ខេត្តកំពង់ធំ

ខេត្តកំពង់ធំ៖ពលរដ្ឋម្នាក់បានស្លាប់ទាំងដៃកំពុងភ្ជួរសេរ៉ូម បង្កឲ្យមានការភ្ញាក់ផ្អើល។
ហេតុការណ៍នេះបានកើតឡើងនៅវេលាម៉ោង ២៣និង៤០នាទីយប់ ថ្ងៃទី ២៨ ខែកក្កដា ឆ្នាំ២០២០ នៅក្នុងគ្លីនិក ឯកជនមួយ យីហោ វេជ្ជ. ច្រឹប សុធី ស្ថិតនៅក្នុងភូមិសំពៅមាស ឃុំសានគរ ស្រុកកំពង់ស្វាយ ខេត្តកំពង់ធំ។
គ្រូពេទ្យឯកជនខាងលើ ឈ្មោះ ច្រឹប សុធី ហៅឈុច។
ជនរងគ្រោះឈ្មោះ ឈួន ឈួត ភេទប្រុស អាយុ៥២ឆ្នាំជាកម្មករក្រុមហ៊ុនចិញ្ចឹមស្វា នៅក្នុងភូមិព្រៃព្រាល(ខ) ឃុំត្រពាំងឬស្សី ស្រុកកំពង់ស្វាយ ខេត្តកំពង់ធំ។
យោងតាមប្រពន្ធជនរងគ្រោះប្រាប់អ្នកសារព័ត៌មានថា ប្តីគាត់និយាយថាឈឺដៃឈឺជើង មិនទៅធ្វើការទេថ្ងៃនេះ ហើយក៏បានទៅឲ្យពេទ្យខាងលើពិនិត្យជំងឺឲ្យ។ គ្រូពេទ្យប្រាប់ថាគាត់មានជំងឺគ្រុនឈិក ក៏ដាក់សេរ៉ូមឲ្យនៅកន្លែងពេទ្យតែម្ដង។ រហូតដល់វេលាម៉ោងប្រហែល ២០,០០ នាទីយប់ អស់សេរ៉ូម០៣ កំប្លោក ក៏ចាប់ផ្តើមរៀបចំដាក់សេរ៉ូមបន្តទៀត។ ប៉ុន្តែមុនដាក់សេរ៉ូមបានឲ្យថ្នាំគ្រាប់លេបសិន រួចក៏ដាក់សេរ៉ូមបន្តរហូត ដល់ម៉ោង ២៣និង៤០នាទី ជនរងគ្រោះក៏បានដាច់ខ្យល់ស្លាប់តែម្ដង ដោយដៃនៅកំពុងជាប់សេរ៉ូម។បើតាមសមត្ថកិច្ចខេត្ត គ្រូពេទ្យ និងជំនាញស្រុក បានចុះទៅដល់កន្លែងកើតហេតុដើម្បីធ្វើកោសល្យពិច័យសាកសព បានសន្និដ្ឋានជាបឋមថាការស្លាប់របស់ជនរងគ្រោះគឺអាចបណ្ដាលមកពីប្រតិកម្មថ្នាំ។ទោះយ៉ាងណាអង្គភាព សៀមរាបប៉ុស្ដិ៍ នៅមិនទាន់ទទួលបានការបំភ្លឺពីម្ចាស់គ្លីនិកនៅឡើយទេ ដោយមិនមានលេខទំនាក់ទំនង៕SRP

