ខេត្តកំពង់ចាម – Page 54

ខេត្តកំពង់ចាម៖អ្នកសារព័ត៌មានចំនួន៣នាក់បានជិះរថយន្តលុចស៊ិសមួយគ្រឿង ទៅថតសកម្មភាពល្បែងជល់មាន់ ប៉ុន្តែខណ:កំពុងតែធ្វើដំណើរតាមផ្លូវ ក៏មានអ្នកកាងល្បែងមកកាក់និងវាយកម្ទេចរថយន្ត បើទោះបីជាអ្នកសារព័ត៌មានទាំងនោះប្រាប់ថា ពួកគេទើបតែមកលើកទី១យ៉ាងណាក៏ដោយ ក៏អ្នកកាងល្បែងនៅតែលើកដំបងវាយឡានមិនដកដៃឡើយ។

ហេតុការណ៍បានកើតឡើងនៅថ្ងៃទី៣១ ខែមីនា ឆ្នាំ ២០២១ ស្ថិតនៅភូមិឈើទាល ឃុំផ្តៅជុំ ស្រុកជើងព្រៃ ខេត្តកំពង់ចាម។

យោងតាមប្រភពបានឲ្យដឹងថា អ្នកសារព័ត៌មានមានឈ្មោះ នួន រឿន នៅអង្គភាព An hot news និងអ្នកសារព័ត៌មាន២នាក់ទៀត បានចុះទៅថតសកម្មភាពល្បែងជល់មាន់ នៅភូមិសាស្ត្រខាងលើ ក៏ស្រាប់តែអ្នកកាងល្បែងមកវាយរថយន្តពួកគេតែម្ដង។ ក្រោយកើតហេតុបែបនេះ អ្នកសារព័ត៌មាន ទាំងនោះបានបើករថយន្ត ទៅប្ដឹងសមត្ថកិច្ចមូលដ្ឋានតែសមត្ថកិច្ចមិនបានទទួលពាក្យបណ្ដឹងនោះទេ ក៏បានរាយការណ៍ទៅអភិបាលខេត្តកំពង់ចាមដើម្បីសុំជួយអន្តរាគមន៍។ ក្រោយហេតុការណ៍កើតឡើង ក៏មានលោក កាំង គឹម ហុង អធិការរងស្រុកជើងព្រៃ ខេត្តកំពង់ចាម បានចេញមុខជំនួសឲ្យអ្នកបង្កហិង្សាមកសម្របសម្រួល បង់លុយ៥០០ដុល្លារឲ្យអ្នកសារព័ត៌មាន ដែលរងគ្រោះដើម្បីបញ្ចប់រឿង។ ករណីបណ្ដាលឲ្យរថយន្តម៉ាកលុចស៊ិសពណ៌ស្លែពាក់ស្លាកលេខភ្នំពេញ២S៩៦៨៨ បណ្ដាលខូចខាតយ៉ាងដំណំផងដែរ។

ទោះជាយ៉ាងណាអ្នកសារព័ត៌មានរងគ្រោះខាងលើនេះ សុំសំណូមពរដល់ថ្នាក់ដឹកនាំមេត្តាជួយអន្តរាគមន៍និងចាត់វិធានការករណីហិង្សានេះផង។ បើតាមប្រភពថាលោក កាំង គឹម ហុង (នាមបក្សី៩) អធិការរងស្រុកជើងព្រៃជាម្ចាស់ទីតាំងជល់មាន់ នៅភូមិខាងលើ។ ពាក់ព័ន្ធការលើកឡើងនេះ«បណ្ដាញសៀមរាបប៉ុស្ដិ៍ នៅមិនទាន់ទទួលបានការបំភ្លឺពីលោក កាំង គឹម ហុង អធិការរងស្រុកជើងព្រៃ នៅឡើយទេ ចំពោះការចោទប្រកាន់នេះ។

គួរបញ្ជាក់ថាជារើយៗអ្នកសារព័ត៌មានតែងតែទទួលរងគ្រោះនៅពេលពួកគេបានចុះទៅយកព័ត៌មាន សកម្មភាពលេងល្បែងស៊ីសង ហើយត្រូវបានអ្នកលេងល្បែងទាំងនោះដេញវាយ៕SRP

