន់នេះ ដែលវាមិនដូចអ្វីដែលគេបានលើកឡើងថា ទិញដើម្បីធ្វើសង្គ្រាម ឬដើម្បីសម្លាប់ប្រជាជននោះទេ។

សម្តេចតេជោ សូមអោយអាជ្ញាធរទាំងអស់ បង្កើនការយកចិត្តទុកដាក់ជួយដល់ប្រជាពលរដ្ឋ ជាពិសេសត្រូវបន្តដើរល្បាតមើលបងប្អូនប្រជាពលរដ្ឋតាមខ្នងផ្ទះ ក្រែងលោមានបងប្អូនប្រជាពលរដ្ឋនៅជាប់តាផ្ទះឬ នៅលើដើមឈើជាដើម ត្រូវពិនិត្យការពារសុវត្តិភាពការពារផ្ទះរបស់គាត់ ក្រែងមានចោរចូលលួចរបស់របរគាត់ជាដើម។

សូមបញ្ជាក់ថាអំណោយជូនប្រជាពលរដ្ឋ១ម៉ឺនគ្រួសារ(ទីតាំងទីមួយ ៥ពាន់គ្រួសារ និងគោលដៅទីពីរ៥ពាន់គ្រួសារ) នៅខេត្តបន្ទាយមានជ័យ ខណៈដែលថ្ងៃទី២២ ខែតុលា នឹងបន្តចែកអំណោយដល់ប្រជាពលរដ្ឋ១ម៉ឺនគ្រួសារទៀត។ ពិធីចែកអំណោយរបស់សម្ដេចតេជោ ហ៊ុន សែន ត្រូវធ្វើឡើងពីរគោលដៅថ្ងៃទី២១ ខែតុលា ឆ្នាំ២០២០ គឺគោលដៅទី១ ស្ថិតនៅបរិវេណចំណុចទីទួលសុវត្ថិភាព (ផ្លូវជាតិលេខ៥-ផ្លូវវៀង) ភូមិបត់ត្រង់ ឃុំបត់ត្រង់ ស្រុកមង្គលបូរី ក្នុងមួយគ្រួសារៗទទួលបាន៖ អង្ករ២៥គីឡូ, មី១កេស, ទឹកត្រី១យួ, ទឹកស៊ីអ៊ីវ១យួ, ទឹកបរិសុទ្ធ១កេះធំ, ឃីត១ (មុង១ ភួយ១ ខ្នើយ១ កន្ទេល១) និងថវិកា ៥ម៉ឺនរៀល៕SRP

ខេត្តព្រះវិហារ៖រថយន្ដដឹកឈើផ្ទះចាស់មួយគ្រឿងត្រូវបានកម្លាំងស្នាក់ការសន្តិសុខអាវុធហត្ថជីអោក ព្រំប្រទល់ព្រះវិហារ-កំពង់ធំ បង្ក្រាបបាននៅរសៀលថ្ងៃទី២០ ខែតុលា ឆ្នាំ២០២០នេះ។

ថ្លែងប្រាប់អ្នកសារព័ត៌មាន លោកឧត្តមសេនីត្រីយ៍ កង សៅគុណ មេបញ្ជាការ កងរាជអាវុធហត្ថខេត្តព្រះវិហារ បានឲដឹងថា រថយន្ដដឹកឈើផ្ទះចាស់ខាងលើ បង្ក្រាបបានដោយសារមានការសហការ ជាមួយអ្នកសារព័ត៌មានបានរាយការណ៍មករូបលោក។

លោកបន្តថាបន្ទាប់ពីបានទទួលព័ត៌មានលោកបានដាក់បទបញ្ជាដល់ស្នាក់សន្តិសុខជីអោក ឲ្យចុះឃាត់និងត្រួតពិនិត្យរថយន្ដម៉ាកហ៊ីយានដាយ៥តោន ពាក់ស្លាកលេខ បាត់ដំបង 3A-2766 ក្បាលស ទ្រុងខៀវ លាយត្រួយចេក បានដឹកឈើផ្ទះចាស់ ចេញពីស្រុកឆែប ឆ្លងកាត់ស្រុកជ័យសែន។

