ខេត្តសៀមរាប៖ឯកឧត្តម ទូស សាភឿន អគ្គនាយក ក្រុមហ៊ុនបុរីអង្គរលែនម៉ាក្ស បន្ទាយស្រី ខេត្តសៀមរាប បាននាំយកអំណោយសប្បុរសធម៌ ជាថវិកាចំនួន៤០លានរៀល និង គ្រឿងឧបភោគបរិភោគ និងសម្ភារមួយចំនួន មានដូចជា អង្ករ ៤តោនមី២០០កេស ម៉ាស ២០០០ប្រអប់ និង អាកុល ចំណុះ៣០លីត ២០កាន ជូនដល់រដ្ឋបាលខេត្តសៀមរាប។
ការប្រគល់ជូននៅថ្ងៃទី២០ ខែសីហា ឆ្នាំ២០២១នេះក្រោមវត្តមានរបស់ ឯកឧត្តម លី សំរិទ្ធ អភិបាលរងខេត្ត តំណាងដ៏ខ្ពង់ខ្ពស់ ឯកឧត្តម ទៀ សីហា អភិបាលខេត្ត ដើម្បីចូលរួមប្រយុទ្ធប្រឆាំងនឹងជំងឺកូវីដ-១៩។
ជាមួយគ្នានេះដែរ ក្រុមការងាររបស់ ក្រុមហ៊ុនបុរីអង្គរលែនម៉ាក្ស ក៏បាននាំយកអំណោយសប្បុរសធម៌ ជាថវិការ ចំនួន២០លានរៀលអំពូលភ្លើងសូឡា ចំនួន១០០អំពូល សម្រាប់ចូលរួមគាំទ្រដល់យុទ្ធនាការ «អំពូល១ ផ្ទះ១» ដល់រដ្ឋបាលស្រុកបន្ទាយស្រីផងដែរ។
សូមជម្រាបថាបុរីអង្គរលែនម៉ាក្ស តែងតែចូលរួមរាល់សកម្មភាពសប្បុរសធម៌នាៗ និង អភិវឌ្ឍន៍លំនៅដ្ឋានប្រកបដោយគុណភាព ចីរភាព និង ទំនុកចិត្ត ជាពិសេសចូលរួមចំណែកលើកស្ទួយវិស័យសេដ្ឋកិច្ចក្នុងស្រុក ដើម្បីអោយប្រជាពលរដ្ឋ មានការងារធ្វើ និង កាត់បន្ថយចំណាកស្រុក តាមរយ:ការអភិវឌ្ឍន៍លើវិស័យអចលនទ្រព្យ។
ក្រុមហ៊ុនបុរីអង្គរលែនម៉ាក្ស បានឲ្យដឹងថា ថ្មីៗនេះ ក្រុមហ៊ុនបុរីអង្គរលែនម៉ាក្ស ទើបតែទទួលបានអនុក្រឹត្យពីរាជរដ្ឋាភិបាលស្តីពីការធ្វើអនុបយោគ និងផ្តល់កម្មសិទ្ធិកាន់កាប់ស្របច្បាប់នៅលើផ្ទៃដីវិនិយោគជាង១០០ហិកតារបស់ខ្លួន នៅក្នុងភូមិសណ្តាយ ឃុំខ្នារសណ្តាយ ស្រុកបន្ទាយស្រី ខេត្តសៀមរាប។ ការទទួលបានកម្មសិទ្ធិស្របច្បាប់នេះនឹងជួយត្រួសត្រាយផ្លូវឱ្យគម្រោងវិនិយោគ របស់ បុរីអង្គរលែនម៉ាក្ស អាចនឹងលេចចេញជារូបរាងឡើងក្នុងពេលឆាប់ៗនេះ ដែលនឹងបង្កើតភាពទាក់ទាញមួយកម្រិតទៀតមកដល់ស្រុកបន្ទាយស្រី ក៏ដូចជាបង្កើតការងារមុខរបរបន្ថែមទៀត និងជួយលើកស្ទួយកម្រិតជីវភាព របស់បងប្អូនប្រជាពលរដ្ឋ នៅក្នុងស្រុកផងដែរ៕SRP
