ខេត្តសៀមរាប៖ប្រជាពលរដ្ឋបានស្នើសុំអភិបាលខេត្តសៀមរាប ជួយអន្តរាគមន៍ ការសាងសង់ចិញ្ចើមផ្លូវលេខ២៦។

ក្នុងសេចក្ដីស្នើសុំដែលអង្គភាពសារព័ត៌មានសៀមរាបប៉ុស្តិ៍ទទួលបានមានដូចខាងក្រោម គោរពជូន ឯកឧត្តម អភិបាលនៃគណៈអភិបាលខេត្តសៀមរាប

កម្មវត្ថុ៖ ស្តីពីទំហំចិញ្ចើមផ្លូវអមផ្លូវលេខ២៦ ផ្នែកជាប់ប្លង់ក្បាលដីលេខ ១៦២១ ក្នុងភូមិវត្តបូព៌ សង្កាត់ សាលាកំរើក ក្រុងសៀមរាប មានសភាពរួមតូច។ លិខិតខាងក្រោម៖

ខេត្តកំពង់ចាម​៖រាជរដ្ឋាភិបាលបានបន្ថយថវិកាសម្រាប់ឧបត្ថម្ភគ្រួសារស្លាប់ដោយសារជំងឺកូវីដ១៩។

អភិបាលខេត្តកំពង់ចាម លោក អ៊ុន​ ចាន់ដា​ បានថ្លែងនៅក្នុងកិច្ចប្រជុំ ស្តីពីផែនការណែនាំ អំពីគោលការណ៍ នៃការបែងចែកថវិកា សម្រាប់អ្នកស្លាប់ដោយសារជម្ងឺកូវីដ-១៩ ក្នុងភូមិសាស្ត្រ ខេត្តកំពង់ចាម នៅព្រឹកមិញនេះ ថា ផ្អែកតាមគោលការណ៍ណែនាំថ្មី របស់សម្ដេចតេជោ នាយករដ្ឋមន្ត្រី បានផ្ដល់សិទ្ធិ ទៅឃុំសង្កាត់នីមួយៗ ដើម្បីបែងចែកថវិកាទៅគ្រួសារ ដែលបានស្លាប់ដោយសារជម្ងឺកូវីដ-១៩ ក្នុង១គ្រួសារសព ទទួលបានថវិកាចំនួន២លានរៀល។ ដូច្នេះបន្ទាប់ពីក្រុងស្រុក នីមួយៗ ទទួលបានថវិកានេះទៅ ត្រូវណែនាំដល់ឃុំ សង្កាត់ ត្រូវពន្យល់ដល់ប្រជាពលរដ្ឋប្រសិនបើ ពួកគាត់លើកឡើងជាសំណួរផ្សេងៗ ជុំវិញកញ្ចប់ថវិកានេះ ពីព្រោះថា កន្លងទៅរដ្ឋាភិបាល បានកំណត់ថា សពអ្នកស្លាប់ដោយសារជម្ងឺកូវីដ-១៩ មួយសព ផ្ដល់ជូនថវិកា ចំនួន ៥លានរៀល ក៏ប៉ុន្តែ ផ្អែកតាមការងារចំណាយផ្សេងៗ ដោយរាប់ទាំង៖ ការសម្រាកព្យាបាល ថ្នាំសង្កូវ និងការបូជាសព…។ល។ រាជរដ្ឋាភិបាល បានសម្រេចផ្ដល់ជូន ១សពថវិកាចំនួន២លារៀលវិញ។

បើតាមលោក អ៊ុន ចាន់ដា សពដែលត្រូវផ្ដល់ថវិកាជូននោះ គឺរាជរដ្ឋាភិបាល បានកំណត់អ្នកស្លាប់ រាប់គិតចាប់ពីថ្ងៃទី១ ខែឧសភា ឆ្នាំ២០២១ មកដល់បច្ចុប្បន្ន នេះ តែប៉ុណ្ណោះ។ ចំពោះ អ្នកស្លាប់មុននេះ រដ្ឋាភិបាលពុំមានគោលការណ៍ដោះស្រាយកញ្ចប់ថវិកានោះឡើយ។ ដោយឡែកនៅខេត្តកំពង់ចាមក៏មានអ្នកជម្ងឺកូវីដ មកសម្រាកព្យាបាល ហើយបានស្លាប់នៅមន្ទីរពេទ្យផងដែរ។ ដូច្នេះកិច្ចការនេះរដ្ឋបាលខេត្តកំពង់ចាម នឹងអញ្ជើញគ្រួសារសពទាំងនោះ មកទទួលថវិកាដោយផ្ទាល់ដៃ នៅសាលាខេត្តតែម្ដង៕SRP

