ខេត្តកំពង់ធំ

ខេត្តកំពង់ធំ៖ សេចក្ដីរាយការណ៍បានដឹងថាបុរសម្នាក់ ឡើងលាបថ្នាំ អង់តែន ក្រុមហ៊ុនមិត្តហ្វូន បណ្ដាលឲ្យឆក់ស្លាប់ភ្លាមៗ។

ហេតុការណ៍បានកើតឡើង នៅថ្ងៃព្រហស្បតិ៍ទី១៨ខែមិថុនាឆ្នាំ២០២០ វេលាម៉ោង១១និង២៣នាទីស្ថិតនៅភូមិឈើទាលឃុំត្បែង ស្រុកកំពង់ស្វាយខេត្តកំពង់ធំ។

អធិការនគរបាលស្រុកកំពង់ស្វាយ លោកវរសេនីយ៍ឯកខេន ឈុនគ័រ បានឲ្យដឹងថា ជនរងគ្រោះឈ្មោះ សារិ ចាន់ធូ ភេទប្រុស អាយុ៥១ឆ្នាំ រស់នៅភូមិបន្លិច ឃុំពាមមានជ័យ ស្រុកពាមរ៍ ខេត្តព្រៃវែង។

អធិការនគរបាលស្រុកកំពង់ស្វាយ បន្តថាតាមការបំភ្លឺពីឈ្មោះ ធី សុយ៉ានី បុគ្គលិកក្រុមហ៊ុនមិតហ្វូនបានបញ្ជាក់ថា មានក្រុមហ៊ុនវៀតធែលខោនត្រាក់សិន(ក្រុមហ៊ុនម៉ៅការ) បានម៉ៅការពីក្រុមហ៊ុនរបស់ខ្លួនមើលថែរក្សាលាបថ្នាំបង្គោលអង់តែននិងលាបថ្នាំច្រេះ។ ជាក់ស្តែងនៅថ្ងៃទី១៨ខែមិថុនាឆ្នាំ២០២០ វេលាម៉ោង០៩និង០០នាទីព្រឹក ជនរងគ្រោះបានទូរស័ព្ទប្រាប់ថាមកលាបថ្មាំច្រេះនៅកន្លែងកើតហេតុខាងលើ។លុះដល់ម៉ោង ១១និង២៣ នាទីស្រាប់តែទទួលព័ត៌មានថាជនរងគ្រោះត្រូវខ្សែរឆក់ស្លាប់បាត់ទៅហើយ។

បើតាម អធិការនគរបាលស្រុកកំពង់ស្វាយ ករណីនេះមូលហេតុជនរងគ្រោះឡើងលាបថ្នាំច្រេះអង់តែន(ក្រុមហ៊ុនមិត្តហ្វូន) បណ្ដាលឲ្យឆក់ស្លាប់តែម្ដង។

ជុំវិញហេតុការណ៍នេះអង្គភាពបណ្ដាញសារព័ត៌មានសៀមរាបប៉ុស្តិ៍ នៅមិនទាន់ទទួលបានការបំភ្លឺពីខាងក្រុមហ៊ុនមិត្តហ្វូននៅឡើយទេ៕SRP

ខេត្តកំពង់ធំ៖អធិការនគរបាលស្រុកប្រាសាទសំបូរ ខេត្តកំពង់ធំ នៅព្រឹកថ្ងៃព្រហស្បតិ៍ទី១៨ខែមិថុនានេះ បានបញ្ជូនខ្លួនមនុស្ស០៣នាក់ ទៅកាន់ស្នងការនគរបាលខេត្ត ដើម្បីចាត់ការបន្តរតាមផ្លូវច្បាប់ ពាក់ព័ន្ធបទល្មើសក្លែងបន្លំឯកសារសាធារណៈ និងយកឈ្មោះ លោកជំទាវ ឃួន ឃុនឌី សមាជិកព្រឹទ្ធសាភាមកប្រើដើម្បីដើរជំរិតយកលុយពីពលរដ្ឋ។

