ខេត្តកំពង់ធំ

ខេត្តកំពង់ធំ៖សេចក្ដីរាយការណ៍បឋមបានឲ្យដឹងថារថយន្តឆ្លាម០២គ្រឿង បុកគ្នា បណ្ដាលឲ្យស្លាប់ម្នាក់ របួស០៨នាក់។
នគរបាលចរាចណ៍បានរាយការជាបឋមថានៅថ្ងៃទី៣០ខែឧសភា ឆ្នាំ២០២០វេលាម៉ោង១៥និង៣០នាទី
នៅលើផ្លូវជាតិលេខ៦ចន្លោះគីឡូម៉ែត្រលេខ១៩៩-២០០ ភូមិក្បាល ឃុំសានគរ ឃុំសានគរ ស្រុក កំពង់ស្វាយ ខេត្តកំពង់ធំមានករណីគ្រោះថ្នាក់ចរាចរណ៍០១លើក រវាងរថយន្តកាមរីឆ្លាមពណ៌ទឹកមាសនិងរថយន្តកាមរីឆ្លាមពណ៌ប្រផេះក្នុងទិសដៅផ្ទុយគ្នាបណ្តាលអោយស្លាប់មនុស្សចំនួន០១នាក់,ស្រី ,របួសធ្ងន់០៨នាក់,ស្រី០២នាក់និងខូចខាតរថយន្ត ០២គ្រឿង។
មូលហេតុអ្នកបើកបររថយន្តឆ្លាុមពណ៌ប្រផេះបើករេចង្កូតទៅឆ្វេងដៃ ទៅបុករថយន្តកាមរីពណ៌ទឹមាសកំពុងបើកបរផ្លូវត្រង់ខាងស្តាំដៃរបស់ខ្លួន៕SRP

ខេត្តកំពង់ធំ៖មនុស្សចំនួនបីនាក់ត្រូវបានរន្ទះបាញ់សម្លាប់នៅខេត្តកំពង់ធំក្នុងករណី០៣ផ្សេងគ្នា។ អាជ្ញាធរបានរាយការណ៍ថាករណីទី០១នៅថ្ងៃទី២៩ខែឧសភាឆ្នាំ២០២០វេលាម៉ោង១២និង២៥នាទីរសៀល នៅចំណុច អូរតាញ៉ែម ភូមិសាស្រ្ត ភូមិត្រើយម្យ៉ាប ឃុំប្រាសាទ ស្រុកសន្ទុកខេត្តកំពង់ធំ។

ជនរងគ្រោះឈ្មោះមី ម៉ៅ ភេទប្រុស អាយុ២៧ឆ្នាំជនជាតិខ្មែរមុខរបរកសិករនៅភូមិ ត្រើយម្យ៉ាប ឃុំប្រាសាទ ស្រុកសន្ទុកខេត្តកំពង់ធំ។មុនពេលកើតហេតុជនរងគ្រោះបានកំពុងភ្ជួរស្រែនៅពេលមេឃកំពុងតែមានភ្លៀង ត្រូវបានរន្ទះ បាញ់ស្លាប់ភ្លាមៗម្តង។

ករណីទី០២នៅថ្ងៃទី២៨ខែឧសភាឆ្នាំ២០២០វេលាម៉ោង១៩និង៣០នាទីចំណុចខាងត្បូងវាលបុស្សលៀបស្ថិតនៅភូមិ ត្រាចជ្រុំឃុំ សំព្រោច ស្រុកស្ទោង ខេត្តកំពង់ធំ។ជនរងគ្រោះឈ្មោះស៊ត  ប្រាក់ ភេទប្រុស អាយុ៤៩ឆ្នាំជនជាតិខ្មែររស់នៅភូមិ ស្រីរងិត ឃុំ ចំណាក្រោម ស្រុកស្ទោង។តាមការបំភ្លឺរបស់កូនប្រុសថាឪពុករបស់ខ្លួនបានចេញទៅឆ្លុះកង្កែបពេលមេឃកំពុងភ្លៀង ដើរបានចម្ងាយប្រហែល២៥ម៉ែត្រ ស្រាប់តែរន្ទះបានបាញ់ តែម្ដង។

ករណីទី០៣នៅថ្ងៃទី២៩ខែឧសភាឆ្នាំ២០២០វេលាម៉ោង១៤និង៤៥នាទីរស់នៅភូមិរកា សង្កាត់ស្រយ៉ូវ ក្រុងស្ទឹងសែន ខេត្តកំពង់ធំ។ជនរងគ្រោះឈ្មោះ កែ មីន ភេទប្រុស អាយុ៤១ឆ្នាំរស់នៅភូមិរកា សង្កាត់ស្រយ៉ូវ ក្រុងស្ទឹងសែន ខេត្តកំពង់ធំ។មូលហេតុជនរងគ្រោះទៅភ្ជួរស្រែនៅខាងកើតភូមិ ទួលតាហៀង៕SRP

ខេត្តកំពង់ធំ៖មន្រ្ដីផ្នែករដ្ឋបាលព្រៃឈើកំពង់ថ្ម សហការណ៍ជាមួយក្រុមអន្តរាគមន៍ នៃខណ្ឌរដ្ឋបាលព្រៃឈើកំពង់ធំ នៅថ្ងៃទី២៧ ខែឧសភា ឆ្នាំ២០២០ បានរឆបអូសចឈើហ៊ុបមូលប្រភេទក្រៅលំដាប់ថ្នាក់ចំនួន ០៦កំណាត់ ស្មើនឹង ៣ម៉ែត្រត្រីគុណ០៨៧ និងឈើហ៊ុបមូលប្រភេទលេខ៣ចំនួន ០៦កំណាត់ ស្មើនឹង ០៣ម៉ែត្រត្រីគុណ១៦៥ ដែលប្រព្រឹត្តឡើងដោយជនមិនស្គាល់អត្តសញ្ញាណ ធើ្វសន្និធិនៅខាងជើងតំបន់ភ្នំរាំង ក្នុងឃុំបឹងល្វា ស្រុកសន្ទុក ខេត្តកំពង់ធំ។ បច្ចុប្បន្ន ផ្នែករដ្ឋបាលព្រៃឈើកំពង់ថ្ម បានដឹកជញ្ជូនវត្ថុតាងយកមករក្សាទុកនៅស្នាក់ការផ្នែករដ្ឋបាលព្រៃឈើកំពង់ថ្ម ដើម្បីចាត់ការតាមនីតិវិធី៕SRP