ខេត្តកំពង់ចាម​៖លោក​ ស្រេង​ ដារ៉ា​ អតីត​ជា​អ្នក​កាសែត​​ និង​ជា​អ្នក​ជំនួញ​ម្នាក់​​ ​បាន​សម្រេច​សាងផ្នួស​​បួស​ជា​ភិក្ខុសង្ឃ​ នៅ​វត្ត​ ដីដុះ​ ក្រុងកំពង់ចាម​ ដេីម្បី​សន្សំ​បុណ្យកុសល​ជូន​ដល់​អ្នក​មាន​គុណ​ នៅព្រឹក​ថ្ងៃទី​២៥​ ខែតុលា​ ឆ្នាំ​២០២១​នេះ​ ស្របពេលដែល​ព្រះភិក្ខុសង្ឃ​ ពុទ្ធបរិស័ទ​ ក៏ដូចជា​ប្រជាពលរដ្ឋ​ទូទៅ​ ប្រារព្ធ​ពិធី​បុបុណ្យចេញវស្សានិងចូល​ដល់​រដូវ​កឋិនទាន​។

ព្រះតេជ្ជគុណ​ ស្រេង​ ដារ៉ា​ បាន​ឲ្យ​ដឹងថា​ ការ​ដែល​ព្រះអង្គ​បាន​មក​សាងផ្នួស​ជា​ភិក្ខុសង្ឃ​នៅ​វត្ត​ដីដុះ​ ក្រុងកំពង់ចាម​នេះ​​ គឺ​ត្រឹម​រយៈពេល​១០ថ្ងៃ​ប៉ុណ្ណោះ​ ក្នុង​គោលបំណង​គឺដេីម្បី​តប​ស្នង​ដល់​ព្រះ​គុណ​របស់​​ឪពុកម្ដាយ​​។ ព្រះអង្គមានសង្ឃដីការ​​បញ្ជាក់​ទៀត​ថា​ គុណ​ឪពុកម្ដាយ​ពិតជា​ធំធេង​ណាស់​​ ធ្វើ​យ៉ាងណា​ក៏យើង​សង​មិន​ចេះអស់ដែរ​ ដូច្នេះ​ការ​ដែល​ព្រះអង្គ​មក​សាងផ្នួស​នេះ​ គឺ​បាន​ត្រឹមតែ​សន្សំ​កុសល​ជូន​ដល់​អ្នក​មាន​គុណ​ប៉ុណ្ណោះ​ លេីសពីនេះ​​ទៀត​នោះ​ គឺ​សូម​បួងសួង​ដល់​ព្រះពុទ្ធសាសនា​​ និង​វត្ថុស័ក្តិសិទ្ធិក្នុងលោក​ ជួយ​ឲ្យ​មនុស្ស​ទាំង​ឡាយ​មាន​ជីវិត​ល្អ​ប្រពៃ​ ​និង​ជួយ​ឲ្យ​សង្គម​ជាតិ​មាន​នូវ​ម្លប់​ត្រជាក់ ពោលគឺ​ទទួលបាននូវសេចក្តីសុខ សេចក្តីចំរើន សេរី​សួរស្តី សុភមង្គល​គ្រប់​ប្រការ និងប្រកប​ដោយពរទាំង ៤ប្រការ គឺ ៖ អាយុ វណ្ណៈ សុខៈ ពលៈ កុំបីឃ្លាងឃ្លាតឡើយ។ គួរ​បញ្ជាក់​ថា​ លោក​ ស្រេង​ ដារ៉ា​ អតីត​ជា​អ្នកកាសែតនៅទូរទស្សន៍បាយ័ន , សារព័ត៌មាន Cam Post និងជាដៃគូរជំនួញផ្នែកសុខភាព នៅក្រុមហ៊ុន Unicity Cambodia៕SRP

ខេត្តសៀមរាប៖សមត្ថកិច្ចបានឃាត់ខ្លួនមនុស្សចំនួន២នាក់ ករណីជួញដូរគ្រឿងញៀន។

មន្ត្រីប្រឆាំងគ្រឿងញៀនបានឲ្យដឹងថា ការឃាត់ខ្លួនធ្វើឡើងនៅថ្ងៃទី ២៤ ខែ តុលា ឆ្នាំ ម្សិលមិញ។