បើតាមសមត្ថកិច្ចបង្ហើបឲ្យដឹងថា៖រថយន្ដដឹកឈើផ្ទះចាស់ខាងលើ មានម្ចាស់ឈ្មោះ ឈិម ឆេន ប្រពន្ធ ឈ្មោះ    ចែ អឿន រស់នៅភូមិក្រាំងតូច ឃុំធ្លក ស្រុកទ្រាំង ខេត្តតាកែវ ដឹកឈើផ្ទះចាស់បន្លំភ្នែកសមត្ថកិច្ចចេញពីភូមិពោធិ៍ទាប  ឃុំម្លូព្រៃ ស្រុកឆែប ខេត្តព្រះវិហារ ជាឈ្មួញរកស៊ីទិញផ្ទះចាស់ៗ ដឹកតាមរថយន្ដយកទៅលក់នៅខេត្តតាកែវ ជាច្រើនលើកច្រើនសារ មកហើយ។ ដោយឈើផ្ទះខាងលើបានសង់ឡើងជារបៀបគ្រោងផ្ទះ មិនប្រកដំបូលទុកហាលថ្ងៃ ឬដំបូលប្រកក្ដា ហើយឈើយកទៅត្រាំទឹកដំដែកគោល មិនលើពី៤ទៅ៥ខែនោះទេ ដើម្បីបំភាន់ភ្នែកសមត្ថកិច្ច។ ដោយឈើផ្ទះចាស់នៅតំបន់នោះលក់មិនចេះអស់នោះទេ។ ហេតុដូចនេះលោកសូមអាជ្ញាធរមូលដ្ឋានមុននិងចុះហត្ថលេខានិងបោះត្រាសូមចុះត្រួតពិនិត្យមើលជាក់ស្ដែងផង ជាពិសេសមន្ត្រីជំនាញ លោកដឹងហើយថាផ្ទះចាស់ចាប់ពីប៉ុន្មានឆ្នាំទើបលក់និងរុះរើ ដឹកចេញទៅក្រៅខេត្តបាន តែសង្ស័យមានការឃុបឃិតគ្នាជាមួយជំនាញ។

សមត្ថកិច្ចបន្តថាជំនាញសង្កាត់រដ្ឋបាលព្រៃឈើរវៀង បានចុះវាស់វែងឈើ ដែលពាក់ព័ន្ធ ជាប្រភេទក្លែងបន្លំ សរុបចំនួន ៣,១៧៥ម៉ែត្រគូប។ ត្រង់ចំណុចនេះម្ចាស់ឈើចែ អឿន បានឡូឡាតវ៉ាតាំងពីឃាត់ រហូតដល់រើមើលឈើនិងវាស់វែង បើទោះបីជាសត្ថកិច្ចបានបញ្ជាក់ថាជាប្រភេទក្លែងបន្លំយ៉ាងណាក៏ដោយក៏គាត់មិនព្រមដែរ ដោយគាត់នៅអះអាងថាជាប្រភេទឈើផ្ទះចាស់ដដែល។

សូមបញ្ជាក់ថាក្រុមឈ្មួញមួយចំនួនតែងតែដើរប្រមូលទិញឈើផ្ទះចាស់ក្លែងបន្លំនេះជាមុខរបស់សមត្ថកិច្ច ដោយការដឹកចេញម្ដងៗគឺគាត់បានជួលម៉ូតូឌុបតម្លៃ១៥ម៉ឺនរៀលដើម្បីជិះ រត់ការបង់លុយចាប់ពីកន្លែងដឹករហូតដល់សាលាវិស័យខេត្តកំពង់ធំ។  ដោយត្រូវបង់កន្លែងតូចបំផុត៨ម៉ឺនរៀលឡើងទៅ។ សូមជម្រាបថាករណីនេះកម្លាំងអាវុធហត្ថបានបញ្ជូនឲ្យជំនាញរដ្ឋបាលព្រៃឈើអនុវត្តតាមផ្លូវច្បាប៕SRP

