ខេត្តសៀមរាប

ខេត្តបាត់ដំបង៖នគរបាលស្រុកកំរៀង សហការជាមួយកម្លាំងការិយាល័យ សន្តិសុខ ស្នងការដ្ឋាននគរបាលខេត្ត នៅថ្ងៃទី២៤ ខែសីហា ឆ្នាំ២០២១នេះបានឃាត់ខ្លួនបុរសម្បាក់ពីបទញុះញង់បំផុសបំផុលក្នុងបណ្ដាញសង្គមហ្វេសប៊ុក។ ករណីនេះក្រោយពីសាកសួរសមត្ថកិច្ចបានបញ្ជូនសំណុំរឿង ទៅសាលាដំបូងខេត្ត ដើម្បីអនុវត្តបន្តតាមនីតិវិធីច្បាប់។

គួរបញ្ជាក់ថាជនសង្ស័យមានឈ្មោះ ងួន លី អាយុ៣១ឆ្នាំ មានទីលំនៅភូមិដីក្រហម ឃុំតាសែន ស្រុកកំរៀង ខេត្តបាត់ដំបង កាលពីថ្ងៃទី២២ ខែសីហា ឆ្នាំ២០២១ នៅវេលាម៉ោង៩នាទីយប់ បានថតផ្លែមៀនបង្ហោះវីដេអូក្នុងបណ្ដាញសង្គមហ្វេសប៊ុក ដែលមានខ្លឹមសារញុះញង់បំផុសបំផុលអោយម្ចាស់ចំការនៅក្នុង ស្រុកកំរៀង មានការភាន់ច្រឡំលើចំណាត់ការ របស់រាជរដ្ឋាភិបាលជុំវិញការទិញផ្លែមៀនពីម្ចាស់ចំការមៀនដែលក្រីក្រ។ បុរសរូបនេះក៏បានព្យាយាមថតវីដីអូចោទប្រកាន់ក្រុមការងាររបស់រាជរដ្ឋាភិបាល ថាពុំបានយកចិត្តទុកដាក់ ជាមួយម្ចាស់ចំការមៀនផងដែរ។

សូមរំលឹកថាកាលពីថ្ងៃទី១៧ ខែសីហា ឆ្នាំ២០២១ សម្ដេចហ៊ុន សែន នាយករដ្ឋមន្ដ្រី បានបញ្ជាឲ្យលោកហ៉ីង ប៊ុនហៀង អគ្គមេបញ្ជាការរង នៃកងយោធពលខេមរភូមិន្ទ មេបញ្ជាការបញ្ជាការដ្ឋានអង្គរក្ស និងជានាយករងខុទ្ទកាល័យ សម្តេចហ៊ុន សែន ប្រមូលទិញផ្លែមៀន របស់កសិករ នៅតាមបណ្ដាខេត្តជាប់ព្រំដែនកម្ពុជា-ថៃ ដែលជួបប្រទះនូវបញ្ហាក្នុងការនាំចេញទៅលក់នៅក្រៅប្រទេស ដោយសារការឆ្លងរីករាលដាលជំងឺកូវីដ-១៩។ ក្នុងនោះផងដែរ សម្ដេចហ៊ុន សែន បានបញ្ជាក់ថាឲ្យទិញផ្លែមៀន តែពីកសិករក្រីក្រតែប៉ុណ្ណោះ៕SRP

ខេត្តសៀមរាប៖ករណីបុរសវ័យចំណាស់ម្នាក់ដេកស្លាប់នៅមុខមន្ទីរពេទ្យគន្ធបុប្ផា បណ្ដាលមកពីជំងឺ។

យោងតាមរបាយការណ៍របស់សមត្ថកិច្ចខេត្តសៀមរាប ដែលផ្ដល់ជូនសារព័ត៌មានសៀមរាបប៉ុស្ដិ៍ បានបញ្ជាក់ថា នៅវេលាម៉ោង១២និង១០នាទី ថ្ងៃទី២៤ខែសីហា ឆ្នាំ២០២១ នៅចំណុចមុខមន្ទីរពេទ្យគន្ធបុប្ផា​ ភូមិ​ត្រពាំងសេះ​ សង្កាត់គោកចក​ ក្រុងសៀមរាប បានប្រទះឃេីញមនុស្សម្នាក់ដេកស្លាប់។

របាយការណ៍បានបន្តថាជនរងគ្រោះ មានឈ្មោះ ផល សាក់ អាយុ៧២ឆ្នាំ​ ទី​លំនៅ​ភូមិអន្លង់វែង​ ឃុំអន្លង់វែង​ ស្រុកអន្លង់វែង ខេត្តឧត្តរមានជ័យ។

របាយការណ៍បានបញ្ជាក់ទៀតថា តាមការធ្វេីកោសល្យវិច័យរបស់គ្រូពេទ្យបានសន្និដ្ឋានថាជនរងគ្រោះស្លាប់ដោយសារជំងឺដំបៅប្រដាប់ភេទរាំរ៉ៃ និងពុំមានជំងឺកូវីដ១៩នោះទេ។

បច្ចុប្បន្ន សាកសពត្រូវបានសមត្ថកិច្ចទំនាក់ទំនងហៅបងប្អូនសាច់ញាតិយកទៅធ្វេីបុណ្យតាមប្រពៃណី៕SRP

ខេត្តសៀមរាប៖ខណ:ពេលនេះ ពលរដ្ឋបានប្រទះឃើញ បុរសម្នាក់ដេកស្លាប់នៅមុខមន្ទីរពេទ្យគន្ធបុប្ផាសៀមរាប។