ជនសង្ស័យទាំង៣នាក់រួមមានៈ
១.ឈ្មោះ ខេង ខែម ភេទប្រុស អាយុ៤៣ឆ្នាំ ទីលំនៅភូមិប្រឡាយ ឃុំតាំងក្រសៅ ស្រុកប្រាសាទសំបូរ ជាអ្នកក្លែងឯកសាររដ្ឋបាលខេត្តកំពង់ធំ បង្កើតក្រុមឌឺបេរបស់ខេត្ត រួមទាំងក្លែងលិខិតជាច្រើនទៀត ដោយខ្លួនឯង ដើរទារលុយពីអ្នកដឹកអុស ដឹកឈើ តាមឡាន តាមគោយន្ត ក្នុងភូមិសាស្រ្តស្រុកសណ្តាន់ ស្រុកប្រាសាទសំបូរ និងស្រុកសន្ទុក នឹងតាំងខ្លួនជាប្រធានឌឺបេខេត្ត
២.ឈ្មោះ អឿន នឿន ភេទប្រុស អាយុ ៥៣ ឆ្នាំ ទីលំនៅភូមិទំនប់ ឃុំស្រើង ស្រុកប្រាសាទសំបូរ ជាអនុប្រធានឌឺបេនិង
៣.ឈ្មោះ នុត ខា ភេទប្រុស អាយុ៦៣ឆ្នាំ ទីលំនៅភូមិសែនអភិវឌ្ឍន៍១ឃុំទីពោរ ស្រុកសន្ទុកជាសមាជិកឌឺបេ រួមជាមួយវត្ថុតាងដកហូតមាន៖
-លិខិតរដ្ឋបាលខេត្ត ស្តីពីការបង្កើតក្រុមឌឺបេ ចំនួន០៧ច្បាប់(០៧នាក់)
-លិខិតរដ្ឋបាលខេត្ត អនុញ្ញាតឲ្យឈ្មោះ សួន ជាតិ ឈួសឆាយដី០១ច្បាប់
-លិខិតរដ្ឋបាលខេត្ត អនុញ្ញាតឲ្យឈ្មោះធួន តុងហេង ទិញលក់ឈើ
យកមកចាត់ការតាមផ្លូវច្បាប់។
ពាក់ព័ន្ធករណីនេះ លោកជំទាវ ឃួន ឃុនឌី សមាជិកព្រឹទ្ធសភា បានសំណូមពរដល់តុលាកាខេត្តកំពង់ធំ សូមមានវិធានការឲ្យបានតឹងរឹងបំផុតចំពោះជនសង្ស័យខាងលើ ដែលបានក្លែងបន្លំឯកសារ នឹងយកឈ្មោះលោកជំទាវទៅប្រើប្រាស់ក្នុងផ្លូវមិនល្អនេះ៕SRP

ខេត្តកំពង់ធំ៖នៅទីបំផុតសមត្ថកិច្ចឃាត់ខ្លួនអ្នករស៊ីទិញកៅស៊ូចំនួនពីរនាក់ដែលបន្លំភ្នែកជញ្ជីង ដោយយកកៅស៊ូស្បែកជើង មកកល់នៅម៉ាស័រនៅក្នុងជញ្ជីង បញ្ជូនទៅតុលាការនៅថ្ងៃទី១៤ខែមិថុនាឆ្នាំ២០២០នេះបន្ទាប់ពីបានឃាត់ខ្លួន៤៨ម៉ោង។ជនសង្ស័យឈ្មោះយន បុប្ឋា ភេទស្រីនិងឈ្មោះឡុង ចន្ថា ភេទស្រី ដែលជាអ្នកទិញកៅស៊ូ ស្ថិតនៅតំបន់អូស្រែស្តៅ ភូមិលែង ឃុំទំរីង ស្រុកសណ្ដាន់ ខេត្តកំពង់ធំ។

សមត្ថកិច្ចបានឲ្យដឹងថាដើមបណ្ដឹងឈ្មោះស្រួយម៉េងគង់និងចុងបណ្ដឹងឈ្មោះយនបុប្ឋា។ករណីនេះសមត្ថកិច្ចស្រុកសណ្ដាន់បានធ្វើកំណត់ហេតុ ពិនិត្យជញ្ជីងឃើញថាជញ្ជីងខ្នាត១២០គីឡូក្រាម ឃើញមានកៅស៊ូស្បែកជើង កាល់ម៉ាស័រ ឲ្យថ្លឹងនៅត្រឹម៨០គីឡូក្រាមទោះដាក់ប៉ុន្មាន ក៏នៅត្រឹម៨០គីឡូក្រាមពិតប្រាកដមែន។

