ខេត្តកំពង់ធំ

អបអរសាទរយុវសិស្ស យីវ ច័ន្ទគ្រឹហ្វា វិទ្យាល័យរស្មីសោភ័ណ ស្រុកស្ទោង ខេត្តកំពង់ធំ ទទួលបាននិទ្ទេសA ដែលមានលំដាប់ពិន្ទុ១០០.០០០!!SRP

ខេត្តកំពង់ធំ៖ក្រុមមន្ត្រីបាននាំគ្នាចុះត្រួតពិនិត្យដេប៉ូឈើមួយកន្លែងដែលសង្ស័យមានឈើខុសច្បាប់។

ការចុះត្រួតពិនិត្យនេះ នៅថ្ងៃទី១៨ ខែកញ្ញា ឆ្នាំ២០២៤ នៅចំណុចភូមិត្រពាំងឈូក ឃុំបឹង ស្រុកបារាយណ៍ ម្ចាស់ដេប៉ូឈើ ឈ្មោះហេង លី ភេទប្រុសអាយុ៦៣ ឆ្នាំ។

ប្រតិបត្តិការនេះ ធ្វើឡើងដោយ កម្លាំងមូលដ្ឋានអហស្រុកបារាយណ៍ ដឹកនាំដោយលោកវរសេនីយ៍ទោ ឃុន ប៊ុនហួរ មេបញ្ជាការស្រុក សហការជាមួយក្រុមចំរុះ ដឹកនាំដោយលោកសឿ ឡុងឌី ព្រះរាជអាជ្ញារងខេត្តកំពង់ធំ និងជំនាញរដ្ឋបាលព្រៃឈើដឹកនាំដោយលោកប៊ុន សុធី នាយខណ្ឌរដ្ឋបាលព្រៃឈើកំពង់ធំ។

មន្ត្រីដែលចុះត្រួតពិនិត្យបានអះអាងថា ការចុះត្រួតពិនិត្យដេប៉ូឈើខាងលើពុំទាន់បានបូកសរុបលទ្ធផលនៅឡើយទេ៕SRP

ខេត្តកំពង់ធំ៖កម្លាំងអធិការដ្ឋានរដ្ឋបាលព្រៃឈើខាងជើងបឹងទន្លេសាប បានចាប់ខ្លួនមនុស្សពីរនាក់ ករណីដឹកជញ្ជូនឈើដោយខុសច្បាប់និងក្លែងឯកសាររថយន្ត។

ការបង្ក្រាបធ្វើឡើង នៅថ្ងៃទី០៩ ខែកញ្ញា ឆ្នាំ២០២៤ ស្ថិតក្នុងភូមិសាស្ត្រភូមិត្រពាំងសាលា ឃុំឈូក ស្រុកប្រាសាទសំបូរ ខេត្តកំពង់ធំដោយសហការជាមួយអាវុធហត្ថស្រុកប្រាសាទសំបូរ កម្លាំងមន្ទីរស្រាវជ្រាវព័ត៌មានសន្តិសុខខេត្ត និងនគរបាលខេត្តកំពង់ធំ។

សមត្ថកិច្ចបានឲ្យដឹងថា នៅពេលចុះប្រតិបត្តិការបង្ក្រាបបទល្មើសឈើនេះ បានដកហូតវត្ថុតាងនៃបទល្មើសពី ឈ្មោះ ទឹម បូណាត និងឈ្មោះ សៀក ផល្លា ភេទ ប្រុស ជនជាតិខ្មែរ ពីបទៈ ប្រមូល និងដឹកជញ្ជូនផល អនុផលព្រៃឈើដោយគ្មានលិខិតអនុញ្ញាត ចេញដោយរដ្ឋបាលព្រៃឈើ/លិខិតឬប្រកាសអនុញ្ញាតចេញក្រសួងកសិកម្ម រុក្ខាប្រមាញ់ និងនេសាទ។

ក្នុងនោះកម្លាំងសមត្ថកិច្ចបានដករហូតវត្ថុតាងរួមមានៈ
-ឈើអារប្រភេទប្រណិតធ្នង់ចំនួន២១ដុំ ស្មើនឹង០ម. ៦១១និងរថយន្តម៉ាក HIGHLANDER ពណ៌ទឹកប្រាក់ ពាក់ស្លាកលេខភ្នំពេញ 2R-36.22 ចំនួន០១គ្រឿង -ទូរស័ព្ទដៃម៉ាក
OPPO ចំនួន០២គ្រឿងផងដែរ។

បច្ចុប្បន្នជនសង្ស័យទាំង២នាក់រួមនិងវត្ថុតាងបញ្ជូនបន្តដើម្បីចាត់ការតាមនិតិវិធី៕SRP

ខេត្តកំពង់ធំ៖កម្លាំងនគរបាលខេត្តកំពង់ធំ នៅថ្ងៃទី១០ ខែសីហា ឆ្នាំ២០២៤ នេះ បានបញ្ជូនជនសង្ស័យជាក្មេងទំនើងប្រព្រឹត្តបទល្មើស ហិង្សាដោយចេតនាមានស្ថានទម្ងន់ទោស ទៅសាលាដំបូងខេត្ត។