ខេត្តកំពង់ចាម៖លោកអ៊ុន ចាន់ដា អភិបាលខេត្តកំពង់ចាម និងជាប្រធានគណកម្មការខេត្តប្រយុទ្ធប្រឆាំងនឹងជំងឺកូវីដ-១៩ បានអះអាងថា អនុគណកម្មការចំពោះកិច្ចចាក់វ៉ាក់សាំងកូវីដ-១៩ ខេត្តកំពង់ចាម បានរៀបចំក្រុមគ្រូពេទ្យ ចំនួន៤១ក្រុម បេីកយុទ្ធនាការចាក់វ៉ាក់សាំងបង្ការជំងឺកូវីដ-១៩ ចំនួន២៩ទីតាំង នៅរដ្ឋបាលក្រុង-ស្រុក និងមន្ទីរពេទ្យបង្អែក ឬមណ្ឌលសុខភាពនានា នៅទូទាំងខេត្តកំពង់ចាម ចាប់ពីថ្ងៃទី១ ខែមេសា ឆ្នាំ២០២១នេះទៅ ដែលត្រូវប្រេីប្រាស់រយៈពេល១០ខែ ដោយក្នុង១ខែ ចំនួន១៨ម៉ឺននាក់ ស្មេីនឹង៦០០០នាក់ក្នុង១ថ្ងៃ ចំពោះប្រជាពលរដ្ឋដែលស្ម័គ្រចិត្ត។

ថ្លែងយ៉ាងដូច្នេះក្នុងឱកាសបេីកយុទ្ធនាការចាក់វ៉ាក់សាំងបង្ការជំងឺកូវីដ១៩ ជំហានទី២ នៅរដ្ឋបាលខេត្តកំពង់ចាម នៅថ្ងៃទី១ ខែមេសា ឆ្នាំ២០២១ព្រឹកមិញនេះ។

អភិបាលខេត្តកំពង់ចាមបានថ្លែងថា ដោយសារស្ថានភាពជាក់ស្តែង នៃការរីករាលដាលជំងឺកូវីដ-១៩ នៅព្រះរាជាណាចក្រកម្ពុជា ស្ថិតនៅក្នុងស្ថានភាពមួយដែលមិនទាន់មានការថមថយ ដែលត្រូវមានការប្រុងប្រយ័ត្នខ្ពស់ ដូច្នេះរាជរដ្ឋាភិបាលកម្ពុជា ក្រោមការគិតគូរ និងយកចិត្តទុកដាក់ដ៏ខ្ពង់ខ្ពស់ របស់សម្តេចហ៊ុន សែន នាយករដ្ឋមន្ត្រីកម្ពុជា បានដាក់ចេញនូវវិធានការនានា ដើម្បីទប់ស្កាត់ការចម្លងបន្តគ្នា ទេីបសម្រេចឲ្យធ្វើការបញ្ជាទិញវ៉ាក់សាំង ដេីម្បីការពារអាយុជីវិតប្រជាពលរដ្ឋ។ ចំពោះយុទ្ធនាការចាក់វ៉ាក់សាំងលើកទី២ នេះ ខេត្តកំពង់ចាម ទទួលបានវ៉ាក់សាំងពីរាជរដ្ឋាភិបាល ចំនួន ៣៩.០០០ដូស សម្រាប់ចាក់ជូនមន្ត្រីរាជការ និងប្រជាពលរដ្ឋស្ម័គ្រចិត្ត ចំនួន ១៨.០០០នាក់ ក្នុង១ថ្ងៃចាក់ជូន៦០០នាក់ ដែលត្រូវអនុវត្តត្រឹមរយៈពេល១ខែប៉ុណ្ណោះ ហើយត្រូវផ្តល់ជូនប្រជាពលរដ្ឋស្ម័គ្រចិត្ត ដោយឥតគិតថ្លៃ ជាបន្តបន្ទាប់ទៀត។

អភិបាលខេត្ត ក៏បានសំណូមពរដល់អ្នកស្ម័គ្រចិត្តទទួលវ៉ាក់សាំងបង្ការជំងឺកូវីដ-១៩ទាំងអស់ សូមឲ្យស្តាប់តាមការណែនាំរបស់ក្រុមគ្រូពេទ្យ ចៀសវាងពេលទទួលវ៉ាក់សាំងហើយ តែបែរជាបាត់បង់ប្រសិទ្ធភាពថ្នាំ ជាអាសាបង់ទៅវិញ ជាពិសេសត្រូវបន្តការបប្រុងប្រយ័ត្នដោយត្រូវអអនុវត្តនូវតាមវិធានការ៣ការពារ៣កុំ ផងដែរ៕SRP