មន្ត្រីបានបន្តថា ករណីបង្ក្រាបនេះ ដកហូតប្រភេទម្សៅមេតំហ្វេតាមីន០៦កញ្ចប់។ ធ្វើតេស្តទឹកនោមរកសារធាតុញៀន លទ្ធផលឃើញវិជ្ជមាន។ ជនសង្ស័យទី១ ឈ្មោះ ចាន់ សុភ័ក្រ្ភ ភេទប្រុស អាយុ ៣២ឆ្នាំ។
២-ឈ្មោះ ចក់ ម៉ាន ភេទប្រុស អាយុ ២៩ឆ្នាំ។ អ្នកទាំង០២មានទីលំនៅភូមិខ្ទីង ឃុំពាក់ស្នែង ស្រុកអង្គរធំ ខេត្តសៀមរាប។ សមត្ថកិច្ចបានកសាងសំណុំរឿងបញ្ជូនបន្តតាមនិតិវិធីច្បាប់៕SRP

ខេត្តកំពង់ធំ៖បទល្មើសដឹកជញ្ជូនឈើនៅក្នុងខេត្តកំពង់ធំនៅតែបន្តកើតមានឥតឈប់ឈរ បើទោះបីអាជ្ញាធរសមត្ថកិច្ចជំនាញមានការរឹតបន្តឹងយ៉ាងណាក៏ដោយ។

ជាក់ស្ដែងនៅថ្ងៃទី២៤ ខែតុលា ឆ្នាំ២០២១ ត្រង់ចំណុចភូមិជាំ ឃុំតាំងក្រសៅ ស្រុកប្រាសាទសំបូរ ខេត្តកំពង់ធំ សមត្ថកិច្ចចម្រុះខាងជើងបឹងទន្លេសាប បានបង្ក្រាបរថយន្តដឹកឈើមួយគ្រឿង។

មន្ត្រីជំនាញបានឲ្យដឹងថារថយន្តដែលបានបង្រ្កាប ម៉ាកសាំយ៉ុងពណ៌សពាក់ស្លាកលេខ ភ្នំពេញ2Q – 0696 ដឹកឈើកែច្នៃគ្រឿងផ្ទះ ប្រភេទឈើលេខ១(ត្រសេក) ចំនួន២៨ដុំ ស្មើ ១,៨០ ម៉ែត្រគូប ជារបស់ឈ្មោះងឿន ហ័ន រស់នៅភូមិចុងដូង ឃុំចុងដូង ស្រុកបារាយណ៍ខេត្តកំពង់ធំ ឈើទាំងនេះដឹកចេញពីភូមិបឹង ស្រុកសណ្ដាន់ គោលដៅយកមកលក់បន្តនៅស្រុកសន្ទុក។

សូមបញ្ជាក់ថាសកម្មភាពដឹកជញ្ជូនឈើក្នុងខេត្តកំពង់ធំបានកើតមានយ៉ាងពេញបន្ទុក ចំណែកឯការបង្ក្រាបបានតិចតួចបំផុត។ ក្នុងនោះដូចជាសកម្មភាពដឹកជញ្ជូនឈើចេញពីខេត្តព្រះវិហារ ចូលខេត្តកំពង់ធំ មិនត្រូវបានសមត្ថកិច្ចជំនាញខេត្តកំពង់ធំធ្វើការបង្ក្រាបនៅឡើយ៕SRP

ខេត្តសៀមរាប៖លោកអៀង មករា ស្នងការរងទទួលផែនធនធានមនុស្ស តំណាងលោកតេងច័ន្ទណាត ស្នងការស្នងការនគរបាលខេត្តសៀមរាប នៅថ្ងៃអាទិត្យ ថ្ងៃទី ២៤ ខែតុលា នេះ បានដឹកនាំកម្លាំងក្រោមឱវាទ អញ្ជើញចូលរួមគោរពវិញ្ញាណក្ខន្ធសពលោករួន សារ៉ន នាយផ្នែកស្ថិតិនៃអធិការដ្ឋាននគរបាលស្រុកវ៉ារិន បានរៀបចំធ្វើពិធីបុណ្យនៅគេហដ្ឋានសពស្ថិតនៅក្នុងភូមិស្វាយស ឃុំស្វាយស ស្រុកវ៉ារិន ខេត្តសៀមរាប ដែលបានទទួលមរណៈភាពកាលពីថ្ងៃទី២២ ខែតុលា ឆ្នាំ ២០២១វេលាម៉ោង២០ និង៤៥នាទីយប់ ដោយខ្យល់គ។