ខេត្តកំពង់ធំ៖សមត្ថកិច្ចបានចាប់ខ្លួនបុរសម្នាក់ពាក់ឯកសណ្ឋានបន្លំជាផ្កាយ៣។

យោងតាមរបាយការណ៍បានឲ្យដឹងថាស្តីពីបទប្រើប្រាស់នូវឯកសណ្ឋានជាអាទិ៍ដែលមានភាពប្រហាក់ប្រហែលនឹងនគរបាលឬយោធា។ របាយការណ៍បន្តថាអំពីហេតុការណ៍កើតឡើងនៅថ្ងៃទី២៤ ខែកក្កដា ឆ្នាំ ២០២០ វេលាម៉ោង៧.០០នាទី ចំណុចភូមិព្រៃបន្លិច សង្កាត់អាចារ្យលាក់ ក្រុងស្ទឹងសែនមានករណីជនសង្ស័យម្នាក់ ឈ្មោះ ហេង កែនណាឌី ភេទ ប្រុស អាយុ៤២ឆ្នាំ មុខរបរមិនពិតប្រាកដ បច្ចុប្បន្នស្នាក់នៅផ្ទះ លេខ២១អឺសេរ៉ូ ផ្លូវលេខ៤៧ សង្កាត់ស្រះចក ខណ្ឌដូនពេញ រាជធានីភ្នំពេញ បានតាំងខ្លួនជានគរបាលធ្វើការនៅអគ្គស្នងការដ្ឋាននគរបាលជាតិ ផ្នែកមន្ទីរប្រឆាំងគ្រឿងញៀន ដោយបានស្លៀកពាក់ឯកសណ្ឋាននគរបាលជាតិ សក្តិ៍ថ្នាក់ឧត្តមសេនីយ៍ឯក។

វត្ថុតាងរួមមាន ៖

១.ឯកសណ្ឋានគរបាល ការងារលេខ៤ មួយកំផ្លេ មានសក្តិថ្នាក់ឧត្តមសេនីយ៍ឯក ភ្ជាប់ជាមួយអាវស្រាប់។
២.ក្រដាស់ប្រាក់ដូល្លាអាមេរិក(លុយសែន) ប្រភេទក្រដាស១០០$ ចំនួន៥៨៩សន្លឹក។
៣.ទូរស័ព្ទដៃចំនួន០២គ្រឿង។ ព្រមទាំងសម្ភារប្រើប្រាស់ផ្ទាល់ខ្លួនមួយចំនួនទៀត។

ក្នុងករណីនេះយើងបានឃាត់ខ្លួនជនសង្ស័យខាងលើនៅអធិការដ្ឋានគរបាលក្រុង តាមបញ្ជារបស់លោកសាយវាសនាព្រះរាជអាជ្ញារងអមសាលាដំបូងខេត្តកំពង់ធំតាមរយៈទូរស័ព្ទចុះថ្ងៃទី ២៤ ខេត្តកក្កដាឆ្នាំ ២០២០ វេលាម៉ោងទៅ ២២.០០ នាទីនិងកំពុងកសាងសំណុំរឿងតាមនីតិវិធី៕SRP

ខេត្តកំពង់ធំ៖ករណីស្ត្រីម្នាក់ដែលបានឃាតករកាប់សម្លាប់រួចយកទៅបោះចោលក្នុងស្រះទឹកក្រោយផ្ទះ តាមការពិតអ្នកសម្លាប់គឺជាប្ដីរបស់ខ្លួន។

ជនដៃដល់ជាប្តីឈ្មោះ ធល ធារិទ្ធ អាយុ៣០ឆ្នាំ ជនរងគ្រោះមានកូន៣ ប្រុស២ នាក់ស្រីម្នាក់។ ចំណែកជនរងគ្រោះជាប្រពន្ធឈ្មោះ ស៊្រុន ចន្រ្ទា អាយុ៣០ឆ្នាំ។

សូមបញ្ជាក់ថាអំពើឃាតកម្មនេះបានកើតឡើង បង្ករការភ្ញាក់ផ្អើលកាលពីព្រឹកថ្ងៃទី២១ខែកក្កដា២០២០។  បុរសជាប្តីម៉ោង១៤,០០នាទីរសៀលថ្ងៃដនេះ ជនសង្ស័យបានសារភាពថាខ្លួនពិតបានកាប់ប្រពន្ធបណ្តាលអោយស្លាប់ពិតប្រាកដមែន(មូលហេតុជម្លោះប្តីប្រពន្ធ)៕SRP

