ខេត្តរតនគិរី

ក្រុមមន្ត្រីបម្រើការងារនៅមន្ទីរផែនការខេត្តរតនគិរី បាននាំគ្នាសម្រេចប្ដឹង លោក ខេង វុទ្ធី ប្រធានមន្ទីរផែនការខេត្តរតនគិរី ទៅសម្តេចនាយករដ្ឋមន្ត្រី ហ៊ុន សែន ពាក់ព័ន្ធការប្រព្រឹត្តអំពើពុករលួយ ក្នុងអង្គភាពតាំងពីពេលធ្វើជាប្រធានរហូតមកដល់បច្ចុប្បន្ន។

អំពើពុករលួយរបស់ប្រធានមន្ទីរផែនការខេត្តរតនគិរី នៅក្នុងអង្គភាព តាំងពីឡើងជាប្រធានមករហូតដល់ពេលបច្ចុប្បន្នដែលមានដូចខាងក្រោម៖

ខេត្តរតនគិរី៖មានការលើកឡើងថានៅក្នុងទឹកដីខេត្តរតនគិរី សកម្មភាពដឹកជញ្ជូនឈើប្រណីត យកទៅលក់នៅប្រទេសវៀតណាមបានកើតមានយ៉ាងពេញបន្ទុក ប៉ុន្តែករណីនេះមិនត្រូវបានអាជ្ញាធរសមត្ថកិច្ចជំនាញពាក់ព័ន្ធធ្វើការទប់ស្កាត់បង្ក្រាបនោះទេ។ ប្រការដែលអាជ្ញាធរសមត្ថកិច្ចជំនាញពាក់ព័ន្ធមិនមានឆន្ទៈក្នុងការបង្ក្រាបបែបនេះ ត្រូវបានគេសង្ស័យថាទទួលបានផលប្រយោជន៍ពីឈ្មួញឈើ ឈ្មោះមករា តាមរបៀបពុករលួយ។

យោងតាមសេចក្ដីរាយការណ៍ពីខេត្តរតនគិរីបានដឹងថា ឈ្មោះឈើដ៏ធំប្រចាំខេត្តរតនគិរី ឈឈ្មោះលោកមករា បានប៉ាវផ្តាច់ក្នុងការដឹកជញ្ជូនឈើ ចេញពីខេត្តរតនគិរីទាំងយប់ទាំងថ្ងៃ យកទៅលក់នៅប្រទេសវៀតណាម តាមច្រកអូយ៉ាដាវ​ ដោយមានការគប់គិត
ពីសំណាក់ប្រធានច្រកនិងសមត្ថកិច្ចជំនាញពាក់ព័ន្ធប្រចាំការនៅទីនោះផងដែរ។

សេចក្ដីរាយការណ៍បានបន្តថា ឈ្មោះឈើមករា បានគប់គិតគ្នាជាមួយអាជ្ញាធរខេត្តជំនាញពាក់ព័ន្ធទាំងអស់ក្នុងខេត្ត ដើម្បីរូបគេរកស៊ីដឹកជញ្ជូនឈើឆ្លងដែនទៅប្រទេសវៀតណាម បានដោយរលូន។ ទោះបីសកម្មភាពដឹកជញ្ជូនឈើរបស់ឈ្មោះមករាធ្វើសកម្មភាពទាំងយប់ ទាំងថ្ងៃយ៉ាងគគ្រឹកគគ្រេងយ៉ាងនេះក្ដី ក៏អភិបាលខេត្តរតនគិរីមិនមានឆន្ទៈក្នុងការទប់ស្កាត់បង្រ្កាបឡើយ ពោលអភិបាលខេត្តរូបនេះរក្សាភាពស្ងប់ស្ងាត់ បណ្ដែតបណ្ដោយឱ្យមានសកម្មភាពដឹកជញ្ជូនឈើយ៉ាងអនាធិបតេយ្យបំផុត។

ពាក់ព័ន្ធនឹងការដឹកជញ្ជូនឈើ របស់មករាចេញទៅប្រទេសវៀតណាម ច្រកទ្វារអូរយ៉ាដាវ នេះ អង្គភាពសារព័ត៌មានសៀមរាបប៉ុស្ដិ៍ នៅពុំទាន់ទទួលបានការបំភ្លឺពីអាជ្ញាធរជំនាញពាក់ព័ន្ធនៅឡើយទេ៕SRP