លោកឧត្ដមសេនីយ៍ត្រី ទិត សំណាង ស្នងការរងខេត្តកំពង់ធំ ផែនការងារនគរបាលព្រហ្មទណ្ឌ បានឱ្យដឹងថា កាលពីថ្ងៃទី០៦ ខែសីហា ឆ្នាំ២០២៤ វេលាម៉ោង១៩:០០ នាទីយប់ មានករណី (ហិង្សាដោយចេតនាមានស្ថានទម្ងន់ទោស) កើតឡើងចំនួន០១លើក ស្ថិតនៅចំណុចសាលាឃុំសំបូរ ក្នុងភូមិជាយសំពៅ ឃុំសំបូរ ស្រុក ប្រាសាទសំបូរ ខេត្តកំពង់ធំ បង្កឡើងដោយក្មេងទំនើង១ក្រុម មានគ្នាចំនួន០៩នាក់ ធ្វើសកម្មភាពស្ទាក់ផ្លូវ កាប់ វាយ ទៅលើជនរងគ្រោះ ខណៈជិះម៉ូតូឌុបគ្នាទៅលេងបងប្អូន នៅស្រុកប្រាសាទបល្ល័ង្ក  ពេលមកដល់កន្លែងកើតហេតុខាងលើ  ត្រូវបានក្រុមជនសង្ស័យស្ទាក់ដេញកាប់បណ្ដាលឱ្យដួលម៉ូតូ នាំគ្នារត់ គេចខ្លួនអស់ ទើបក្រុមជនសង្ស័យ កាប់ ទៅលើម៉ូតូបណ្ដាលឱ្យខូចខាតម៉ូតូមួយគ្រឿង និងរបួសស្រាលម្នាក់។

លោកថា បន្ទាប់ពីទទួលបានព័ត៌មានក្រោមការដឹកនាំបញ្ជាផ្ទាល់ពីលោកឧត្តមសេនីយ៍ត្រី ហេង សុផល ស្នងការនគរបាលខេត្ត និងដោយមានការសម្របសម្រួលនីតិវិធី ពីឯកឧត្តម រស់ សារាំ ព្រះរាជអាជ្ញាអមសាលាដំបូងខេត្ត កម្លាំងនគរបាលការិយាល័យជំនាញ នៃស្នងការដ្ឋាននគរបាលខេត្ត សហការជាមួយនគរបាលស្រុកប្រាសាទសំបូរ បានប្រើប្រាស់វិធានការជំនាញ ឈានទៅឃាត់ខ្លួន ជនសង្ស័យចំនួន០៩នាក់÷ ១-ឈ្មោះ សេង ភារម្យ ភេទប្រុស អាយុ២០ឆ្នាំ។ ២-ឈ្មោះ ខឿន ខួច  ភេទប្រុស អាយុ២០ឆ្នាំ។ ៣-ឈ្មោះ ឡី លាស់  ភេទប្រុស អាយុ២៣ ឆ្នាំ។ ៤-ឈ្មោះ ឃី សុខឃុន ភេទប្រុស អាយុ ២២ឆ្នាំ។៥-ឈ្មោះ ជឿង ជ័យ ភេទប្រុស អាយុ២១ឆ្នាំ។ ៦-ឈ្មោះ ហូវ ហ៊ា ភេទប្រុស អាយុ២២ឆ្នាំ។ ៧-ឈ្មោះ ង៉ា ឃី  ភេទប្រុស អាយុ២០ឆ្នាំ។ ៨-ឈ្មោះ រ៉ែម សំរ៉េច ភេទប្រុស អាយុ២១ ឆ្នាំ។ ៩-ឈ្មោះ ឡុច ផល្លា ភេទប្រុស អាយុ២០ឆ្នាំ ជនសង្ស័យខាងលើនេះ រស់នៅក្នុងភូមិ-ឃុំកន្លែងកើតហេតុ។

ឯជនរងគ្រោះមានឈ្មោះ ១-ឈ្មោះ ផ..ន ស..ន ភេទប្រុស អាយុ២០ឆ្នាំ (របួសស្រាល)។ ២-ឈ្មោះ ហ..ថ.. ភេទប្រុស អាយុ២១ឆ្នាំ។ ៣-ឈ្នោះ ឃ..ស..ក្ត ភេទប្រុស អាយុ១៧ឆ្នាំ រស់នៅភូមិជីនាង ឃុំតាំងក្រសៅ ស្រុក ប្រាសាទសំបូរ ខេត្តកំពង់ធំ។

កម្លាំងនគរបាល ដកហូតវត្ថុតាងមាន÷ ដាវចំនួន០១ ដំបងឈើចំនួន០២ដើម ម៉ូតូ០៣គ្រឿង ជាមធ្យោបាយប្រព្រឹត្តបទល្មើស(ម៉ាកហុងដាឌ្រីម ពណ៌ខ្មៅ០២គ្រឿង ផ្លាកលេខ កំពង់ធំ 1I-5257 ផ្លាកលេខកំពង់ធំ 1Q-4704 និងម៉ាវ៉េវ ពណ៌ខ្មៅ ផ្លាកលេខកំពង់ចាម 1F-4287) កសាងសំណុំរឿង ចាត់ការតាមនីតិវិធី៕SRP