ខេត្តកំពង់ចាម៖លោក អ៊ុន ចាន់ដា អភិបាលខេត្តកំពង់ចាម និងជាប្រធានគណៈកម្មការខេត្តប្រយុទ្ធប្រឆាំងជំងឺកូវីដ-១៩ បានថ្លែងអំណរព្រះគុណ ដល់ព្រះចៅអធិការ អាចារ្យ គណៈកម្មការវត្តទាំង៤ ក្នុងក្រុងកំពង់ចាម និងថ្លែងអំណរគុណចំពោះ លោកជំទាវអ្នកតំណាងរាស្រ្ដមណ្ឌលកំពង់ចាម ទាំង៣រូប ក៏ដូចជាសប្បុរសជននានា ដែលបានគាំទ្រជួយឧបត្ថម្ភ ទាំងថវិកា និងផ្នែកសម្ភារជូនដល់គណៈកម្មការប្រយុទ្ធប្រឆាំងនឹងជំងឺកូវីដ-១៩ នាពេលនេះ ដែលជាការរួមចំណែក យ៉ាងសំខាន់ ក្នុងសកម្មភាពនានា ដើម្បីប្រយុទ្ធប្រឆាំងនឹងជំងឺកូវីដ-១៩ នឹងជាការជួយរំលែកទុក្ខលំបាក ការខ្វះខាត របស់ពលករចំណូលស្រុកត្រឡប់មកពីប្រទេសថៃ ក៏ដូចជាអ្នកពាក់ព័ន្ធព្រឹត្តិការណ៍២០កុម្ភៈ ដែលកំពុងធ្វើចត្តាឡីស័ក ផងដែរ។

អភិបាលខេត្តថ្លែងអំណរគុណយ៉ាងដូច្នេះក្នុងឱកាសទទួល ថវិកានិងសម្ភារ របស់ព្រះចៅអធិការ អាចារ្យ គណៈកម្មការវត្ត អ្នកតំណាងរាស្រ្ដ និងសប្បុរសជននានា ក្នុងខេត្តកំពង់ចាម នៅថ្ងៃទី៣០ ខែមីនា ព្រឹកមិញនេះ។

គួរបញ្ជាក់ថា អំណោយព្រះចៅអធិការ អាចារ្យ គណៈកម្មការ វត្តសុទស្សនារាម ជ្រោយថ្ម បានឧបត្ថម្ភទឹកបរិសុទ្ធ ចំនួន៥២៧យួរ .
ព្រះចៅអធិការអាចារ្យ គណៈកម្មការ វត្តខេមវន្តបឹងស្នាយ ឧបត្ថម្ភ ទឹកបរិសុទ្ធ ចំនួន៥០យួរ .
ព្រះចៅអធិការ អាចារ្យ គណៈកម្មការ វត្តបុទុមរតន ដីដុះ ឧបត្ថម្ភ ទឹកបរិសុទ្ធ ចំនួន៧៥យួរ .
ព្រះចៅអធិការ អាចារ្យ គណៈកម្មការ វត្តជោតនារាម បឹងកុក ឧបត្ថម្ភទឹកបរិសុទ្ធ ចំនួន៥០យួរ .
លោកជំទាវ ខុង ស៊ុនអេង អ្នកតំណាងរាស្រ្ដមណ្ឌលកំពង់ចាម ឧបត្ថម្ភ ថវិកាផ្ទាល់ខ្លួន ចំនួន១លានរៀល . លោកជំទាវ ស្រី គឹមឆយ អ្នកតំណាងរាស្រ្ដមណ្ឌលកំពង់ចាម ឧបត្ថម្ភ ថវិកាផ្ទាល់ខ្លួន ចំនួន១លានរៀល . លោកជំទាវ កុល ធារិន អ្នកតំណាងរាស្រ្ដមណ្ឌលកំពង់ចាម ឧបត្ថម្ភ ថវិកាផ្ទាល់ខ្លួន ចំនួន១លានរៀល
លោក សន វុត្ថា និងភរិយា ដេប៉ូស្រាបៀរកម្ពុជាខេត្តកំពង់ចាម ឧបត្តម្ភ ទឹកបរិសុទ្ធកម្ពុជា ចំនួន៦០កេស
លោក យាន គួង និងភរិយា សាខាសាលាបេីកបរយានយន្ត ហេង ចំណាន ឧបត្ថម្ភ ថវិកា ចំនួន២០ម៉ឺនរៀល អាល់កុល៦០លិត្រ និងម៉ាសចំនួន១០ប្រអប់ ផងដែរ៕SRP