សេចក្ដីរាយការណ៍ព័ត៌មានបឋមពីភ្នាក់ងារសៀមរាប ប៉ុស្ដិ៍ បានដឹងថា ហេតុការណ៍ប្រទះឃើញកើតឡើងនៅម៉ោង ២រសៀលថ្ងៃទី ២៤ ខែសីហាឆ្នាំ ២០២១ នេះ នៅមុខមន្ទីរពេទ្យគន្ធបុប្ផាខេត្តសៀមរាប ក្នុងក្រុងសៀមរាប ដោយពុំទាន់ដឹងមូលហេតុនៅឡើយ។ ទោះជាយ៉ាងណាបើយោងតាមសេចក្ដីរាយការណ៍បានដឹងថាសមត្ថកិច្ចបានកំពុងចុះទៅដល់កន្លែងកើតហេតុដើម្បីពិនិត្យផងដែរ។ សូមរង់ចាំព័ត៌មានលំអិត

ខេត្តសៀមរាប៖បុរសម្នាក់ត្រូវបានគេប្រទះឃើញអង្គុយស្លាប់នៅខាងកើតស្ទឹងសៀមរាប។

ហេតុការណ៍ភ្ញាក់ផ្អើលបានកើតឡើង នៅវេលាម៉ោង១៥ និង០០នាទី ថ្ងៃទី២២ខែសីហា ឆ្នាំ២០២១ នៅចំណុចមុខវត្តព្រះឥន្ទកោសីយ៍ក្រុមទី៤ភូមិទ្រាំង សង្កាត់ស្លក្រាម ក្រុងសៀមរាប។

យោងតាមរបាយការណ៍របស់សមត្ថកិច្ចខេត្តបានឲ្យដឹងថាជនរងគ្រោះ បានអង្គុយស្លាប់ ដោយពុំទាន់ស្គាល់អត្តសញ្ញាណ ភេទប្រុសអាយុប្រហែល៦០ឆ្នាំសម្បុរសសក់ស្គូវកំកម្ពស់១ម៉ែត៦៥ ពាក់អាវខ្មៅខោខៀវ។

តាមការសន្និដ្ឋានរបស់លោកគ្រូពេទ្យ បានសន្និដ្ឋានថាជនរងគ្រោះស្លាប់ដោយសារខ្យល់គនិងពុំមានជំងឺកូវីដ១៩នោះទេ។ បច្ចុប្បន្ន សាកសពយកទៅតម្កល់ទុកនៅវត្តព្រះឥន្ទកោសា រងចាំសាច់ញ្ញាតិយកទៅធ្វេីបុណ្យតាមប្រពៃណី៕SRP

ខេត្តសៀមរាប៖បុរសម្នាក់បានស្លាប់ភ្លាមៗខណៈបើកម៉ូតូទៅបុកគោយន្តកន្ត្រៃដឹកអុសចំពីក្រោយយ៉ាងពេញទំហឹង។

ហេតុការណ៍បានកើតឡើង នៅថ្ងៃទី២១ ខែសីហា ឆ្នាំ២០២១ នៅម៉ោង២៣និង១៥នាទី នៅចំណុចចន្លោះគីឡូម៉ែត្រលេខ៥៦.៥៧ ក្នុងភូមិវត្ត ឃុំស្រែណូយ ស្រុកវ៉ារិន ខេត្តសៀមរាបទិសគ្នាពីជើងទៅត្បូង ស្របទិសគ្នា។

សមត្ថកិច្ចស្រុកវ៉ារិនបានឲ្យដឹងថា ករណីគ្រោះថ្នាក់ចរាចរណ៍នេះ កាត់ឡើងរវាងម៉ូតូ

ម៉ាកHONGDA c125សេរីឆ្នាំ២០១៥ ពណ៌ខ្មៅ ពាកស្លាកលេខ សៀមរាប1T8320 បើកបរដោយឈ្មោះ ទេព សាឡន ភេទប្រុស អាយុ២៤ឆ្នាំ នៅភូមិស្រែពោធិ៍ ឃុំស្រែណូយ ស្រុកវ៉ារិន ខេត្តសៀមរាប (ស្លាប់) ដោយបើកបរម្នាក់ឯង បុកនឹងគោយន្តកន្រ្តៃដឹកក្រាក់ពីក្រោយ ម៉ាកគូប៊ូតាពណ៌ក្រហម សេរីឆ្នាំ២០០៤ អ្នកបើកបរឈ្មោះ នី ណឺ ភេទប្រុស អាយុ៣៤ នៅភូមិត្រពាំងធំ ឃុំរើល ស្រុកពួក ខេត្តសៀមរាប មានរួមដំណើរម្នាក់ឈ្មោះ នី ណាក់ ភេទប្រុស អាយុ៣៦ រស់នៅភូមិជាមួយគ្នា។

សមត្ថកិច្ចបានដឹងថា ករណីនេះក៏បណ្តាលអោយខូតខាតម៉ូតូ ១គ្រឿងនិង គោយន្តកន្ត្រៃ១គ្រឿង។ មូលហេតុគោយន្តគ្មានភ្លើងបំភ្លឺពីក្រោយ ពេលបុករួចគោយន្តបើករត់ចេញពីកន្លែងកើតហេតុបាន១គីឡូក៏ទុកគោយន្តចោល ហើយអ្នកបើក រត់គេចខ្លួនបាត់៕SRP