ខេត្តកំពង់ចាម ៖សត្វកន្ធាយយក្សមួយក្បាល ដែលមានទម្ងន់ជាង ៣៣គីឡូ ត្រូវបាន ប្រជាពលរដ្ឋ ចាប់បាន នៅក្នុងបឹង ១កន្លែង ស្ថិតក្នុងសង្កាត់សំបួរមាស ក្រុងកំពង់ចាម នៅរសៀលថ្ងៃទី១៩ ខែសីហា ម្សិលមិញហើយបានយកទៅប្រគល់ឲ្យមន្ត្រីជំនាញ ដេីម្បីធ្វេីការអភិរក្ស ។
ភ្នំពេញ៖ក្រសួងកសិកម្មបានបង្ហាញ លទ្ធផលការងារបង្កបង្កើន ដំណាំរដូវវស្សាឆ្នាំ២០២១ គិតមកត្រឹមថ្ងៃទី១៩ ខែសីហា។
ខេត្តសៀមរាប៖បុរសម្នាក់ត្រូវបានរន្ទះបាញ់សម្លាប់នៅល្ងាចថ្ងៃទី ១៩ ខែសីហា ម្សិលមិញ។
ខេត្តសៀមរាប៖ក្រុមសមត្ថកិច្ចខេត្តបានបង្ក្រាបគោយន្តកន្រៃពីរគ្រឿងដឹកឈើល្មើសច្បាប់ ចំនួន៤មែត្រគូប ដែលឆ្លងកាត់មកពីខេត្តព្រះវិហារ ចូលមកតាមព្រំប្រទល់ស្រុកស្វាយលើ ខេត្តសៀមរាប។
ខេត្តសៀមរាប៖កម្លាំងគណៈបញ្ជារការឯកភាព រដ្ឋបាលក្រុងសៀមរាប នៅល្ងាចថ្ងៃទី១៩ ខែសីហាឆ្នាំ២០២១នេះ បានចុះឃាត់ខ្លួនមនុស្សមួយក្រុមកំពុងជួបជុំគ្នា ដោយមិនបានអនុវត្តតាមវិធានការណែនាំ របស់ ក្រសួងសុខាភិបាល និងវិធានការ ៣កុំ ៣ការពារ ស្ថិតនៅចំណុច កែងស្តុបស្មាយលីង ក្នុងសង្កាត់ស្លក្រាម ក្រុងសៀមរាប ខេត្តសៀមរាប ដោយបាននាំមកធ្វើកិច្ចសន្យាអប់រំណែនាំ អោយចូលរួមអនុវត្តតាមវិធានការណែនាំរបស់ ក្រសួងសុខាភិបាល និងវិធានការ ៣កុំ ៣ការពារ ផងដែរ។
ភ្នំពេញ៖ប្រមុខរាជរដ្ឋាភិបាលកម្ពុជា បានចេញសេចក្តីណែនាំស្តីពីការពង្រឹងការអនុវត្តវិធានការប្រយុទ្ធ និងទប់ស្កាត់ការឆ្លងរាលដាលនៃជំងឺកូវីដ-១៩។ នេះបើយោងតាមសេចក្ដីណែនាំដែលចុះហត្ថលេខាដោយនាយករដ្ឋមន្ត្រីហ៊ុន សែន ថ្ងៃទី១៩ ខែសីហា ឆ្នាំ២០២១នេះ៕SRP
ខេត្តសៀមរាប៖លោកសុខ តុញ និងក្រុមការងារ បាននាំយកនូវទឹកបរិសុទ្ធចំនួន១០០កេសនិងអាកុលចំនួន៣កាន ដែលជាអំណោយរបស់ឯកឧត្តម អ្នកឧកញ៉ា សៀង ណាំ អ្នកតំណាងរាស្ត្រមណ្ឌលសៀមរាប ផ្ដល់ជូនបញ្ជាការដ្ឋានយោធភាគទី៤។