ខេត្តកំពង់ចាម៖លោកអ៊ុន ចាន់ដា អភិបាលខេត្តកំពង់ចាម បានអញ្ជើញចុះពិនិត្យសណ្ឋាគារមេគង្គ ក្រុងកំពង់ចាម ដែលកំពុងតែកែលម្អ ឲ្យប្រែក្លាយទៅជាមន្ទីរពេទ្យសម្រាប់ព្យាបាលអ្នកវិជ្ជមានកូវីដ-១៩ ក្នុងក្របខ័ណ្ឌខេត្តកំពង់ចាម និងខេត្តត្បូងឃ្មុំ។

ការចុះពិនិត្យនេះ នៅថ្ងៃទី២៩ ខែមីនា ព្រឹកមិញនេះដោយអនុវត្តតាមប្រសាសន៍ណែនាំដ៏ខ្ពង់ខ្ពស់ របស់សម្ដេចតេជោ ហ៊ុន សែន។

ក្នុងឱកាសនោះដែរ អ៊ុន ចាន់ដា បានណែនាំដល់មន្ត្រីជំនាញពាក់ព័ន្ធ ឲ្យរៀបចំកែលម្អសណ្ឋាគារមេគង្គនេះ ដោយឈ្មោះ «មន្ទីរពេទ្យមេគង្គកំពង់ចាម» ក្នុងនោះត្រូវមានការរៀបចំបន្ទប់សម្រាប់អ្នកជំងឺ បន្ទប់បុគ្គលិកពេទ្យប្រចាំការ និងរៀបចំបណ្តាញទឹក-ភ្លើងថ្មីឡេីងវិញ ព្រមទាំងសំអាតបរិស្ថានក្នុងអគារ និងទីធ្លាខាងក្រៅឲ្យបានស្អាតល្អ ធ្វើយ៉ាងណាត្រូវប្រែក្លាយសណ្ឋាគារមេគង្គនេះ ឲ្យក្លាយទៅជាមន្ទីរពេទ្យ ប្រកបដោយការជឿនិងទុកចិត្ត សម្រាប់ព្យាបាលអ្នកវិជ្ជមានកូវីដ-១៩ ចំពោះបងប្អូនប្រជាពលរដ្ឋ ក្នុងខេត្តកំពង់ចាម និងខេត្តត្បូងឃ្មុំ។

គួរបញ្ជាក់ថា បន្ទាប់ពីសម្តេច ហ៊ុន សែន បានណែនាំដល់ រដ្ឋបាលខេត្តកំពង់ចាម ឲ្យយកសណ្ឋាគារមេគង្គ ធ្វើជាមន្ទីរពេទ្យ សម្រាប់ព្យាបាល អ្នកវិជ្ជមានជំងឺកូវីដ-១៩ អភិបាលខេត្ត ក៏បានណែនាំដល់មន្ត្រីពាក់ព័ន្ធ ឲ្យរៀបចំបញ្ជូនពលករចំណូលស្រុក និងអ្នកពាក់ព័ន្ធព្រឹត្តិការណ៍២០កុម្ភៈ ដែលកំពុងធ្វើធ្វើចត្តាឡីស័ក ក្នុងសណ្ឋាគារមេគង្គនេះ ទៅធ្វើចត្តាឡីស័កបន្ត នៅមជ្ឈមណ្ឌលគរុកោសល្យ ភូមិភាគកំពង់ចាមវិញ៕SRP