ខេត្តរតនគិរី៖បុរសម្នាក់ត្រូវបាននគរបាលស្រុកកូនមុំ ឃាត់ខ្លួនករណីជួញដូរនិងប្រើប្រាស់ដោយខុសច្បាប់នូវសារធាតុញៀន។

ការឃាត់ខ្លួនធ្វើឡើងនៅថ្ងៃទី ១៨ ខែកុម្ភ: ឆ្នាំ២០២២ វេលាម៉ោង ២១និង១៥ នាទីស្ថិតនៅភូមិ១ ឃុំត្រពាំងច្រេស ស្រុកកូនមុំខេត្តរតនគិរី។

នគរបាលស្រុកកូនមុំ បានឲ្យដឹងថាជនសង្ស័យឈ្មោះ សាត សុខនៅ អាយុ២២ឆ្នាំ មុខរបរកសិករ ទីលំនៅបច្ចុប្បន្នភូមិ១ ឃុំត្រពាំងច្រេស ស្រុកកូនមុំ ខេត្តរតនគិរី។ ករណីនេះសមត្ថកិច្ចបានដកហូតវត្ថុតាងរួមមាន៖ ១មេតំហ្វេតាមីនអាយ ៤ថង់ ទម្ងន់ ១.០៦ក្រោម ២.ប្រាក់រៀលចំនួន ៦១០០០ រៀល ៣.ទូរស័ព្ទ១គ្រឿង ៤. អត្តសញ្ញាណប័ណ្ណសញ្ជាតិខ្មែរ១សន្លឹក ៥. ឧបករណ៍សេពគ្រឿងញៀនមួយចំនួនផងដែរ។

បច្ចុប្បន្ននគរបាលកសាងសំណុំរឿងបញ្ជូនទៅអយ្យការអមសាលាដំបូងខេត្តចាត់ការតាមនីតិវិធីច្បាប់៕SRP

ខេត្តរតនគិរី៖ឧបនាយករដ្ឋមន្ដ្រី រដ្ឋមន្ដ្រីក្រសួងមហាផ្ទៃ សម្ដេចក្រឡាហោម ស ខេង បានប្រាប់ដល់អាជ្ញាធររាជធានី-ខេត្ត ទាំងអស់ត្រូវបម្រើប្រជាពលរដ្ឋ ឲ្យបានល្អបំផុត ក្នុងការប្រកបរបរអាជីវកម្ម របស់ពួកគាត់ ដោយធានាឲ្យបាននូវសេចក្តីសុខ និងគ្មានការភ័យខ្លាច ព្រមទាំង ដោះស្រាយបញ្ហាជូនពួកគាត់ភ្លាមៗ បើសិនជួបបញ្ហាអ្វីមួយ។

សម្ដេចស ខេង ក៏បានណែនាំបន្តដល់អាជ្ញាធរទាំងអស់ ត្រូវពង្រឹងបញ្ហាសន្ដិសុខសណ្ដាប់ធ្នាប់ សាធារណៈ ដោយសម្តេចបានសង្ងត់ធ្ងន់ថា នេះគឺជាកិច្ចការយ៉ាងសំខាន់ចំពោះការអនុវត្តគោនយោបាយ ភូមិ-ឃុំ មានសុត្ថិភាព ដោយសារ សមស្របទៅនឹងស្ថានភាពជាក់ស្ដែង។

សម្ដេចមានប្រសាសន៍ថា «ការថែរក្សា និងការពង្រឹងសន្ដិភាព និងស្ថេរភាពនយោបាយ គឺបម្រើការបោះឆ្នោត ហើយបម្រើជីវិភាពរស់នៅប្រចាំថ្ងៃរបស់ប្រជាពលរដ្ឋ និងសង្គមកម្ពុជាយើង។ ចឹងទេ បញ្ហានេះ យើងមិនអាចបន្ធូរដៃ ហើយគេហៅថា សន្ដិភាពនិយម ស្ពឹកស្រពន់ មិនទទួលខុសត្រូវ ឬមិនដោះស្រាយទេ។ ចាំបាច់ត្រូវធ្វើយ៉ាងម៉េច? ដើម្បីប្រជាពលរដ្ឋ ឱ្យពួកគាត់រស់នៅប្រកបអាជីវកម្ម ដោយគ្មានការភ័យខ្លាច»។
សម្ដេចបានគូសបញ្ជាក់បន្ដទៀតថា រដ្ឋបាលរាជធានី-ខេត្ត ឬ ស្រុក-ក្រុង គឺជាតួអង្គដ៏មានសារសំខាន់ ក្នុងការគ្រប់គ្រងសន្ដិសុខនៅក្នុងតំបន់ ឬក៏ក្នុងដែនសមត្ថកិច្ចរបស់ខ្លួន ដែលបានគ្រប់គ្រង ធ្វើយ៉ាងណាឱ្យប្រជាពលរដ្ឋរស់នៅមានសេចក្ដីសុខ និងរីកចម្រើន។