ខេត្តកំពង់ធំ៖គ្រឿងក្នុងជ្រូកជាង៩០០គីឡូ សមត្ថកិច្ចខេត្តកំពង់ធំ ដុតកំទេច ចោល នៅរសៀលថ្ងៃទី២២ខែឧសភានេះ។ ការដុតនេះមានការចូលរួម ពី លោកប៉ែន វណ្ណរិទ្ធ ប្រធានមន្ទីរកសិកម្ម ខេត្តកំពង់ធំ និងលោកឌួងសារ៉ន ព្រះរាជអាជ្ញារង អមសាលាដំបូងខេត្តកំពង់ធំ និងលោក ឧត្តមសេនីយ៍ទោ អ៊ុក.កុសល ស្នងការដ្ឋាននគរបាលខេត្តកំពង់ធំ លោកឃុនប៊ុនហូរ មេបញ្ជាការរង កងរាជអាវុធហត្ថ ខេត្តកំពង់ធំ និងលោកតាន់.ម៉េងឆាង ប្រធានការិយាល័យ ផលិតកម្ម និងបសុព្យាបាលសត្វ ខេត្តកំពង់ធំ។ ដែលធ្វើស្ថិតនៅ ខាងក្រោយ ការិយាល័យ ផលិតកម្ម និងបសុព្យាបាលសត្វ ស្ថិតក្នុងភូមិបាល័ង្គ ក្រុងស្ទឹងសែន។

ទំនិញដែលត្រូវបានដុតកម្ទេចក្នុងថ្ងៃនេះ មានដូចជា ពោះជ្រូក ថ្លើមជ្រូក ស្លឹកត្រចៀកជ្រូក ឆ្អឹងជំនីជ្រូក និងគ្រឿងក្នុងជ្រូកមួយចំនួនទៀត។
សូមបញ្ជាក់ថាទំនិញទាំងនេះត្រូវបាននាំចូលពី ប្រទេសថៃ នាំយកមកចែកចាយនៅក្នុងប្រទេសកម្ពុជា ត្រូវការិយាល័យ ផលិតកម្ម និងបសុព្យាបាលសត្វ និងនគរបាលខេត្តកំពង់ធំ បង្ក្រាបបាន កាលពីថ្ងៃទី២០ខែឧសភា ឆ្នាំ ២០២០ កន្លងមកនេះ៕SRP

ខេត្តកំពង់ធំ៖ រថយន្តដឹកឈើចំនួនពីរ គ្រឿងនិងមនុស្សម្នាក់ត្រូវបានសមត្ថកិច្ចអាវុធហត្ថខេត្តកំពង់ធំចាប់ខ្លួន។

ហេតុការណ៍ធ្វើឡើងវេលាម៉ោង ០១និង១៥នាទីថ្ងៃទី២១ខែឧសភាឆ្នាំ ២០២០ នៅចំណុចភូមិប៉ូតាអ៊ុន សង្កាត់ស្រយ៉ូវ ក្រុងស្ទឹងសែន ខេត្តកំពង់ធំ។
ប្រតិបត្តិការនេះបង្ក្រាបបានរថយន្ត០២គ្រឿង

០១/រថយន្កម៉ាកHilander (ហាយឡិនឌ័រ)ពណ៌ទឹកមាសពាក់ស្លាកលេខ ភ្នំពេញ2y-7325 បើកបរដោយឈ្មោះ ជុំ តុលា ភេទប្រុស អាយុ ២៥ឆ្នាំ ភូមិប្រនាគ ឃុំចើងដើង ស្រុកបារាយណ៍ខេត្តកំពង់ធំ មាន ឈើប្រភេទធ្នង់ចំនួន 11ដុំ ស្មើនិង 565kg។

០២/ រថយន្តម៉ាក Hilender (ហាយឡិនឌ័រ) ពណ៌ទឹកប៊ិចពាក់ស្លាកលេខ ភ្នំពេញ 2Q-6913 មាន ឈើប្រភេទធ្នង់ចំនួន១០ដុំ ស្មើនិង 496kg។ ជនសង្ស័យនិងវត្ថុតាង ត្រូវបានកងរាជអាវុធហត្ថបានធ្វើកំណត់ហេតុបញ្ជូនទៅផ្នែករដ្ឋបាលព្រៃឈើស្ទោងដើម្បីចាត់ការតាមផ្លូវច្បាប់។

លោកឈឿង គុណ នាយផ្នែករដ្នបាលព្រៃឈើស្ទោងបានអោយដឹងនៅព្រឹកនេះថា ឈើរក្សាទុកនៅផ្នែករដ្នបាលព្រៃឈើស្ទោង រថយន្ដរក្សាទុកនៅក្នុងបន្ទាយកងរាជអាវុធហត្ថខេត្ត។ ចំណែក ជនសង្ស័យ មា្នក់បានបញ្ចូនទៅតុលាការចាត់ការតាមផ្លូវច្បាប់៕ SRP ប៊ុនរិទ្ធី