Sponsored

ខេត្តកំពង់ចាម៖លោក អ៊ុន ចាន់ដា អភិបាលខេត្តកំពង់ចាម និងជាប្រធានគណៈកម្មការខេត្តប្រយុទ្ធប្រឆាំងនឹងជំងឺកូវីដ-១៩ នៅរសៀលថ្ងៃទី២៨ ខែមីនា ឆ្នាំ២០២១នេះបានដឹកនាំមន្ត្រីជំនាញពាក់ព័ន្ធ និងអាជ្ញាធរមូលដ្ឋាន ចុះពិនិត្យការបាញ់ថ្នាំសម្លាប់មេរោគ នៅក្នុងផ្សារធំ និងផ្សារសាមគ្គី ស្ថិតនៅក្នុងក្រុងកំពង់ចាម តាមវិធានរបស់ក្រសួងសុខាភិបាល បន្ទាប់ពីផ្អាកការធ្វេីអាជីវកម្ម ចំនួន១៣ទីតាំង ដោយពាក់ព័ន្ធនឹងព្រឹត្តិការណ៍២០កុម្ភៈ ហើយមានអ្នកវិជ្ជមានកូវីដ-១៩ បានចូលក្នុងផ្សារនោះនាពេលកន្លងមក។

ក្នុងឱកាសនេះដែរ លោក អ៊ុន ចាន់ដា ក៏បានអំពាវនាវដល់បងប្អូន ប្រជាពលរដ្ឋ ឲ្យបង្កេីនការប្រុងប្រយ័ត្នខ្ពស់ ក្នុងការចូលរួមទប់ស្កាត់ការរីករាលដាលនៃជំងឺកូវីដ-១៩ ដោយត្រូវយកចិត្តទុកដាក់អនុវត្ត ឲ្យបានខ្ជាប់ខ្ជួន តាមរយៈសារអប់រំពិសេស របស់សម្តេចតេជោ ហ៊ុន សែន ” ៣ការពារ ៣កុំ និង២ចូលរួម ” ព្រមទាំងសារអប់រំណែនាំរបស់ក្រសួងសុខាភិបាល ដើម្បីចៀសផុតពីការឆ្លងជំងឺដ៏កាចសាហាវនេះចូលដល់ក្នុងសហគមន៍។

គួរបញ្ជាក់ថា ដើម្បីទប់ស្កាត់ការរីករាលដាលនៃជំងឺកូវីដ-១៩ ដែលកំពុងផ្ទុះឡើងចំនួន៥ ករណី ក្នុងខេត្តកំពង់ចាម នាពេលកន្លងទៅថ្មីៗនេះ អាជ្ញាធរខេត្ត បានសម្រេចផ្អាកជាបណ្ដោះអាសន្ននូវទីតាំងមណ្ឌលសុខភាព និងការធ្ធេីអាជីវកម្ម សរុបចំនួន១៣ទីតាំង ដែលមានការពាក់ព័ន្ធនឹងអ្នកវិជ្ជមានកូវីដ-១៩ តាមរយៈព្រឹត្តិការណ៍២០កុម្ភៈ រួមមាន÷ ១- មណ្ឌលសុខភាព ឃុំខ្ពបតាងួន ស្រុកស្ទឹងត្រង់ ។ ២-គ្លីនិក ម៉ី មុនីបូរិន្ទ ។ ៣- មន្ទីរសម្រាកព្យាបាលបញ្ញា (ពេទ្យគា) ក្រុងកំពង់ចាម ។ ក្នុងនេះតូបលក់ដូរនៅផ្សារធំមាន ចំនួន៩តូប និងផ្សារសាមគ្គី ក្រុងកំពង់ចាម១តូបផងដែរ៕SRP

ខេត្តកំពង់ចាម៖លោក អ៊ុន ចាន់ដា អភិបាលខេត្តកំពង់ចាម និងជាប្រធានគណៈកម្មាធិការសាខាកាកបាទក្រហមខេត្ត អមដំណើរដោយមន្ត្រីពាក់ព័ន្ធនៅថ្ងៃទី២៧ ខែមីនា ព្ព្រឹកមិញនេះ បានអញ្ជើញប្រគល់ផ្ទះមនុស្សធម៌ទី១ ជូនដល់ស្ត្រីមេម៉ាយទុរគតម្នាក់ ឈ្មោះ ខឹម ណារី អាយុ៧២ឆ្នាំ រស់នៅភូមិជីហែ ឃុំពាមប្រធ្នោះ ស្រុកកោះសូទិន ដោយមានការនិមន្តចូលរួមពី ព្រះនាគមុនីមេគណខេត្ត និងព្រះមន្ត្រីសង្ឃផងដែរ។