សម្ដេច ស ខេង មានប្រសាសន៍បែបនេះ ក្នុងឱកាសអញ្ជើញជាអធិបតីដ៏ខ្ពស់ខ្ពស់ ក្នុងពិធីប្រកាសចូលកាន់មុខតំណែង អភិបាលអភិបាលខេត្តរតនគិរី ថ្មី នាថ្ងៃទី១២ ខែតុលា ម្សិលមិញ នៅសាលាខេត្តរតនគិរី៕SRP

ខេត្តរតនគិរី៖សម្ដេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ បានណែនាំឱ្យខិតខំថែរក្សា និងការពារព្រៃឈើ ព្រមទាំងធនធានធម្មជាតិផ្សេងៗទៀតដែលមានក្នុងខេត្តឱ្យបានល្អ។

សម្ដេចស ខេង ក៏បានណែនាំអភិបាលខេត្តថ្មី រួមទាំងថ្នាក់ដឹកនាំមន្រ្តីរាជការស៊ីវិល និងកងកម្លាំង ពិសេសកម្លាំងការពារព្រំដែន សូមការពារឱ្យបានដាច់ខាតនូវបូរណភាពទឹកដី និងអធិបតេយ្យភាពជាតិ ពង្រឹងកិច្ចសហប្រតិបត្តិការជាមួយខេត្តជាប់ព្រំដែនដើម្បីជំរុញការអភិវឌ្ឍព្រំដែនឱ្យទៅជាព្រំដែនមានទាំងសន្តិភាព និងរីកចំរើនលើវិស័យសេដ្ឋកិច្ច និងពាណិជ្ជកម្ម ព្រមទាំងខិតខំពង្រឹងកិច្ចសហប្រតិបត្តិការទប់ស្កាត់បទល្មើសឆ្លងដែនគ្រប់ប្រភេទ។

សម្ដេចសខេងមានប្រសាសន៍នៅ ថ្ងៃអង្គារ៍ ទី១២ ខែតុលា ឆ្នាំ២០២១នេះ ក្នុងពិធីប្រកាសចូលកាន់មុខតំណែងអភិបាលខេត្តរតនគិរី។

សម្ដេចបានផ្ដល់អនុសាសន៍ណែនាំឱ្យរដ្ឋបាលខេត្តរតនគិរី បន្តខិតខំថែរក្សាការពារសុខសន្តិភាព និងសណ្ដាប់ធ្នាប់ ដែលជាគន្លឹះនៃធានាការអភិវឌ្ឍសេដ្ឋកិច្ច សង្គមផងដែរ។

សម្ដេចស ខេង ក៏បានផ្ដល់ទស្សនៈឱ្យថ្នាក់ដឹកនាំ និងមន្ត្រីចំណុះរដ្ឋបាលខេត្តទាំងអស់ ខិតខំប្រមូល និងដោះស្រាយបញ្ហាប្រជាពលរដ្ឋឱ្យបានល្អ បើកចិត្តឱ្យបានទូលាយដើម្បីទទួលយកមតិរិះគន់កែលម្អរ និងសំណូមពរនានាពីប្រជាពលរដ្ឋ និងពីមជ្ឈដ្ឋាននានា។ ជាមួយគ្នានេះ សម្ដេចបានណែនាំឱ្យយកចិត្តទុកដាក់ផ្ដល់ភាពកក់ក្ដៅជូនប្រជាពលរដ្ឋឱ្យបានល្អ ផ្ដល់សេវាសាធារណៈដោយគ្មានការរើសអើង និងប្រកាន់និន្នាការនយោបាយ។

សូមជម្រាបថាព្រះបាទសម្ដេចព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា បានត្រាស់បង្គាប់តែងតាំងលោក ញ៉ែម សំអឿន ជាអភិបាលខេត្តរតនគិរី ជំនួសលោក ថង សាវុន ដែលត្រូវបានត្រាស់បង្គាប់តែងតាំងជាអភិបាលខេត្តមណ្ឌលគិរី៕SRP