ខេត្តក្រចេះ៖មនុស្ស១០នាក់ត្រូវបានចាប់ខ្លួនរួមជាមួយរថយន្តដឹកឈើដោយខុសច្បាប់ចំនួន០៥គ្រឿងផងដែរ។ មន្ត្រីអាវុធហត្ថខេត្តក្រចេះបានថ្លែងប្រាប់បណ្ដាញ«សៀមរាបប៉ុស្ដិ៍»នៅព្រឹកនេះថាការបង្ក្រាបបទល្មើសធនធានធម្មជាតិ ធ្វើនៅចំណុច«ភ្នំព្រិច»ស្ថិតក្នុងភូមិស្រែរនាម ឃុំឃ្សឹម ស្រុកស្នួល ខេត្តក្រចេះ នៅថ្ងៃទី២០ ខែតុលាម្សិលមិញ ដោយកម្លាំងកម្លាំងកងរាជអាវុធហត្ថស្រុកស្នួល ដឹកនាំដោយលោក វរសេនីយ៍ត្រី លន់ ប៊ុនថុល មេបញ្ជាការ។

មន្ត្រីអាវុធហត្ថបានបន្ថែមថាក្នុងប្រតិបត្តិការបង្ក្រាបបទល្មើស ព្រៃឈើ ខាងលើគឺ សមត្ថកិច្ចបានចាប់រឹបអូសរថយន្តសាំយ៉ុងដឹកឈើចំនួន០៥គ្រឿង និងឃាត់ខ្លួនជនសង្ស័យចំនួន១០នាក់។

បើតាមមន្ត្រីអាវុធហត្ថបញ្ជាក់ថាបច្ចុប្បន្នជនសង្ស័យ និងវត្ថុតាង បានរក្សាទុកបណ្តោះអាសន្ន នៅទីបញ្ជាការកងរាជអាវុធហត្ថស្រុកស្រុកស្នួល រងចំទទួលបទបញ្ជាពីលោកឧត្តមសេនីយ៍ត្រី មេបញ្ជាការខេត្តក្រចេះដើម្បីតាមផ្លូវច្បាប់។

យោងតាមសេចក្ដីរាយការណ៍បានឲ្យដឹងបន្ថែមថាក្រុមឈ្មួញដែលកម្លាំងកងរាជអាវុធហត្ថបង្ក្រាបបាននេះ ត្រូវបានគេដឹងថា តែងតែធ្វើសកម្មភាព ដឹកជញ្ជូនឈើ នៅចំណុចទីតាំងខាងលើ នាំយកទៅប្រទេសវៀតណាម តាមបណ្តារច្រកនានា ស្រុកស្នួលនិងស្រុកមេមត់ ខេត្តត្បូងឃ្មុំ មិនដែលមានសមត្ថកិច្ចជំនាញពាក់ព័ន្ធណាហ៊ានធ្វើការបង្ក្រាបនៅឡើយ។

សូមបញ្ជាក់ថាបើទោះបីជាមានការរឹតបន្តឹងក្នុងការបង្ក្រាបបទល្មើសព្រៃឈើយ៉ាងណាក៏ដោយ​ក៏គេសង្កេតឃើញនៅខេត្តក្រចេះ ស្រុកស្នួល នៅតែមានការដឹកជញ្ជូនឈើយ៉ាងអនាធិបតេយ្យដដែល ដោយការបង្ក្រាបហាក់បីនៅមានចម្លោះប្រហោង៕SRP