លោក អ៊ុន ចាន់ដា បានពាំនាំមកនូវប្រសាសន៍ផ្តាំផ្ញើសាកសួរសុខទុក្ខពី សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ប្រធានកាកបាទក្រហមកម្ពុជា ជូនចំពោះលោកយាយខឹម ណារី ក៏ដូចជាប្រជាពលរដ្ឋ ជួបការលំបាកខ្វះខាតក្នុងជីវភាព។
លោកអ៊ុន ចាន់ដា ក៏បានក្រើនរំលឹកដល់ប្រជាពលរដ្ឋ ឲ្យបង្កើនការប្រុងប្រយ័ត្នខ្ពស់ ក្នុងការចូលរួមទប់ស្កាត់ ការរីករាលដាលនៃជំងឺកូវីដ-១៩ ដោយត្រូវយកចិត្តទុកដាក់អនុវត្ត ឲ្យបានខ្ជាប់ខ្ជួន តាមរយៈសារអប់រំពិសេសរបស់សម្តេចហ៊ុន សែន ” ៣ការពារ ៣កុំ និង២ចូលរួម ” ព្រមទាំងការណែនាំរបស់ក្រសួងសុខាភិបាល។

គួរបញ្ជាក់ថា សម្រាប់ផ្ទះមនុស្សធម៌ ១ខ្នង ដែលមានទំហំ៤x៦ម៉ែត្រនេះ គឺត្រូវចំណាយថវិកាមូនិធិរបស់សាខាកាកបាទក្រហមកម្ពុជាខេត្តកំពង់ចាម ដោយមានការចូលរួមពី ព្រះនាគមុនីមេគណខេត្ត និងសប្បុរសជន។ ចំពោះអំណោយដែលផ្តល់ជូនលោកយាយ ខឹម ណារី សម្រាប់ការឡើងផ្ទះថ្មីនេះ រួមមាន អង្ករ២៥គក្រ ត្រីខ ទឹកត្រី ទឹកស៊ីអ៉ីវ មី ឃីត១បញ្ចប់អាវយឺត២ សម្ភារដំណេក ផ្ទះបាយ និងថវិកា២០ម៉ឺនរៀល។
ដោយឡែក ប្រជាពលរដ្ឋខ្វះខាតក្នុងជីវភាព ចំនួន១២គ្រួសារទៀត ដោយក្នុង១គ្រួសារ ទទួលបានអង្ករ ត្រីខ ទឹកត្រី ទឹកស៊ីអ៉ីវ មី ឃីត អាវយឺត និងថវិកាចំនួន ២ម៉ឺនរៀលផងដែរ៕SRP

ខេត្តកំពង់ចាម៖រថយន្តធុនធំមួយគ្រឿងដឹកស្រូវ បានជ្រុលទៅបុកខឿនពុះទ្រូងផ្លូវ ទៅមុខលែងរួច។

ហេតុការណ៍បានកើតឡើងនៅល្ងាចថ្ងៃទី២៦ ខែមីនា ឆ្នាំ ២០២១ នៅចំណុចមុខក្រុមហ៊ុនគូបូតា លើផ្លូវជាតិលេខ៧ថ្មី ស្ថិតក្នុងភូមិបឹងស្នាយ សង្កាត់សំបូរមាស ក្រុងកំពង់ចាម។

សមត្ថកិច្ចក្រុងកំពង់ចាមបានឲ្យដឹថារថយន្តបង្កម៉ាក ហ៊ីយ៉ាន់ដាយ ពណ៌ស ពាក់ស្លាកលេខ កំពត 3A .1637 លេខសឺមីរឺម៉ក 4A.0044 បើកបរដោយឈ្មោះ អោម ភារ៉ា ភេទប្រុស អាយុ ៣០ឆ្នាំ នៅភូមិទ្វាថ្មី ឃុំព្រៃខ្នង ស្រុកទឹកឈូ ខេត្តកំពត។

គ្រោះថ្នាក់ចរាចណ៍នេះបណ្ដាលឱ្យ ខូចខាត
១ ដាច់ដើមផ្កាចំនួន៦ដើម ២បាក់ក្បាល ខឿនពុះចែកទ្រូងផ្លូវ ប្រវែង៤ ម៉ែត្រ៣កំពិតនិងវៀច បង្គោលភ្លើងដែក១ដើម
៤បាក់ទុយោទឹក ជ័រ២ដើម។ ករណីនេះមិនបណ្តាលអោយមានមនុស្សរងរបួសនោះទេ។មូលហេតុតៃកុង ងងុយដេក លទ្ធផល ធ្វើតេស្តរកសាធាតុញៀន (អវិជ្ជមាន)។វត្ថុតាងផ្នែកជំនាញ បានយកទៅរក្សាទុកជាបណ្ដោះអាសន្ន នៅអធិការដ្ឋាននគរបាលក្រុងកំពង់ចាម ដើម្បីអនុវត្តនិតិវិធី៕SRP