ដើមបណ្ដឹងបានប្រាប់អ្នកសារព័ត៌មានថាគាត់បានទុកចិត្តអ្នកទិញដោយមិនដែលខ្វល់និងការថ្លឹងកៅស៊ូនោះទេ។នេះដោយសារតែការទុកចិត្ត រកស៊ីជាមួយគ្នាជាងមួយឆ្នាំមកហើយ។ តែក្រោយមកដោយមានការសង្ស័យថា ដោយសារបាត់កៅស៊ូម្តង៧០០គីឡូក្រាមក្នុងមួយរថយន្ត។ ក្នុងថ្ងៃកើតហេតុ លោកបានសូមពិនិត្យជញ្ជីង ដោយដោះមើលផ្នែកខាងក្នុង ទើបបានឃើញកៅស៊ូស្បែកជើងផ្ទាត់កល់ម៉ាស័រនៅខាងក្នុងដោយកំណត់ត្រឹមតែ៨០គីឡូក្រាម ទើបលោកប្តឹងទៅអធិការនគបាលស្រុកសណ្តាន់ដើម្បីឃាត់ខ្លួនសាកសួរតែម្ដង។

បើតាមដើមបណ្ដឹងបន្ថែមថាបើទោះជាមានករណីបែបនេះក្ដីលោកមិនប្រកាន់ទោសនោះទេប្រសិនបើអ្នកប្រព្រឹត្តសុំទោសនិងទទួលស្គាស់ការពិត។តែនេះមិនទទួលស្គាល់ហើយ ជេរនិងរកប្តឹងរូបលោក ថែមទាំងរករឿងវាយតបទៀតផង  ទើបលោកសម្រេចប្តឹងហើយឲ្យសងសំណង ២០លានរៀល ដែលបានកេងចំណេញជាងមួយឆ្នាំមកនេះ៕SRP

ខេត្តកំពង់ធំ៖បុរសម្នាក់បានស្លាប់ដោយសារខ្យល់គរខណ:ទៅកាប់ក្រាក់និងនិងអុស។ហេតុការណ៍បានកើតឡើងនៅថ្ងៃទី១០ខែមិថុនាឆ្នាំ២០២០វេម៉ោង០៣រសៀលចំណុចតំបន់រចរណ៍ភូមិសាស្ត្រភូមិជាំស្វាយឃុំមានរិទ្ធស្រុកសណ្ដាន់ខេត្តកំពង់ធំ។

សមត្ថកិច្ចបានឲ្យដឹងថាជនរងគ្រោះឈ្មោះរឿង ណេ អាយុ៣៧ឆ្នាំរស់នៅភូមិព្រៃភ្លូរឃុំក្រយាស្រុកបន្ទុកខេត្តកំពង់ធំ។ សមត្ថកិច្ចបានបញ្ជាក់ថាមូលហេតុជនរងគ្រោះបានទៅកាប់ក្រាក់និងអុសនៅតំបន់ខាងលើហើយក៏បានដេកស្លាប់តែម្ដង៕SRP

ខេត្តកំពង់ធំ៖ ប្រជាពលរដ្ឋចំនួន០៧គ្រួសារ រស់នៅ ភូមិថ្នល់បែក ឃុំត្រពាំងឬស្សី ស្រុកកំពង់ស្វាយ និងអតីតយុទ្ធជនមួយគ្រួសារ រស់នៅភូមិអំពុះ ឃុំត្បូងក្រពើ ស្រុកសន្ទុក បានទទួល អំណោយពីលោក ហ៊ុន ម៉ាណែត អគ្គមេបញ្ជាការរងនៃកងយោធពលខេមរភូមិន្ទ មេបញ្ជាការកងទ័ពជើងគោក នៅរសៀលថ្ងៃទី១០ ខែមិថុនាឆ្នាំ២០២០ តាមរយ:លោកសោម ស៊ុន ប្រធានសមាគមអតីតយុទ្ធជនកម្ពុជាខេត្តកំពង់ធំ។

អំណោយ ដែលបានផ្ដល់ជូនប្រជាពលរដ្ឋទាំង៧គ្រួសារ ក្នុងមួយគ្រួសារទទួលបានអង្ករ២៥គីឡូក្រាម មី ២កេស និងថវិកាមួយចំនួន។ ដោយឡែកអតីតយុទ្ធជនមួយគ្រួសារ គឺលោកអនុសេនីយ៍ឯក ម៉ា គឹមយុង អាយុ៧០ឆ្នាំអតីតប្រធានកងអនុសេនាធំ អាបី ខេត្តកំពង់ធំបាន អង្ករចំនួន៥០គីឡូក្រាមមីចំនួន៣កេស និងថវិកាមួយចំនួនផងដែរ៕SRP