ក្នុងឱកាសនោះ លោកអៀង មករា បានអញ្ជេីញបំពាក់ស័ក្កថ្នាក់ វរសេនីយ៍ត្រី ជាកិច្ចបច្ឆាមរណៈ ពាំនាំការរំលែកទុក្ខរបស់លោកស្នងការ និងបានប្រគល់ជូនថវិការសមាគមមិត្តនគរបាល ចំនួន ៦ ០០០,០០០.០០រៀល(ប្រាំមួយលានរៀលគត់) គ្រឿងឧបភោគបរិភោគ ថវិកាអធិការដ្ឋាននគរបាលស្រុកវ៉ារិនចំនួន ២,៤០០,០០០.០០រៀល ព្រមទាំងថវិកាផ្ទាល់ខ្លួនមួយចំនួនរបស់លោកចូលរួមក្នុងពិធីបុណ្យសពនេះផងដែរ៕SRP

ភ្នំពេញ៖ក្រសួងមហាផ្ទៃបានសម្រេចបង្កើតភូមិមួយទៀតនៅក្នុងខេត្តបាត់ដំបង។ នេះយោងតាមសេចក្ដីសម្រេចរបស់ក្រសួងមហាផ្ទៃដែលចុះហត្ថលេខាដោយសម្ដេច ស ខេង។

ក្នុងសេចក្ដីសម្រេចបានបញ្ជាក់ថា ប្រកាសលេខ ២៦៨៧ ប្រក ចុះថ្ងៃទី២២ ខែតុលា ឆ្នាំ២០២១ របស់ក្រសួងមហាផ្ទៃ ស្ដីពីការបង្កើត«ភូមិព្រៃតាឡូញ» ដោយបំបែកចេញពីភូមិទំនប់ទឹក ភូមិកំពង់ឆ្នាំង១ និងភូមិស្ទឹងដាច់ នៃឃុំបវេល ស្រុកបវេល ខេត្តបាត់ដំបង៕SRP

ភ្នំពេញ៖នាយករដ្ឋមន្ត្រីហ៊ុន សែន បានអះអាងថា ជាដំណឹងល្អ ចំពោះកម្ពុជាសម្រាប់ត្រៀមរៀបចំបើកប្រទេសឡើងវិញ ដើម្បីទាក់ទាញ អ្នកវិនិយោគអន្តរជាតិ ភ្ញៀវទេសចរអន្តរជាតិ ដើម្បីជម្រុញកំណើនសេដ្ឋកិច្ចជាតិ។

ការអះអាងរបស់នាយករដ្ឋមន្ត្រី ហ៊ុន សែន បែបនេះ បន្ទាប់ពីក្រសួងសុខាភិបាលកម្ពុជា បានចេញសេចក្ដីប្រកាសព័ត៌មានមួយ នៅថ្ងៃទី ២៣ ខែតុលាម្សិលមិញ ស្ដីពី ការលុបចោលបម្រាមការផ្អាកជាបណ្ដោះអាអាសន្ននូវជើងហោះហើរត្រង់ពី ប្រទេសម៉ាឡេស៊ី ឥណ្ឌូនេស៊ី និងហ្វីលីពីន៕SRP

ខេត្តសៀមរាប៖ផ្ទះ១ខ្នងត្រូវបានអគ្គីភ័យឆេះខ្ទេចទាំងស្រុងរួមទាំងទ្រព្យសម្បត្តិជាច្រើនផងដែរ។

អធិការនគរបាលស្រុកជីក្រែង លោកតាំង លីហេង បានឲ្យដឹងនៅព្រឹកថ្ងៃទី២៤ខែតុលានេះថា ហេតុការណ៍បានកើតឡើងនៅថ្ងៃទី២៣ ខែតុលា ឆ្នាំ ២០២១ វេលាម៉ោង១៨ និង ១៧ នាទីយប់ ហើយរលត់ទៅវិញនៅម៉ោង​១៩ និង ២៧ នាទីយប់ ស្ថិតនៅ ភូមិខ្វាវ ឃុំខ្វាវ ស្រុកជីក្រែង ខេត្តសៀមរាប ចុះពីផ្លូវ​ជាតិលេខ០៦ ចម្ងាយពីអធិការដ្ឋាននគរបាល ៤១ គីឡូ ម៉ែត្រ ចូលតាមផ្លូវលេខ២៦៦ ទៅទិសខាងជើង។

លោកតាំង លីហេង បានបន្តថាម្ចាស់ផ្ទះមា ឈ្មោះ ប៊ន ហិង ភេទប្រុសអាយុ៥២ ឆ្នាំរស់នៅ ភូមិខ្វាវ ឃុំខ្វាវ ស្រុកជីក្រែង ខេត្តសៀមរាប។