ខេត្តកំពង់ចាម៖គណកម្មការខេត្តប្រយុទ្ធប្រឆាំងនឹងជំងឺកូវីដ-១៩ នៅថ្ងៃទី២៦ ខែមីនា ឆ្នាំ២០២១ ព្រឹកមិញនេះបានទទួលអំណោយពីសប្បុរសជននានា។

អំណោយនេះ ដោយលោក លី ចាន់ធី ប្រធានមន្ទីររ៉ែ និងថាមពលខេត្តកំពង់ចាម ថវិកា១លានរៀល .មន្ទីររ៉ែ និងថាមពល ក្រុមហ៊ុនសហគ្រាសអាជីវកម្មខ្សាច់ និងសេវាករអគ្គិសនី ខេត្តកំពង់ចាម ថវិកា៤លាន៥សែនរៀល . ដេប៉ូលក់ និងចែកចាយបន្តឆ្នោតមហាសំណាងខេត្តកំពង់ចាម ម៉ាសចំនួន១ម៉ឺន៥ពាន់ម៉ាស អាល់កុល៣កាន មីជាតិ៤០កេស និងទឹកបរិសុទ្ធវីតាល់ចំនួន៣០កេស . ក្រុមហ៊ុន ធ្វេលផ្លាស់ ត្រាស់មី អ៉ីវេសមេន ឧបត្ថម្ភ ម៉ាសចំនួន១ម៉ឺនម៉ាស ទឹកបរិសុទ្ធ ២០០យួរ អាល់កុល៤កាន មីជាតិ២០កេស និងម៉ាស៊ីនវ៉ាស់កម្ដៅចំនួន៤គ្រឿង . សហគ្រាស ខេ ធី ឧបត្ថម្ភ ថវិកា៣លានរៀល . លោក ប្រ៊ុយណូ កូសម៍ និងសហការី ថវិកា១១០០ដុល្លារអាមេរិក មី៦០កេស និងអង្ករចំនួន១២០០គីឡូក្រាម . លោក ឃុន ខុន និងលោកស្រី ប៊ិច ថវិកា៥០០ដុល្លារ . លោក លាង សុវាវង្ស សេវាករអគ្គិសនី ឃុំល្វា ស្រុកកោះសូទិន ថវិកា៣០ម៉ឺនរៀល . និងលោក តែ គឹមសុង សេវាករអគ្គិសនី ឃុំចំការអណ្តូង ស្រុកចំការលើ ថវិកា២០ម៉ឺនរៀល។

ក្នុងពិធីទទួលអំណោយនេះ លោកអ៊ុន ចាន់ដា អភិបាលខេត្តកំពង់ចាម និងជាប្រធានគណៈកម្មការខេត្តប្រយុទ្ធប្រឆាំងនឹងជំងឺកូវីដ-១៩ បានថ្លែងអំណរគុណចំពោះ ក្រុមហ៊ុន ក៏ដូចជាសប្បុរសជននានា ដែលបានគាំទ្រជួយឧបត្ថម្ភ ទាំងថវិកា និងផ្នែកសម្ភារ ជូនដល់គណៈកម្មការប្រយុទ្ធប្រឆាំងនឹងជំងឺកូវីដ-១៩ នាពេលនេះ ដែលជាការរួមចំណែក យ៉ាងសំខាន់ ក្នុងសកម្មភាពនានា ដើម្បីប្រយុទ្ធប្រឆាំងនឹងជំងឺកូវីដ-១៩ ជាពិសេសជួយរំលែកទុក្ខលំបាកការខ្វះខាត របស់ពលរដ្ឋ ពលករចំណូលស្រុកត្រឡប់មកពីប្រទេសថៃ ដែលកំពុងធ្វើចត្តាឡីស័ក ផងដែរ៕SRP

