ខេត្តកំពង់ធំ

ខេត្តកំពង់ធំ៖យុវជនម្នាក់បានលួចចូលគាស់ផ្ទះអាជីវករ ត្រូវម្ចាស់ ផ្ទះប្ដឹងឲ្យសមត្ថកិច្ចឃាត់ខ្លួនក្រោយធ្វើសកម្មភាព។
ហេតុការណ៍នេះបានឡើងនៅយប់ថ្ងៃទី១៤ខែតុលាឆ្នាំ២០២០វេលាម៉ោងប្រហែល១២,០០នាទីនៅភូមិខោស ឃុំទំរីង ស្រុកសណ្តាន់។

ជនសង្ស័យមានឈ្មោះ កែ កុល អាយុ២១ឆ្នាំ មុខរបរមិនពិតប្រាកដ។ ចំណែកម្ចាស់ផ្ទះឈ្មោះអូក ណារ៉េត ភេទ ប្រុសអាយុ៣៨ឆ្នាំមុខរបរអាជីវករ នៅភូមិឃុំខាងលើ។ សមត្ថកិច្ចបានឲ្យដឹងថាជនសង្ស័យ ត្រូវបាននគរបាលស្រុកសណ្តាន់ កសាងសំណុំរឿងតាមនិតិវិធិ៕SRPអ៊ុងសំអាត

ខេត្តកំពង់ធំ៖សមត្ថកិច្ចចម្រុះស្រុកបារាយណ៍នៅព្រឹកថ្ងៃទី០៣ខែតុលាឆ្នាំ២០២០នេះបានបង្ក្រាបរ៉ឺម៉កដឹកឈើមួយគ្រឿង។ ការបង្ក្រាបធ្វើឡើងនៅចំណុចភូមិត្រពាំងស្វាយ ឃុំបល្ល័ងស្រុកបារាយណ៍។ សមត្ថកិច្ចបានឲ្យដឹងថាហេតុការណ៍នេះបានដកហូតឈើទាល មុខកាត់ 5×15×6 ម៉ែត្រ ចំនួន 57សន្លឹកស្មើជាង២ម៉ែត្រគូប។ វត្ថុតាងបាន ប្រគល់ឲជំនាញរដ្ឋបាលព្រៃឈើកំពង់ថ្មអនុវត្តតាមផ្លូវច្បាប់៕SRP

ខេត្តកំពង់ធំ៖សកម្មភាពដឹកជញ្ជូនឈើចេញពីទឹកដីខេត្តព្រះវិហារ តាមផ្លូវជាតិលេខ៦២មកកំពង់ធំបានកើតមានយ៉ាងអនាធិបតេយ្យបំផុតប៉ុន្តែអាជ្ញាធរខេត្តព្រះវិហារនិងជំនាញពាក់ព័ន្ធមិនមានឆន្ទះក្នុងការបង្ក្រាបឡើយ។ ប្រការដែលអាជ្ញាធរខេត្តព្រះវិហារនិងជំនាញពាក់ព័ន្ធមិនទប់ស្កាត់បង្ក្រាបបែបនេះត្រូវបានគេសង្ស័យថាបានគប់គិតគ្នាជាប្រព័ន្ធ។

ជាក់ស្ដែងនៅទី២ ខែតុលាឆ្នាំ ២០២០ នៅលើកំណាត់ផ្លូវជាតិលេខ៦២ មន្ត្រីជំនាញខេត្តកំពង់ធំបានបង្ក្រាបរថយន្តស៊ាំយ៉ុងដឹកឈើល្មើសច្បាប់មួយគ្រឿងដែលឈ្មួញបានដឹកចេញពីទឹកដីខេត្តព្រះវិហារ នៅចំណុចភូមិឥន្ទខ្មា ឃុំត្រពាំងឬស្សី ស្រុកកំពង់ស្វាយ ខេត្តកំពង់ធំ។ រថយន្តដែលមន្ត្រីខេត្តកំពង់ធំបង្ក្រាបពណ៌ស ពាក់ស្លាកលេខ ភ្នំពេញ2F-8643 ដឹកឈើលេខ១ ប្រភេទឈើឈ្លិក សរុបចំនួន (៣.៣៣០)ស្មើរនិង៣គីប៣ផ្លាន។
សូមបញ្ជាក់ថាការដឹកជញ្ជូនឈើដោយខុសច្បាប់ចេញពីទឹកដីខេត្តព្រះវិហារចូលខេត្តកំពង់ធំបានកើតមានយ៉ាងគគ្រឹកគគ្រេង ប៉ុន្តែអាជ្ញាធរជំនាញមិនបង្ក្រាបឡើយ។ ឈ្មួញឈើដ៏ធំដែលបានធ្វើសកម្មភាពដឹកឈើចេញពីខេត្តព្រះវិហារ គឺឈ្មោះធី៕SRP