ខេត្តកំពង់ធំ៖សេចក្ដីរាយការណ៍បានឲ្យដឹងថាគ្រូពេទ្យស្រីម្នាក់ ត្រូវបានឃាតករសម្លាប់ យកសពទៅបោះចោលក្នុងស្រះទឹកខាងក្រោយផ្ទះបង្ករការភ្ញាក់ផ្អើល។ហេតុការណ៍បានកើតឡើងវេលាម៉ោង៦និង២០នាទីព្រឹកថ្ងៃ​ទី​២១ខែកក្កដា​ឆ្នាំ​២០២០​ នៅចំណុចភូមិខ្វាន់ទៀង ឃុំសាលាវិស័យ ស្រុកប្រាសាទបល្ល័ង្គ ខេត្តកំពង់ធំ។

សមត្ថកិច្ចបានឲ្យដឹងថាជនរងឈ្មោះ ស្រ៊ុន ចន្ទ្រា ភេទស្រី អាយុ២៩ឆ្នាំ រស់នៅភូមិឃុំកើតហេតុ មុខរបរ បើកបន្ទប់ព្យាបាលជំងឺទូរទៅ។ ត្រូវបានឃាតករកាប់ចំករក្រោមត្រចៀកបណ្តាលអោយស្លាប់តែម្ដង។

សមត្ថកិច្ចបានបញ្ជាក់ថាសពជនរងគ្រោះត្រូវបានបុរស​ជា​ប្តី​បាន​ប្រទះឃើញនៅក្នុងស្រះទឹកក្រោយផ្ទះ ចម្ងាយ​ប្រហែល១០០ម៉ែត្រ។

ករណីនេះសមត្ថកិច្ចជំនាញនិងក្រុមគ្រូពេទ្យបានចុះទៅពិនិត្យសាកសពនៅកន្លែងកើតហេតុ។ ជាមួយគ្នានេះដែរកម្លាំងនគរបាលស្រុក​បាននាំខ្លួនប្តីនិងឪពុកក្មេកទៅអធិកាដ្ឋានដើម្បីសាកសួរជុំវិញបញ្ហានេះ។ចំណែក​សាកសព​ត្រូវ​បាន​ប្រគល់​ជូន​បងប្អូន​សាច់ញាតិ​ចាត់ចែងធ្វើ​បុណ្យ​តាម​ប្រពៃណី៕SRP

ខេត្តកំពង់ធំ៖ សេចក្ដីរាយការណ៍បឋមបានឲ្យដឹងថាមុននេះបន្តិច រថយន្តយីឌុបមួយគ្រឿងបាន បុកអ្នកជិះម៉ូតូម្នាក់ នៅស្រុកស្ទោង បណ្ដាលឲ្យភ្លាមៗ។
ហេតុការណ៍បានកើតឡើងនៅវេលាម៉ោងជិត០៤សៀលថ្ងៃទី២០ខែកក្កដាឆ្នាំ២០២០នេះ ស្ថិតតាមបណ្ដោយផ្លូវជាតិលេខ៦ ក្នុងភូមិថ្មី ឃុំប្រឡាយ ស្រុកស្ទោងខេត្តកំពង់ធំ ។ សមត្ថកិច្ចនៅកន្លែងកើតហេតុបានឲ្យដឹងថាករណីនេះរថយន្តយីឌុប បើកពីទិសខាងលិចមកកើត។ ចំណែកជនរងគ្រោះជិះម៉ូតូម៉ាកសង់សេរី២០០២ មិនមានស្លាកលេខ បើកពីទិសខាងកើតមកលិច។ ទោះយ៉ាងណាសមត្ថកិច្ចនៅមិនទាន់បញ្ជាក់លម្អិតចំពោះហេតុការណ៍គ្រោះចរាចណ៍នេះ។ សូមបញ្ជាក់ជនរងគ្រោះ មិនទាន់ត្រូវបានស្គាល់ឈ្មោះនៅឡើយទេ៕SRP