ខេត្តកំពង់ចា៖លោកអ៊ុន ចាន់ដា អភិបាលខេត្តកំពង់ចាម បានថ្លែងថា ប្រជាពលរដ្ឋក្នុងខេត្តកំពង់ចាម សរុបប្រមាណជាង៧២ម៉ឺននាក់ នឹងទទួលបានការចាក់វ៉ាក់សាំងបង្ការជំងឺកូវីដ-១៩ ដោយស្ម័គ្រចិត្ត និងដោយឥតគិតថ្លៃពីរាជរដ្ឋាភិបាល ក្នុងពេលឆាប់ៗខាងមុខនេះ។

ថ្លែងយ៉ាងដូច្នេះក្នុងកិច្ចប្រជុំអនុគណៈកម្មការចំពោះកិច្ចចាក់វ៉ាក់សាំងកូវីដ-១៩ ខេត្តកំពង់ចាម នៅថ្ងៃទី២៦ ខែមីនា ព្រឹកមិញនេះ

លោក អ៊ុន ចាន់ដា បានបន្តថ្លែងថា ចំពោះការងារចាក់វ៉ាក់សាំងនេះ សម្រាប់ខេត្តកំពង់ចាម គឺត្រូវជ្រេីសរេីសមន្ទីរអង្គភាពពាក់ព័ន្ធទាំងអស់ បញ្ចូលជាសមាជិកអនុគណៈកម្មការចំពោះកិច្ច ដេីម្បីត្រៀមរៀបចំផែនការឲ្យបានម៉ត់ចត់ ព្រោះរាជរដ្ឋាភិបាលកម្ពុជា បានសម្រេចផ្ដល់វ៉ាក់សាំងបង្ការជំងឺកូវីដ-១៩ ជូនប្រជាពលរដ្ឋ ក្នុងខេត្តកំពង់ចាម រហូតជាង៧២ម៉ឺននាក់ ដែលជាចំនួនយ៉ាងច្រើន ដូច្នេះយើងត្រូវទាមទារឲ្យមានការត្រៀមរៀបចំក្រុមគ្រូពេទ្យ និងក្រុមការងារផ្សេងៗ ទុកជាមុន ដោយមានការបណ្តុះបណ្តាលជំនាញ ឲ្យបានច្បាស់លាស់ផងដែរ។

អភិបាលខេត្ត ក៏បានណែនាំដល់មន្ត្រីពាក់ព័ន្ធឲ្យរៀបចំវគ្គបណ្តុះបណ្តាល ក្រុមគ្រូពេទ្យ និងកិច្ចការផ្សេងៗទៀត សរុបជាង៤០ក្រុម ដោយមានទាំងក្រុមគ្រូពេទ្យស្ម័គ្រចិត្ត របស់លោក
ហ៊ុន ណេង អ្នកតំណាងរាស្ត្រមណ្ឌលកំពង់ចាម ក្រុមគ្រូពេទ្យស្ម័គ្រចិត្ត របស់លោក ខៀវ កាញារីទ្ធ រដ្ឋមន្ត្រីក្រសួងព័ត៌មាន និងក្រុមនិស្សិតពេទ្យនៃសាលាមធ្យមសិក្សាសុខាភិបាលភូមិភាគកំពង់ចាម ដោយត្រូវជ្រើសរើសយកទីតាំងដែលមានសុវត្ថិភាព សម្រាប់ធ្វើការចាក់វ៉ាក់សា។

អភិបាលខេត្តបានបញ្ជាក់ថា អនុគណៈកម្មការចំពោះកិច្ចខេត្តកំពង់ចាម បានត្រៀមរៀបចំការចាក់វ៉ាក់សាំង ជូនប្រជាពលរដ្ឋស្ម័គ្រចិត្ត សរុបជាង៧២ម៉ឺននាក់នេះ គឺអាចប្រើប្រាស់ពេលវេលាប្រមាណជា១៥០ថ្ងៃ សរុបចាក់ទាំង២លើក គឺត្រូវប្រេីប្រាស់ពេលវេលាស្មើនឹង១០ខែឯណោះ ដូច្នេះអាជ្ញាធរក្រុង-ស្រុកទាំងអស់ ត្រូវធ្វើការស្រង់យកទិន្នន័យ អ្នកស្ម័គ្រចិត្ត នៅតាមមូលដ្ឋានរាងៗខ្លួន ចាប់ពីពេលនេះតទៅ៕SRP