ខេត្តកំពង់ធំ៖សេចក្ដីរាយការណ៍បានឲ្យដឹងថាស្ត្រីជាប្រពន្ធបានស្លាប់ភ្លាមៗចំណែកប្ដីបានរងរបួសធ្ងន់ ដោយសារដើមឈើរលំសង្កត់ខណ:ចេញពីចំការត្រឡប់មកផ្ទះវិញ។

ហេតុការណ៍បានកើតឡើនៅវេលាម៉ោង៤នឹង៣០នាទីថ្ងៃទី២៥ខែកញ្ញា២០២០ត្រង់ចំណុចព្រៃអង្គតែនស្ថិតក្នុងភូមិកំពប់អំបិល ឃុំបឹងល្វា ស្រុកសន្ទុក ខេត្តកំពង់។ស្ត្រីរងគ្រោះជាប្រពន្ធមានឈ្មោះ ធី ផាន អាយុ៣២ឆ្នាំនឹងប្ដីឈ្មោះ ជា ចាន់ អាយុ៣៥ឆ្នាំមានទីលំនៅភូមិក្រយា ឃុំក្រយា ស្រុកសន្ទុក ខេត្តកំពង់ធំ។
តាមប្រភពថាប្តីប្រពន្ធខាងលើបានធ្វើដំណើរដោយគោយន្តកន្ត្រៃចេញពីចំការត្រឡប់មកផ្ទះវិញដោយមានដឹកអុសផង លុះមកដល់ចំណុចខាងលើ
ក៏ជួបហេតុការណ៍តែម្ដង៕SRP

ខេត្តកំពង់ធំ៖យ៉ាងហោចណាស់មនុស្សពីរនាក់បានស្លាប់និងម្នាក់ទៀតរងរបួសដោយសារគ្រោះថ្នាក់ចរាចរណ៍ វាងគោយន្តកន្ត្រៃ និងម៉ូតូ។

ហេតុការណ៍បានកើតឡើងនៅវេលាម៉ោង១៨ និង៥៥នាទី ថ្ងៃទី ២២ ខែ កញ្ញា ឆ្នាំ២០២០ ត្រង់ចន្លោះគីឡូម៉ែត្រ ២០៨-២០៩ ស្ថិតនៅភូមិ នាងនយ ឃុំចំណាក្រោម ស្រុកស្ទោង ខេត្តកំពង់ធំ។

យោងតាមរបាយការណ៍សមត្ថកិច្ចបានឲ្យដឹងថា

១.ម៉ូតូម៉ាកវ៉េវ ពណ៌ខ្មៅ គ្មានស្លាកលេខ បើកបរដោយឈ្មោះ ឡាង ឡែន ភេទ ប្រុស អាយុ២៩ ឆ្នាំទីលំនៅភូមិព្រះនង្គល័ ឃុំ ចំណាក្រោម ស្រុកស្ទោង ខេត្តកំពង់ធំ ស្លាប់នៅ កន្លែងកើតហេតុ មិនពាក់មួកសុវត្ថិភាព ។

២.អ្នករួមដំណើរឈ្មោះ ឡំ ភេទ ប្រុស អាយុ ២៥ ឆ្នាំទីលំនៅភូមិព្រះនង្គ័ល ឃុំចំណាក្រោម ស្រុកស្ទោង ខេត្តកំពង់ធំ (របួសធ្ងន់) មិនពាក់មួកសុវត្ថិភាព។

៣. អ្នករួមដំណើរ ដា ភេទ ប្រុស អាយុ ៣២ទីលំនៅភូមិក្រសាំង ឃុំសាន់គរ ស្រុកកំពង់ស្វាយ ខេត្តកំពង់ធំ
(ស្លាប់នៅកន្លែងកើតហេតុ) មិនពាក់មួកសុវត្ថិភាព។

ចំណែកអ្នកបើកបរគោយន្តកន្ត្រៃ ដឹកធ្យូង ឈ្មោះ សេក ស៊ីម  ភេទ ប្រុស អាយុ៤៣ ឆ្នាំនៅភូមិ ពពេច ឃុំចុងដូង ស្រុកបារាយណ៍ខេត្តកំពង់ធំ (នាំខ្លួនទៅអធិការដ្ឋាននគរបាលស្រុកស្ទោង ដើម្បីបំពេញនីតិវិធី។
បើតាមជំនាញបានបញ្ជាក់មូលហេតុ គឺបណ្តាលមកពីអ្នកបើកបរគោយន្តកន្ត្រៃដឹកធ្យូង ពីក្រោយបាំងភ្លើង គេមើលមិនឃើញ គួបផ្សំអ្នកបើកបរម៉ូតូ បើកបរមានល្បឿនលឿនខ្ជីខ្ជារខ្វះការប្រុងប្រយ័ត្ន។ ជនរងគ្រោះរបួសធ្ងន់បានបញ្ជូនទៅសង្គ្រោះនៅមន្ទីពេទ្យបង្អែកស្រុកស្ទោង។ វត្ថុតាងគោយន្ត និងម៉ូតូទាំងពីរបានយកមករក្សាទុកនៅអធិការដ្ឋាននគរបាលស្រុកស្ទោងដើម្បីរង់ចាំការដោះស្រាយ៕SRP