ខេត្តកំពង់ចាម៖លោកខៀវ កាញារីទ្ធ រដ្ឋមន្រ្តី ក្រសួងព័ត៌មាន និងជាប្រធានក្រុមការងារថ្នាក់កណ្តាល ចុះមូលដ្ឋានស្រុកកោះសូទិន នៅ ព្រឹកមិញនេះបាននាំយកនូវ ស្បៀងអាហារ រួមមាន អង្ករ មី ត្រី ខ ទឹកស៊ីអ៉ីវ ទឹកត្រី និង ម៉ាស មកប្រគល់ជូនដល់ អាជ្ញាធរដែនដី ស្រុកកោះសូទិន ដើម្បីចែងចែកជូន ដល់បងប្អូន ប្រជាពលរដ្ឋ ដែលកំពុងធ្វើ ចត្តាឡីស័ក នៅតាមខ្នងផ្ទះ ក្នុងភូមិ ឃុំនានា ក្នុងស្រុកកោះសូទិន ខេត្តកំពង់ចាម។
ភ្នំពេញ៖សម្តេចហេង សំរិន ប្រធានរដ្ឋសភាកម្ពុជា បានលើកឡើងថានៅឆ្នាំ២០២២ខាងមុខនេះ មានការព្យាករណ៍ថាសេដ្ឋកិច្ចកម្ពុជានឹងងើបឡើងវិញ នូវកំណើន ៤.៨% ខណៈឆ្នាំ២០២១ រំពឹងថានឹងមានកំណើនឡើងវិញក្នុងអត្រា ៤% គឺនឹងមានអាចសម្រេចបានឡើយ ប៉ុន្តែដោយសារព្រឹត្តិការណ៍សហគមន៍២០កុម្ភៈ និងវត្តមានវីរុសបំប្លែងថ្មីៗ ជាពិសេសមេរោគបំប្លែង «ដែលតា» កំណើននេះអាចនឹងថយមកត្រឹម ២.៤%។ សម្តេច ហេង សំរិន លើកឡើងយ៉ាងដូច្នេះក្នុងឱកាសជួបសន្ទនាការងារជាមួយលោក សាយ សំភូន ភូមវិហាន ប្រធានរដ្ឋសភាថ្មី នៃសាធារណរដ្ឋប្រជាធិបតេយ្យប្រជាមានិតឡាវ តាមប្រព័ន្ធវីដេអូ នៅព្រឹកមិញនេះ។
ភ្នំពេញ៖នាយករដ្ឋមន្ត្រីខ្មែរ សម្តេចហ៊ុន សែន បានឧបត្ថម្ភថវិកាប្រមាណ ២០ម៉ឺនដុល្លារ និងជំនួយជាគ្រឿងបរិក្ខារពេទ្យ ជូនប្រទេសមីយ៉ាន់ម៉ារួចហើយ ដើម្បីចូលរួមប្រយុទ្ធប្រឆាំងនឹងជំងឺកូវីដ១៩។ កម្ពុជា ក៏បានផ្តល់ថវិកាប្រមាណ ១០ម៉ឺនដុល្លារ តាមរយៈសហគមន៍អាស៊ាន ជូនមីយ៉ាន់ម៉ាផងដែរ។ ជាមួយគ្នានោះ ដើម្បីរួមចំណែកជួយដោះស្រាយការលំបាករបស់រដ្ឋាភិបាល និងប្រជាជនមីយ៉ាន់ម៉ាពីវិបត្តិជំងឺកូវីដ១៩នេះ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ក៏បានឧបត្ថម្ភថវិកា ១០ម៉ឺនដុល្លារជូនដល់កាកបាទក្រហមមីយ៉ាន់ម៉ាផងដែរ។