ខេត្តសៀមរាប៖អាជ្ញាធរស្រុកជីក្រែងបានរាយការណ៍ថាបុរសម្នាក់បានលង់ទឹកស្លាប់នៅព្រឹកមិញនេះ។ ហេតុការណ៍បានកើតឡើងនៅវេលាម៉ោង០៨និង២៥នាទី ថ្ងៃទី២១ខែតុលាឆ្នាំ២០២០ស្ថិត នៅខាងកើតផ្ទះជនរងគ្រោះ ចម្ងាយជាង១០០ម៉ែត្រក្នុងភូមិសាស្រ្ត ភូមិត្រពាំងវែង ឃុំគោកធ្លកលើ ស្រុកជីក្រែង។

អាជ្ញាធរបានបន្តថាជនរងគ្រោះមានឈ្មោះ លី សៀម យុ៣៣ឆ្នាំ  មានទីលំនៅភូមិ ឃុំ កើតហេតុខាងលើ។ បើតាមសមត្ថកិច្ចដកស្រងសំដីការបំភ្លឺរបស់ក្រុមគ្រួសារបានបញ្ជាក់ថាមូលហេតុជនរងគ្រោះ ចុះទៅមើលមង ហើយក៏បានងងឹតមុខ បណ្តាលអោយដួលលង់ទឹកស្លាប់តែម្ដង៕SRP

ខេត្តសៀមរាប៖បុរសម្នាក់បើកម៉ូតូបានដួលបណ្ដាលឲ្យបោកក្បាលស្លាប់ភ្លាមៗ។
ហេតុការណ៍បានកើតឡើងនៅវេលាម៉ោង២១និង៤៥នាទី ថ្ងៃទី២០ ខែតុលា ឆ្នាំ២០២០ នៅចំណុចមុខការាសសាំង អេង សុភ័ក្រ្ដ ស្ថិតនៅភូមិខ្ចាស់ ឃុំខ្ចាស់ ស្រុកសូទ្រនិគម ខេត្តសៀមរាប លើផ្លូវជាតិលេខ៦ក្នុងទិសពីលិចទៅកើត។
សមត្ថកិច្ចបានឲ្យដឹងថាជនរងគ្រោះឈ្មោះ រ៉ា ភេទប្រុសអាយុ៤៥ឆ្នាំនៅភូមិដំដែកផ្សារ ឃុំដំដែក ស្រុកសូទ្រនិគ ខេត្តសៀមរាប។ បើកម៉ូតូម៉ាកហុងដា ពណ៌ខ្មៅសេរី២០១៣។ ទោះយ៉ាងណាសមត្ថកិច្ចមិនទាន់បញ្ជាក់ចំពោះមូលហេតុនៅឡើយទេ។ សមត្ថកិច្ចបាននាំយកម៉ូតូរក្សាទុកនៅអធិការដ្ឋាននគរបាលស្រុក៕SRP

ខេត្តសៀមរាប៖បុរសម្នាក់បើកម៉ូតូបានដួលបណ្ដាលឲ្យបោកក្បាលស្លាប់ភ្លាមៗ។ ហេតុការណ៍បានកើតឡើង៊នៅវេលាម៉ោង២១និង៤៥នាទី ថ្ងៃទី២០ ខែតុលា ឆ្នាំ២០២០ នៅចំណុចមុខការាសសាំង អេង សុភ័ក្រ្ដ ស្ថិតនៅភូមិខ្ចាស់ ឃុំខ្ចាស់ ស្រុកសូទ្រនិគម ខេត្តសៀមរាប លើផ្លូវជាតិលេខ៦ក្នុងទិសពីលិចទៅកើត។
សមត្ថកិច្ចបានឲ្យដឹងថាជនរងគ្រោះឈ្មោះ រ៉ា ភេទប្រុសអាយុ៤៥ឆ្នាំនៅភូមិដំដែកផ្សារ ឃុំដំដែក ស្រុកសូទ្រនិគ ខេត្តសៀមរាប។ បើកម៉ូតូម៉ាកហុងដា ពណ៌ខ្មៅសេរី២០១៣។
ទោះយ៉ាងណាសមត្ថកិច្ចមិនទាន់បញ្ជាក់ចំពោះមូលហេតុនៅឡើយទេ។ សមត្ថកិច្ចបាននាំយកម៉ូតូរក្សាទុកនៅអធិការដ្ឋាននគរបាលស្រុក៕SRP

