ថៅកែលក់គ្រឿងសំណង់ មួយកន្លែងត្រូវបានចោរចូលប្លន់និងចាក់សម្លាប់បណ្ដាលអត់ស្លាប់ក្នុងថ្លុកឈាម។
ហេតុការណ៍បានកើតឡើង នៅ ដេប៉ូលក់គ្រឿងសំណង់ យីហោ ថា ស៊ី នាថ ស្ថិតក្នុងភូមិគោករំដួលសង្កាត់សំរោង ក្រុងសំរោង ខេត្តឧត្តរមានជ័យ នៅថ្ងៃទី២៥ ខែឧសភា ឆ្នាំ២០២៤ វេលាម៉ោង៤ទៀបភ្លឺ។ ម្ចាស់ដេប៉ូលក់គ្រឿងសំណង់មានឈ្មោះ សួស សត្ថា អាយុ៥៥ឆ្នាំ។
យោងតាម កម្មករឈ្មោះផុង អាយុ ២៣ឆ្នាំដែលស្នាក់នៅក្នុងដេប៉ូបានប្រាប់សមត្ថកិច្ចថា ជារៀងរាល់យប់ រូបគេបានស្នាក់នៅក្នុងដេប៉ូថៅកែរបស់គាត់ ប៉ុន្តែថៅកែ របស់ស្នាក់នៅក្នុងបន្ទប់ផ្ទាល់ខ្លួន របស់គាត់ដាច់ដោយឡែកពីគ្នាចម្ងាយប្រហែល៣០ទៅ៤០ម៉ែត្រ។
កម្មករបានបន្តថា នៅព្រឹកថ្ងៃទី ២៥ ខែឧសភាឆ្នាំ ២០២៤ វេលាម៉ោង៧ព្រឹក ដោយឃើញមានឡានម៉ូយដឹកខ្សាច់ យកមកទម្លាក់ក្នុងដេប៉ូ ថៅកែរបស់គាត់តែងតែចេញមកជួបម៉ូយដឹកខ្សាច់របស់គាត់ ក៏ប៉ុន្តែនៅព្រឹកនេះ មិនឃើញថៅកែចេញមកជួប ទើបធ្វើឱ្យគាត់មានការងឿងឆ្ងល់។ ក្រោយមកគាត់ក៏បានចុចទូរស័ព្ទទៅថៅកែ តែចុចមិនចូលដោយឃើញនៅមុខបន្ទប់របស់ថៅកែ នៅមានស្បែកជើងគាត់ក៏បានស្រែកហៅពីខាងក្រៅបន្ទប់ តែពុំមានសំឡេងឆ្លើយ រូបគាត់ក៏បានសម្រេចចិត្ត បើកទ្វារបន្ទប់ ក៏ឃើញថៅកែ ដេកស្លាប់ផ្កាប់មុខ ដោយមានឈាមពាសពេញកំរាលពូកធ្វើឱ្យគាត់ស្រែកឆោឡោឡើង រួចក៏បានទូរស័ព្ទទៅកូនប្រុសរបស់ថៅកែឲ្យមកមើល។ កូនប្រុសរបស់គាត់ដែលស្នាក់នៅភូមិផ្សេងគ្នា ក៏បានមកដល់ហើយក៏បានចាប់ផ្ងារខ្លួនឪពុកឡើង ទើបដឹងថាឪពុករបស់ខ្លួនត្រូវចោរប្លន់ចាក់សម្លាប់ នៅក្នុងបន្ទប់មិនដឹងតាំងពីពេលណាមក។
សូមបញ្ជាក់ផងដែរថា ក្រោយពីសមត្ថកិច្ចធ្វើសកលវិច័យត្រួតពិនិត្យសាកសព និងទីតាំងជុំវិញកន្លែងកើតហេតុអស់រយៈពេលជាច្រើនម៉ោងមកទើបកំណត់បានថា ជាករណីប្លន់យកទ្រព្យសម្បត្តិ រួចចាក់សម្លាប់ហើយក៏គេចខ្លួនបាត់តែម្ដង។
តាមការលើកឡើងរបស់សមត្ថកិច្ចបានបញ្ជាក់ប្រាប់ថា នៅចន្លោះម៉ោង ៤ ទៅម៉ោង ៤និង៣៧នាទី ទៀបភ្លឺ ថ្ងៃទី ២៥ ខែឧសភាឆ្នាំ ២០២៤ ឃាតករបានធ្វើការគាស់ទ្វារកញ្ចក់បន្ទប់ខាងមុខការិយាល័យ រួចក៏ឆ្លងតាមបង្អួចចូលទៅក្នុងបន្ទប់ដេករបស់ជនរងគ្រោះ ហើយក៏ធ្វើការចាក់ទៅលើ ជនរងគ្រោះ ដោយអាវុធដែកមុតស្រួចចំណុច ត្រង់ក.និងចុងដង្ហើមខាងមុខចំនួនពីរកាំបិត និងចាក់ខាងក្រោយកញ្ចឹងកចំនួនពីរកាំបិត សរុបទាំងអស់ចំនួន ០៤កាំបិត ហើយក៏បានប្រមូលយកវត្ថុមានតម្លៃរួមមាន៖
១,ខ្សែកមាសទម្ងន់ ៥ ដំឡឹង៥ជីមួយខ្សែ
២.ចិញ្ចៀនមាសទម្ងន់០១ដំឡឹង ៥ជីមួយវង់
៣,ទូរស័ព្ទ iphone ១២.មួយគ្រឿងនិងទូរស័ព្ទអិនចុចពិលមួយគ្រឿងនិងលុយក្នុងកាបូបមួយចំនួន ហើយបើករថយន្តរបស់ជនរងគ្រោះ ម៉ាក់ តូយូតា.CROSS. ពណ៌សពាក់ស្លាកលេខឧត្តរមានជ័យ.2C-1112. យកមកចតចោលនៅចំណុចភូមិឈូក ម្ដុំភោជនីយដ្ឋានសាច់អាំងទឹកកាពិ ស្ថិតក្នុងក្រុងសំរោង ខេត្តឧត្តរមានជ័យ។
សមត្ថកិច្ចធ្វើការត្រួតពិនិត្យរួចរាល់ ក៏បានប្រគល់សាកសព ទៅឲ្យសាច់ញាតិក្រុមគ្រួសារយកទៅធ្វើបុណ្យតាមប្រពៃណី និងកំពុងស្រាវជ្រាវវែកមុខឃាតករដៃដល់ ដើម្បីតាមចាប់ខ្លួនយកមកផ្ដន្ទាទោសតាមផ្លូវច្បាប់៕SRP