លោកថាករណីនេះធ្វើឲ្យខូចខាត
១, ផ្ទះ០១ខ្នង ទំហំ០៧ម × ១២ម ថ្មក្រោមឈើលើ កំពស់៩.៣០ម  ប្រក់ក្បឿងជញ្ជាំងក្តារខូចខាត ១០០ %
២,ប្រាក់ខ្មែរ ២.០០០.០០០រៀល
៣,កងដៃផ្លាកទីនចំនួន០២
(តំលៃ១.០០០.០០០រៀល)
៤,ទូរស័ព្ទដៃម៉ាក អាយហ្វូន
០១គ្រឿង
៥,ម៉ូតូចំនួន ០២ គ្រឿងម៉ាកហុង
ដាឌ្រីមសេ១២៥និងម៉ាកកូនទា
៦, កង់០១គ្រឿង
៧, គ្រែឈើប្រអប់ចំនួន ០៤
៨, សម្ភារដែលនៅក្នុងផ្ទះមួយចំនួនឆេះទាំងស្រុង។

លោកតាំង លីហេង បញ្ជាក់ថាកាឆេះនេះមិនបណ្ដាលអោយឆ្លងទៅផ្ទះប្រជាពលរដ្ឋនៅជាប់គ្នាទៀតនោះទេ។ ដោយកម្លាំងនគរបាលប៉ុស្តិ៍ ប្រជាការពារ ប្រជាពលរដ្ឋ និង ក្រុមពន្លត់ អគ្គីភ័យគ្រប់គ្រងទាន់ពេល។ ក្នុងនោះ ពេលកំពុងកើតហេតុរថយន្តពន្លត់អគ្គីភ័យបានចេញជួយអន្តរាគមន៍១គ្រឿងប្រើប្រាស់ទឹកអស់ ៤រថយន្ដ។មូលហេតុទុសេខ្សែភ្លើង៕SRP

ខេត្តសៀមរាប៖អាជ្ញាធររដ្ឋបាលខេត្តសៀមរាបបានចេញបម្រាម ហាមចត ឬលក់ដូរលើចិញ្ចើមផ្លូវនាៗ។ សេចក្ដីប្រកាសមួយបានធ្វើឡើងកាលពីពេលថ្មីៗនេះ។

សូមជម្រាបថាថ្ងៃម្សិលមិញ កម្លាំងផែនការងារសណ្ដាប់ធ្នាប់សាធារណ: អធិការដ្ឋាននគរបាលក្រុងសៀមរាប បានសហការណ៍ ជាមួយការិយាល័យជំនាញ បន្តចុះផ្សព្វផ្សាយសេចក្ដីណែនាំ របស់រដ្ឋបាលខេត្ត ដល់ប្រជាពលរដ្ឋ ក្នុងក្រុងសៀមរាប៕SRP

ខេត្តសៀមរាប៖សេចក្ដីរាយការណ៍ព័ត៌មានបឋមបានឲ្យដឹងថាខណៈពេលនេះ វេលាម៉ោង៦និង៥០នាទីយប់ថ្ងៃទី២៣ ខែតុលានេះ មានអគ្គិភ័យកំពុងឆាបឆេះផ្ទះប្រជាពលរដ្ឋមួយខ្នង នៅភូមិខ្វាវ ឃុំខ្វាវ ស្រុកជីក្រែង ខេត្តសៀមរាប។

ខេត្តបាត់ដំបង៖សម្ដេចស ខេង និងលោកជំទាវ ញ៉ែម សាខន សខេង បានផ្ដល់ជូនប្រជាពលរដ្ឋមានការខ្វះខាតក្នុងជីវភាព និងរងផលប៉ះពាល់ដោយជំងឺកូវីដ-១៩ ចំនួន២១០គ្រួសារ ក្នុងស្រុករតនមណ្ឌល ខេត្តបាត់ដំបង។

ការផ្ដល់អំណោយធ្វើឡើងនៅថ្ងៃទីនៅថ្ងៃទី២៣ ខែតុលានេះតាមរយៈ លោកខាន់ ម៉ាណេរ រដ្ឋលេខាធិការក្រសួងសាធារណការ និងដឹកជញ្ជូន។

ប្រជាពលរដ្ឋទាំង២១០គ្រួសារដែលបានទទួលអំណោយដ៏ថ្លៃថ្លានេះ មកពីឃុំចំនួន៥ នៃស្រុករតនមណ្ឌល រួមមាន អង្ករ មី ត្រីខ ទឹកស៊ីអុីវ ទឹកត្រី ទឹកសុទ្ធ អាល់កុល និងម៉ាស៕SRP