ខេត្តសៀមរាប៖លោកគុជ លីណា អនុប្រធានគណៈកម្មាធិការសាខា កាកបាទក្រហមកម្ពុជា ខេត្តសៀមរាប នៅថ្ងៃទី២០ ខែ តុលា ម្សិលមិញ នឹងសហការី ជួបសំណេះសំណាលសួរសុខទុក្ខ និងនាំអំណោយមនុស្សធម៌ ជូនដល់ប្រជាពលរដ្ឋរងគ្រោះដោយជំនន់ទឹកភ្លៀងនៅស្រុកបន្ទាយស្រី ចំនួន៣០គ្រួសារ មកពីឃុំឃុនរាម ចំនួន ១៣គ្រួសារ និងឃុំខ្នារសណ្ដាយ ចំនួន ១៧គ្រួសារ ដែលពិធីជួបសំណេះសំណាលនេះធ្វើនៅវត្តបន្ទាយស្រី។

ក្នុងឱកាសនោះដែរ លោកគុណ លីណា បានពាំនាំនូវការផ្ដាំផ្ញើសាកសួរសុខទុក្ខពីសំណាក់សម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា លោក ទៀ សីហា ប្រធានគណៈកម្មាធិការសាខា ដែលតែងតែយកចិត្តទុកដាក់គិតគួរខ្ពស់ចំពោះសុខទុក្ខប្រជាពលរដ្ឋយើងនៅមូលដ្ឋានជាពិសេសជនរងគ្រោះ និងជនងាយរងគ្រោះគ្រប់ប្រភេទ ដោយមិនប្រកាន់និន្នាការនយោបាយ ជាតិសាសន៍ សាសនា វណ្ណៈ ពណ៌សម្បុរអ្វីទាំងអស់ ពោលគឺ “ទីណាមានទុក្ខលំបាក ទីនោះមានកាកបាទក្រហមកម្ពុជា” “កាកបាទក្រហមកម្ពុជា មានគ្រប់ទីកន្លែង សម្រាប់គ្រប់ៗគ្នា”។

លោកបន្តថា សាខាកាកបាទក្រហមកម្ពុជា ខេត្តសៀមរាប សង្ឃឹមថាអំណោយមនុស្សធម៌ទាំងអស់នេះ ពិតជាអាចជួយសម្រួលការខ្វះខាតរបស់បងប្អូនបានមួយរយៈពេលដែលកំពុងរងគ្រោះនេះបាន បើទោះជាមិនច្រើនណាស់ណាក៏ដោយ។
លោកក៏បានផ្ដាំផ្ញើដល់បងប្អូនសូមយកចិត្តទុក្ខដាក់ពីសុខភាពអនាម័យ ត្រូវបរិភោគអាហារដែលឆ្អិនល្អ ពិសាទឹកដាំពុះ ដើម្បីជៀសវាងកុំឆ្លងជំងឺអាសន្នរោគផ្សេងៗ និងសូមប្រុងប្រយ័ត្នក្មេងតូចៗកុំឱ្យលេងទឹកជំនន់ ឬទឹកភ្លៀងឱ្យសោះ ព្រោះវាអាចបណ្ដាលឱ្យមានគ្រោះថ្នាក់ដោយប្រការណាមួយជាយថាហេតុ។
លោកបញ្ជាក់ថា បងប្អូនប្រជាពលរដ្ឋ កុំមានការភ័យព្រួយបារម្មណ៍ ពីព្រោះអាជ្ញាធរមូលដ្ឋានគ្រប់លំដាប់ថ្នាក់ នៅចាំជួយបងប្អូនប្រជាពលរដ្ឋគ្រប់ពេល មិនឱ្យបងប្អូនប្រជាពលរដ្ឋណាម្នាក់ដាច់អាហារ គ្រោះថ្នាក់ដល់អាយុជីវិតនោះឡើយ។

លោកក៏បានក្រើនរម្លឹកដល់បងប្អូនប្រជាពលរដ្ឋទាំងអស់ មិនត្រូវធ្វេសប្រហែសអំពីជំងឺកូវីដ-១៩ ដែលជាបញ្ហាប្រឈមរួមទូទាំងជាសកលលោកនាពេលនេះ ទោះបីចំនួនអ្នកឆ្លងនៅក្នុងប្រទេសយើងមានតិចក្តី តែយើងត្រូវបង្កើនការយកចិត្តទុកដាក់ខ្ពស់ និងត្រៀមទប់ស្កាត់គ្រប់ពេលវេលា ដោយត្រូវធ្វើអនាម័យសុខភាពឲ្យបានជាប្រចាំ ដើមី្បការពារអាយុជីវិតសម្រាប់ខ្លួនឯងផ្ទាល់ និងក្រុមគ្រួសារកុំឲ្យមានឆ្លងមេរោគកូវីដ-១៩ ក៏ដូចក្នុងសហគម សំខាន់ក្នុងការចូលរួមប្រយុទ្ធប្រឆាំងបង្កាទប់ស្កាត់ជាមួយរាជរដ្ឋាភិបាល និង អនុវត្តនូវវិធានការ និងសេចក្ដីណែនាំរបស់ក្រសួងសុខាភិបាលគឺ ត្រូវដុសលាងសម្អាតដៃជាប្រចាំដោយនិងទឹកសាប៊ូ អាល់កុល ឬជែល និង ពាក់ម៉ាស់ឲ្យបានត្រឹមត្រូវ។ ជាមួយគ្នានេះដែរត្រូវមានការប្រុងប្រយ័ត្នខ្ពស់ ចំពោះបញ្ហាជំងឺឆ្លងថ្មី គឺជំងឺគ្រុនឈីក និងជំងឺគ្រុនឈាម ដែលឆ្លងតាមរយៈមូសខ្លាញីខាំ ទោះជាកុមារតូចៗ ឬមនុស្សគ្រប់ពេញវ័យ ត្រូវការពារទាំងអស់ ដោយត្រូវធ្វើអនាម័យនៅជុំវិញលំនៅដ្ឋាន បំបាត់ទីជម្រក់មូសខ្លា ស្លៀកពាក់ខោអាវវែងៗ និងត្រូវសម្រានក្នុងមុង ទោះយប់ ឬថ្ងៃក៏ដោយ។
សូមបញ្ជាក់ថាអំណោយមនុស្សធម៌ដែលបានផ្ដល់ជូន១គ្រួសារទទួលបាន៖ មុង១ ភួយ១ សារុង១ ក្រមា១ អាវយឺត២ កន្ទេល១ សាប៊ូ២ដុំ អង្ករ៣០គីឡូក្រាម មី១កេស ត្រីខ១យួរ ទឹកស៊ីអ៊ី២ដប ទឹកត្រី២ដប និងថវិកា១សែនរៀល។ ជាមួយគ្នានេះដែរ ហាងនំប៉័ងផ្សារលើតាមរយៈអនុសាខាកាកបាទក្រហមកម្ពុជា ស្រុកបន្ទាយស្រី បានឧបត្ថម្ភបមន្ថែមក្នុង១គ្រួសារមាន៖ នំប៉័កាត់២ដើម និងទឹកដោះគោខាប់ ២កំប៉ុង៕SRP